شكرا يا دكتور أحمد . وأخيرا يا أخي غيرت ال User name بتاعك . أيوة كده احسن .
شكرا يا دكتور أحمد . وأخيرا يا أخي غيرت ال User name بتاعك . أيوة كده احسن .
ايه رايك؟
انا قلت اظهر باسمي الحقيقي احسن فعملت اشتراك جديد بدل a7mad88
لازم نشد حيلنا ونقدم للمنتدى كل اللي يطلبوه مننا
كلك خير وبركة يا باشا . عاوزين نشوف انجازات مش كلام . وربنا يوفقك ويوفقنا .
يا جماعة مفيش حاجة أسمها صيدلة اكلينيكية هي المكافأة لأوربا
الفائدة الوحيدة لصيدلة أكلينية انك بتاخد جزء بشري
مع انك تشوف عملي
ياعني لك حق انك تمسك السماعة وتكشف بس لكن زيك زي غيرك ونصيحة أخوية بلاش تنفصلوا عن صيدلة وتاخدوا جروب لوحدكوا أنتوا اللي هتخسروا وكده كده لو عايز تطلع اوربا برده هتعمل معادلة أنا د/عمرو رابعة
منورنا يا دكتور عمرو,
ربنا يعينك إن شاء الله وكل دفعتك السنة دى إن شاء الله,
لكن أنا لاحظت إنك مش فاهم النظام صح,
لأن الدكتور الصيدلى لا يحق له إنه يمسك السماعة ويكشف,
تحياتى;
تحياتي ليك يا دكتور عمرو وان شاء الله نحضر حفلة تخرجك ونفرح بيك
بس انا مستغرب من حاجه عجيبه اوى
انا اعرف ناس في امريكا لما بينتقلو من ولايه لولايه تانيه يشتغلو فيها لازم يعملو معادله!!
يعني موضوع المعادله دا شيء طبيعي جدا لاي حد بينتقل من مكان اللي اخد منو شهادتو عشان يشتغل في مكان تاني
فالمعادله دي حاجه طبيعيه
لكن متهيألي الصعب ان الواحد لسه حياخد اكلينكال باه من اول وجديد في البلد دي او غيرو وييجي بعدها باه يشتغل في مكان تاني ويعادلها بردو....!
متفتكروش يا جماعه ان موضوع المعادله دي حاجه صعبه او متعبه يعني او نكره
دا شيء طبيعي
اخويا متخرج من جامعة الكويت عشان يخش الجيش هنا في بلدو بيعمل معادله!!!
عادي يعني....
ياريت الرؤيه تكون وضحت...
أهلا يا جماعة يا sowtrig معلومة بسيطة . هو انا قولتلك انك لك الحق تكشف بالسماعة أقرى الموضوع كويس . لكن بقولك أنك بإكلينيكل لك الحق في التشخيص اللي يندرج تحته السماعة وبس وزي ما احمد قال غصب عنك وعن أي حد في اي دولة عربية هياخد معادلة عرفت الفرق بينك وبينا ايه (السماعة) وعلى فكرة دلوقتي مبقتش مرتبطة باكلينيكيل تاني. وانا قريت في الموضوع ده برضة ان المفروض ان يطبق النظام الحديث. مفهوم النظام الحديث بالظبط زي ما انتوا فاهمين لكن هو فعلا اتطبق فيكوا وهو انكم تنظموا طريقة دراستكم مع الدراسة الاكلينيل وهي اللي بتدريك الشرعية في حياتك كصيدلي وعلى فكرةأكلينكل موجوده من أكتر من 20 سنة بس احنا اللي متأخرين. ونصيحة بجد محدش يبعد عن الجروب اللي موجود وتحت أمركوا في اي حاجة ودعواتكم احنا خلاص عفنا هنا؟ وعلى فكرة يا أحمد المعادلة مش انك تاخد اكلينيكل من أول وجديد المعادلة أنه هيعملك حاجة زي مراجعة بس على منهجهم مع امتحان يوكد أنك تجاوزت المرحلة دي بس مش أكتر؟ اوكي
See u soon
يعني يا دكتور عمرو أنت عاوز تفهمنا أن الصيدلة الأكلينيكية الي هيتم تدريسها هنا في مصر ( اللايحة موحدة في جميع كليات الصيدلة في مصر للنظام ده ) مكافأة بس للنظام الي في أوروبا طيب يا ريت تكون كده بس . وياريت يا دكتور عمرو لو عندك لايحة بالكورسات الي هنخدها في السنين الي جاية ابعتهلنا عشان توضحلنا وجهة نظرك أكتر . وزي ما قال الدكتور عامر الصيدلي الأكلينيكي مبيمسكش سماعة ( كلام حضرتك أنا فهمته زي عامر تماما ) هو بيبقى دارس Diagnoses يأهله انه يفهم تشخيص الدكتور وبناءا عليه مبيتكتبش للصيدلي الأكلينيكي روشته فيها الدواء . انما بيتكتب فيها التشخيص وبيكون القرار النهائي للصيدلي الأكلينيكي في اعطاء هذا الدواء أو ذاك . طبعا أنا مقلتش ان الكلام ده بيحصل في مصر . لكن أنا واثق أن محدش دخل النظام ده على أساس انه له مستقبل في مصر أو ملهوش . وبالنسبة لموضوع المعادلة يا دكتور عمرو ده لسه بدري عليه وطبعا ده شيء طبيعي انه يحصل بس كفاية انك تبقى متخرج عارف يعني ايه صيدلة أكلينيكية مش لسه هتقعد تتعرف عليها . ومتهيألي الدكتور احمد وضح النقطة دية أكتر .
وشكرا على مرورك يا دكتور عمرو ومتبقاش تحرمنا من طلتك البهية دية علينا .وياريت لوتنضم معانا في الجروب بتعنا احنا مقلناش لحد متدخلش الجروب معانا بدليل انك دخلت وانضميت لينا بمشاركتك . والسلام ختام .
وادعيلنا كده بالتوفيق .
السلام عليكم ورحمة الله و بركاته ...ز
على السريع ما هي الاجراءات اللازم اتخاذاه للانضمام الى الجروب؟؟؟
تاني حاجة في جروبنا ده هنعمل ايه ؟؟
زميلتكم : ولاء
ههههههههه . يا دكتورة ولاء مفيش اجراءات ولا حاجة احنا كلنا طلبة كلية صيدلة وكلنا بنستفيد من بعض والمنتدى ده للكل محدش قال ان معنى كلمة جروب اننا انعزلنا . انا زي ما تقولي كده قلت ا عمل مكان نكتب فيه الي مضيقنا ونستفيد من خبرات واراء زميلنا الي أكبر مننا في موضوع الصيدلة الأكلينيكية مش أكتر . والانضمام للجروب بيكون بالمشاركة الطيبة والي تفيدنا كلنا . وشكرا