السلام عليكم ورحمة الله وبركاتهياريت كلنا نشارك
طب هنشارك في ايه؟
هنجمع تبرعات على مستوى الكليه كلها
طب التبرعات دي لايه ولمين؟
التبرعات دي لمرضى الاورام وخاصه فئة الشباب والكبار
الناس دي بجد منسيه خالص
احنا لما بنتعاطف بنتعاطف مع الاطفال ومعظم ان مكنش كل اللي بيتبرع بيتبرع ليهم
طب ده لو حصل ايه اللي مفروض يحصل؟
اللي هيحصل ان شاء الله هنحاول نجمع فلوس من كل الدفع عندنا في الكليه ولو جنيه من كل واحد فينا
ده لو حصل باذن الله هنجمع مبلغ كبير
مبلغ كبير!!!!!!!!!!!!
طب ايه اللي المفروض هتعملوه بالمبلغ ده؟
المبلغ ده ان شاء الله مش هنديه للمرضى ولا حاجه
احنا هنشتري بيه ادويه المفروض انها مش متوفره في معهد الاورام
المفروض اننا تقريبا من اول السنه بنات معانا في المدينه الجامعيه كانت بتجمع تبرعات
بصراحه انا كنت معاهم قلبا وقالبا بس كنت بتحرج اجمع خالص
بس لما قعدت مع نفسي لقيت اني لو جمعت تبرعات مش هتقلل من كرامتي ولا حاجه دا انا المفروض بطلب حق الناس دي
حق الناس اللي فعلا محتاجه ومش قادره تطلب
الصدقه اللي احنا بنصدقها دا رزق الناس دي
واحنا بنكون سبب من الاسباب مش اكتر
المهم ان لما كنا بنجمع مبلغ محترم بنجيب بيه ادويه
ودي قائمه باهم الادويه اللي ناقصه في المعهد واللي احنا كنا بنشتري معظمها
Lanvis tabو حاجات تانيه كتير زي شاش فازلين وسرنجات 20 سم و فلانشات و........
Cosmogen vial
Human albumin
Controloc vial
Deflucan vial infusion
Bivatricin spray
Fortam 1gm vial
Amikin 1gm vial
Unacyn 750 vial
Heparin amp
Gast reg amp
بالنسبه لاول دوائين هما عباره عن كيمو سيرابي ومعاهم الالبيومن دول بيكون شراهم حسب الحاجه وخاصه الالبيومين لانه بيحتاج تلاجه ودول بطريقه معينه احنا بنقدرنوصلهم
انا حبيت اعرض الفكره دي
معرفش هتقابل بالرفض ولا القبول
بس لو فيه ترحيب بالفكره انا عندي فكره صغيره ازاي اقدر انفذها
وربنا يقدرنا جميعا على فعل الخير
قال رسول الله
كل امرئ في ظل صدقته حتى يقضى بين الناسصدق رسول اللهمستنيه رايكم