يللا نشجع بعضنا على التدريب ونحاول نستفيد اكتر ..
السلام عليكم ورحمه الله وبركاته
اخوتى واخواتى طلاب الفرقه الثانيه ...يارب تكونوا كلكم كويسين ومستفيدين بالاجازه ومحققين فيها انجازات جميله ...
اكيد معظمنا بيتدرب فى الصيدليه وبنحاول نستفيد ... وانا باقترح اننا نشجع بعض على التدريب ده ..بمعنى ان كل واحد مننا يدخل كل يوم ويقلنا على اسم دواء واستخدامه وكل حاجه يعرفها عنه ..وده هيكون حسب الايام اللى بنتدرب فيها ...واكيد ده هيفيد ناس كتير مننا ...
ياريت الفكره تعجبكوا ...
فى رعايه الله
انا هبدا وهقولكم على بعض ادويه عرفتها ....
موتيليوم "شراب " :للحموضه.
sin up :دواء للاطفال للرشح .
بروفين :للسخنيه ونزلات البرد .
ميجافين ونوفالجين :خافض للحراره.
بروفين &سيتافين :خافض للحراره .
انا بصراحه منزلتش التدريب السنه دى ،مدير الصيدليه قال السنه الجايه احسن وهو عنده حق صراحه حتى اكون خدت ميكرو بيولوجى ولا ايه .......وعلى العمموم انا برضه هتابعكم سلام
طبعا يا دكتوره التدريب فى السنوات القادمه هيكون احسن عشان هندرس مديسنال وميكرو ...بس كلنا بنحاول نجتهد عشان نعرف حاجه مفيده ..ونتعلم ازاى نعطى حقن وازاى نقيس الضغط ...وبنتعلم حاجات فى صميم الشغل اكيد هتفدنا السنوات القادمه ... ويارب تستفيدى من الموضوع ...المشاركة الأصلية كتبت بواسطة Pharmcist_girl
انا بصراحه منزلتش التدريب السنه دى ،مدير الصيدليه قال السنه الجايه احسن وهو عنده حق صراحه حتى اكون خدت ميكرو بيولوجى ولا ايه .......وعلى العمموم انا برضه هتابعكم سلام
والله الفكره حلوه اوى يا نسومه
وكانت ف بالى سبحان الله
وان شاء الله الناس كلها تحبها
وان شاء الله هشارك معاكوا ف الموضوع ده
وهيبقى اجمل لو كل واحد دخل كتب اسم دوا ويقول استخدامه ويقول انه سيرب
او تابليت او كبسول وكده يعنى ولو حد يعرف له بديل ......
وجزاكم الله خير للفكره
شكرا على مشاركتك يا امانى ..الموضوع نور بيكى يا حبيبتى ...
ويارب يقدرنا كلنا ونقدم حاجه مفيده لنا واخواتنا فى المنتدى ...
الفكرة حلوة قوى يا نسمة ، ربنا يبارك فيكى وتقدمى لنا المفيد كده دايما ..
أنا بأيد أمانى فى رأيها وان شاء الله هحاول اشترك معاكم ..
بصوا أنا كنت حاولت اجمع مجموعه من الادوية لها نفس الاستخدام او بتحتوى على نفس المادة الفعالة ..
زى ما الدكتورة اللى بتدرب معاها قالت لى ..
اول حاجة بدات اجمع فيها هى الادويه اللى بتحتوى على كيتوبروفين ومنها :
كيتولجين 25 مج .. مسكن للالام ، خافض للحرارة ، ومضاد للروماتيزم
كيتوبريك 75 مج .. مسكن ومضاد للالتهابات
كيتوفان ( طبعا مشهور جدا ) ومنه :
كيتوفان 200 SR وده مسكن للالام وخافض للحرارة ومضاد للروماتيزم ومضاد للالتهابات
وده يعتبر قوى جداااااااااا ومسكن جامد
( يعنى جالنا واحد الصيدليه واللثة بتاعته كانت ملتهبه وبتوجعه جدا ومش بيعرف ياكل ،
واخد مضاد حيوى ومعملش حاجة ،
الدكتورة قالت له لو اخد حباية واحدة من الكيتوفان 200SR ده هيكون كويس ، وربنا الشافى ..
المهم نكمل ..
كيتوفان 100 (SR (B P وده برضه بيستخدم فى كله
كيتوفان Ketoprofen 25 Mg
الكوفان ketoprofen 25, 50, 100 mg
وكمان منه 2.5 gm
كيتوفان 50 B.P برضه بيستخدم فى كله
باى - الكوفان 150 mg
وده بيكون مسكن للصداع قوى جدا وطبعا اقوى من الكيتوفان العادى
دول اللى جمعتهم للكيتوبرفين ولو عرفت حاجة كمان هبقى اقول لكم ..
بس انا حاسه ان اكتر حاجة بستفيد منها لما ييجى حد يشتكى من حاجة والدكتورة هى اللى تعطى له العلاج
ده فعلا اللى بيثبت فى دماغى ، وخصوصا لو كان اسم الدوا اللى وصفته ده سهل ومتداول
لكن انى اقعد ابحث عن ادوية معينة واحفظ الاسماء دى بتبقى صعبه شوية وكمان بتتنسى بسرعه ،
لو حسيتوا انكم استفدتوا من كلامى ده ابقى اجيب لكم حاجات تانية ..
سلام
السلام عليكم
جزاكم الله خيرا يا دكتورة علي الفكرة ... و سبحان الله كان عندي فكرة مقاربة ليها الي حد ما
و ان شاء الله نشارك مع بعض و نشجع بعض علشان نستفيد أكتر من التدريب
و بإذن الله ... هبدأ لكم بالأدوية اللي عندنا في مستشفي الصدر ... كنوع من التخصص
و لو عرفت أضيف ليها حاجة من الصيدلية برة في نفس المجال ... يبقي أفضل ان شاء الله
و هنبدأ بإذن الله بأدوية الشراب ...
Syrups
SOOOOOOOOOOOON
شكرا يا كوين على المشاركه ...وبجد المعلومات دى جميله قووى ...
وشكرا يا دكتور انس على المشاركه وننتظر مشاركات حضرتك ...
ضوابط المشاركة
