النتائج 1 إلى 7 من 7

الموضوع: 000 سؤاااال 000

  1. #1
    Pharma Student
    تاريخ التسجيل
    Mar 2010
    الدولة
    mansoura
    المشاركات
    56

    افتراضي 000 سؤاااال 000

    معلش ياجماعة انا هسأل سؤال بره مواضيعنا خالص
    هو ايه الفرق بين دراستنا ودراسة كلينيكال
    وهل الدراسة دي اختيارية ولا حسب المجاميع ولا نظامها ايه بالظبط
    وايه مميزاتها
    انا بس عاوزة اخد فكرة عنها

    ياريت الناس اللي فيها او اللي عندهم خلفية يدوني فكرة كاملة عنها

    وعندي طلب انو يبقي فيه موضوع مثبت للي عاوز يسأل اي سؤال ف اي مجال واللي عنده اجابة يكتبها

    وشكراااااا مقدمااااااا علي اي رد

  2. #2
    Pb Elite
    تاريخ التسجيل
    Oct 2009
    المشاركات
    6,117

    افتراضي

    هو ايه الفرق بين دراستنا ودراسة كلينيكال
    الحقيقه ....الموضوع ده شغل كتير من الطلاب قبل دخول الكليه

    هل نقدم صيدله عادي.....ولا صيدله كلينيكال

    باختصار شديد......

    الصيدلي الاكلينيكي هو مزيج من صيدلي عادي و طبيب

    بمعني:
    ان الطبيب يشخص المرض و الصيدلي الكلينيكال يوصف الدواء...

    الحقيقه:
    ان هذا النظام اقرب الي التطبيق في اوربا وامريكا و دول شرق اسيا عنه في مصر وافريقيا بشكل عام

    بمعني:
    محتاجين عده سنوات (لا يمكن تقديرها) عشان الصيدلي الاكلينيكي يمارس عمله طبيعيا....وان كنت اتنبأ ان يحدث في المستقبل القريب...


    عندنا في المنتدي قسم خاص بمواد ودراسه كلينيكال
    وايضا فيه طلاب من كلينيكال هنا في المنتدي
    وده يا دكتور القسم الخاص بهم:


    الصيدلة الاكلينيكيه



    وعندي طلب انو يبقي فيه موضوع مثبت للي عاوز يسأل اي سؤال ف اي مجال واللي عنده اجابة يكتبها

    ما قيمه ساحه الحوار اذن؟؟؟؟؟

    اعتقد فيه مواضيع اهم ممكن تتثبت

    زي : icdl ....ساحه المذاكره ...ساحه السكاشن والمحاضرات ....ساحه مناقشات المواد (اعتبار من العام القادم)





    ياريت اكون افدت

  3. #3
    Pharma Student
    تاريخ التسجيل
    Apr 2010
    المشاركات
    18

    افتراضي

    يعنى هما الاطباء العاديين ميعرفوش يشخصوا الدوا
    ما هما بياخدوا فى سنه تالته برده فارما
    عادى يعنى مانجزوش
    اقصد انهم قدامهم كتيير اوى عشان يبقى النظام ده فعال فى مصر
    لكن اكلينكال هتبقى مفيده للطلبه اللى ضامنه انها تسافر وتشتغل بره
    اكيد طبعا هيفيدها فى السى فى

  4. #4
    Pharma Student
    تاريخ التسجيل
    Mar 2009
    المشاركات
    1,136

    افتراضي


    ممكن اللى عايز ياخد كلينكال و هو صيدلى عادى

    يحضر دبلومة سنة فى جامعة عين شمس لما يخلص

  5. #5
    Moderator
    تاريخ التسجيل
    May 2009
    الدولة
    *في رحاب القرآن*
    المشاركات
    2,365

    افتراضي

    اقتباس المشاركة الأصلية كتبت بواسطة dr.lobna مشاهدة المشاركة
    هو ايه الفرق بين دراستنا ودراسة كلينيكال
    حتى الآن اللى انا ملاحظه فى الدراسة انهم شالوا الحشو الكتير اللى عندكم من علينا وبيدونا المختصر المفيد ولو فى حاجة مينفعش تبقى مختصرة بناخدها زيكم
    يعنى مثلا انتم عندكم كلام كتير فى اعدادى انتم حاسين انه ملوش لازمة احنا خدناه فى ترم واحد بس
    بس مشكلتها هنا فى المنصورة انه لسه نظام جديد و بعدين المناهج مكدسة ففى مواد بتتقلب مع انها محتاجة تتشرح كل حاجة فيها زى الاورجانيك مثلا اللى 90 % على الاقل من دفعتنا تقريبا ضايع فيها
    عشان احنا تقريبا ماخدناش اورجانيك

    ( خدنا الاورجانيك من غير ميكانيزمات متسألونيش ازاى )

    واخر سنتين بالنسبة لينا فى الدراسة ان شاء الله هتبقى مواد كلينيكال اللى فيها جزء من مناهجكم

    اقتباس المشاركة الأصلية كتبت بواسطة dr.lobna مشاهدة المشاركة
    وهل الدراسة دي اختيارية ولا حسب المجاميع ولا نظامها ايه بالظبط

    هى اختيارية براحتك يعنى حضرتك أول ماتقدمى فى الكلية تروحى المكتب بتاع الصيدلة الاكلينيكية وتقدمى هناك و الموظف هناك ( اسمه عصام ) هيقولك المطلوب منك ايه
    اقتباس المشاركة الأصلية كتبت بواسطة dr.lobna مشاهدة المشاركة
    وايه مميزاتها
    المفروض مميزاتها زى الدكتور محمد عليوة ما قال ان الصيدلى يبقى مسئول عن علاج المريض من الألف للياء

    وغير كده وده الاهم من وجهة نظرى الطلب عليها كتير بره وبياخده فلوس حلوة

    اقتباس المشاركة الأصلية كتبت بواسطة salma gamal مشاهدة المشاركة
    يعنى هما الاطباء العاديين ميعرفوش يشخصوا الدوا
    ما هما بياخدوا فى سنه تالته برده فارما
    عادى يعنى مانجزوش
    اقصد انهم قدامهم كتيير اوى عشان يبقى النظام ده فعال فى مصر
    لكن اكلينكال هتبقى مفيده للطلبه اللى ضامنه انها تسافر وتشتغل بره
    اكيد طبعا هيفيدها فى السى فى
    أه هما بياخدوا فارما بس نصيحة اسألى أى حد فى سنة تالتة طب عن أغلس ماده عندك هيقلك الفارما
    ( أنا سألت قبلك كتير لأن عيلتنا فيها 7 أطباء غير الصيادلة كلهم أجمعوا على الكلام ده غير اصحابي ومعارفى اللى فى طب )

    بس مش معنى كده انهم مبيعرفوش يشخصوا الدوا,
    بس وظيفة الصيدلي الاكلينيكى بتسهل كتير على الطبيب لأنه هيخليه يتفرغ لتشخيص المرض بس, و هتفرغ وقت ليه كبير ممكن ياخد فيه معلومات اكتر عن الامراض اللى فى مجاله ويتعرف على حالات مرضية اكتر

    كمان من ناحية الفارما متقارنش الصيدلى بالطبيب

    وكمان الصيدلي الاكلينيكى لما بيتعامل مع المريض المفروض بيبقى عارف كل حاجة عنه مش المرض اللى عنده دلوقتى بس عشان لو فى drug drug interaction بسبب دوا تانى أو مرض تانى عند المريض الدكتور ميعرفوش فالصيدلي هو اللى بياخد باله من الكلام ده وهو اللى بينظم مواعيد الادوية بتاعت المريض

    والدكتور بعد التخرج بمرور الوقت بيبقى عارف كام صنف دوا اللى بيشتغل بيهم فى مجاله بس وملوش علم بباقى الادوية ( قال يعنى كان عارفهم قبل التخرج )

    وانا معاكى فى ان النظام ده لسه عليه كتير عشان يبقى فعال فى مصر بس ده بسبب تقريبا انعدام ثقة الطبيب فى الصيدلى وكمان نظرة الناس للصيادلة على انهم بياعين بس شيك شوية وبيتقاله يا دكتور

    بس فى مستشفيات فى مصر عندهم صيادلة هما المسئولين عن كل حاجة تخص العلاج فى المستشفى
    بس دول طبعا تقريبا 3 مستشفيات على مستوى الجمهورية .

    المفروض اصلا فيه حاجة اسمها فريق طبي مكون من 3 اشخاص الطبيب والصيدلى والممرض ( خريج تمريض يعنى)
    والفريق ده كل واحد فيه ليه شغلته

    أتمنى أكون جاوبت عن الاسئلة اللى انتم عايزينها
    ولو فى حد عنده اسئلة تانية مفيش مشاكل ولو حد عنده تعليق على الكلامى أو شايف فيه حاجة غلط ياريت يقول برده


  6. #6
    Pharma Student
    تاريخ التسجيل
    Mar 2010
    الدولة
    mansoura
    المشاركات
    56

    افتراضي

    اولا متشكرة اوي لكل الناس اللي مرو

    ثانيا هو ينفع التحويل بعد اعدادي عادي لاكلينيكال ولا هنعيد السنة تاني ف
    اكلينيكال

  7. #7
    Moderator
    تاريخ التسجيل
    May 2009
    الدولة
    *في رحاب القرآن*
    المشاركات
    2,365

    افتراضي

    اقتباس المشاركة الأصلية كتبت بواسطة dr.lobna مشاهدة المشاركة

    ثانيا هو ينفع التحويل بعد اعدادي عادي لاكلينيكال ولا هنعيد السنة تاني ف
    اكلينيكال
    بيتهيألى ممكن بس مش متأكد
    غالبا بتقدمى طلب بكده وبعد كده العميد والوكيل بيقرروا اذا كان ممكن ولا لأ بس برده مش متأكد
    حضرتك ممكن تروحى للموظف المسئول واسأليه
    أو اطلبي الكلية وهو يحولك على تليفونه وهو يرد عليكي

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •