طيب فى الاخر نعرف منين ان احنا كده خلاص
طيب فى الاخر نعرف منين ان احنا كده خلاص
متهيألى يا توتا انك تجربى تدخلى تانى على المواد اللى عملتى فيها استبيان لو كنتى قولتى رأيك هيجيبلك اللى انتى اختارتيه
لو مقولتيش هيجيبلك اختيارات عادى
ايوة فعلا اللى انتى عملتيه بيتحط جنبه علامة صح
و بعدين يا جماعة بتشكرونى على ايه لا شكر على واجب
بس فى معلومة صغيرة انا اسمى أمنية مش منى
شكرا جزيلا يا امنيه اخيرا الطريقه نفعت
يا جماعة انا حاولت بالطريقة دي ومش بيفتح اعمل إيه؟؟
المهندس كان قايل اللى راحوا سجلوا اساميهم عنده يدخلوا عادى بال اى دى مره فى اسم المستخدم ومره فى الباسوورد جربى كده او روحى سجلى اسمك عنده
السلام عليكم جميعاً
اولا :- بالنسبة للإستبيان انا وجدت على المنتدى اشتراكات كتير بتتكلم اى كلام ومش عارفه اصلا ايه هو الاستبيان ونعمل ايه وهو لزمته ايه وجدت أيضاً ناس بيشككوا على مصداقيته وبيسألو احنا بنعمله ليه
ثانياً:- ناس كتير منكم بيحاولو يشرحوا بطريقه غلط وانا عارف انهم بيحاولو يسهلو على اخواتهم الزملاء ولاكن يجب ان يكون كل واحد منا على قدر من المسئوليه وان يكون على علم بما يشرح على منتدانا منتدى كلية الصيدله
بالنسه للجزء الاول :- الاستبيان هذا تواصل بين عضو هيئة التدريس والطالب (طبعاً الكل هيسال بتعجب ياسلام يعنى ايه الكلام ده) الاستبيان يجعل الطالب يقول رأيه فى عضو هيئة التديس ولاكن فى حدود الادب وفى اطار تربوى تعليمى هتسألو طبعاً ايه ياعم الكلام الكبير ده اسهل العمليه الاستبيان بيخلى الطالب يقول لعضو هيئة التدريس بأسلوب محترم بعض من المشاكل التى تقابله من عدم فهم او عدم قدرة عضو هيئة التدريس على توصيل المعلومه يعنى بيعرف عضو هيئة التدريس وسيله سهله للترابط بينه وبين الطالب او بطريقه اخرى الاستبيان الحلقة التى إن وجدت كملت الصله بين الطالب وبين عضو هيئة التدريس هتقولو ياسيدى احنا قولنا بلاش كلام كبير وكلمنا بأسلوبنا حاضر الاستبيان ده بيخلى الطالب بطريقه سهله يعرف عضو هيئة التدريس احنا عندنا مشاكل ايه فى العمليه التعليميه من تاخر فى حضور المحاضره او عدم فهم الطالب او عدم القدره على توصيل المعلومه او غيرها كده تمام يعنى من الاخر عاوزين الطالب يكون إبن للدكتور او اخ اوصديق
اما بالنسبه للجزء الثانى طيب نعمل الاستبيان ده فين وكيف؟
يجب على الطالب ان يذهب الى وحدة ضمان الجودة بالدور الرابع لأخذ اسم المستخدم وكلمة المرور واى طالب يقول لأى من زملائه اى شئ غير هذا خطأ خطأ طيب وبعد لما نجيب اسم المستخدم وكلمة المرور نعمل ايه نذهب الى قاعة الامتحانات الإلكترونية بالكليه الموجوده فى مبنى (ب) فى البدروم وهناك سنجد مجموعه من المتخصصين المهره وستجدوا أن الكل فى عونكم وستجدوا ان الكل يساعد الطالب لكى ينهى الاستبيان على اكمل وجه وده طبعاً إلى عوزينه منكم فى الاستبيان طيب طالب تانى هيقول طيب انا عاوذ اعمله فى البيت ماشى يدخل الطالب على موقع الاستبيان اولا عن طريق موقع الكليه او موقع الجامعه طيب وبعدين نضع اسم المستخدم وكلمة المرور بالطريقه الصحيحه ونتأكد اننا قد حددنا هوية المستخدم يعنى ايه ياعم الكلام ده وضح لينا اوضح حاضر نجد على الشمال ثلاث اختيارات إدارة البرنامج - عضو هيئة تدريس - طالب نختار طالب وبعدين نضغط على كلمة دخول سنجد ظهور خانتين تانين وموجود فى الاعلى كلمة (غير كلمة المرور )ندخل كلمة مرور جديده طيب ليه الكلام ده لكى يكون الموضوع فى إطار أمن ومفيش حد يستخدمه غيرك طيب وبعدين غيرنا كلمة المرور نعمل ايه سيتم فتح امامك صفحه ستجد فيها ثلاث اختيارات على اليمين اختيار الشكاوى - اختيار عمل إميل خاصه بك على جامعة المنصوره- والاختيار الاخير الخاص بالإستبيان طيب جميل جداً وبعدين نضغط على الاختيار الاخير سيظهر لنا المقررات الخاصه بكل دفعه وإسم عضو هيئة التدريس جميل نعمل ايه تانى كليك على كل مقرر تظهر مجموعة اسئله توجد بجوارها (أوافق- ولا اوافق ) طيب وبعدين بختار الرد على السؤال حسب رغبتك طيب وبعدين بعد مخلص من الكلام ده اعمل ايه لازم نتاكد اننا قد حفظنا البيانات طيب وبعد موصل لأخر مادة وتأكد إنى حفظت الكل اعمل ايه بكده نكون وصلنا للنهايه وعملنا الاستبيان الحمد لله
صعبه دى
تحياتى
طيب انا محول مش معايا كارنيه السنه اللى فاتت اعمل ايه
انا يا جماعة الحمد لله عملت الاستبيان اخيرا
يا سلام
انتي وفرتي علينا كتير
وكلنا بنقول متشكرين
يا رب استر ف النتيجه