صفحة 2 من 3 الأولىالأولى 123 الأخيرةالأخيرة
النتائج 11 إلى 20 من 24

الموضوع: الصيدلى الأهلى ما له و ما عليه

  1. #11
    Pharma Student
    تاريخ التسجيل
    Nov 2008
    المشاركات
    209

    افتراضي

    السلام عليكم ورحمة الله وبركاته
    أقولها كلمات بسيطة فبعد ان كتبت مشاركة طويلة النت فصل ولكن قدر الله وما شاء فعل

    أولا نراعى ربنا فى عملنا ومسألة الرزق على الله
    ثانيا بلاش نبص للسئ ونتخذه قدوة
    ثالثا الكلية انا لحد دلوقت لم استفيد منها الا القليل فى الحياة العملية لكن حتة ان الكلية بنحفظ فيها الاسم العلمى بس (انا لسه هحفظ )فمن رأى الشخصى مع احترام الاراء الاخرى ان ده شى جميل لأن الاسم العلمى ثابت فى كل مكان لكن اللى بيتغير الاسم التجارى من بلد لاخرى ومن شركة للتانية ده على حد معرفتى
    وفى النهاية أود أن أسأل
    هل بعد دراسة الفارما هكون قادرة على أن أفيد الناس بفهم واعرف ده هيتاخد امته وليه ياريت الافادة
    وجزاكم الله خيرا
    اللهم ارزقنا الاخلاص فى القول والعمل

  2. #12
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي

    هل بعد دراسة الفارما هكون قادرة على أن أفيد الناس بفهم واعرف ده هيتاخد امته وليه ياريت الافادة
    طبعا ..

    بس لو ذاكرت الفارما بعقلك و قلبك و حضرت محاضراتها و بحرت فيها ..

    و الميزة ان الكيمياء الطبية تفسرلك أشياء ممكن كنت حافظها عن غير فهم في الفارما ..

    ناقصنا نفهم شيء هام جداااا ..

    ليس هناك كلية سوف تخرجك جاهز للعمل و تعرف كل شيء عن المجال ..

    ولكن الكلية تعظيك أساس , ثم عليك الاستزادة و بناء مستواك العلمي لتكون مميزا ..

    لذلك قد تجد شخص ممتاز في الدراسة في الكلية ثم لا يكون متميز بعد ذلك , لأنه انقطع عن القراءة و الاستزادة ..

    مسئوليتك و دورك أن تبني و تربط مواد الكلية بسوق العمل و الشغل في أي مجالك ..

    هذا دور الطالب الى حد كبير .. في رأيي

    التميز لا يأتي الا لمن يعمل له ..

    وفقكم الله

  3. #13
    Pharma Student
    تاريخ التسجيل
    Jun 2007
    المشاركات
    977

    افتراضي

    اولا بشكر د_عطالله جدا على الموضوع الجميل ده وبجد مهم جدااااااااا,

    و للاسف نادر لما الاقى صيدلى زى ما اتمنى

    ’الصيدلى بجد مهنه من اجمل المهن مهنه انسانيه وعلميه بحتة

    مش مجرد مشروع تجارى يجيب فلوس باى شكل بالدرجه الاولى

    ,المشكله كمان ان الصيدلى بمجرد تخرجه مش بيفكر يطلع على اى جديد ولا اى حاجه تفيده فى مجال شغله _الفلوس وبس_

    لكن هل معنى ان نسبه النوع ده من الصيادله كترت فنطنش نقول واحنا يعنى اللى هنغير الفكره اللى انتشرت عن الصيدلى

    ,انا عن نفسى_ وهبدا باذن الله _عايزة اكون صيدلانيه بكل ما تعنى الكلمه زى ما مفروض يكون’

    واتمنى ان يكون فيه نية عند كل واحد فينا الا وهى اكون احسن واحد او واحدة

    فى اى مجال من مجالات الصيدله’
    اكون ناوى باذن الله وحابب برضه ودارس طبعا المجال اللى انا هختاره

    وشكرا المره الالف لحضرتك د_عطالله

    وبشكرك يا منى على كلامك اللى بجد من دهب

  4. #14
    Pharma Student
    تاريخ التسجيل
    Nov 2008
    المشاركات
    209

    افتراضي

    جزاكى الله خيرا فارماسستينا
    كنت حاسة انك اول واحدة هتجاوبنى
    شكرا جزيلا
    يارب أكون واحدة من الصيادلة اللى يحسنوا من ظن النا س وكلامهم عن الصيادلة
    أنا بسمع حاجات عن الصيادلة تخنق بيع ضمير نظرة للفلوس بقالين تجار
    بس انا شاء الله ناوية أغير النظرة السيئة عننا بأسلوبى الكويس فى التعامل مع المريض لازم احسسه ان صحته غالية وأهم من الفلوس بكتير ده مش علشان يقول الصيادلة كويسين وبس لا ده أولا ارضاء لربى وربنا يجازينى خير عليه
    يارب ارزقنا علما نافعا ننفع به أنفسنا والمسلمين جميعا
    والله المستعان

  5. #15
    Pharma Student
    تاريخ التسجيل
    May 2008
    الدولة
    kafr elsheikh
    المشاركات
    20

    افتراضي

    شكرا ليك يا د/عطا الله بجد جزاك الله كل خير عننا علي كل الموضوعات الهامة الي بتطرحها
    اللهم ارزقني علما نافعا وعملا متقبلا

  6. #16
    عضـو هيئـة التـدريـس
    تاريخ التسجيل
    Nov 2007
    المشاركات
    215

    افتراضي

    انا شايف انة من الممكن الارتقاء بمستوى الصيدلى بعد التخرج بعمل اختبارات دورىة يقاس بيها مدى فهم و استيعاب الصيادلة و مدى متابعتهم لمستجدات الامور

    و ممكن النقابة تنزل سنويا ملزمات فيها خليط من معلومات اساسية لازم كل صيدلى عامل يكون على دراية بيها بالضافة الى بعض الاشارات الى ما استجد من العلم و يكون الاختبارات الدورية من هذة الملزمات

    على ان يكون التركيز الاساسى فى هذة الامتحانت و الملزمات على الجانب التطبيقى فى حياة كل صيدلى


    انا اعتقد ان فى امريكا بيعملوا كدة
    و..يجمعنا القمر

  7. #17
    drdigpxin
    Guest

    افتراضي مصر

    موضوع جميل

  8. #18
    Pharma Student
    تاريخ التسجيل
    Dec 2007
    المشاركات
    24

    افتراضي

    وحشتيني جدا يا صيدلة المنصورة

    أنا خريج من دفعة 2009

    إشتقت لمنتدانا

    على الرغم من إني ما كنتش بطيق الكلية عندنا

    أو كنت فاكر كده

    وللعلم أنا هبدأ بمقدمة هتكلم فيها عن تجربتي بالكلية

    وأرجو ما تملوش منها لأني بعدها هرد على موضوعكم الرائع والمطروح للنقاش

    ومن المقدمة دي هتعرفوا ليه بقول فيه أمل

    أولا أنا ما كنتش طالب متفوق ولا حاجة

    لكني كنت بصنف نفسي تصنيف المقبول أو الجيد وأبقى كذاب لو قلت أكبر من كده

    لأني كنت بذاكر بس أيام الإمتحانات

    وأنا من النوع اللي ما بعرفش أذاكر حاجة إلا لما أكون فاهمها

    وطبعا عمري ما دخلت إمتحان نظري مخلص المنهج

    مش كده وبس

    لأ مش هكون مبالغ لو قلت إني ما كنتش بكمل أكتر من تلت المنهج

    بس كنت دايما بقفل ال 40 درجة بتوع العملي أو مش بقل عن 35

    وده لأني كنت بواظب جدا على حضور المحاضرات والسكاشن

    ونادر جدا لما كنت بسيبها

    وطبعا في أثناء الشفوي

    ما فيش سؤال بيجي في جزأ أنا مذاكره ما كنتش بعرف أجاوبه

    لكن بقى لو الطوبة جت في المعطوبة وإتسألت في جزأ مش مذاكره

    حتى لو سؤال في القشور كنت ببلم
    المهم إني كنت دايما في أجازة أخر العام

    بكمل مذاكرة للنظري اللي مالحقتش أذاكره في الدراسة

    طبعا إنتوا مستغربين وبتقولوا إيه الشقلبة دي

    طيب ما تذاكر في الدراسة وتطبق في الأجازة على اللي إنت ذاكرته

    بتدريب جاد في صيدلية

    لكن أنا من النوع اللي بيتأثر نفسيا جامد بأسلوب الدكتور في المحاضرة وتعامله مع الطلبة

    يعني بدون مجاملة دكتور زي الدكتور محمود بكر خلاني أعشق الكيمياء الطبية

    بينما دكتور زي الدكتور -وآسف على ذكر الإسم- دكتور (***)

    خلاني أكره النبات والعقاقير وكيمياء العقاقير

    جايز يكون ده عيب فيا لكن هو ده اللي حصل

    المهم أنا كنت دايما بنجح على الحركرك

    لكن كنت دايما بوصل للتوب في أجازة نهاية العام لأني ما كنتش بأرضى لنفسي

    إني المعلومات اللي عارفها تبقى أقل من زمايلي

    وكنت فاكر إني بعد ما أتخرج إني هبقى صيدلي فاشل

    على الرغم من إني اللي إخترت صيدلة

    ومجموعي كان يجيب طب

    لكن أنا كنت بموت في الكيمياء والفيزياء

    وعلشان كده إخترت صيدلة بعد معركة مع الأهل في البيت لأني كنت عايز أدخل علوم

    لكن طبعا ما وافقوش

    أرجع وأقول المهم

    كل مجال من مجالات العمل الصيدلي يتطلب الإلمام بمجموعة من المناهج

    ونبدأ بأقل حاجة

    الصيدلي الحر أو الأهلي

    مجرد إنك تكون قوي في الفارما-بدرجة أولى- والكيمياء الحيوية-بدرجة تانية علشان التحاليل والأشعات-
    يكفي إنك تكون صيدلي متفوق في الصيدلية

    طبعا مع شهرين ل 4 شهور شغل

    وأقول شغل مش تدريب

    لأنك طالما هتاخد فلوس صاحب العمل مش هيسيبك تتدلع

    يعني مواعيد حضور وإنصراف منضبطة
    كل روشتة لازم تعدي عليك

    مش كده وبس

    دا إنت بتعرف روشتات محفوظة لعلاج كتير من الأمراض

    حتى لو ما كانتش أدويتها OTC

    نيجي بقى للتعامل مع الجمهور اللي هوا سبب موضوعنا

    أنا من خلال شغلي في الصيدلية من شهر 7 لحد دلوقتي

    وجدت إن الجمهور بصفة عامة ممكن التعامل معاه من محورين

    كل حسب شخصيته

    الصنف الأول:اللي هوا الصنف العادي
    وده بيجيلك أكتر في المدن
    وفيه الناس بتبقى على وعي أكبر وعندهم قابلية أكثر للتفاهم

    دايما خلي البسمة على وجهك وإنت بتتعامل
    وإشرك الزبون معك في القرار
    إعرض عليه البدائل ووضح له ميزة وعيب كل صنف بأسلوب مبسط ويفهمه
    وسيب الخيار له
    إتكلم معاه كتير وبإحترام تكسبه

    هحكيلكم على واقعتين حصلوا معايا

    الموقف الأول
    إحنا عندنا جهاز قياس سكر في الصيدلية
    جالنا شابة ووالدتها منقبة معاها
    عايزين يقيسوا السكر للبنت الشابة

    طبعا إحنا في بلد على الرغم من كونها مدينة بس لسه برضو عندنا عادات القرية

    التعامل لازم يكون بحذر بين الشاب والفتاه

    أول ما الجماعة اللي معايا شافوهم

    صرخوا

    علشان على طول أم البنت دي بتعمل معاهم مشاكل

    وقالولي إتصرف إنت

    على فكرة الدكتور صاحب الصيدلية مش موجود
    وأنا الصيدلي الوحيد بالصيدلية

    بعد ما قرأت الشهادتين تصديت للموضوع
    وبالإبتسامة

    وعبارات زي -إحنا تحت أمركوا-
    خلوا علينا ياجماعة من غير فلوس خالص
    ربنا يكتب للبنت الشفاء

    عدى الموقف ومش عايز أقلكوا الإتنين البنت ووالدتها
    بقوا مرتبطين بالصيدلية إزاي مجرد علشان كلمة حلوة


    الموقف التاني مريض جدالي عايز دواء لمنع الحمل لزوجته إسمه ليفو نور وهو مش موجود


    طبعا إستنتجت إن المادة الفعالة له ليفونورجيسترول ودي نفس المادة بتاعة دواء إسمه ميكرولوت

    وبعد بصة سريعة على الماستر اللي ما بيفارقنيش في الصيدلية

    لقيت إستنتاجي صح
    ولقيت إن تركيز المادة الفعالة واحد في الصنفين

    أنا طلعت له الدواء

    ولأن الصيدلية اللي بشتغل فيها تعتبر من الصيدليات الرائدة في البلد
    إن ما كانتش أكبرها

    ولأن الدواء مش موجود عندنا

    إستنتجت إن الدواء ده مش موجود والمريض لف ودور عليه لحد ما أرهق

    وأنا دخلت من المدخل ده

    قولت له
    بص الدواء اللي إنت عايزه مش موجود وهتلف عليه

    قالي فعلا أنا دورت عليه

    كده كسبت ثقة المريض من أول خطوة

    قولتله طيب اللي موجود صنف تاني نفس المادة الفعالة بس شركة تانية

    الراجل وشه إحمر كأني شتمته قاللي بديل يعني

    رديت بسرعة قولتله لأ مش بديل فقط شركة تاني

    برضو الراجل لسه شاكك

    كملت أنا

    فأنا شايف إني أكتب لك إسمه في ورقة

    وإسأل عليه الدكتور اللي كاتب لك الصنف اللي إنت جايبه

    الراجل لونه رجع طبيعي

    وقالي موافق

    وفعلا الراجل راح للدكتور ورجع قاللي هاتهولي

    مش محتاج طبعا أقولكوا أنا عنده إيه دلوقتي

    لدرجة إن لو حصل وجاب دواء من مكان تاني لازم يجي ويسألني الأول لو فيه بديل

    وطبعا أنا مش بعيب أبدا في أي زميل ليا

    لكن مرة لقيته جاب لي دواء إسمه جراندوكسي
    وده مضاد حيوي مادته الفعالة دوكسي سيكلين

    واللي مكتوب في الروشتة إسمه فاركودوكسين ويحتوى على نفس المادة الفعالة

    وبيقولي الدواء ده فيه بديل

    أنا بصراحة إحترت أخاف أقوله آه يروح يعمل مشكلة مع الصيدلي اللي جاب منه الدواء


    وأخاف أقول لأ يكون جاب الدواء قبل كده وعارف شكل العلبة ولقى شكل جديد فأسقط من نظره

    المهم توكلت على الله وقولته بصراحة

    الصنفين واحد لكن دي شركة ودي تانية

    لكن نفس المادة

    لقيت الراجل ضحك وقاللي أنا عارف لأني سألت الدكتور بس حبيت أشوفك هتقوللي إيه

    طبعا بعد ما عملت نفسي زعلان منه لفترة من الزمن حوالي دقيقتين

    قعد يعتذر فيهم ويأكدلي إنه ما كنش بيختبرني

    رجعت تاني للإبتسامة المعهودة عني

    الحاجة الكويسة

    إن الراجل طلع سواق تكتك-ولمن لا يعرفه ده بديل التاكسي في المنصورة-

    وكل ما يوصل حد من عند دكتور وما يلاقيش الدواء

    يجيبه علينا علشان يا نجيبله الدواء يا نقوله على بديل
    يا نطلبه مخصوص له


    طبعا المشاكل دي بتحصل لأن لسه الوعي عندنا قليل

    والناس فقدت الثقة بعض الشئ في الصيادلة لاننا بصراحة

    فرطنا في سمعتنا لما تركنا الصيدليات لناس من صيادلة مع إحترامي لخبرتهم

    الملخص

    1-الإبتسامة وحسن التعامل وده مع عموم الناس

    2-الحفاظ على وضعك كصيدلي مع أي حد يسخف أو يتطاول بالتدرج في التعامل
    إبتداء من الملامح الجادة للتعامل الناشف أو الرسمي للتكشيرة للتجاهل التام وتكليف أحد الموجودين غيرك بالتعامل مع الزبون الغتيت

    3-الربح في الصيدلية يعتمد على مهارة الصيدلي
    بمعنى كلما زادت قدرتك المعرفية بالمواد الفعالة وأسماءها التجارية
    كلما إستطعت تلبية رغبات جميع الناس


    بالنسبة لمجالات البحث العلمي

    تعتمد في المقام الأول على

    1-الكيمياء العضوية والتحليلية وكيمياء العقاقير
    2-الكيمياء الطبية-وهي المرتبة الأرقى-
    2-الكيمياء الحيوية-وأقلهم أهمية

    أرجو إن مشاركتي تكون مفيدة وأكون وضحت وجهة نظري

    سلامو عليكو

    وشكر خاص للدكتور عطا الله

    لأنه كان من الناس المحترمة عندنا

    وفعلا فاهم في مجاله

    وطبعا زي ما الدكتور بيقيس مستوى الطالب

    برضو الطالب بيقيس مستوى الدكتور
    التعديل الأخير تم بواسطة M.tal3t ; 06-03-2010 الساعة 09:32 PM سبب آخر: Doctor name to ***

  9. #19
    Pharma Student
    تاريخ التسجيل
    Jul 2009
    الدولة
    MaNsOuRa ,El DeRassaT , El Metwalli elashry ST hhhhhhhh
    المشاركات
    3

    افتراضي

    اكيد اهم حاجه فى اى شغل ان يكون طريقتة كلامك كويسه وفى نفس الوقت تحس باللى قدامك علشان تكون خفيف عليه وكمان يحبك وربنا يكرمك موش شرط ان الواحد يبقى اوك عنده صيدليه بس مبيعرفش يتعامل مع الناس علشان كده محدش هيدخلله الصيدليه او ده فى اى شغل تانى نفس الحوار مع الدكتور والمهندس واى مهنه تانيه يعنى اوك انت ممكن تكون دارس ومتفوق فى دراستك بس معندكش ميزة التعامل مع الغير فى الشغل وطريقة الكلام دى اهم حاجه تفرق مع اى حد وده اللى بيخلينى اسال السؤال ده هو ليه الصيدلى بقيت بحس انه زيه زى اى حد بيبيع اى حاجه؟؟

  10. #20
    Pharma Student
    تاريخ التسجيل
    Mar 2009
    المشاركات
    4

    Thumbs up

    بصراحة يادكاترة انا بشتغل فى صيدلية على مستوى تقديرى تعتبر مثالية والفضل فى كدة يرجع للدكتور صاحب الصيدلية يعنى مثلا:لو الصنف مش موجود عندنا بكل امانة بيقول لا مش عندى بس ممكن تلاقية فى صيدلية تانية .... وموضوع البديل عمره مايعرضة على المريض الا اذا المريض طلب مننا كدة ويكون الصنف اللى هوة واخده على مسؤليتة وهوه مقتنع
    وبعدين لازم لما تكون بتتكلم مع شخص تركز معاه ونحسسه ان هوه اهم واحد فى المكان وتراعى حالته النفسية يعنى لو واحد تعبان اومتوتر ماينفعش تهزر ولا طبعا انك تتصرف قدامه بتجاهل للحالة اللى هوه فيها .... بجد ياجماعة كلمة صغيرة تطمنه بيها مش هاتكلفنا كتير بس ممكن يفرق مع المريض كتير وبعد كدة اكيد الشخص دة هايقدرك
    يعنى احنا ممكن نجبر الناس انها تحترمنا وتقدرنا اذا احنا فى الاول قدرناها

صفحة 2 من 3 الأولىالأولى 123 الأخيرةالأخيرة

المواضيع المتشابهه

  1. توقعات للمباراة بين الأهلي وحرس الحدود..؟
    بواسطة محمد غريب في المنتدى السـاحة الريـاضيـه
    مشاركات: 4
    آخر مشاركة: 21-06-2010, 01:57 AM
  2. أبو تريكة وحسني يقودان الأهلي للفوز
    بواسطة basma 90 في المنتدى السـاحة الريـاضيـه
    مشاركات: 14
    آخر مشاركة: 21-06-2010, 01:27 AM
  3. |||(( هنا التهــــانى)) الأهلى يتوج بلقب الدورى رسمياّ !!!
    بواسطة wh_kaboo في المنتدى السـاحة الريـاضيـه
    مشاركات: 35
    آخر مشاركة: 30-04-2010, 10:00 PM
  4. الأهلي يتوج بطلا لكأس مصر لكرة اليد
    بواسطة subzero في المنتدى السـاحة الريـاضيـه
    مشاركات: 12
    آخر مشاركة: 30-05-2009, 02:38 PM
  5. ( الأهلي Vs الإسماعيلي) :: الدوري المصري 2008 - 2009
    بواسطة dano_90 في المنتدى السـاحة الريـاضيـه
    مشاركات: 2
    آخر مشاركة: 28-05-2009, 01:10 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •