ساحة حوار طلاب الفرقة الثالثة والرابعة والخريجين الخ.. (:
بسم الله الرحمن الرحيم
:
:
-----
السلام عليكم ورحمة الله وبركاته
زملائى واخوانى طلاب الفرقة الثالثة
كل عام وانتم بخير
خلالص السن الدراسية هتبدأ
وهتبدأ اكثر سنة مهمة فى صيدلة
سنة ثالثة
من اسهل السنوات على فكرة
-متجيش فى تانية حاجة-
لكن فى نفس الوقت
محتاجة مذاكرة وفهم
من بداية السنة
وهتلاقوا الأمور بسيطة
خالص ومفيش مشاكل
اهمية السنة دى
نابعة من المواد اللى بتدرس فيها
الفارماكولوجى والمديسنال
والفيتو والبيو كميسترى
كلها مواد مهمة فى حياتنا كصيادلة
ومحتاجة فهم ووعى لمحتواها
لأن على قدر تحصيلك للمعلومات
على قدر الجهد اللى هتحتاجه فى المستقبل
مع بداية مباشرتك لمهنتك
على الرغم ان السنة هتحسوا انها طويلة
وان المعلومات اللى فيها كثيرة
الا ان ضغط المناهج ولمدة القصيرة اللى بيتشرح
فيها الكورس
بتخلى معلومات مهمة واساسية تسقط
وتحس ان فى حلقات مفقودة وان الاطار العام ناقص
لازم تبدأ تحدد مصدر خارجى اضافى
عشان يساعدك انك تتعدى المشكلة دى
وكنصيحة سلسلة الليبنكوت كافية فى المرحلة دى
والكتاب بتات السلسلة
فى الفارماكولوجى
والبيو
والمديسنال
تحت اسم foye’S
والكتب متوفرة فى مكتبة الكلية
-ان الاوان تعملوا كارنية استعارة يا ابطال-
طبعا لكم الحرية الكاملة فى انكم تأخذوا بالنصيحة
دى
صحيح هتتعبوا
بس هتحسوا انكم بتتعلموا حاجة فعلا
وعمر المعلومات اللى هتتحصلوا عليها
من المصادر دى هتتنسى
طبعا ممكن تكتفى بورق الدروس
والمراجعات
وممكن هتجيب امتياز كمان
لكن فى النهاية
التحصيل بتاعك مش هيأهلك انك تقف فى الصيدلية
وتحس بنفسك كصيدلى
ماتغامرش بالسنة دى
وحاول تتعلم على قدر ما تقدر
واستمتع بالمواد اللى معاك
هتلاقى الدنيا زى الفل والله
بلاش تستمتع ياسيدى
تكيف مع المواد الى عندك وهى
اصلا مواد معظمها فهم
والحفظ مرحلته فى الفترة الأخيرة
قبل الأمتحان
لكن خلال السنة ركز انك تعرف دى رايجة فين
ودى جاية منين
وليه
شغل دماغك كده
لو فعلا ركزت فى السنة دى وتعبت نفسك
بعد ماتخلص السنة
مش هتعرف نفسك
-مش عشان النظارة الى هتبقى كعب كوباية ولا الاذبهلال المستمر على الوجه-
-متفمونيش غلط-
مش هتعرف نفسك من قدرتك على توظيف المعلومات واسترجاعها
هتحس فعلا باختلاف حقيقى
قبل بداية السنة
جدد النية انك داخل وعايز تتعلم
لوجه الله وعشان تنفع المسلمين بعلمك
وترفع م شأن مهنتك
وربنا يوفقكم ويثبتكم فى السنة اللذيذة دى
بعد الكلام الكثر ده
انا عملت الموضوع
ده فى نسخته التانية
النسخة الأولى
عملتها دكتورة فارماسيستينا
جزاها الله خيرا
وكانت ساحة مفيدة جدا ومليانة معلومات جميلة
جزى الله خير كل من ساهم فيها من زملائنا الكبار
يمكنكم تصفحها
هنا
اتمنى ان تكون الساحة دى وسيلة مساعدة
واداة تسهل لكم السنة دى
وزى ماقلت فى الساحة الأولى
اتمنى ان الساحة هنا تكون مثار نقاشات
علمية وميدان للمذاكرة والفهم
والا يغلب عليها طابع الحوارات الودية
اى توضيحات
او اى اسئلة
او اى حاجة تيجى على دماغكم
احنا فى الخدمة
فى انتظار اسئلتكم
وفقنا الله واياكم الى خير ما يحب ويرضى
"اللهم انفعنا بما علمتنا و علمنا ما ينفعنا و زدنا علماً "
عام دراسي سعييد ان شاء الله
المشاركة الأصلية كتبت بواسطة basma 90
.gif "Fop (29)")
.gif "Fop (18)")
.gif "Fop (8)")
.gif "Fop (41)")
