وزير للصحة

[*محبة رسول الله*]

أفكارى بعد التعديل والتحليل والتنقية:

1-أولا يا دكتور أنا هنظر للموضوع نظرة عامه
يعنى هشوف ايه اسباب معظم الأمراض اللى بنواجهها.

يعنى مثلا قرأت مؤخرا فى احدى الجرائد عنوان أصابنى بصدمه وهو :
(كوب ماء واحد يكفى للإصابة بالفشل الكلوى)
فعلي كوزير صحة أن أهتم بتنقية مصادر المياه بالتعاون طبعا مع الجهات المختصة.
وغيرها من المصادر التى تؤدى الى الاصابة بالأمراض ....

2-أنا يوميا أرى مستشفيات المنصورة من طوارئ وعام ودولى وكلى ووالله لا أتحمل المنظر...
المستشفيات نفسها ممكن تموت المريض

بمعنى ان المستشفى لازم يكون فيه فريق مخصص لتنظيفها وفريق مشرف على كده
لان ده طبعا بيأثر على نفسية المريض...

3- أزود عدد المستشفيات المجانية بحيث انها تكون زى المستشفيات الخاصة من حيث الكفاءة والنظافة والمعاملة وأخصص لده ميزانية ثابتة

وأهتم بالوحدات الصحية من حيث إمدادها بالأجهزة اللازمة لأن دى النقطة الأساسية المتاحة للغالبية من الناس...

4- أنا بنفسى كوزير صحة لازم أشرف على المستشفيات على قد ما أقدر ومش المستشفيات الكبيرة طبعا ده انا اتعمد انى أذهب للمناطق اللى مؤكد هيكون فيها خلل.

5- فيه اقتراح كويس قوى بس احنا كدولة نامية ممكن ميطبقش وهو ان يكون فيه طبيب لكل أسرة

وعشان كده يا دكتور انا ممكن اتعاوزن مع وزراء آخرين من أجل تفعيل العمليه دى كوزير المالية لزيادة الأجور مثلا

لأن دلوقتى فى الدول المتقدمة لازم كل واحد يعمل فحص كل 6 شهور فلو كان فيه مرض مش هيلحق انه يتطور وهنلحق نعالجه

لكن عندنا فى مصر الناس بيلاقوا مش معاهم فلوس فبيتعبوا ويعدوا ويقولوا مش مهم لحد ما خلاص المرض ينتشر وبعد كده يفكروا يروحوا للطبيب.......


ان شاء الله يا دكتور لو لقيت اقتراح أفضل ممكن أستبدل أحد الاقتراحات دى


دمتم بخير ان شاء الله

[dr/noony]

ءان شاء الله انا هغيب كم يوم كده ولما ارجع هارتب افكارى
استكمالا للافكار لانى بنسى بسرعة
* الاهتمام بالصناعات الدوائية وعلى رأسها تصنيع المواد الخام
بجد شئ مهم تقريبا كلها بقت مستوردة د/ اسامة قالنا فى المحاضرة
ان تقريبا كيلو اللاكتوز اللى كان ب 12 جنيه بقى مرة واحدة ب 80جنيه
لان المصنع المصرى قفل وبقينا بنستورده حتى كمان جودته اسوء من المصرى

-وبالتعاون مع وزارة التعليم العالى ومعهد البحوث نقدر ندعم ابحاث متخصصة
تطلعى high yield من مواد استراتيجية تقوم عليها الصناعات الدوائية .

[عائشة]

الله يادكتور الموضوع جميل وزيرة صحة مرة واحدة (مفيش حاجة تكتر على ربنا)
نفسى اعمل كل اللى الدكاترة قالوة بس اللى نفسى فية
بنود الخطة
البند الاول
هعمل فى كل مستشفى قسم نفسى
(وبالذات فى مستشفيات الاورام الخبيثة والكبد والكلى ......وكل الامراض المزمنة _اللهم احفظن_يلاقى فية المريض حالات مشابة لحالتة وتم الشفاء لها باذن الله لان المريض مش هو بس اللى بيبقى فى منظومة العلاج دة البيت والاهل كلهم بيبقو معاة ف نفس المشكلة )
البند الثانى
مش هخلى واحد مقتدر يأخد مكان واحد محتاج فى العلاج(العلاج على نفقة الدولة)
البند الثالث
هعمل ملف صحى لكل فرد فى الشعب ومتابعة دورية
البند الرابع
مش هشتغل بوزارتى(مأنا الوزيرة بقى) لواحدى هشتغل انا وكل الوزارات وزارة وزارة
لى عودة ان شاء الله بعد اذن حضرتكم بكيفية تنفيذ البنود وطريقة قياس مدى التطور

[عائشة]

البند الخامس
اهتم بجودة التمريض
البند السادس
مش هعين حد ملوش لازمة فى عملة لمجرد التكليف
البند السابع
أقوم بزيادة البعثات للخارج (بشرط ان يكون خيرة لوطنة وان يعود الية)
كيفية تنفيذ البنود
تنفيذ البند الاول
هستعين بالاطباء النفسين على ان تقوم خطة العلاج النفسى بالاشتراك مع الاهل لكى يتكيف المريض مع مرضة
تنفيذ البند التاثى
هشدد على وجود بحث اجتماعى كامل قبل الحصول على العلاج وانشاء قانون لمعاقبة من يقوم باخفاء حالتة المادية
تنقيذ البند التالث
لكل فرد فى العائلة ملف صحى ومتابعة دورية
تنفيذ البند الرابع
هدمج الوزارات مع بعضها يعنى مثلا وزارة التعليم العالى هحدد التخصصات والاعداد اللى منظومة الصحة محتجاها
تنفيذ البند الخامس
ههتم بكليات التمريض وارتقى بمتواهم الفنى (بالنسبة للحكيمات اللى فى المستشفيات اللى موجودينبالخبرة هعمل ليهم دورات تدريببية)
تنفيذ البند السادس
بدل مأعين الامتياز فى نفس مكان المقبول لا المقبول للوظائف الادارية والامتياز فى مراكز البحوث
تنفيذ البند السابع
هزود البعثات للخارج
شرط فى بنود العقد رجوع الدارس الى بلدة

[*محبة رسول الله*]

بعد إذن دكتور عطاالله

لقد قررت أن أنسحب من الترشيح للوزارة لأسباب خاصة

مع تمنياتى بالتوفيق لجميع المرشحين

وشكرا أستاذى العزيز د/عطاالله...

[Dr. Atallah F. Ahmed]

بعد إذن دكتور عطاالله

لقد قررت أن أنسحب من الترشيح للوزارة لأسباب خاصة

مع تمنياتى بالتوفيق لجميع المرشحين

وشكرا أستاذى العزيز د/عطاالله...

يا *محبة رسول الله* انا عاوز الناس تصمد فى الميدان شوية وبلاش الزوغان ده. بعد اسبوع من الان سنكتب البرامج الإنتخابية لكل وزير مرتبه بتاريخ ترشحه و لن نكرر شيىء و لكن سنزكر فقط على النقاط المميزة لكل برنامج. المنتدى يختلف شوية عن الواقع لأننا لا نضمن دخول كل المرشحين فى نفس الوقت و لا نضمن إيجابيتهم. و كما ترى شاهد الموضوع اكثر من 700 عضو لم يجرؤ على تقديم نفسه الا انتم. و الأكثر إيلاما هو عدم دخول اولاد الى الان ببرامج جادة متكاملة.

[**SAMAR_RESALA**]

هو فى إيه يا جماعه الناس بتنسحب ليه؟؟
شكلى كده هآخد الوزاره بالتذكيه من غير إنتخابات ولا إيه

لقد قررت أن أنسحب من الترشيح للوزارة

إرجعى عن القرار ده يا *محبة رسول الله* إنتى خلاص إترشحتى ببرنامج قوى
ملوش لازمه الإنسحاب

الأكثر إيلاما هو عدم دخول اولاد الى الان ببرامج جادة متكاملة

خلاص يا دكتور عطا الله البنات مسيطرين على الموقف
ده بالشكل ده ممكن فى يوم نوصل لرئاسة الجمهوريه
الرجال باعوا القضيه

نحن لها

[dr/noony]

بلاش انهزامية او سلبية ياريت نكمل حتى لو كانت افكارنا متشابهة
ده لاننا عايشين واقع واحد اكيد فى وسط الافكار المتشابهه هتطلع افكار جميلة حتى لو قليلة
الموضوع ده بيفكرنى بدورة التفكير الابداعى بجد كانت مفيدة جدا
والمحاضر كان بيطرح موضوع ويطلب مننا تخيل للحلول مثلا
لازم كلنا نتربى كده نتعلم نفكر لبكرة حتى مش للوزارة لا لنفسنا ولمستقبلنا
لو فضل فينا السلبية دى والتردد يبقى البلد مش هتقوم لها قومة

الأكثر إيلاما هو عدم دخول اولاد الى الان ببرامج جادة متكاملة

فعلا شئ محزن ومخذى معقول مفيش افكار ولا تطلعات لوزارة واحدة
امال لو كانت ..................................
لكى الله يا مصر

[dr/noony]

البرنامج الانتخابى بعد الترتيب

البنود

اصلاح - تعليم – بناء – تطوير – علاقات خارجية


الوسائل



1-اختيار البطانة الصالحة من العاملين وخصوصا المقربين فبتوفيق من الله ثم
اخلاصهم وصلاحهم نستطيع التغير الفعلى ........................



2-العمل على الاهتمام بجودة تعليم الفريق الطبى وكذلك الحرص على التعليم
المستمر بارسال البعثات للخارج واستقدام كبار الاساتذة من الخارج
وعمل اختبارات دورية لكل اعضاء الفريق للتأكد من جودة النظام


3-الاهتمام بالتوعية الصحية من خلال قناة وزارة الصحة التليفزيونية واجراء
حملات التوعية الميدانية بالاستعانة بالصيدليات والقوافل الميدانية فالوقاية خير من العلاج


4-زيادة مستشفيات الطوارئ وخاصة على الطرق (طبعا لكثرة الحوادث فى مصر )

5-كذلك رقابة على شركات الادوية وطرق التداوى بالطب البديل
ووضع نظام جديد لتداول الادوية وهو نظام unit dose
بمعنى يتم صرف كمية الدواء على حسب مدة استخدامه
وهو نظام معمول به فى دول العالم المتقدم ...............


6-مشروع طور مستشفاك ده مشروع كنت هقترحه على
مدير المستشفى للى هشتغل فيهاءان شاء الله .......................
وهو ببساطة عمل صندوق للتبرعات من العاملي بالمستشفى والمترددين عليها وكل
مبلغ يتم جمعه يخصص لتطوير قسم من اقسام المستشفى (وايضا صدقة جارية على كل متبرع)


7- تأمين صحى لكل مواطن بغض النظر عن احواله المادية
(لازم نوحد المعاملة ونزود ثقافة التضامن الاجتماعى بمعنى انى هعالج الكل زى بعض
بس لو سمحت ايها المتيسر اتبرع مثلا بتطوير غرفة فى مستشفى اعمل وقف خيرى
مثلا حد بتحبه توفى اعمل له صدقة جارية انا شفت فى فيلم امريكى كان معمول مخصوص
للتفرقة بين نظام الرعاية الصحية فى امريكا ودول اخرى منها انجلترى
تخيلوا فى تسعيرة للروشتة متزدتش عن 6.65 جنيه استرلينى فى المقابل
فى صندوق تبرعات فى كل صيدلية براحتك عاوز تتبرع تتبرع
http://www.youtube.com/watch?v=edN3khuzaTw
سبحان الله مش مسلمين لكن حياتهم منظمة وكأنهم مسلمين )

8-زيادة وسائل الاتصال بالوزارة لتلقى شكاوى واقتراحات المواطنين من خلال
-ساعتين يوميا فى القناة التليفزيونية
-جروب خاص بالوزارة على الface book
-اللقاء الاسبوع او النصف شهرى مع الوزير
-طبعا الموقع الالكترونى للوزارة

9-زيادة بنوك الدم فى مصر والغاء فكرة التبرع فى سيارة الاسعاف
دى حاجة غلط جدا اننا نأخد ناس كده من الشارع ونخليهم يتبرعوا بالدم
من غير تحليل للدم او كشف طبى كامل قبل التبرع على الاقل صورة دم كاملة
غير كده انا سمعت ان الدم ده بيتباع للناس مش بالمجان ده لو لقوه اصلا

10-سياسة جديدة لتداول الادوية وهى عدم نزول اى دواء تحت مسمى تجارى
بمعنى كل شركة هتنزل دواء ينزل بالاسم العلمى generic name وممكن نضيف شرطة
ثم اول حرف من اسم الشركة مثال paracetamol-aوهكذا عشان نلغى فكرة
المندوب اللى بيروح للدكتور مش لاهمية الدواء او مميزاته لا عشان الرشوى المقنعة
ونترك الحرية للصيدلى فى صرف الادوية دون اعتراض او خوف من المريض ان ده دواء غير
المكتوب او بديل او الاوضاع اللى بنشوفها دى ........................

11-بالنسبة للادوية المخدرة والمؤثرة على الحالة النفسية ممنوع صرفها الا من المستشفيات
الحكومية لان فى كارثة حقيقية فى مصر بسبب الصيادلة معدومى الضمير للاسف لو عملنا
حصر لكمية المخدرات و عدد المدمنين وازاى بدأ الادمان هتلاقى نسبة كبيرة جداا سببها الصيدلة
وللاسف النوعية دى من الصيادلة اثرت على الزملاء المحترمين المحافظين على مبادئ وقسم المهنة
واخرها الحادثة اللى حصلت من السنة اللى فاتت وادت لمقتل صيدلى ف صيدليته بسبب المخدرات


12-صرف الروشتات ممنوع صرف روشتة بخط الطبيب ولكن لابد ان تكون مطبوعة على الحاسوب
طبعا كلنا عارفين السبب .........................

13- بنك للتبرع بالاعضاء لمنع الحوادث الخطيرة التى تحدث من خطف للاطفال وكبار وسرقة اعضائهم
تخيلو ان بقى فى بلدنا البسيطة دكرنس حوادث من النوع ده بجد شئ مؤسف الناس اتغيرت من أجل حفنة جنيهات

14-بنك لنخاع العظام او بمعنى اخر خزعات من النخاع العظمى لمن يريد
لانى بسمع ان فى ناس بتحتاج زراعة نخاع زى مثلا فى حالات سرطان الدم وبيحتاجوا السفر للخارج
وطبعا على نفقة الدولة وبيكون مكلف جدا واحيانا بيفوت الاوان قبل ما المريض يقدر يجمع المبلغ
المطلوب وللاسف احيانا بحس ان الحكومة لها دور كبير فى التقصير لانها مسئولة انها توفر امكانية زى دى

ده فيديو بيوضح العملية بالتفصيل وكمان بيدعو الناس للتبرع

http://www.youtube.com/watch?v=GIy2nMnuGGI


15-الاهتمام بالصناعات الدوائية وعلى رأسها تصنيع المواد الخام
بجد شئ مهم تقريبا كلها بقت مستوردة د/ اسامة قالنا فى المحاضرة
ان تقريبا كيلو اللاكتوز اللى كان ب 12 جنيه بقى مرة واحدة ب 80جنيه
لان المصنع المصرى قفل وبقينا بنستورده حتى كمان جودته اسوء من المصرى

-وبالتعاون مع وزارة التعليم العالى ومعهد البحوث نقدر ندعم ابحاث متخصصة
تطلعى high yield من مواد استراتيجية تقوم عليها الصناعات الدوائية .


16- اتفاقيات علاج مشترك بمعنى بلدنا مشهورة بالسياحة العلاجية
و معروف ان دول اوروبا المشكلة المرضية الاساسية عندهم الامراض الروماتزمية
فى دول مثلا زى فرنسا مشهورين بالتقدم فى عمل عمليات القلب المفتوح
الاتفاقية ان عدد معين مثلا من فرنسا يتعالج عندى مقابل عدد من المرضى المصريين يتعالج فى فرنسا
وهكذا مع عدد معين من الدول كل حسب شهرته العلاجية .



17-كل سنة سفرية لدولة حققت تقدم طبى ومحاولة اجراء اتفاقيات لاقتباس هذا التقدم اما بارسال بعثات لتعلمه او استقدام خبراء لتطبيقه .

18-زيادة التوعية عند الاطفال باستخدام افلام الكرتون فى التوعية فى اساسيات النظافة الشخصية
والسلوكيات الصحية السليمة وخاصة فى المدارس عن طريق حجرة مناهل المعرفة طبعا كلنا فاكرينها

انا فاكرة واحنا فى ابتدائى كنا تقريبا كل حصص العلوم فيها كانوا بيجيبوا animation جميلة جدا وسهلة الفهم
على نفس المنوال هتبقى حصة كل اسبوع مثلا للاطفال تعرفهم ازاى يحافظوا على صحتهم
طبعا ناس متخصصين هما اللى هيقموا بوضع المادة دى حسب عقلية الطفل .

[Dr. Atallah F. Ahmed]

اولا أحييى الطلاب الذين شاركوا فى هذا الموضوع (وزير للصحة).
ثانيا: ادعوكم لإنتخاب من تجدونه افضل فى وضع أهداف لوزارته (اهداف متكاملة و لها وسائل للتنفيذ و طريقة لقياس الإنجاز) عن طريق الإستفتاء المرفق.
ثالثا: يمكنكم مراجعة البرامج بالتفصيل فى مشاركات المرشحين
رابعا: سنغلق الإستبيان بعد أسبوعين من الان ثم نعلن اسم الوزير المنتخب.
خامسا: الوزير الفائز سنعرضة لمناظرة مع شعب الكلية حتى نتعرف على برنامجه بالتفصيل و كيفية إدارته للوزارة و تحقيق أهدافه.

البرامج الإنتخابية لمرشحى وزارة الصحة

1. barbie

البرنامج: رفع أجور اصحاب المهن الطبية و معاونيهم - زيادة المستشفيات و تجهيزها بالأجهزة االحديثة و الكوادر المدربة - نظام للرقابة على المستشفيات و الصيدليات - ميزانية أكبر و ضوابط افضل للعلاج على نفقة الدولة - الإهتمام بعيادات المدارس و الجامعات - التشخيص للطيب و الوصف و الصرف للصيدلى - تخفيض سعر الدواء
علامات نجاح الخطة: عن طريق قياس التغير فى المستوى الصحى لأفراد المجتمع خلال خمسة أعوام مثلاً.

2. dr/noony
البرنامج:اصلاح - تعليم – بناء – تطوير – علاقات خارجية.......... بمعنى:
اختيار البطانة الصالحة المخلصة من العاملين فى المجال الطبى - الاهتمام بجودة تعليم الفريق الطبى و البعثات الخارجية و استقدام كبار الاساتذة مع توكيد جودة النظام دوريا - الاهتمام بالتوعية الصحية إعلاميا و بواسطة الحملات الميدانية (فالوقاية خير من العلاج) - زيادة مستشفيات الطوارئ وخاصة على الطرق السريعة - الرقابة على شركات الادوية وطرق التداوى بالطب البديل
ووضع نظام جديد لتداول الادوية وهو نظام unit dose - مشروع طور مستشفاك (مثلا: صندوق للتبرعات لتطوير قسم من اقسام المستشفى) - تأمين صحى شامل لكل شرائح المجتمع بلا إستثناء - اللإهتمام بشكاوى واقتراحات المواطنين من خلال التليفزيون و الface book و لقاء الاسبوع او النصف شهرى مع الوزير و عن طريق الموقع الالكترونى للوزارة - زيادة بنوك الدم فى مصر - سياسة جديدة لتداول الادوية بالاسم العلمى - صرف الادوية المخدرة والمؤثرة على الحالة النفسية من خلال المستشفيات الحكومية - صرف الروشتات المطبوعة على الحاسوب - عمل بنك للتبرع بالاعضاء لمنع حوادث سرقة الأعضاء - بنك لنخاع العظام - الاهتمام بالصناعات الدوائية و تصنيع المواد الخام بالتعاون مع وزارة التعليم العالى ومعهد البحوث - اتفاقيات علاج تبادلى مشترك مع دول العالم ( تنشيط السياحة العلاجية التبادلية) - اجراء اتفاقيات لاقتباس التقدم الطبى اما بارسال بعثات لتعلمه او استقدام خبراء لتطبيقه - زيادة التوعية الصحية عند الاطفال باستخدام اساليب مناسبة و جذابة لهم مثل افلام الكرتون
علامات نجاح الخطة: لم تذكر.

3.**SAMAR_RESALA**
البرنامج:
الإهتمام بالطب البديل فى المستشفيات (اقسام للعلاج المكمل بالأعشاب بإشراف متخصصين حاصلين على مؤهلات عليا - أقسام للعلاج بالأبر الصينيه - بعثات طبية فى المجال - اقسلم التغذيه الدوائية) -التركيز عل علاج الأمراض المنتشره فى مصر مثل الفشل الكلوى و فيروس سى والأورام السرطانيه برفع الميزانيه المخصصه لعلاج هذه الأمراض و زيادة ميزانية البحث العلمى المتعلق بها مع استيعاب تبرعات رجال الإعمال قى هذا المجال - تفعيل نظام الصيدله الإكلنيكيه فى مصر ويبقى الصيدلى ضمن الفريق الطبى ومستشار دوائى - الإهتمام بمهنة التمريض و إلغاء معاهد التمريض المتوسطةز
علامات نجاح الخطة: لم تذكر.

4.*محبة رسول الله*
البرنامج:
دراسة اسباب معظم الأمراض التى نواجهها فى مصر و التركيز على علاج اسبابها مثل الإهتمام بتنقية مصادر المياه بالتعاون طبعا مع الجهات المختصة - الإهتمام بنظافة المستشفيات - الإهتمام بالطبيب من ناحية أجره عشان هو كمان يهتم بالمريض - تشكيل فرق للمتابعة على عمل الأطباء والممرضات بيشتغلوا بضمير - زيادة عدد المستشفيات المجانية بحيث تكون على أعلى مستوى من الكفاءة والنظافة والمعاملة - بنفسى كوزير صحة لازم أشرف على المستشفيات على قد ما أقدر - مشروع طبيب لكل أسرة - التعاون مع وزراء آخرين من أجل تفعيل الخطة كوزير المالية لزيادة الأجور مثلا - استخدم العقاقير فى العلاج لأنها وان لم تنفع لن يكون ضررها مثل ضرر ال chemicals - الإهتمام أكتر بمواد صيدلة النافعةللصيدلى فى مجاله - انشاء تخصصات لطلاب الصيدلة قبل التخرج لإعطاء فرصة للطلاب لإختيار ما يناسبهم بعد التخرج - الرقابة على الصيدليات و عدم السماح لغير الصيادلة بصرف الدواء - تخفيض اسعار الداء المستخدم على نطاق واسع بين المواطنين.
علامات نجاح الخطة: لم تذكر.

5. رحيق
البرنامج:
وضع حد لزيادة عدد الصيدليات الموجودة و التصدى لظاهرة الصيدليات التى لايوجد بها صيادلة و العمل بنظام صيدلية واحدة لكل صيدلى - الإهتمام بالبحث العلمى ومنع سفر الاطباء والصيادلة الأكفاء الا باذن شخصى - اصلاح العلاقة بين الاطباء والصيادلة بعقد الندوات لتغيير المفاهيم السائدة من إجل التكامل المهنى - تحسين مناهج كلية الصيدلة - تثبيت ثمن كشف الطبيب لاتزيد عن 30 جنية وراتبة من المستشفى لا يقل عن 400 جنية - المتابعة المستمرة للحقل الطبى بالزيارات الميدانية و جولات تفتيشية مفاجاة اسبوعيا مع إعمال مبدأ الثزاب و العقاب - مقابلة المواطنين و الإستماع الى مقترحاتهم و إحتياجتهم و الإهتمام بتقيمهم.
علامات نجاح الخطة: لم تذكر

6. عائشة
البرنامج:
انشاء قسم للتأهيل النفسى فى كل مستشفى (خاصة فى مستشفيات الاورام الخبيثة والكبد والكلى ......وكل الامراض المزمنة ) - الأولوية فى برنامج العلاج على نفقة الدولة ستكون بالفعل للغير قادرين - نظام ملف صحى لكل فرد فى الشعب ومتابعة دورية - الإهتمام بجودة التمريض - عدم التعيين لغير المحتاج اليه فى عملة لمجرد التكليف - زيادة البعثات للخارج
وسائل تنفيذ ما سبق يرجع اليها فى المشاركة
علامات نجاح الخطة: لم تذكر