صفحة 1 من 2 12 الأخيرةالأخيرة
النتائج 1 إلى 10 من 12

الموضوع: كن رئيسا لجامعة المنصورة

  1. #1
    عضـو هيئـة التـدريـس
    تاريخ التسجيل
    May 2007
    المشاركات
    765

    Arrow كن رئيسا لجامعة المنصورة

    لو اصبحت رئيسا لجامعة المنصورة......
    - ليس على الله ببعيد خاصة بعد الثورة-
    ماهى بنود خطتك (سجل خمس بنود فقط بحد أقصى) للنهوض بالوضع الأكاديمى فى كبرى جامعات الدلتا لتكون من
    الـ 100 الأفضل على مستوى العالم
    ما هى إجراءاتك (الوسائل) التى ستتبعها حتى تنفذ خطتك
    ثم
    كيف ستقيس النجاح في تنفيذ خطتك؟
    هيا يا مرشحون اعطونا برنامجكم الإنتخابى


    ملحوظة:
    1. يجب ان تحلم و لكن مع الحلم جهز ادوات التنفيذ فى نفسك و بإمكانيات البيئة: التعليمية و البحثية و المجتمعية التى ستنطلق منها لتحقيق ذلك الحلم. سجل ما تريد على هيئة خريطة ذهنية و لا تضيع هذه الورقة.
    2. فكر فى هذا الأمر و انت فى حالة المذاكرة النشطة (يعنى خليها فترة تجديد و ترويح) وليكن هذا الحلم دافع لك اثناء و بعد المذاكرة.
    3. يمكنك المشاركة بجزء و كمل بعدين , ما فى مشكلة.
    4. تعالو نتدرب معا كيف نفكر لجامعتنا و مستقبلها الجميل الذى اثق بولادته اليوم و ستملؤنه بالأمل.
    5. نريد رئيس جامعة كان يحلم بذلك و ليس رئيس جامعة لم يخطر على باله يوما انه سيكون رئيس ....
    6. المشاركات مفتوحة للمرشحين و المرشحات من الطلاب
    7. من سيحبط المشاركين و يسفه من احلامهم سنزيل مشاركته فورا و بدون زعل.
    8. أود ان يشارك الأولاد لأنهم لم يشاركوا ابدا سابقا فى موضوع مشروع انتخاب وزير للصحة.
    9. سنجرى إستفتاء بين المرشحين لرئاسة الجامعة بناء على برنامجهم الإنتخابى الذى سيقدمه هنا و الذى سيحقق طموحات الطلاب و أعضاء هيئة التدريس و معاونيهم و نظرة مجتمع الدلتا و مصر فى تلك الجامعة.
    10. بعد التصويت سنختار 2 من الفائزين لنجرى بينهم حوار Live
    لنترك الفرصة للناخبين بحسم أمرهم.
    11. نعلن بعد ذلك نجاح الرئيس بالإنتخابات online على المنتدى.
    12. يتفضل الرئيس المنخب بالرد على أسئلة الطلاب (المحرجة) بعد اعلان النتيجة.
    فى انتظار مشاركاتكم
    "من لا يتقدم يتقادم .. فلا بصمة و لا أثر"

  2. #2
    Pharma Student
    تاريخ التسجيل
    Nov 2009
    الدولة
    El-Mahmoudia\Dekernes
    المشاركات
    2,653

    افتراضي

    بجد موضع رائع دكتور وفكره جميله


    وشكرا لحضرتك بجد على الاهتمام بينا وتزويدنا بالامل والطموح


    ان شاء الله هشارك فى الموضوع ده


    وهترشح


    ويارب أنجح


    وادينى لحقت الموضوع من بدايته

  3. #3
    Pharma Student
    تاريخ التسجيل
    Nov 2009
    المشاركات
    59

    افتراضي

    الموضوع رائع جدا يادكتور ربنا يكرمك يادكتور\\ان شاء الله سأرشح نفسى وأحضر برنامج انتخابى رائع

  4. #4
    Pb Elite
    تاريخ التسجيل
    Apr 2007
    الدولة
    L MANSORA
    المشاركات
    568

    افتراضي

    ما شاء الله

    مشاركات حضرتك مميزه دايما يا دكتور

    انا لسا جاي من مؤتمر الائتلاف الوطني للدكتور محمد غنيم ,, فلسا هجهز (( امنياتي )) برنامجي وهعرضه علي حضراتكم

    شكرا يا دكتور

  5. #5
    Pb Elite
    تاريخ التسجيل
    Nov 2008
    الدولة
    تحت قدمى امى
    المشاركات
    2,639

    افتراضي

    السلام عليكم ورحمة الله وبركاته

    موضوع جميل جدا يا دكتور يحثنا على التمنى

    فكما اشرت حضرتك لا شئ مستبعد بعد الثورة

    انا هتمنى خمس امنيات ولو ينفع يكونو هما برنامجي الانتخابي ماشي

    مش هينفع اهو انا على الاقل كسبت شرف الحلم

    اولا المناهج الدراسيه ومواكبتها وملائمتها مع موضوع ورسالة الكليه

    يعني مثلا سنه زى اعدادى ف اسنان وصيدلة دي ملهاش اي لزوم

    يبقى ايه داعي وجودها كمان التخصص ف المناهج يعني مثلا لما اجي

    ادرس كيميا تبقى مرتبطه بموضوع الكليه

    ثانيا المعامل والقاعات الدراسية والقاعات الالكترونيه : لابد وان تحظى باهتمام

    اكبر وذلك لتشجيع الطلبة ع الحضور( ومش بس يتوفر فيها الكماليات والاساسيات

    لا المفروض كمان يبقى في لجنه لمتابعتهم بشكل مستمر)

    وبالنسبه للمعامل منبقاش في سنة 2011 وبندرس بأجهزة م القرن ال 19

    ثالثا الطلبه وومدى رضاهم عن المناهج واسلوب الاساتذه والفنيين وما الى ذلك

    في شكل استفتائات يؤخذ بها ولا (تلقى ) ف الادراج وليس بالاستفتاءات فحسب

    وانما مناقشتهم فيها لمعرفة وجهات نظرهم بتعمق والذي قد يفيد المنظومه ككل

    رابعا الحالة الاقتصادية للجامعه(اعنى بذلك الميزانية العامه) فاين ميزانية البحث العلمي

    واعانات الطلبه ومكافأتهم ومكافآت العمال والتى تذهب الى مصدر شبه مجهول

    (او يعني خلينا نقول مجهول)

    خامسا بالنسبه للكتاب اللي يُجبر الطلاب على شراؤه ولا يمكنهم الاستفادة منه

    لا في فهم الماده ولا حتى اعداة استذكارها الى جانب المصروفات الباهظه التى تقع

    على الطلبة جراء شرائهم لهذا الكتاب

    دي افكارى صحيح مش مرتبه بس اهى احلام

    وزى ما قولت لو اهلتنى كان بها مأهلتنيش اتمنى من الرئيس الجديد

    وضعها ضمن اعتباراته

    والله ولى التوفيق
    التعديل الأخير تم بواسطة asfourelgana ; 18-03-2011 الساعة 04:56 AM

  6. #6
    Pb Elite
    تاريخ التسجيل
    Nov 2007
    المشاركات
    2,371

    افتراضي

    موضوع رائع يا دوك بجد ...
    _________
    ياااه رئيس جامعه = رئيس دوله بالظبط ...
    نظرا لأ ن الجامعه تعنى وطن مصغر .
    يبقى انا مسؤل امام الله عن كل فرد داخل هذه المنظومه ..
    لأن هذه الأفراد بعد التخرج هي التى ستكون
    شكل الدوله , وقوه الدوله من درجة تفكير هؤلاء الأشخاص .


    هسأل نفسى هو ليه جامعه زى ..
    هارفارد ولا
    جون هوبكانز ولا ميتشجن ولا كالتك ولا حتى تل ابيب
    احسن مننا فى ايه ؟؟
    و ليه العلماء او اى شخص بارز فى مجال البحث العلمى بيسافر
    بره مصر ليه ؟؟

    الإجابه فى التوقيع بتاع حضرتك يا دوك ..

    من لا يتقدم يتقادم .. فلا بصمة و لا أثر

    الناس دى حبت انها تتقدم .. فبدأت تشتغل على اسس علميه واضحه ..
    ومن هنا هبدأ اشتغل ..
    الجامعه ليست بنيه تحتيه ومبانى" مش معنى كده انى هتركها "
    .. والجوده ليست انشاء مصاعد كهربائيه
    فكل ذلك زائل انما العلم هو المستمر ..

    فأول حاجه هعملها ..

    توجهات علميه ..

    1- لازم جامعتى تواكب العصر .. ؟؟ !
    * مجال البحث العلمى المسلوب حقه من جامعات مصر ..
    لازم يتفعل والناس اللى حابه المجال دا لازم ندعمها ونهيئلها المناخ المناسب لتنميه
    قدراتهم فى هذا المجال ..
    عشان يطلع من عندنا زويل تانى

    تزويد الطلبة بتدريب عملي يتيح لهم الخبرة المباشرة والمرونة الكافية في ميادين التخصص.
    2- هرمى المناهج دى كلها فى الباسكت واحرقها .. واعيد ترتيب الأوراق بالنسبه للمناهج
    ..مناهج ليها علاقه بالكليه اللى الطالب بدرس فيها ..
    واهم حاجه فى التدريس فى جامعتى يعتمد Quality not Quantity
    * كتب تحتوى على علم حقيقى يستطيع الطالب من خلالها الإستفاده من المعلومه
    مباشرة دون اللجوء لطرق اخرى
    + ادخال اساليب حديئه فى التدريس ..

    .......

    3- وبم اننى مسؤل عن شخصيه كل فرد فى جامعتى
    فلازم ابنى شخصيتو .. بناء سليم ..
    ونظرا لأن النشاط هو العنصر المكمل لبناء شخصيه الطالب اكادميا وعلميا
    لكى يبعث فيه روح الإبداع , فيجب توفير الأنشطه المتنوعه للجميع ويجب على الجميع المشاركه فى هذه الأنشطه .
    كالأنشطه الإجتماعيه ... الجامعه حلقه وصل بين الطلبه وبين المجتمع ..
    الأنشطه الثقافيه ... الأنشطه الفنيه ... الأنشطه الرياضيه .

    .......
    توجهات اجتماعيه خدميه ..
    4- انشاء صندوق دعم طلابى .. لدعم غير القادرين ..
    + تحسين الرعايه الصحيه داخل الجامعه ..
    + رفع الأجور للجميع ..
    .......

    5- البنيه التحتيه .. تطوير شامل
    فى جميع الكليات ..
    from A to Z

    .......






  7. #7
    Pharma Student
    تاريخ التسجيل
    Oct 2008
    الدولة
    Gooogle earthe
    المشاركات
    397

    افتراضي

    شكرا جزيلا يا دكتور وكالعادة موضوع متميز جدا
    بما اني من حقي احلم فانا هرشح نفسي لرئاسة الجامعة وهقول برنامجي الانتخابي
    لو بقيت رئيس لجامعة المنصورة ان شاء الله
    اولا : وضع خطط زمنية (6 سنين كحد اقصى) لتطوير التعليم في جميع الكليات وسبب انها 6 سنين عشان انا هبدأ من اول سنة وهمشي معاهم لغاية ما يتخرجوا لان مينفعش اجي اطبق نظام جديد على ناس خدوا قبل كده نظام قديم واقول انا مستعجل عشان عايز الجودة وانشاء لجنة هسميها لجنة تطوير التعليم هيكون وظيفتها متابعة المناهج اول باول واضافة تحديثات ليها كل ما تحتاج وحذ اي حاجة ملهش لازمة يعني انا مش هحط نظام كويس وهفضل ماشي عليه 40 سنة لغاية ما اجي اطور تاني لا هطور بصفة دورية

    ثانيا : الغاء جميع الكتب النظرية اللي بنشتريها ونرميها في البيت والاستعانة بدل منه بحضور المحاضرات مع توفير هاند اوت محاضرة بمحاضرة مع فتح مجال الابحاث والبحث في المراجع عن المعلومة ودا من احد الاسباب لمحاربة الدروس الخصوصية والاهتمام بالبحث العلمي وانشاء ادارة خاصة للعمل عليه مع توفير جميع الأمكانيات وتخصيص جزء كبير من ميزانية الجامعة لدعمه والتعريف بيه لكل الطلبة ومن اول ما يدخلوا الجامعة يكون عارف ايه هو البحث العلمي وازاي اعمله واوصله عشان يكون قدامه فرصة يوفر شروطه

    ثالثا : توفير انشطة طلابية كل سنة (زي اسبوع الجامعات اللي اتعمل عندنا )وعمل دورات في كل انواع الرياضة سواء كانت فردية او جماعية وعمل اعلان في كل الكليات ( عشان الناس كلها تعرف ) ووضع جوائز مالية قيمة على اصحاب المراكز الاولى وذلك لتشجيع الطلبة وعمل انشطة في مجالات اخرى غير الرياضة كالمسرح وغيرها من الانشطة الطلابية والاهتمام بجميع الاسر الطلابية ودعمهم وتفعيل دور اتحاد الطلاب

    رابعا : فتح المجال امام الطلاب لمناقشة اعضاء هيئة التدريس مش في الدراسة بس لا في كل حاجة لان ساعات بنكون محتاجين ناخد رايهم في حاجة ومش عارفين وعمل جداول زمنية لكل استاذ دكتور للحضور في احد المدرجات ومناقشة الطلبة وعمل ساعة كل اسبوع على النت ليكون لرئيس الجامعة ان يناقش طلبة الجامعة وكذلك فتح المجال امام الجامعات الاخرى للمشاركة سواء كان في العملية التعليمية او الانشطة الطلابية وعمل وفود طلابية من والى جامعة المنصورة وذلك لتبادل الخبرات وفتح المجال لجميع الطلاب لمن يريد المشاركة

    خامسا : الاهتمام بجميع المنشئات وخصوصاً المكتبات مع توفير جميع سبل الراحة من تكييفات وغيره في المدرجات و الاهتمام بنظافة الجامعة وتوفير اماكن للراحة بين السكاشن والمحاضرات في جميع الكليات لان مش معقول نقعد على الرصيف

    اخيرا : (حلم نفسي يتحقق) وضع خطة زمنية لكل المحاضرات والسكاشن والامتحانات سواء كانت امتحانات العملي او النظري وان تكون شاملة لجميع اجازات مصر الرسمية ووضع هذه الخطة كل سنة وطبعها في كتيبات وتوزيعها على جميع الطلبة واعضاء هيئة التدريس وعدم تغيير مواعيدها الا للضرورة القصوى طبعا دا مش هيتحقق الا اذا تم تنظيم المواعيد مش على مستوى الجامعة بس لا على مستوى مصر كلها ولكن مصر اتغيرت وانشاء الله الحلم دا هيتحقق

    شكرا يا دكتور انك اديتنا الفرصة دي اننا نشارك ولو بارائنا وفعلا هو حلم بس والله مش صعب انه يتحقق





  8. #8
    Pharma Student
    تاريخ التسجيل
    Nov 2009
    الدولة
    El-Mahmoudia\Dekernes
    المشاركات
    2,653

    افتراضي

    السلام عليكم ورحمة الله وبركاته

    أقدم لحضراتكم الآن برنامج انتخابى للنهوض بالمستعوى العملى والتعليمى بجامعه المنصوره

    والى حضراتكم بنوده

    أولا ضروره اعاده تحديد أولويات الجامعه فى جميع المناحى تعلميه او اقتصاديه او خدميه

    ثانيا الاهتمام بالعمليه التعلميه والعمل على تطوير المناهج وتحديث أسلوب التدريس ويتم تطوير المناهج عن طريق اعداد لجان لاعاده النظر فى المناهج ومحاوله تعديله بحيث يصبح مسايرا لمستحدثات العصر ومتجاريا مع متطلبات أسواق العمل

    ثالثا الهتمام بتوفير قاعات دراسيه ملائمه وانشاء معامل مجهزه بأحدث الأجهزه لمسانده الطلاب ومساعدتهم على اثقال مهاراتهم الشخصيه وتنميه قدراتهم الذاتيه

    رابعا التواجد المستمر والدائم بين الطلاب وعمل ندوات بصوره مستمره وزياده عدد الزايات الى المدرجات وقاعات التدريس والالتقاط الدائم والمستمر بالطلاب والاستماع لآرائهم ومقترحاتهم وذلك بهدف كسر حاجز الخوف والرهبه بيم الطالب والأساتذه

    خامسا زياده الانشطه الطلابيه والتشجيع على المشاركه البناءه الفعاله بها وذلك لبناء شخصيه مثاليه

    وشكرا لحضرتك دكتور عطا الله

  9. #9
    Pb Elite
    تاريخ التسجيل
    Oct 2009
    الدولة
    فى اى مكان
    المشاركات
    214

    افتراضي

    بسم الله الرحمن الرحيم
    اولا بشكر دكتور عطا الله على الموضوع الاكثر من رائع واتاحة الفرصه دى لينا
    ثانييا انا نويت اترشح لرئاسة الجامعه وبما ان دكتور عطا الله وضح شرط الا يزيد البرنامج عن 5 بنود
    فانا هتحايل على الشرط ده واحاول ادمج عدة بنود فى بعض
    لكن اهم حاجة هيكون قائم عليها برنامج الانتخابى المشاركه من جانب الساده اعضاء هيئة التدريس والعاملين بالجامعه والطلبه ايضا لان افكار الجماعه دائما اعم واشمل من افكار الفرد
    ثانيا وضع جداول زمنيه لتنفيذ هذه الخطط والمشروعات مع الاستفاده بالعقول من ابناء الجامعه لتنفيذ هذه المشروعات
    تفعيل الدور الرقابى على رئيس الجامعه وليس له بمعنى انه اذا وجد خطا او تقصير او تباطأفى تنفيذ المشروعات او وخد انه ليس كفء لهذا المكان وجب عليه الاستقاله فورا وترك المكان لمن هو اهل له
    دى الاسس اللى همشى عليها ان شاء الله فى فترة رئاستى لجامعة المنصوره
    ودلوقتى ابدا برنامجى الانتخابى



    اولا:فيما يتعلق بالساده اعضاء هيئية التدريس
    رفع اجور الساده اعضاء هيئة التدريس بما يليق بمكانتهم الاجتماعيه
    اخضاع الساده اعضاء هيئة التدريس بصفه دوريه لدورات فى طرق التدريس والكمبيوتر وغيرها لاعداد استاذ جامعى قادر على مواكبة طرق التعليم الحديثه وقادر على التواصل مع الطلاب
    خضوع الساده اعضاء هيئة التدريس للتقييم المستمر من رئاسة الجامعه ومن الطلاب لضمان جودة التعليم وضمان قبول الطلبه لهم
    عضو هيئة التدريس الذى لايلاقى قبول من الطلاب او الذى لايجتاز الدورات يعزل من التدريس وتسند اليه المناصب الادرايه او البحثيه اذا كان اهلا لذلك


    ثانيا :فيما يتعلق بالمناهج والكتب الدراسيه
    اولا فيما يتعلق بالمناهج
    تعديل المناهج وتطويرها لتناسب نوع الكليه والدراسه بها مع مراعاة مناسبتها مع متطلبات سوق العمل لاعداد خريج قادر على المنافسه فى سوق العمل المصريه ومن ثم العالميه
    على ان يراعى فى هذه المناهج تنمية قدرة الطلاب على الابتكار والبحث والا يتم تدريسها بطريقة السرد والالقاء
    ثانيا فى يتعلق بالكتب الدراسيه
    عدم اجبار الطلبه على شراء الكتب سواء كانت العمليه او النظريه
    مع تخفيض اسعار الكتب لمن يريد شرائها
    تطوير الكتاب الجامعى ويتم ذلك على عدة خطوات
    1/ يحذف من الكتاب الجامعى مالا يدرس فعليا وماليس له قيمه ومالا يستفيد منه الطلاب
    2/ تغير شكل الكتاب الجامعى وطريقة السرد به ليصبح مشوقا مع مراعاة عدم الاخلال بقيمته العلميه ولكن جعله مصدرا جيدا للمذاكره
    3/ يسمح الكتاب الجامعى بترك مساحه للطالب للبحث والابتكار والا يكون الكتاب الجامعى وحده هو مصدر المعلومات وخلق فرصه للطالب للبحث عن المعلومات بمفرده وذلك لتنمية قدرات البحث والاعتماد على الذاتى
    4/ الاستغناء عن الكتاب الجامعى وجعل العملية التعليميه قائمه على اساس البحث والمشاركه من جانب الطلاب وليس التلقين ولا تتم هذه الخطوه الا بعد دراسة جميع الجوانب والتاكد من قدرة الطلاب على البحث حتى لا يكون بذلك اخلال بجودة الخريج
    ويشرف على تطوير المناهج والكتب الدراسيه لجنه خاصه بكل كليه على حده مع وضع جدول زمنى لهذه اللجنه


    ثالثا: فيما يتعلق بالبحث العلمى
    رصد ميزانيه للبحث العلمى وامداد الباحثين بالاجهزه الحديثه والادوات التى تساعدهم على تطوير البحث العلمى داجل الجامعه
    ضرورة المشاركه من جانب الطلاب فى الابحاث العلميه لتطوير مهاراتهم وقدراتهم على البحث
    تطوير المعامل وقاعات التكنولوجيا وامدادها باحدث التقنيات وذلك بوصفها النواه الاولى للبحث العلمى داخل الجامعه
    تنشيط البعثات الخارجيه مع وضع قوانين وضوابط صارمه لضمان عودة المبعوث الى الجامعه لتطبيق ماتعلمه بالخارج
    دعم الباحثين الذين يحققون انجاز فى ابحاثهم تحفيزا لهم ولغيرهم


    رابعا:فيما يتعلق بالطالب الجامعى
    اشرك الطالب فى اماكن صنع القرار داخل الجامعه وفى مشروعات التطوير داخلها
    اشراك الطلاب فى تقييم الساده اعضاء هيئة التدريس والاهتمام بنتيجة اسبيان تقييم العمليه التعليميه واخذه بعين الاعتبار
    ضمان نزاهة انتخابات الاتحادات الطلابيه لضمان تمثيلها للطلاب
    الاهتمام بالانشطه الطلابيه ورصد ميزانيه لها مع دعم الطلاب المفوقون فى النشاط الطلابى
    الاهتما بالطلاب المتفوقين دراسيا مع دعمهم وذلك تحفيزا لهم ولغيرهم من الطلاب
    السماح بالنشاط السياسى داخل الجامعه على ان يتم ذلك فى اطار الاحترام المتبادل بين الجماعات السياسيه المختلفه مع مراعاة عدم التضييق على ايا منها
    عقد دورات وندوات بين الطلاب والرموز الوطنيه من ابناء الجامعه والجامعات الاخرى لتوسيع مدار الطالب السياسيه والاجتماعيه
    انشاء صندوق دعم طلابى لمساعده الطلبه الغير قادريين


    خامسا:فيما يتعلق بالميزانيه والبنيه التحتيه
    رصد جزء من الميزانيه لدعم البحث العلمى والنشاط الطلابى ودعم الطلبه المتفوقين دراسيه وفى النشاط الطلابى
    مع انشاء صندوق دعم طلابى لمساعدة الطلبه الغير قادرين
    مع رصد جزء من الميزانه لدعم الكتاب الجامعى
    زيادة اجور الساده اعضاء هيثة التدريس وجميع العامليين بالجامعه
    تطوير المنشأت والابنيه التعليميه وكذا تطوير المعامل وقاعات التكنولوجيا والمكتبات وامدادها بالكتب اللازمه
    سرعة الانتهاء من المكتبه المزكزيه للجامعه مع امدادها بالكتب الازمه وضرورة احتوائها على قاعة تكنولوجيا متطوره
    نقل جميع الكليات داخل المجمع الجامعى
    الاهتمام بالرعايه الصحيه بالطلاب والساده اعضاء هيئة التدريس والعامليين بالجامعه


    ده كان برنامجى الانتخابى
    او ده اللى فى بالى حاليا
    واذا فكرت فى فكره تانيه هضيفها ان شاء الله
    ارجو انه يعجبكم واذا كان فيه اخطاء
    ارجو انكم تغفروها
    انا لسه طالبه مش رئيسة الجامعه
    ومره تانيه بشكر دكتور عطا الله
    والسلام عليكم ورحمة الله

  10. #10

    افتراضي


    السلام عليكم

    اولا بشكر حضرتك جدا د/ عطا الله
    على هذا الموضوع الرائع الذى اعطى الفرصة لكثيرين
    حتى لمجرد الحلم واعتبر هذا الموضوع ساحة لاخراج
    ما بداخل الشباب من مقترحات وامانى واحلام واشياء كثيرة
    تمنوا ان يجدوها فى رئيس الجامعة .
    اكيد فيه ناس كتير هتقول انى ماينفعش اقول انى
    اتمنى ان اكون رئيس جامعة .
    من وجهة نظرى المتواضعة جدا ان رئيس الجامعة
    لابد وضرورى اوى ان يكون شخصية اداريه من الدرجة الاولى لانه سيقوم بادارة جامعة باكملها كليات ومستشفيات وعدد كبير جدا من العاملين .
    البرنامج :

    # 1 بما ان مصر اتغيرت لابد ان يكون باب مكتبى مفتوح
    دائما لكل شخص متظلم من اى شىء وابحث شكواه
    بكل شفافيه وامانه ولا اتحايد لعميد ولا استاذ فى الجامعه
    اذا كان هذا هو الحق .
    # 2 اراعى عقول الطلبه والطالبات ونضوجهم الفكرى
    من حيث وضع المناهج والامتحانات ومواعيدها وانظمتها .
    # 3 اهتم جدا بالابحاث العلمية واعطيها ولاصحابها
    كل اهتمام لان هذا هدف اساسى ورئيسى للجامعة وهو
    ان تخرج الجامعة نوابغ العلم .
    # 4 اهتم اهتماااااااااااااام شديد جدا بالمعامل الطلابية
    وكذلك معامل الابحاااااااااااااااااث لانى بصراحة شديدة
    اجد انه حرااام اوى لما معيد يقف يشتغل ابحاث وكلها
    روائح مضرة جدا وحتى مفيش شفاط فى المعمل
    اقول لهذا لالالالا
    # 5 الموظف المثالى
    كيف يختار ؟ حتى الان بصراحة لم اجد انسان على الاقل
    فى كليتى اخذه وحقيقى يستحقه
    لابد ان يكون له قواعد واسس يختار عليها ويكون هذا بمنتهى الشفافيه والعدل
    على فكره انا كتبت اسس لاختياره فى مقترحاتى
    على التطوير !
    # 6 لابد ان يكون لى لقاء مع العاملين بالجامعة كل شهر
    ويحدد يومه ويكون ثابت لتبادل الحوار والنقاش وهذا لخلق روح الالفة بين الرئيس والمرؤسين .
    # 7 هنزل بقرارات حازمه جدا بمنع استغلال الطلاب
    داخل معاملهم من حيث الادوات او ( كل سنه وانت طيب)
    طبعا انتم فاهمينى.
    # 8 تبادل الانشطه الطلابية بين جامعتنا والجامعات الاخرى .

    # 9 هعمل حفل تكريم سنوى لاحسن :
    رسالة دكتوراه
    رسالة ماجستير
    اوائل الطلاب
    المتميزين فى الانشطة
    احسن فنـــــــــــــــى
    احسن ادارى
    احسن عامل
    لكل كلية او مستشفى .
    # 10 وهحاول فى عهدى ان تعامل المرضى
    داخل مستشفيات الجامعة معاملة ادمية .
    # 11 مش هقف امام باحث ولا همنع حد من اخراج طاقته
    حتى ولو كان عامل .
    # 12 هسمع اقتراحات الشباب فى كل مجال داخل الجامعة
    وهدرسها ولازم اشجع اصحابها لكى يستمرو .
    # 13 هرفع شعار
    نعم للحوار
    لا لاهدار الطاقات .

    طبعا دى حاجات خطرت فى بالى وحلمت شويه لو كنت
    رئيس جامعة هعمل ايه وطبعا ده على ادى وانتم اصحاب العقول الكبيرة
    اشكركم .
    اللهم انى اسالك علما نافعا
    ورزقا طيبا وعملا متقبلا.

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •