اقتباس المشاركة الأصلية كتبت بواسطة marafa مشاهدة المشاركة
بس ايه اللى ممكن يخلينى اشترك فى الجمعية دى
لو حضرتك بتسمع عن النشاط الطلابي في الكلية أكيد هتلاقي جوابك
الجمعية العلمية مش أسرة عادية ده كيان مختص بذاته له مجلس إدارة كامل من أعضاء هيئة التدريس وموثقة في مصر ودولياً
إحنا تابعين للاتحاد المصري وللاتحاد الدولي
لطلاب كلية الصيدلة
هتقولي وبعدين..
بص يا سيدي
الجمعية العلمية يقوم نشاطها في الأساس علي العمل التطوعي يعني إن اللي بيشترك معانا في نشاط بيشترك بمزاجه وهو حابب إنه يشترك فيه
انت ليك دورك أساسي في المجتمع كطالب في كلية الصيدلة..يعني ايه؟؟!
يعني صدقني ملهاش لازمة تدخل الكلية وتطلع منها زي ما دخلت
يعني لما تشارك في مثلاً حملة توعية عن مرض معين..صدقني هتحس بقيمتك وانت عارف معلومة وعايز توصلها للناس، والناس بتكون في غاية السعادة إنها لقت حد يعرفها.
هتحس بقيمتك لما تلاقي حادثة ع الطريق لا قدر الله وانت الوحيد اللي عارف تتعامل مع الموقف لأنك فاهم انت بتعمل ايه؟؟
لأن بكل بساطة نشاط الجمعية بيعتمد في الأساس ع الأنشطة دي، ده بالإضافة لأنشطة كتير ممكن تشارك فيها
ده بالإضافة إنك لما تخلص الكلية وتروح تشتغل مثلاً..ولقيت صاحب الشغل لازم يختار واحد من اتنين .. انت وواحد تاني
لما تكون الCV بتاعتك فيها كل الأنشطة دي..أكيد مش هيتردد إنه يختارك
ده غير إن الجمعية العلمية لها إسمها عند الكيانات دي
أنا آسف ع الإطالة مع إني مخلصتش كلامي لأن ورايا سكشن ناو ويدوب ألحق
لو حضرتك عايز تعرف أكتر ياريت تشرفنا في المقر
وإن شاء الله هتلاقينا موجودين