Egypt .. Vs .. Brazil

[Ramy Saad]

هو كان شحاتة ولا أحمد حسن


هو المفروض نكسب البرازيل يعني .. إذا كان الأهلي غالبية قوام منتخب مصر + 2 اساسيين في منتخب أنجولا + مدرب عالمي في عزه اتغلب 4 من أشبال برشلونة يبقا النتيجة الطبيعية ان منتخب مصر يخسر أكتر من كده من البرازيل .. ملهاش علاقة بقا بالحضري واقف أو شحاته حاطط جل في شعره أو غيره

اتوقع ان الماتش هيخلص 3 صفر وإذا حصلت معجزه بالكتير أوي أوي أوي يخلص واحد .. البرازيل لو ملعبتش بجد ممكن يخلص درون ..

ايه لازمة الكلام ده يا دكتور ، الموضوع عن المنتخب مش عن الأندية
بلاش أحسن عشان مايبقاش فيه خلافات خصوصا إن الكلام مش هيعجب أعضاء كتير



-----

بالمعدل اللي الحضري بيشيل بيه السنة دي

هنتغلب ما بين 3 أو 4 أهداف فرق ...

دي البرازيل يا عم الحاج احنا هنهزر

احنا هنحقق ثلاث نتائج مختلفة

نخسر من البرازيل

ونتهزم من ايطاليا

ونتغلب من امريكا

بجد المجوعة صعبة قوى واى نتائج متقبلة بس يارب ما نشيلش
كتير

100000000000000000000000000000000000000000
-----
هيلعبوا جون مشترك على الحضرى

ربنا يستر
ولا حول ولا قوة الا بالله
هنخسر من البرازيل 5\0
ومن ايطاليا7\0
ومن امريكا 2\0
وربنا يستر ومفيش نتيجة من اللى انا كتباهم تحصل
وممكن معجزة تحصل يعنى ونتعادل او نكسب فى اى ماتش
قولو يا رب

يا جماعة خليكوا متفائلين
المنتخب كله رجالة
منتخبنا قادر على قهر البرازيل و الخروج من المباراة بهزيمة ثلاثية فقط





-----

مصر 1-1 البرازيل

مصر0-0 ايطاليا

مصر1-2 امريكا

انا بتوقع النتايج دى بس حاسس ان مصر هتغلب البرازيل

احنا هنكسب البرازيل 3
و نرزع ايطاليا 4
و نتعادل مع امريكا
و نصعد اول المجموعه

المتفائلين بيشجعوا مصر
و احنا معاهم


الله
حسن شحاته حاطط جل فى شعره
زى القمر

هو ده التفائل ولا بلاش

[dano_90]

يااااااااااااه معقول نغلب البرازيل !! !!

asweet dream


منتخبنا رايح يتفسح مش أكتر ,,

انما يغلبوا ,,مش معقووووووول ,,دى تبقى معجزة بجد

[رويزو]

ورونالدنيهو معاه الكوره عدى من خط الوسط
واستلم الكوره كاكا وعدى من الدفاع
الكوره دلوقت مع لويس فابيان وشاط فى الجون والحضرى مستعد لصد الكوره
لسه هايطير الفوت بول بتاعه اتخلع ونزل يربطه وساب الجون
وجووووووووووووووووووووووووووون
والنتيجه الان مازالت تعادل مصر 4/0للبرازيل

[wh_kaboo]

من احسن ما سمعت !!!!!!!!!!

حين سال احد الخبراء الرياضين بتوعنا : مين اللى يمسك كاكا ؟
وايه خطة اللعب ؟؟

خطة اللعب mens to man ( جمع للكثرة )
وقال اللى يمسك كاكا سيد معوض واتنين كمان


no comment

[Dr Deya]

هو تشجيع البرازيل يعتبر خيانه ولا حاجه ؟؟؟؟

[basma 90]

ايوووووووووووون
عارفين ان احنا هنخسر ماشى
بس برضو دى مصر يا جماعة

شجعوا نطلع باقل هزيمة

[subzero]

هو كان شحاتة ولا أحمد حسن

هو المفروض نكسب البرازيل يعني .. إذا كان الأهلي غالبية قوام منتخب مصر + 2 اساسيين في منتخب أنجولا + مدرب عالمي في عزه اتغلب 4 من أشبال برشلونة يبقا النتيجة الطبيعية ان منتخب مصر يخسر أكتر من كده من البرازيل .. ملهاش علاقة بقا بالحضري واقف أو شحاته حاطط جل في شعره أو غيره

اتوقع ان الماتش هيخلص 3 صفر وإذا حصلت معجزه بالكتير أوي أوي أوي يخلص واحد .. البرازيل لو ملعبتش بجد ممكن يخلص درون ..

لا حول ولا قوه الا بالله
هى كلمه الاهلى دايما اول كلمه على لسان اى زملكاوى


عقده عقده يعنى


انا لا شتمت حد
ولا عملت حاجه اساسا
ولا قلت اننا لازم و لابد و حتما نغلب البرازيل والا شحاته يقال
و نرجمه رميا بالكور


ايه لزمته الرد اللى ملوش علاقه بالموضوع ده


خليك فاكر برضه ان انت اللى بتخرجنا عن المواضيع
و الموضوع بيرجع يتقفل فى النهايه

بلاش تاخد كل حاجه اهلى و زمالك


انا عن نفسى حاسس ان مصر هتلعب حلو كأداء بس

[Ramy Saad]

بعد إذنكم يا دكاترة
أي مشاركة أخرى بعيدة عن الموضوع في أهلي وزمالك أو غيرهم من الأندية ، هطالب بحذفها من الموضوع

حافظوا على الموضوع وبلاش نخليه ساحة خلاف ونزاع في كلام بعيد عن الموضوع أصلا

[رويزو]

بعد إذنكم يا دكاترة
أي مشاركة أخرى بعيدة عن الموضوع في أهلي وزمالك أو غيرهم من الأندية ، هطالب بحذفها من الموضوع

حافظوا على الموضوع وبلاش نخليه ساحة خلاف ونزاع في كلام بعيد عن الموضوع أصلا

براحه شويه علينا يا دكتور رامى
انت فاهم الصراع الدموى اللى ما بين الشعب

[Ramy Saad]

براحه شويه علينا يا دكتور رامى
انت فاهم الصراع الدموى اللى ما بين الشعب

عارف والله وفاهم الصراع التقليدي ... انت عارفني
والخلافات ديه مافيش منها فايدة ومش مجالها الموضوع ده ، ومش عاوز يكون الموضوع سبب في إن ناس تزعل من بعضها ، ديه الفكرة
الموضوع عشان مباراة البرازيل ( هنعتبرها مباراة مجازا = المفروض المباراة بتبقة بين فريقين يعني كل فريق بيمسك الكورة شوية ، بس ماظنش ده هيحصل )