ساحة نقاش وتداعيات الأجازة .... هلموا يا معشر رابعة

[د///*مطحونة*\\\]

هى ايه مشكلة الاهالى مع عيالهم بالظبط



لو شافونا قاعدين فى الدراسة يقولولنا ادخلوا زاكروا
ولو شافونا قاعدين فى الاجازة يقولولنا انتوا هتقعدولنا كدة؟
ايه بقا
مش فاهمة هل الوضع دة هيختلف لو انا مثلا فضلت واقفة على رجلى طول اليوم؟
والمشكلة ان لو مثلا دخلنا المطبخ هيتعودوا على كدة وهيستلمونا واحنا مش ناقصين وجع دماغ
وطبعا غير الطبخ والتوضيب من اكتر مساوىء الاجازة...ولا اقولكوا بلاش البنات اكيد فاهمين انا اقصد ايه
ايا كان بس عندى احساس كدة ان كل دة عيالنا هيعملوه فينا وافظع
واللى واثقة منه بقا انى هعمل فى عيالى زى ما اهلى بيعملوا فيا بالظبط

.....

[amira89]

طيب يا بختك اتشجعتى و دخلتيه ، أنا لسة مش قادرة أخد الخطوة دى مع إنى لازم أخدها بإذن الله .......

والله يا اختى يا نيروز شر ولا بد منه
بس والله انا بحب شغل المطبخ جدااااااااااا
وامبارح الحمد لله حرقت البدنجان
بس ماما كانت بتتكلم فى التليفون
وماخدتش بالها
قمت جبت التحديقة وحطتها عليه وقفلت الجهازو ونمت قبل هى ما تخلص تليفون
والحمد لله نسيت تزعقلى

قلبى معاكى يا اميرة ......الواقفة فى المطبخ بتفكرنى بسكشن الصيدلانيات

وانا بقلب البشاميل ع النار زى ما بقلب التحضيرة ع النار

هههههههههههههههه
متفكرنيش يا زوزو
وانا واقفة بحرق الاكل كانى بحضر الطبق فى السكشن

[subzero]

يا جماعه واحدصاحبى فى سنه رابعه و خلصنا الحمد لله خلاص
بس هو متدريش فى سنه تالته
يعرف معاد تدريبه منين او ورق التدريب هينزل امتا ؟؟؟

[basma 90]

يا جماعه واحدصاحبى فى سنه رابعه و خلصنا الحمد لله خلاص

بس هو متدريش فى سنه تالته
يعرف معاد تدريبه منين او ورق التدريب هينزل امتا ؟؟؟

يااما ينزل الكلية هيلاقيه متعلق عند البتاع الحديد اللى بيبقى فيه الجدول
او المفروض ينزلوه هنا ع المنتدى

[MANS_SALOMAI]

السلام عليكم ورحمة الله وبركاته

ياريت حد يقولنا على حفلات التخرج اللى هتتعمل كلها امتى فين الحجز ازاى وكام كل حاجة عنها بس ضرورى لو سمحتم
مع تمنياتى للجميع باجازة سعيدة ومستقبل باهر شغل كويس وحياةمليئة بالفرح دايما

[Hope1]

بالنسبة ICDL..........هتخديها فين ؟

وهموت واتعلم سواقة مع انى انا عارفى انا بابا مش هيرضى يدينى العربية بتاعته بس ميضرش

انا امى مستحلفالى مصممة تخلنى اطبخ لهم الغدا كل يوم عشان اتعلم المشكله انا بقوم من النوم قبل ما بابا يجى بشوية صغيرين فبحضر العشا بس

اول ما اخدت الاجازة ابتدينا حملة التنضيف اللى مش عايزة تخلص دى ....الله المستعان

بصي يا شابة بالنوسبة للـ ICDL كان في اعلان متعلق في الكلية عن كورس من 7-7 لـ 19-7 بس انا راحة المصيف في الوقت ده فمش هروحه
ابويا بردو مش بيرضي يديني عربيته بس كنت اتعلمت شوية علي عربية اخويا أبل ميسافر و الحق لله مكنتش عربيته كانت بتاع الشركة
انا كمان واخدة التنضيف و ماما عليها المطبخ
بس النهارده حمرت بطاطس و عملت شوربة بشعرية

[د///*مطحونة*\\\]

حد نزل يقف فى صيدلية يا جماعة؟
ولا لسة مأجزين؟
.....

[amira89]

حد نزل يقف فى صيدلية يا جماعة؟

ولا لسة مأجزين؟
.....

لسه والله يا مطحونة
انا بنزل كل يوم دورة الكلينكال فى النقابة وباجى العصر بكون مهدودة مش قادرة انزل تانى فى اى حتة

[د///*مطحونة*\\\]

لسه والله يا مطحونة
انا بنزل كل يوم دورة الكلينكال فى النقابة وباجى العصر بكون مهدودة مش قادرة انزل تانى فى اى حتة

اكيد لازم تبقى مهدودة خصوصا ان الجو فظيع جدا
ربنا يعيننا فى رمضان
طب حد ناوى ينزل فى رمضان؟
غريبة اوى اللى مخلناش ننزل قبل الصيام هيخلينا ننزل فى الصيام والحر دة!
ما أجمل البطالة
خصوصا فى الصيف
.....

[amira89]

اكيد لازم تبقى مهدودة خصوصا ان الجو فظيع جدا

ربنا يعيننا فى رمضان
طب حد ناوى ينزل فى رمضان؟
غريبة اوى اللى مخلناش ننزل قبل الصيام هيخلينا ننزل فى الصيام والحر دة!
ما أجمل البطالة
خصوصا فى الصيف
.....

ههههههههه على رايك يا اختى
بس انا ناوية انزل ان شاء الله بعد ما اخلص الدورة بدل ما اضيع وقتى فى حاجات ملهاش لازمة