بسم الله الرحمن الرحيم
زمايلنا في ساحات الحوار بيتكلموا كتير عن موضوع الانفلونزا الجديده واحنا واثقين جدا في ادارة الكليه وانها اكيد عامله احتياطتها
بس انا واكيد معايا كتير نحب نعرف اكتر عن الاحتياطات دي
الاهم اننا نفسنا نشارك في الموضوع ده وعندنا رغبه حقيقيه اننا نساعد نفسنا اولا ثم اخواتنا عشان الموضوع يعدي بسلام
ارجوا من ادارة الكليه انها تدينا المجال للمشاركه سواء في التوعيه او الاجراءات او المقترحات
لان الموضوع مش لازم يبقى بس رسمي اومجرد اعلانات ده لازم يبقى اكتر بينا وبين بعض والاجراءات الوقائيه لازم نكررها مليون مره من الدكاتره وبيننا وبين بعض ولازم يبقى لكل طالب طالب تاني كل يوم يفكره
وياريت حضارتكم توضحولنا بدقه نعمل ايه لوحسينا بالنفلونزا على مستوى اجراءات الكليه يعني ازاي نقدر ناخذ اجازه من السكاشن لان وزير الصحه قال ان اللي يحس ببرد على طول يقعد في بيته لمدة اسبوع وخصوصا اننا في مدن جامعيه وياريت الاجراءات دي تكون بسيطه وسريعه
في النهايه احب اقول اني عملت الموضوع ده لاني عندي رغبه حقيقيه في المساعده واحساس بالمسؤليه وضرورة المشاركه
ولاحساسي بدورنا التنويري الصحي كصيادله واللي المفروض يمتد للجامعه كلها
وارجوا الاهتمام
واشكركم لسعة صدوركم