صفحة 1 من 4 123 ... الأخيرةالأخيرة
النتائج 1 إلى 10 من 35

الموضوع: (*•.¸(`•.¸ ماذا تفعل لو كنت مكانى ¸.•´)¸.•*)

  1. #1
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    Exclamation (*•.¸(`•.¸ ماذا تفعل لو كنت مكانى ¸.•´)¸.•*)

    بسم الله الرحمن الرحيم

    الموضوع مش خاص بالفرقة التانية .. و لا بأى فرقة .. الموضوع عام لكل الناس اللى بانت نتيجتها .. و اللى لسة هتبان نتايجها ..

    حبيت بالأخص إنه أحطه فى منتدى الفرقة التانية .. لأن دى التجربة اللى سابت أثرها فعلاً كانت فى تانية ..

    و قبل ما أبدأ الكلام .. محدش يحاول يقلد اللى عملته .. لكن استفيدوا من التجربة من و النصايح

    حدث بالفعل

    فى إعدادى .. أول سنة ليا .. كل الناس كانت خايفة من الكلية .. و بتذاكر .. كل الناس كان عندها مشكلات فى اللغة .. لكن أنا كنت بلاقى إن فى تشابه كبير ما بين حاجات كتيرة بندرسها .. و ما بين حاجات خدناها قبل كده فى الثانوى ..

    مرت الأيام .. و جه وقت الامتحانات .. و كنت متعود من أيام الثانوية العامة .. إنى مذاكرش غير لما أحس إن خلاص معدش فى وقت ..

    أسبوع قبل الامتحان و بدأت أذاكر .. و استمرت مذاكرتى طول فترة الامتحانات .. و الأيام اللى بينها .. و مكنتش أعرف أى حاجة عن المواد .. غير إنى كنت بحضر محاضرات و بحاول أركز فى اللى اتقال .. جبت " جيد " فى الترم الأول ..

    يا سلام .. قلت الحكاية سهلة أوى .. و كررت نفس اللى عملته فى الترم التانى .. و جبت " جيد جداً " ..

    للأسف .. اغتريت بنفسى .. و استهنت بالكلية .. و استهنت بأهمية المذاكرة .. مش لأنى همتحن فى المواد .. لأ .. لأنى هحتاج المعلومات دى أكيد ..

    دخلت أولى .. و كررت نفس اللى عملته .. شلت صيدلانيات و فسيولوجى ترم أول .. و محرمتش .. و كررت برده فى الترم التانى ... عديت بجيد .. و مرفوع فى الصيدلانيات !! و برده محرمتش !!

    دخلت تانية .. و أنا كلى أمل .. و كل سنة أقول قبلها " هذاكر من الأول .. و أجيب امتياز السنة دى " .. و كنت برده بكرر نفس اللى بعمله كل مرة .. أسيب المواد تتراكم .. و أهم حاجة عندى إنى أشترى " الورق " أول بأول .. حتى مكنتش بعرف أنا عندى إيه .. كنت بجيب و أرمى على المكتب ..

    و جت نتيجة الترم الأول صاعقة .. بالنسبة ليا .. و لأختى اللى معايا ف صيدلة .. و لأهلى ..

    شلت 4 مواد ...

    أه 4 مواد .. مستغربين ليه ..

    منهم تحليلية على 21 درجة و نص ..

    صيدلانيات على 19 درجة !!!

    بالاضافة للعقاقير و الميكرو !!

    --------------------------

    أحكلكوا قصة المواد .. و يا ريت اللى يقرأ يحاول يستفيد .. و ميعملش اللى أنا عملته ..

    فى اعتقادى .. مفيش امتحان سهل و امتحان صعب .. فى طالب ذاكر و طالب مذاكرش .. و فى طالب وفق و طالب لم يوفق .. " و بعترف إن فى ناس كتير جداً بتختلف معايا فى الرأى ده " .. و برده ما زلت عند رأيى ..

    التحليلية .. محضرتش الشيت بتاعها فى الترم الأول .. و كان عندى غياب سكشنين .. و مذاكرتهاش ألا يومين قبل الامتحان .. و تقريباً حلى فى الورقة يا دوب عدانى كلمة " راسب نظرى " بالعافية .. دا إن كنت عديتها ..

    الصيدلانيات .. غلطت فى التحضيرة .. و مذاكرتهاش .. و كنت بذاكر جزء الدكتور اللى ورقه قليل .. عشان أطمن نفسى إنى بذاكر ..

    العقاقير .. مسلمتش كتاب العملى بتاعى .. و الميكرو .. برده مسلمتش كتاب العملى و كان عندى غياب سكشن فى الاتنين .. و مذاكرتش ..

    -------------------------------

    الترم التانى .. تقريباً كده زى ما بيقلوا " العقاقير كانت لعبتى " .. و ناس من زمايلى عارفين و متأكدين من الكلام ده ..

    ----------------------------

    نيجى لنتبجة الترم التانى فى تانية .. آخر السنة .. و الكل بيذاكر .. و أنا موصل النت و قاعد عليه ليل نهار

    أسبوع قبل التحليلية .. لسة بدرى

    5 أيام قبل التحليلية .. بدأت أذاكر .. بتكاسل .. ساعة و لا اتنين فى اليوم .. و الباقى مقضيه ع النت !!

    شيت التحليلية ترم تانى .. حضرته " طب الحمد لله " .. لأ استنى .. منا كتبت اسمى و خرجت !!!!

    خليكوا فاكرين .. تضييع الوقت .. و عدم حضور السكاشن .. و عدم حضور الشيتات بينجح .. لأ .. و بيجيب مجموع كمان ..

    شيتات التحليلية كان علبها 30 درجة !! تخيل .. 30 درجة .. و إنت راميهم !!

    سبنا من نتيجة التحليلية دلوقتى ....

    ----------------------

    امتحاناتنا الترم التانى كان قدام كل مادة أسبوع .. تقريباً كنا بنمتحن الحد .. تخيل إنك عندك امتحان كيميا عضوية يوم الحد .. و يوم الجمعة بالليل خرجت مع أصحابك من الساعة 4 العصر .. لحد الساعة 5 الصبح .. !!!

    --------------------------

    العقاقير .... الناس اللى معايا فى الشقة كانوا خلصوا .. و مفيش حد قاعد فى الشقة إلا أنا " يا سلام .. هتذاااااكر " .. لأ .. دا أنا قضيتها نووووووووم .. و سهر قدام النت ... و مذاكرتش .. و رحت يوم الجمعة بالليل نمت مع أصحابى فى المدينة .. و بدأت أذاكر العقاقير يوم السبت الساعة 9 الصبح ... لحد الامتحان تانى يوم الساعة 9 الصبح .. فيما عدا 4 ساعات نوم .. و ساعة أكل !!! و دخلت بجزء الناركوتيك فقط منجزء الدكتور حسن الراضى .. و مذاكرتش حتى باقى الجزء " سيكوتروبيك و أن أورجانايزد " و جزء الدكتورة مديحة ذاكرت فيه 4 نباتات !!

    ---------------------------

    النتيجة .. مقبوووووووووووووووووووول بالثلث .. و شايل تحليلية على درجة و نص !!

    درجة و نص ؟؟

    أه درجة و نص !! و كنت آخد درجات الرفع فيها .. !!! سبت شيتين ب 30 درجة و الآخر شلت المادة على درجة و نص !!!

    -----------------------------------------------

    الاستفادة

    أنا محطتش الكلام ده إلا لأنى أكاد أكود متأكد .. إن فى ياسر تانى فى دفعتكوا .. و عمل اللى أنا عملتوا ده .. و ممكن يكون أكتر ..

    الغرض : أنبهكوا إن إحنا اللى بنضيع نفسنا .. مش الدكاترة .. و لا الامتحانات ..

    عمر الحفظ ما كان مقياس للمذاكرة .. لازم تكون فاهم اللى إنت حافظه عشان تعرف إزاى الدكتور هيناقشك فيه .. إزاى هيجيلك سؤال الامتحان ..

    حضور المحاضرة بيكشف أسلوب الدكتور .. و بيعرفك امتحانه هييجى إزاى .. و إلا يبقى معلش الغلط منك .. الناس اللى بتدى كورسات بره دى و بتتوقع الآسئلة .. و إنت بتروح ترمى فلوسك ليهم " مبينجموش " .. و سيادتك تبقى قاعد منبهر إن دكتور س قال السؤال ده جاى فى الامتحان و جه .. دكتور ص قال ركزوا على الرسمة دى مهمة و جت فى الامتحان .. دول مبينجموش ..

    الناس دى مبتحضرش محاضرات .. بس المحاضرة بتروحلهم متسجلة .. يعنى ميعرفش يقولك حاجة إلا إذا سمعها أول .. فكان من باب أولى إنك تاخد المعلومة من مصدرها .. فى المحاضرة ..

    الساعات المكتبية للدكاترة متعملتش عشان الناس تروح تستأذن منهم تغير ميعاد السكشن .. و لا تستأذن منهم عشان تمشى عشان عندهم ظروف .. لأ .. دى معمولة عشانك إنت ..

    معمولة عشان تناقش الدكتور فى اللى قاله ..

    من حقك تقوله مش فاهم .. و من حقك إنه يشرحلك تانى .. " درس خصوصى " و عند دكتور المادة .. أه درس خصوصى .. و عند دكتور المادة .. و ببلاش .. و ف مكتبه ..

    لما يكون عندك عملى .. تكون حاضر الشرح بتاعه .. و تروح بشرحك جاهز متبيض على الأقل .. و يا سيدى لو مبتعرفش .. اشتريه .. بس لازم تقرأه قبل السكشن .. يكون عندك فكرة حتى هتعمل إيه .. و نبطل أمور العيال اللى بتحصل فى المعامل و الهزار .. و الكلام .. و البلوتوث المفتوح .. و نقل النغمات ..

    " عن إزنك يا دكتور ممكن أصلى " .. و الله العظيم أنا صدقتها .. مفيش ثانيتين و ببص من الشباك بالصدفة .. الزميلة الكريمة نزلت تحكى و تهزر و تضحك مع صحباتها اللى مستنيينها تحت .. و اللى قالتلهم 10 دقايق بس و نازلالكوا .. !!! ده يرضى مين ؟؟؟

    فى ولاد برده بيقولوا كده .. و ينزلوا .. يشربوا سجاير تحت .. يقعد مع حد .. يعمل أى حاجة من أمور " العيال " ..

    الشيت مش معمول لأن الدكتور متضايق منك .. و بيضيعلك درجات ..

    لا و الله أبداً .. دا بيحاول يجبرك إنك تذاكر ..

    لأنه عارف إننا زى الأطفال .. أو معظمنا زى الأطفال .. لو محدش قاله ذاكر .. مش هيذاكر .. و فى اللى أكتر من طفل .. لو حد قاله ذاكر .. يعند و ميذاكرش !!! طب هى مصلحة مين ؟؟ اللى بيقولك .. و لا مصلحتك إنت ؟؟ بالله عليك .. مصلحة مين إنك تذاكر ؟؟؟

    متستهنش بمادة .. و متستهنش بالكلية ..

    انتمى لكليتك و حبها ..

    حاجة أخيرة .. تعمدت أذكرها فى الآخر .. برغم إن مكانها فى الأول .. لكن أنا تعمدت كده عشان متنساش ..

    اتق الله ... اتق الله .. اتق الله ..

    حافظ على صلاتك .. و ادعى ربنا يوفقك ..

    لو أردت النجاح .. سهل جداً .. لكن لو أردت التفوق عليك بالتضحية ..

    ضحى شوية .. بدل ما تلعب 10 ساعات فى ال 16 ساعة اللى انت صاحيهم .. دا إن مكنتش بتلعب 15 ساعة و نص .. ،، ضحى شوية و العب 8 بس ... قللهم بالتدريج .. مش هتحس بالفرق .. بل هييجى عليك وقت و تحب المذاكرة .. و تكره اللعب !!



    حاول الاستفادة من النصايح دى .. و متقعش فى الأخطاء دى .. و دايماً قول الحمد لله ... الحمد لله قبل كل شىء ..

    مكانك مش مع الناس اللى شايلين .. مكانك أعلى من مكانة الناس المتفوقين

    لكل منا هبة .. لكن الخبير .. من يستطع اكتشافها ....... و ذو العقل .. من يعرف كيف يستخدمها

    بكرر تانى .. إياك تقول أنا شايل المادة دى على كتير مش هنجح فيها .. و ثق إن تعبك و مجهودك .. لا يكلل إلا بالنجاح ..

    أنا كنت شايل التحليلية على 21 درجة و نص .. و ضيعت 30 درجة .. و الآخر كنت فى أمس الحاجة لدرجة و نص .... إياك تحط نفسك فى الموقف ده ..

    محدش يستهين بالكلام ده يا جماعة .. و أوصيكم .. و أوصى نفسى بالعمل بيه ..

    و لو فى أى حد محتاج مساعدة فى أى مادة .. أو فى أى شىء مش فاهمه .. أنا تحت أمره هنا فى المنتدى أو ف الكلية .. و طلاب الفرقة التالتة كلهم تحت أمره .. مش أنا بس ..

    و معدش فى كلام .. إلا إنى أقولكم .. " احفظ الله يحفظك .. احفظ الله تجده تجاهك " .. اتق الله .. و ادع بالتوفيق ..

    و ذاكر بما يرضى الله .. و متحاولش تسيب حاجة .. لو مش فاهم إسأل .. لو مش عارف تنطق الأسامى اسأل .. لو فى عندك مشكلة فى المذاكرة إسأل ..

    و إياك أن تخجل من إنك شايل مادة .. أبداً .. سهل جداً تنجح فيها .. و سهل جداً تجيب تقدير .. لو اتعاملت على أساس إن المادة العلمية اللى قدامك دى لعبة شطرنج .. و اللى يقدر يفكر .. و يتحرك فى الوقت المناسب هو اللى بيكسب ..

    و ادخل الامتحان ... قووووووووووووول " كش ملك " ... Checkmate


  2. #2
    Pharma Student
    تاريخ التسجيل
    Jun 2007
    المشاركات
    450

    افتراضي

    ربنا يسترها معانا يارب

    ونعدي من الكلية دي على خير

  3. #3
    Pharma Student
    تاريخ التسجيل
    Jan 2009
    الدولة
    Under the blue sky
    المشاركات
    1,748

    افتراضي

    لا حول ولا قوة الا بالله دي قصه تقطع القلب
    انا كنت قاعده اقول علي نفسي اكتر واحده مهمله
    بس بكلامك حسيت اني ما كنتش لوحدي بس الحمد لله انا مش للدرجه دي
    انا الحمد لله من ناحيه السكاشن بحبها بصراحه هي الحاجه الوحيده اللي بتحسسني بكياني دا غير اني لو ما حليت حلو في العملي اشيل علي طول لاني في النظرى طول السنه ابيض واجي يومين الامتحان و ابدا اتعرف علي عناوين الكتاب
    وكل ترم اقول ان شاء الله هبدا من الاول وافضل علي نفس الحال وهو ده بصراحه اللي بيانب ضميري واقعد اقول لنفسي انت عمرك ما كنتي كده
    بس باين علي حضرتك اتغيرت كتير عن قبل كده وان شاء الله توفق في التحليليه
    وربنا معانا كلنا واسفه للاطله


  4. #4
    Pharma Student
    تاريخ التسجيل
    Jun 2008
    الدولة
    المنصورة
    المشاركات
    745

    Smile

    No comment .....يا دكتور على كلامك.

    جزاك الله كل خير ع التذكرة والإفادة.......


    لازم نتعلم من أخطأنا وأخطاء غيرنا .....عشان نتجنب الوقوع فيها.


    ختاما....بالتوفيق د\ ياسر ولكل الناس...ان شاء الله.


    ربنا كريم يا جماعة ...احنا بس نعمل اللى علينا ونتوكل عليه..

    تحياتى للجميع...

  5. #5
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    افتراضي

    بارك الله فيك يا د\ ياسر و جزاك الله كل خير علي هذا الموضوع
    ربنا يجعله في ميزان حسناتك ان شاء الله
    حضرتك بجد جدير بالاحترام و التقدير ...وفقك الله لما يحب و يرضي
    والله هقوم اذاااكر دلوقتي و لك الثواب يا دوك... اتبسط بأه
    شد حيلك عشان تجيب الامتياز ان شاء الله

  6. #6
    Pharma Student
    تاريخ التسجيل
    May 2007
    الدولة
    في ضميري
    المشاركات
    1,139

    افتراضي

    علي فكره حته انك تخلي عندك امل دي فكرتني بنفسي السنه اللي فاتت
    كنت جايبه في الفسيولوجي 19 في التيرم الاول
    وكان اهمال مني
    مكنتش بحضر المحاضره ودخلت الامتحان من غير ولا حرف مذاكره
    والله ال 19 دول كانوا كتير عليا
    المهم
    جيت ركزت كويس في التيرم التاني
    والحمد لله عديتها من غير رفع ولا اي حاجه وكان ناقصني درجتين تلاته واجيب فيها جيد
    فعلا الموضوع سهل بس عايز شويه تركيز

  7. #7
    Pharma Student
    تاريخ التسجيل
    Aug 2007
    الدولة
    in my own world
    المشاركات
    650

    افتراضي

    مشكور دكتور ياسر
    وربنا يكرمك
    وكلامك مظبوط مليون ف المية ..

  8. #8
    Pharma Student
    تاريخ التسجيل
    Jan 2009
    الدولة
    Under the blue sky
    المشاركات
    1,748

    افتراضي

    اقتباس المشاركة الأصلية كتبت بواسطة آيه محمد مشاهدة المشاركة
    علي فكره حته انك تخلي عندك امل دي فكرتني بنفسي السنه اللي فاتت
    كنت جايبه في الفسيولوجي 19 في التيرم الاول
    وكان اهمال مني
    مكنتش بحضر المحاضره ودخلت الامتحان من غير ولا حرف مذاكره
    والله ال 19 دول كانوا كتير عليا
    المهم
    جيت ركزت كويس في التيرم التاني
    والحمد لله عديتها من غير رفع ولا اي حاجه وكان ناقصني درجتين تلاته واجيب فيها جيد
    فعلا الموضوع سهل بس عايز شويه تركيز

    ايه الكلام ده انا مش فاهمه حاجه اذا كان الفسيولوجي من 200 يبقي النجاح فيه من 120
    يعني ناقصك101 درجه عشان تنجحي والترم التاني كله من110 علي ما اعتقد
    تبقي نجحتي ازاي وكمان قربتي علي جيد
    لا انا عايزه افهم عملتيها ازاي


  9. #9
    Pharma Student
    تاريخ التسجيل
    May 2007
    الدولة
    في ضميري
    المشاركات
    1,139

    افتراضي

    الترم الاول كان من 90
    جبت انا 19
    اما الترم التاني كان من 110
    جبت فيه 107
    فالمجموع الكلي يكون 126
    والماده من 200 يعني النجاح من 120 وانا جبت 126

  10. #10
    Pharma Student
    تاريخ التسجيل
    May 2007
    الدولة
    في ضميري
    المشاركات
    1,139

    افتراضي

    علي فكره ان الواحد يجيب مجموع مش صعبه
    بس وقت ما بييجي المزاج
    ان كان هدفي اني مطلعش السنه اللي بعدها بأي مواد
    وكان ده الحل

صفحة 1 من 4 123 ... الأخيرةالأخيرة

المواضيع المتشابهه

  1. ماذا تفعل لو كنت مكاني؟؟؟؟
    بواسطة ahmed helmy في المنتدى المنتدي الترفيهي
    مشاركات: 14
    آخر مشاركة: 29-10-2010, 06:49 PM
  2. ماذا تفعل اذا أعجبت بك فتاة ؟؟‏
    بواسطة showman في المنتدى المنتدى الاسلامى
    مشاركات: 14
    آخر مشاركة: 19-03-2010, 10:58 PM
  3. ماذا تفعل اذا كان الصمت طبعك؟؟!!!
    بواسطة قناع الذهب في المنتدى منتدى المناقشات
    مشاركات: 27
    آخر مشاركة: 05-10-2009, 03:10 AM
  4. ماذا تفعل في رمضان؟
    بواسطة mona_ ph في المنتدى المنتدى الاسلامى
    مشاركات: 4
    آخر مشاركة: 05-08-2009, 10:47 PM
  5. ماذا تفعل اذا كان الصمت طبعك؟
    بواسطة Amira في المنتدى منتدى المناقشات
    مشاركات: 14
    آخر مشاركة: 21-02-2009, 06:03 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •