تحويل هواء الصحراء لمياه عذبة

[ياسر عباس عبد المجيد]

اكتشاف طريقة جديدة تحول هواء الصحراء إلى مياه عذبة

الثلاثاء، 3 مارس 2009 -

توصل الدكتور أحمد محمد حامد قنديل إلى فكرة مبتكرة وهي تحويل الهواء الجوي الذي يحتوي على بخار الماء إلى مياه عذبة تصلح للشرب والري الزراعي . ولأنه نشا في قرية ميت تمامة مركز منية النصر دقهلية أحس إحساسا عميقا بأهمية عنصري الماء والهواء .. وبوجه خاص في الصحراء التي تشغل حوالي 90% من مساحة مصر

والدكتور قنديل تخرج في كلية الهندسة جامعة المنصورة بتقدير امتياز مع مرتبة الشرف فأرسلته الجامعة في بعثة الى أكاديمية العلوم الروسية لمدة خمس سنوات وخلال أبحاثه هناك توصل إلى هذا الانجاز الهائل في بحوث الصحراء.

يتلخص هذا الانجاز العلمي في استخدام المواد التي تمتص الرطوبة من الهواء مثل ملح كلور الكالسيوم الذي يقوم بامتصاص الرطوبة ليلا ثم إعادة توليد المياه من هذا المحلول نهارا .. وتوصل إلى إنتاج 10 أطنان مياه عذبة في محيط 20 كيلو مترا من الأراضي الصحراوية

وقام الدكتور قنديل بتجربة هذا الانجاز بواسطة وحدات معملية خاصة بذلك، ويستعد لتطبيق تجاربه في الواحات لتوفير مياه الري هناك
كما توصل إلى فكرة جديدة لتكييف الهواء وهي تمرير الهواء الجوي على مادة السليكا جيل التي تقوم بتجفيف الهواء بسحب الرطوبة منه ليحل محلها هواء بارد وذلك بتكلفة قليلة وبدون أي تلوث للبيئة.http://www.mawhopon.net/ver_ar/news.php?news_id=4144

[Dr Deya]

الله عليكي يا مصر والله بس يارب تتنفذ الفكر دي ومتفضلش في الكتب ويا رب الراجل ده يفضل مصري ؟؟؟؟؟
على فكره منية النصر دي ورانا يعني .................... انتظروني بعد التخرج ان شاء الله

[yojeena]

ايوه كده اهي دي الانجازات الجامده
ده لو الموضوع ده اطبق في مصر اكييييييييييد هنتحول من دول ناميه لمتقدمه
وعلي فكره منيه النصر دي في نفس الخط بتاعنا بيني وبينها تلت ساعه
يا رب يطلع مننا اللي يفيد بلدنا

[جمال الشافعي]

والله كويس ان منيه النصر دي جنبنا علي طول جنب دكرنس ويارب مصر تتقدم كمان وكمان

[!*@~...Mandolin...~@*!]

هي الناس كلها فجأه بقت جمب منيه النصر

[عاشقة الجهاد]

ماشاء الله علشان تعرفوا أن الدقهلية بتطلع علماء ومبتكرين

[Dr Deya]

هي الناس كلها فجأه بقت جمب منيه النصر

انا قلت ورانا يعني احنا ادام .............. يعني احسن مجبتش سيرة جمبنا

[le pharmacien]

بصراحه فكره بدائيه جدا مفهاش اى نوع من الاختراع اللى بيقولوا عليه
دا احنا لو جبنا اى حته لوح هيكثف بخار المايه اللى موجود فى الهوا
وبدون تكاليف خالص لان اكيد ملح كلوريد الكالسيوم هيكلف
ده ممكن يكون اغلى من المايه نفسها
بس خلينا نشوف اخرتها ايه

[سيف الله]

انا كمان من منية النصر يا رب كلنا نبقى علماء ومكتشفين