الرحمة علينا شوية

[د///*مطحونة*\\\]

السلام عليكم ورحمة الله وبركاته
الصراحة يا جماعة انا مكنتش ناوية اعمل موضوع عن اللى حصل دة
بس لقيت ان لازم الكل ياخد باله من اللى حصل دة
النهاردة فى جروب ب
كان علينا دكتور حسن الصباغ
دخل المحاضرة وحصل الاتى


1-لقى ناس كتير واقفة طبعا مش لاقيين حتة يقعدو فيها فواقفين على رجليهم من الصبح
فقال اللى واقفين دول واقفين ليه
اقعدو
قالوله يا دكتور مفيش مكان نقعد فيه
تخيلو الرد كان ايه
دكتور حسن قال اللى مالوش مكان يقعد فيه
يمشى
يلا اتفضلو
طب انا عاوزة افهم حاجة
احنا زنبنا اييييييييييييييييييه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حد يجاوبنى
انا تعبت والله العظيم من اللى بنشوفه كل يوم
بدانا علطول ومن اول يوم ضغط محاضرات وسكاشن وجدول ما حدش يستحمله
وماشى
ست محاضرات فى اليوم
وماشى
التركيز يبقى على اخر محاضرات ضايع
وماشى
بنروح متاخر
وماشى
انما توصل ان دكتور حسن يقول كدة
ليه يا دكتور دة احنا حاضرين محاضرة حضرتك والناس واقفة مستنية حضرتك عشان يحضروا المحاضرة
تقوم حضرتك تقولهم اطلعو برة هو احنا السبب فى الفوضى دى
دى كانت حاجة

2- دكتور حسن النهاردة كان بيشرح الصراحة انا توهت من كتر الشرح لقيت نفسى فجاة هيغمى عليا م الصداع
فقفلت الحاجة وقعدت زى قلتى ولا مركزة ولا اى حاجة
وللاسف طلبو من دكتور حسن انه يوقف الشرح
رد قائلا:

انتو منهجكو كبير ولازم يخلص قبل الامتحانات
ومن الكلمة دى نعرف اننا مكتوب علينا نبقى كدة علطول فهمنا ولالا
::::::::::::::::::::::::::::::::::::::

لما فكرت فيها
لقيت دكتور حسن عنده طبعا جزء من الصحة
ازاى؟؟؟
من حقه يا جماعة
صعب جدا دكتور يدخل يشرح بالمنظر اللى كان موجود
جروب الف كان كله موجود معانا
وب طبعا موجود لان دة معاد محاضراته
والمنظر محدش يستحمله
وبالتالى حقه انه يتنرفز ويقول كدة
وربنا يكون فى عون كل الدكاترة اللى بيدخلولنا
لان بجد
منظر يغم النفس فى المدرج
بس نعمل ايه بقة
::::::::::::::::::::::::::::::::::::
ارجووووووووووووووكم ارحمونا
وفرولنا كراسى نقعد عليها
وسعوا المكان
قسموا الدفعة على 3 جروب مش اتنين
ساووا بالعدل فى الجدول
لان الصراحة فى ناس مرتاحة جدا
وناس غلبانة جدا جدا جدا
والله العظيم اعصابى تعبت من اللى الواحد فيه كل يوم
بقيت حاسة انى رايحة سجن مش كلية
كفاية المواد علينا اوى يعنى
مش هتبقى دراسة وجدول موش كويس
وبهدلة فى المكان
كلنا نقول يارب بقة
:::::::::::::::::::::::::::::::::::::::::

ناس كتيرة كانت بتسالنى اول ما سجلت فى المنتدى
انا ليه سميت نفسى مطحونة؟؟؟؟
اعتقد ان الاجابة واضحة مش محتاجة نقاش
الحمد لله عندى بعد نظر
وربنا معانا جميعا ويصبرنى لاخر الترم

[أمــ هـنـد ــة الله]

مفيش تعليق انتى قولتى كل حاجه وربنا معانا بجد وجدولنا كده وتقسيمته كده والمناهج كبيره زى ما قولتى

ربنا يقوينا وان شاء الله خير

انا نفسى كل واحد يلتزم ف معاده عشان الكل يرتاااااااح

[قناع الذهب]

لا حول ولا قوة الا بالله استحملى يا بنتى اصبرى لازم نتعب شويه عشان نحس بطعم النجاح ورايى الخاص يعنى لو لقيتى المحاضرة بالاسلوب دا والله نصيحة ماتحضريهاش طب انتى استفادتى اية غير حرق الاعصاب والوقفة ومفهمتيش برضة
مافيش حاجة ابدا تستاهل قدام اعصابنا ماهو احنا بنفضل نعمل كدة فى نفسنا ونحمل نفسنا اكتر من طاقتها لحد ما بنقع فى الاخر وساعتها مع احترامى للدكتور يعنى لا الدكتور ولا غيرة هيقوللك مالك ولا سلامتك وانا بنفسى مجربة الكلام دا الترم الاول
فسيبيها لله واعملى اللى تقدرى علية بحيث ماتجيش على نفسك يعنى هنكسب اية لما نبقى صيادله ومحترمين بعد مانكون اتبهدلنا وفقدنا اعصابنا كبرى يا شيييييييييييييييييييخة

[sanfora]

عندك حق يا قناع الذهب .احنا أصلا مفيش حاجة ممكن نعملها هو فى مكان ياخد كراسى.......... والله انا مش رديت ادخل النهارده لما شوفت منظر المدرج.

[د///*مطحونة*\\\]

مفيش تعليق انتى قولتى كل حاجه وربنا معانا بجد وجدولنا كده وتقسيمته كده والمناهج كبيره زى ما قولتى

ربنا يقوينا وان شاء الله خير

انا نفسى كل واحد يلتزم ف معاده عشان الكل يرتاااااااح

للاسف
لا حياة لمن تنادى يا هند
تقريبا احنا بنكلم نفسنا

[د///*مطحونة*\\\]

لا حول ولا قوة الا بالله استحملى يا بنتى اصبرى لازم نتعب شويه عشان نحس بطعم النجاح ورايى الخاص يعنى لو لقيتى المحاضرة بالاسلوب دا والله نصيحة ماتحضريهاش طب انتى استفادتى اية غير حرق الاعصاب والوقفة ومفهمتيش برضة
مافيش حاجة ابدا تستاهل قدام اعصابنا ماهو احنا بنفضل نعمل كدة فى نفسنا ونحمل نفسنا اكتر من طاقتها لحد ما بنقع فى الاخر وساعتها مع احترامى للدكتور يعنى لا الدكتور ولا غيرة هيقوللك مالك ولا سلامتك وانا بنفسى مجربة الكلام دا الترم الاول
فسيبيها لله واعملى اللى تقدرى علية بحيث ماتجيش على نفسك يعنى هنكسب اية لما نبقى صيادله ومحترمين بعد مانكون اتبهدلنا وفقدنا اعصابنا كبرى يا شيييييييييييييييييييخة

والله العظيم اعصابى بايظة من اولها واحنا لسة بنقول يا هادى
امتحانات وربنا يسترها معايا
ادخل الترم التانى واقول اما ابدا م الاول
الاقى الكلام دة كله
:::::::::::::::::::::::
عندك حق والله
اهو الواحد برضة بيتصرف لو محاضرة ضاعت منه
وبنجيب الورق وبنظبطه وخلاص
بلا حرقة دم
ياا خسارة
كان نفسى ادخل الكلية واحس انى فعلا فى كلية بدل السجن اللى انا شايفاه دة

[د///*مطحونة*\\\]

عندك حق يا قناع الذهب .احنا أصلا مفيش حاجة ممكن نعملها هو فى مكان ياخد كراسى.......... والله انا مش رديت ادخل النهارده لما شوفت منظر المدرج.

احسن حاجة انك مدخلتيش
كانت حاجة تنرفز

[أمــ هـنـد ــة الله]

للاسف
لا حياة لمن تنادى يا هند
تقريبا احنا بنكلم نفسنا

همممممممممممم يمكن السكاشن هيا اللى هتظبط كل واحد ف معاد يمكن

المهم انتى هدى نفسك كده ومتاخديش حاجه على اعصابك انا خلاص بقى عندى بروووووود

ادخل المحاضرة الاقى الجو حر وخنقة اطلع علطوووووول

ليه اتعب نفسى لانى جربت احضر ف الجو ده فتعبت فزى ما سمسمه قالت الحاجه اللى تتعبك حاولى تتجنبيها

وبعدين ف الاول كده بيبقى الحضور كبير لكن شوية هتلاقى الاعداد قلت

[MaZeN]

هههههههههههههههههههههههههههه
هههههههههههههههههههههههههههههه
بطلو محاضرات بقى مفيش من وراها غير تعب القلب

[د///*مطحونة*\\\]

هههههههههههههههههههههههههههه
هههههههههههههههههههههههههههههه
بطلو محاضرات بقى مفيش من وراها غير تعب القلب

هى المشكلة فى المحاضرات وبس يا مازن
الموضوع ان مفيش حد حاسس بينا اصلا
كاننا كراسى او ادراج لا مهم نفهم ولا نستوعب ولا اى حاجة
ويرجعو يقولولنا ليه بتجيبو الورق اللى برة