صفحة 2 من 38 الأولىالأولى 123412 ... الأخيرةالأخيرة
النتائج 11 إلى 20 من 377

الموضوع: ساحة حوار لطلبة ثالثه

  1. #11
    عضـو هيئـة التـدريـس
    تاريخ التسجيل
    Jul 2007
    المشاركات
    162

    افتراضي

    محدش هنا ولا ايه؟
    thanks alot...A.Elkamhawy

  2. #12
    عضـو هيئـة التـدريـس
    تاريخ التسجيل
    Jul 2007
    المشاركات
    162

    افتراضي

    انتو حرين هرجع انام تانى....ههههههههههههههه
    thanks alot...A.Elkamhawy

  3. #13
    عضـو هيئـة التـدريـس
    تاريخ التسجيل
    Jul 2007
    المشاركات
    162

    افتراضي

    اوك هرجع كمان نص ساعه لو حد هنا ممكن نتكلم باى !!
    thanks alot...A.Elkamhawy

  4. #14
    Pharma Student
    تاريخ التسجيل
    Apr 2007
    الدولة
    tanta
    المشاركات
    37

    افتراضي

    السلام عليكم

  5. #15
    Pharma Student
    تاريخ التسجيل
    Apr 2007
    الدولة
    Mansoura
    المشاركات
    444

    افتراضي

    احنا موجودين اهو بس الشات مش شغال مش عارفة في ايه

    طيب ممكن كل واحد يدخل يقولنا دخوله الكلية دي كان ايه سببه؟
    ولو مكنش داخلها بمزاجه أقلم نفسه عليها ازاي؟
    وأهم حاجة, ناوي على ايه بعد ما يتخرج؟
    ايه اكتر المواد اللي بيحبها في الكلية؟
    ايه اكتر عملي بيحبه في الكلية؟

    كفاية كده دلوقتي

  6. #16
    Pharma Student
    تاريخ التسجيل
    Apr 2007
    المشاركات
    189

    افتراضي

    اقتباس المشاركة الأصلية كتبت بواسطة DoAa_RESALA مشاهدة المشاركة
    احنا موجودين اهو بس الشات مش شغال مش عارفة في ايه

    طيب ممكن كل واحد يدخل يقولنا دخوله الكلية دي كان ايه سببه؟
    قضاء و قدر

    كود:
    ولو مكنش داخلها بمزاجه أقلم نفسه عليها ازاي؟
    برضه قضاء وقدر

    كود:
    وأهم حاجة, ناوي على ايه بعد ما يتخرج؟
    سيبيها علي الله واللي يجيبه ربنا كويس

    كود:
    ايه اكتر المواد اللي بيحبها في الكلية؟
    الحاسب الالي
    كود:
    ايه اكتر عملي بيحبه في الكلية؟
    برضه الحاسب الالي

    وبس

  7. #17
    Pharma Student
    تاريخ التسجيل
    May 2007
    المشاركات
    3

    افتراضي

    صباح الخييييييييييييييييييييييييييييير

  8. #18
    Pharma Student
    تاريخ التسجيل
    Jul 2007
    المشاركات
    19

    افتراضي

    كانت غلطه والله انا كان ليا صيدله الاسكندريه والقاهره بس انضحك عليا وجدتى قالتلى ديه سهله جدا ( جدتى اصلا مفتشه على الصيدليات ) وقالتلى إنها خريجه صيدله المنصوره ومافيش اسهل منها
    ومن ناحيه اقلمت نفسى عليها إزاى فكان احسن قرار ليا لما قعدت فى المدينه مع طلبه 6 طب كلهم كانوا حريته وبيذاكروا موووت وخلونى اذاكر جامد معاهم فمن الأخر خلى مذاكرتك مع الناس اللى اكبر منك هموا خبره وهيعلموكم اخطائهم بدل ماانت تقع فى الخطا
    ومن ناحيه بعد التخرج فأنا من دلوقتى بتعلم اللغه الألمانيه وعايز اتقنها مش عارف ليه بس لوفادتنى فى موضوع الشغل فى اى شركه ادويه فهأشتغل ومش هاشتغل مندوب مبيعات علشان ديه شغله الكرامه بتاعتك بتنزل فيها جامد ولو مافيش نصيب هاشوف موضوع فتح الصيدليه بس بعد سنتين مثلا من التدريب وتجميع المعلومات عنها علشان مش عايز افتحها وأقفلها بعد شهر
    انا أكتر المواد اللى حبيتها الفارما بتاعه تالته هيا صعبه ومعقده بس حاسس إنها هيا اللى بدأت تدخلنى عالم الصيدله واحسن عملى بالنسبه ليا كان عملى الفارما والاساى علشان كنا بنشرح وبنحقن وحسستنى إنى طالب طب وبعمل عمليه لأنسان

  9. #19
    Pharma Student
    تاريخ التسجيل
    Apr 2007
    الدولة
    Mansoura
    المشاركات
    444

    افتراضي

    اقتباس المشاركة الأصلية كتبت بواسطة $Mesho$ مشاهدة المشاركة

    كود:
    طيب ممكن كل واحد يدخل يقولنا دخوله الكلية دي كان ايه سببه؟
    قضاء وقدر
     
    ولو مكنش داخلها بمزاجه أقلم نفسه عليها ازاي؟
    برضه قضاء وقدر

    ايه يا دكتور التشاؤم ده بس

    كود:
    وأهم حاجة, ناوي على ايه بعد ما يتخرج؟
    سيبيها علي الله واللي يجيبه ربنا كويس

    يا دكتور انا عايزة كله يشاركنا بأحلامه علشان كلنا نستفيد
    نفسك تعمل ايه بعد التخرج؟؟ أكيد بتفكر في حاجة معينة

    كود:
    ايه اكتر المواد اللي بيحبها في الكلية؟
    الحاسب الالي
     
    ايه اكتر عملي بيحبه في الكلية؟
    برضه الحاسب الالي 
     
    :D وبس :D

    بصراحة متوقعتش الاجابة دي خالص
    اقتباس المشاركة الأصلية كتبت بواسطة sharkawy2 مشاهدة المشاركة
    صباح الخييييييييييييييييييييييييييييير
    صباح الخير يا د/sharkawy2, يا ريت تشارك معانا في النقاش ونشوف رأيك

    اقتباس المشاركة الأصلية كتبت بواسطة your_mother74 مشاهدة المشاركة
    كانت غلطه والله انا كان ليا صيدله الاسكندريه والقاهره بس انضحك عليا وجدتى قالتلى ديه سهله جدا ( جدتى اصلا مفتشه على الصيدليات ) وقالتلى إنها خريجه صيدله المنصوره ومافيش اسهل منها
    ومن ناحيه اقلمت نفسى عليها إزاى فكان احسن قرار ليا لما قعدت فى المدينه مع طلبه 6 طب كلهم كانوا حريته وبيذاكروا موووت وخلونى اذاكر جامد معاهم فمن الأخر خلى مذاكرتك مع الناس اللى اكبر منك هموا خبره وهيعلموكم اخطائهم بدل ماانت تقع فى الخطا
    ومن ناحيه بعد التخرج فأنا من دلوقتى بتعلم اللغه الألمانيه وعايز اتقنها مش عارف ليه بس لوفادتنى فى موضوع الشغل فى اى شركه ادويه فهأشتغل ومش هاشتغل مندوب مبيعات علشان ديه شغله الكرامه بتاعتك بتنزل فيها جامد ولو مافيش نصيب هاشوف موضوع فتح الصيدليه بس بعد سنتين مثلا من التدريب وتجميع المعلومات عنها علشان مش عايز افتحها وأقفلها بعد شهر
    انا أكتر المواد اللى حبيتها الفارما بتاعه تالته هيا صعبه ومعقده بس حاسس إنها هيا اللى بدأت تدخلنى عالم الصيدله واحسن عملى بالنسبه ليا كان عملى الفارما والاساى علشان كنا بنشرح وبنحقن وحسستنى إنى طالب طب وبعمل عمليه لأنسان
    شكرا على ردك يا دكتور مع اختلاف الآراء شوية
    مش كل الناس شايفة ان مندوب الدعاية دي شغلانة مش كويسة بل بالعكس اغلب اللي اعرفهم الصيادلة بيشتغلوا كده
    طبعا هي تنفع للشباب والبنات مع عدم اقتناعي بيها للبنات

  10. #20
    Pharma Student
    تاريخ التسجيل
    Jul 2007
    المشاركات
    19

    افتراضي

    انا مش متشاؤم والله يا دوك بس هيا العمليه حسابيه وعقليه وعموما علشان ماحدش يقول عليا متشاؤم انا هأحط العمليه كلها بمميزاتها وعيوبها وانت احسبوها وقوللى رأيكم اوكى
    بسم الله الرحمن الرحيم
    مرحله بعد التخرج هى تحدى من نوع جديد يواجه الصيدلى
    فبعد إنقضاء سنوات الدراسه بحلوها و مرها خصوصا المذاكره يبدأ الصيدلى الخريج يعد العده لمواجه الحياه العمليه بعنفها نعم عنفها و قسوتها
    الغرض من موضوعى بعد تلك المقدمه هو شرح مبسط أو شرح محايد لمعظم فرص العمل المتوفره للصيادله
    المجال الصيدلى حاليا يوجد به عدد من الفرص و أهمها هو
    1- العمل فى الصيدليات
    2- العمل فى شركات الأدويه ( ليس المصنع ) كمندوب دعايه فى مجال التسويق الدوائى
    3- العمل فى مصانع الأدويه
    4- العمل فى الحكومه كموظف فى وزاره الصحه ( التكليف )
    سأتناول تلك الأعمال من حيث
    1- طبيعه العمل
    2- المميزات و العيوب
    3- الدخل و الراتب المتوقع
    4- متطلبات الوظيفه
    5- كيفيه الألتحاق بالعمل فى المجال المذكور
    1- العمل فى الصيدليات
    هى أكثر الفرص المتاحه للعمل
    طبيعه العمل
    - يقوم الصيدلى بصرف العلاج والأدويه فى الصيدليات للمرضى كذلك يقوم بتقديم خدمات آخرى مثل قياس الضغط و السكر و الوزن أو إعطاء الحقن
    - يقوم الصيدلى بإرشاد المريض بطريقه تعاطى الدواء و يحذره من الأعراض الجانبيه المتوقعه أو التعارضات الدوائيه المحتمله وهى :
    side effects , contraindications , drug
    interaction
    لاحظ أيها الصيدلى أن تلك الأمور هى تخصصك و مسؤليتك و ليست تخصص الطبيب و المسؤليه تقع على عاتقك أنت !!
    التواصل مع الطبيب لتعديل أى خطأ محتمل فى الروشته العلاجيه ( مينعش تصرف الروشته على عيبها )
    المميزات و العيوب
    المميزات
    1- الألمام بكل الأدويه الموجوده فى السوق الدوائى
    2- تعلم التواصل و التفاهم مع جمهور المرضى و هو أمر ليس بالهين إكتسابه لأنه يحتاج إلى صبرمننوع خاص و طريقه تحاور ذكيه
    3- يؤهل الصيدلى فيما بعد لأفتتاح صيدليته الخاصه
    4- الألمام بطبيعه العمل التجارى و المالى مع الشركات الموزعه للأدويه
    5- إكتساب خبره ممتازه حول كيفيه صرف الأدويه العلاجيه دون الرجوع للطبيب من خلال تشخيص مبسط لشكوى المريض وهو ما يعرف بال OTC
    العيوب
    1- عائد مادى ضعيف نسبيا
    2- بمرور الوقت يصاب الصيدلى بحاله من الملل و الكأبه لأن تلك المهنه لا يوجد فيها جديد عاده
    3- تلك المهنه غير مضمونه و غير ثابته كمصدر دخل مضمون
    4- يحتاج الصيدلى للعمل ساعات كثيره فى اليوم لتحقيق دخل كبير
    5- ساعات العمل طويله وممله و ليست مرهقه
    الدخل و الراتب المتوقع
    يختلف العائد و الدخل من محافظه لأخرى داخل مصر ومن صيدليه لأخرى و على الخبره و على سبيل المثال :
    القاهره >>> الساعه شهريا تتراوح بين 75 جنيه : 100 جنيه
    الأسكندريه >>> الساعه شهريا تتراوح بين 50 : 60 جنيها
    باقى المحافظات >>> الساعه شهريا تتراوح بين 35 : 45
    لاحظ الأتى معنى الساعه هو كالتالى
    إذا تم الأتفاق مثلا على 50 جنيه / ساعه
    ثم الأتفاق على العمل لمده 10 ساعات يوميا
    سيكون دخل الصيدلى أو راتبه الشهرى 10 ساعات يوميا فى 50 = 500 جنيه
    متطلبات الوظيفه
    أن يكون صيدلى حاصل على بكالوريوس الصيدله ويحمل كارنيه نقابه الصيادله و كارنيه مزاوله المهنه من وزاره الصحه ( صيدلى ثان )
    الخبره ليست مهمه بدرجه كبيره لأن عاده ما تقوم الصيدليه بتدريب الصيدلى على العمل
    كيفيه الألتحاق بالعمل فى المجال المذكور
    عاده من خلال العلاقات بالصيدليات أومن خلال الأعلانات بالصحف________________________________________
    2- العمل فى شركات الأدويه كمندوب دعايه أو تسويق
    طبيعه العمل
    دور الصيدلى هنا هو الأتى :
    1- ضمان التسويق والدعايه لأدويه معينه تقوم الشركه التى يعمل بها بإسناد مهمه تنشيطها إليه
    2- زياره الأطباء فى عياداتهم الخاصه لأقناعهم بطريقه:chr58: أو بآخرى :nunu0000: بوصف أو كتابه دواء الشركه
    3- زياره المستشفيات و المسنوصفات و الصيدليات لنفس السبب السابق
    4- ضمان تحقيق معدل دخل مالى معين أو ما يعرف بال TARGET ( كل شركه بيكون عندها هدف أومعدل مبيعات مادى عاوزه تحققه )
    5- يتابع الصيدلى الأدويه المنافسه لدواء شركته
    المميزات و العيوب
    المميزات
    1- دخل مالى كبير
    2- الحصول على مميزات كثيره مثل السياره ومواد الدعايه اللازمه لتسويق الأدويه
    3- يؤهل الصيدلى للعمل بدول الخليج براتب ضخم
    4- إكتساب مهارات خاصه مثل طريقه التحاور اللبقه مع الأطباء و خصوصا مهارات الأقناع
    5- مركز أجتماعى مرموق إلى حد ما
    6- تقوم الشركه بتدريب الصيدلى على مهارات التسويق و الدعايه و منافسه الشركات الأخرى وهى كورسات تدريبيه مكلفه جدا
    العيوب
    1- مهنه مرهقه إلى حد كبير
    2- تحوى نوعا من إمتهان الكرامه لأن الصيدلى مضطر لزياره الإطباء و قد يتعرض للأحراج أو التجاهل و أحيانا الطرد
    3- لا تصلح للبنات من وجهه نظرى للأسباب السابقه
    4- بها شبهه شرعيه ( حرام ) لأنها تعتمد على رشوه الطبيب بشكل لبق ( وهو ما يعرف بال SERVICE) لأقناعه بكتابه الدواء كما أنها تعتمد على عرض عيوب الأدويه المنافسه أمام الطبيب و المتضرر هنا عاده المريض ( بسبب سعر الدواء المرتفع الذى لا يحتاجه )
    5- صعوبه تحقيق ال TARGET الكبير المطلوب تحقيقه مما يعرض الصيدلى للفصل
    6- يضطر الصيدلى لحرق الدواء و هو ما يعرف بتوفير دواء شركته للصيدلى بسعر أقل من سعر السوق الذى تقدمه الشركه و ذلك لتحقيق التارجت المطلوب من شركته ( طبعا يقوم الصيدلى بهذا الأمر من ناله الخاص وقد يتعرض للفصل إذا نما إلى علم الشركه هذا المر المخالف )
    الدخل و الراتب المتوقع
    يبدأ من 1000 جنيه فما فوق شهريا بالأضافه للحصول على سياره خاصه
    متطلبات الوظيفه
    صيدلى خريج حاصل على بكالوريوس الصيدله
    لباقه فى الحديث
    يفضل أن يكون مقبول شكليا أو وسيم
    كيفيه الألتحاق بالعمل فى المجال المذكور
    من خلال الأعلانات المنشوره بالصحف عاده
    3- العمل فى مصانع الأدويه
    أندر و أصعب فرص العمل
    1- طبيعه العمل
    دور الصيدلى هنا يعتمد على مكانه داخل المصنع فالأعمال المتاحه قد تكون فى قسم الأنتاج Production Dept. أو قسم الجوده و الرقابه عليها Quality Control & qualiy Assurance Dept
    قسم الأنتاج مختص بخطوات تصنيع الدواء و تعبئته الخ تبعا لخطوات أو procedure محدد
    قسم الجوده مختص بالتأكد من جوده التصنيع الدوائى و التأكد من الأمان و الفاعليه الدوائيه طبقا لمعايير محدده
    2- المميزات و العيوب
    المميزات
    1- مستقبل مهنى بارز و مضمون حيث يكتسب الصيدلى خبره نادره فى هذا المجال
    2- دخل جيد إلى حد كبير و يزداد بمرور الوقت
    3- مجال متجدد بإستمرار حيث يكون الصيدلى ملما بآخر و أحدث التقنيات العلميه فى التصنيع الدوائى
    العيوب
    مهنه مرهقه و يقع على عاتق الصيدلى مسؤليه كبيره لأن أى خطأ فى خطجوات متابعه التصنيع قد يسبب خساره ماليه مهوله للمصنع و طبعا تتم معاقبه الصيدلى عليه
    3- الدخل و الراتب المتوقع
    يتحدد الدخل على حسب المصنع
    على سبيل المثال :
    مصنع سيديكو للأديه :
    350 دخل شهرى ثابت + بدل حافز + مكافئات تزداد لتصل ل 900 جنيه شهريا + تأمين صحى + الأنتقالات + معاش
    مصنع أدويه ألكان فارما Alkan Pharma
    900 جنيه شهريا يزداد مع الزمن + تتحمل الشركه تكلفه الأنتقالات + وجبه عذاء رئيسيه
    مصنع بريستول مايرز سكويب مصر BMS
    900 شهريا + تأمين صحى + الأنتقالات + وجبه غذاء رئيسيه + بوفيه مفتوح
    4- متطلبات الوظيفة
    الخبره مهمه إلى حد كبير جدا
    5- كيفيه الألتحاق بالعمل فى المجال المذكور
    من خلال العلاقات الشخصيه ( كوسه بمعنى آخر ) أو لازم يكونلك معرفه لأن المصانع لا تضطر للأعلان من خلال الصحف إلا فى حاله إحتياجها لتخصص معين أو خبره طويله فى الشخص المطلوب لشغل الوظيفه
    4- العمل فى الحكومه كموظف فى وزاره الصحه ( التكليف )
    1- طبيعه العمل
    عاده يكون العمل داخل مستشفيات وزراه الصحه و التأمين الصحى متعلقا بتوفي الدواء للمستشفى و تقديم سجلات لمعدل صرف تلك الأدويه للحكومه كذلك يتسلم الصيدلى أحد تلك العهد ( عهده الصيدليه الخارجيه للمستشفى , عهده الصيدليه الخارجيه , عهده مخزن المستشفى الدوائى , عهده المخدرات :sniff: الخ
    2- المميزات و العيوب
    المميزات
    1- دخل شهرى ثابت و مضمون بأمر الله
    2- معاش و تأمين إجتماعى
    3- تأمين صحى
    4- وظيفه ثابته فى الحكومه
    5- يرتقى الصيدلى فى وظائف الوزاره بمرور الوقت
    العيوب
    1- دخل ضئيل جدا
    2- مجال العمل داخل الحكومه عاده غير متعلق بالصيدله :sniff:
    3- الدخل و الراتب المتوقع
    200 جنيه + حوافز + الإقتصادى + مكافئات = حوالى 350 جنيه شهريا
    يزداد الدخل مع الوقت
    4- متطلبات الوظيفه
    الوظيفه هاهنا إجباريه كتكليف لمده سنه ثم يحق للصيدلى الأستمرار كموظف بعدها إذا أحب
    5- كيفيه الألتحاق بالعمل فى المجال المذكور
    من خلال الأداره المركزيه لشئون الصيدله
    واخيرا اتمنى انى اكون افدتكم ويمكن زى ماقولتى يا دكتوره فيه تشاؤم شويه علشان بس فيه شويه مشاكل حساسه مع جدتى علشان من ساعه مادخلت الكليه والفلوس اللى كنت باخدها منها قلت

صفحة 2 من 38 الأولىالأولى 123412 ... الأخيرةالأخيرة

المواضيع المتشابهه

  1. ساحة حوار لطلبة بكالوريوس 2010
    بواسطة wh_kaboo في المنتدى الفرقة الرابعة 2010
    مشاركات: 1084
    آخر مشاركة: 28-07-2010, 02:27 AM
  2. ساحة حوار طلبة تالته الجدد 2009 / 2010 " الترم التاني "
    بواسطة dr queen في المنتدى الفرقة الثالثة 2010
    مشاركات: 543
    آخر مشاركة: 27-07-2010, 05:29 PM
  3. ساحة حوار طلبة تالته الجدد 2009 / 2010
    بواسطة dr queen في المنتدى الفرقة الثالثة 2010
    مشاركات: 964
    آخر مشاركة: 16-02-2010, 06:36 AM
  4. ساحة حوار لطلبة بكالوريوس 2009
    بواسطة Alaa_Resala في المنتدى الفرقة الرابعة 2009
    مشاركات: 532
    آخر مشاركة: 08-07-2009, 05:51 PM
  5. ساحة حوار لطلبة أولى ( الدفعة الجديدة ) ... اتكلم من القلب ;-)
    بواسطة Dr.Sheko0o0o في المنتدى الفرقة الاولى 2008
    مشاركات: 1454
    آخر مشاركة: 13-07-2008, 09:11 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •