اول علقه اخدتها

[dina j]

انا فاكره مره وانا فى تالته ابتدائى كان فى مدرس اسمه صلاح الراجل ده كان مرعب لما كان بيمشى فى الطرقه بتاعته الدور العيال بتجرى من قدامه
مره انا بقى كنت رايحه لأختى فى فصلها اطمن عليها عشان هى كانت تعبانه فأنا طبعا كنت واقفه بره الفصل والحصه شغاله وعماله اشوارلها انا تبص عليها بس هى مكنتش واخده بالها ..فجأه وانا ماشيه راحه فصلى لقيت المدرس ده ولقيت الكف بيطرقع على خدى هههههههه مفقتش من الصدمه الا بعد سماع صوت الطرقعه
الغريبه انه الراجل متكلمش ايده اللى اتكلمت ربنا يسامحه لو كان لسه عايش ورجعت الفصل اعيط بس مقلتش لحد السبب روحت بس اتخانقت مع اختى فى البيت لأنها السبب فى القلم ده مكنتش عارفه تاخد بالها منى من الاول

لا لا لا اااااااا كيف حدث هذا؟؟؟ من هذا الرجل؟؟ و عادى كده عديتى الموضوع يا قلبك الكبير يا شيخه قوليلى بس من هو و احنا نتعقبه

[dr emy.hassan]

هههههههههههه
موضوع حلو اوى ومحرج اوى

انا بقى مش فاكرة غير مرتين
مرة وانا فى اولى اعدادى من مدرس الانجليزى كنت باخد فى بيتنا وبابا فى المرة دى حضر الحصة معايا ومكنتش مزاكرة كويس
وضربنى بايده على اورتى وقالى يا تحفة مش قادرة انسى الموقف ده ابداااا
ومن بعدها ولتالته ثانوى متضربتش من مستر باسم خالص الحمد لله

المرة التانيه من مدرس الكيمياء فى تانيه ثانوى
كان مسمينى عبقرية الكمياء وكان معروف عنه اسئلته المفاجأة وضربه طبعا واول 3 شهور مضربتش خالص فقالى انتى الوحيدة اللى مضربتيش لسه ولازم تضربى وفجأة قال مفيش شرح النهاردة وهختار واحدة منكم اسألها فى المنهج لحد ما احنا واقفين وكنت انااااااااااااااا وقعد يسألنى كتير ومش عايزنى افكر اجاوب علطول ولما لاقنى مبغلطش وقف زميلتى معايا و كل واحدة سؤال علشان يلخبطنا ومسبنيش الا لما اضربت وده موقف مش بنساااااااااه ابداااا وكل لما اشوف المدرس ده يفكرنى