نشرة الاخبار من داخل صيدلة...4
اهو جه ياولاد اهو جه يا ولاد....اهو جه يا ولاد
ثم تتابع ام السيد:وهذا هوا شعارنا اليوم عندما زارنا السيد المحترم المبجل الافندى الاستاذ الدكتور كليييين (لو ثقافتك عربى صعيدى احب اقلك ان كليييين يعنى نظيييف بالفرنساوى)...ولقد استغلت شركات المنظفات هذا الحدث ناشرة لإعلانها الجديد..مع مستر كلييين..مفيش دهون ع المواعين..واعلان اخر يقول..مستر كلين..نظافة, ريحة, تقليب
تتابع:وكان هذا اليوم بما فيه من احداث عريقة(مليانة عرق يعنى)هو يوم تاريخى سيظل ذكره على مدار سنة ونص الا 3 ساعات...
المذيعة:حسنا ام السيد,هلا تصفى الموقف عندما وصل مستر كليين كلية الصيدلة؟
ام السيد:كان موقف عجيب اول مرة اشوفه.. شبه موقف شربين كده..واحنا معرفناش هو وصل امتى الا لما شفنا يجى 3 او 4 عربيات كارو اخر موديل وكان يجرها الموتور العالمى المشهور الحمار ابو رجل مسلوخة..وقام نازل من العربيات شوية بودى جاردات ماشاء الله عليهم..طول بعرض بارتفاع بعمق ..حاجة تشرف الصراحة بس تخوف فى نفس الوقت والحمد لله صورت واحد منهم وصورته اهيه
المهم اول ماشوفنا العربيات الجامدة دى عرفنا علطول ان مستر كلين على وصول ..وفعلا مفيش 4 دقايق و13 ثانية ولقينا الموكب بتاعه داخل علينا..الموكب بتاعه بيتكون من عدد من السيارات لا يحصاها الا الله..المهم الموكب وصل ونزل سيادته من سيارته الفور باى تو, ليرى امامه حشد من الفراشين والعمال وطبعا العميد والوكيل والمسئولين واللى جاوبو خلاص كلهم واقفين فى استقباله..وطبعا مستر كلين كان لابس الحتة اللى ع الحبل (جلبية بسوستة).
وبعدين مشى بين صفين من الطلبة اللذاذ اللطاف الخفاف الظراف اللى كانو ماسكين جرجير فى ايديهم تعبيرا عن فرحتهم..ولما وصل عند شريط الافتتاح (اللى لغاية دلوقتى مش عارفة كان بيفتتح ايه)جابولو مقص الحاج عوض حلاق الحمير عشان يقص الشريط ويعمله قصة السمكة..
المهم افتتح اللى افتتحه ..وعندما عاد الى سيارته..توقف عند باب السيارة.ليرفع يده مشاورا بها الى تلك الجماهير الغفيرة التى لم تكن اتية من اجله بل من اجل وظائفهم
المذيعة:ام السيد,ماهو اكثر شيىء مميز فى كلية صيدلة فى هذه الايام؟
ام السيد:نعم ام فاروق,فأكثر شيىء مميز هو معرض الجمعية العمالية المقام ورا كشك ام عبير..وغالبا كان به نفس الاشخاص الذين كانو يرتدون بدل سوداءفى النشرة السابقة(واللى موزعوش بست فى الكورس)ولكننا هذه المرة اقتربنا منهم اكثر لكى نتعرف على نشاطهم....ممكن نتعرف عليك؟
الشخص:منا قلت لحضرتك قبل كده
ام السيد:معلش مش فاكرة والله
الشخص:انا يا ستى الواد فوزى زغلول ابو الزغاليل زغزغ
ام السيد:قولى بقى يا فوزى انتو دوركو ايه فى الليلة دى؟
فوزى:احنا بالصلاة ع النبى كده مسئولين عن تنظيم المعرض التون كولوجى
ام السيد:قصدك التكنولوجى
فوزى:هيا هيا بس دا فلاحى مكسر
ام السيد:بتنظمو ازاى بقى؟
فوزى:احنا دورنا اننا مندخلش اى حد المعرض التون كولوجى ونشده غصب واقتدار وندخله المعرض بتاعنا
ام السيد:طب ممكن يا فوزى تشرحلنا شوية عن المعرض؟
فوزى:ممكن خالص..ممكن جدا..ممكن اوى..ممكن اخر حاجة..ممكن بالشنطة والليمون
ام السيد :طب اتفضل قول..قسم وسمعنى
فوزى:يا ليل يا عين يااااااااا لييييل
فصاح كل اللى فى المعرض:هييييييييييييييييييييييييييييييه..ايه الحلاوة دى
وسمع شوية تعليقات منها:ايه الحلاوة دى..حلاوة رشيد الميزان ولا ايه...يخربيت زلومتك
ام السيد:خلصنى يا فوزى..عاوزة الحق ميعاد الشاور بتاعى
فوزى:حضرتك احنا هنا فى الاول بنعرف الناس عن الجمعية العمالية وعن انشطتها وعن مدى كفائتها فى سرقة الطلبة وعن الرحلات اللى بتقوم بيها واللى شعارها..سكة اللى يروح مايرجعش
وبعد كده فى فزورة وحلها بيحلل شخصيتك اذا كنت مثلا شخصية منفسنة او شخصية ملمسة
وبعد كده عندنا جهاز قياس الضغط..يجى واحد صعيدى مستورد يسألنى ويقولى:يعنى ايه جهاز قياس ضغط؟يكونش احنا بنلعب ضغط وهوا يحسبلنا كام واحدة ضغط عملتها؟
ام السيد:يبقى دا اكيد واحد صعيدى قالع العمة بتاعته ف فقد الذاكرة
فوزى:عاملين بعد كده صيدلية وبنعرض فيها كل الادوية المضروبةوالادوية المعفنة وبنشرحلهم الميكانيزم بتاع الدواء المضروب فى كيفية قتل المريض...وبعد كده بنعمل تيست دم ونعرف فصيلة دم حضرتك ايه وبناخد 3 نقط دم من صوباعك بعد مانخرمها بمسمار 10 سم..وبعدين بنديك ورقة فيها صفات فصيلتك ولازم تحتوى طبعا على جميع الامراض
يتابع فوزى:بعد كده فى جزء فنى... شوية لوح فنية طبعا محدش فاهم منها حاجة...وبعديها معلقين قصة كوميدية حزينة مفرحة تضايق الواحد من كتر الضحك والعياط اللى هوا فيه...
وبعد كده فى جزء توعية عن مرض السكر..وطبعا لزوم شغل التوعية عن السكر لازم يكون موجود اكياس سكر الاسرة هدية..مش بس كده دا احنا كمان مشغلين اغنية..سكر حلوة الدنيا سكر
يتابع:وبعدين اخر جزء عندنا هو فقرة الساحر بيبقى موجود فيها شوية بازلز انما ايه تعقد الواحد..وتجيبله السكر وترفعله الضغط وتغيرله فصيلة دمه كمان..وكنا عاوزين نجيب كمان حصان بس ملقناش ولا حصان فاضى..وبس بعد كده المعرض بيخلص
ام السيد:شكرا لك فوزى وشكرا على مجهودكم الرائع الذى يساعد الناس على نقلهم من النور الى الظلمات..ونشكر مشاهدينا على حسن استماعهم
المذيعة:وفى النهاية نشكركم ايها السيئات والسادة..يوووه قصدى السيدات والسكر زيادة..يوووه قصدى السيدات والسادة..نشكركم على حسن المتابعة..والى لقاء فى نشرة جديدة ان شاء الله..يللا قشطات..بيس بقى
رد مع اقتباس
.gif "Fop (1)")
.gif "Fop (24)")
المشاركة الأصلية كتبت بواسطة EverLasting
.gif "Fop (44)")
.gif "Fop (33)")
.gif "Fop (42)")
