صفحة 1 من 22 12311 ... الأخيرةالأخيرة
النتائج 1 إلى 10 من 211

الموضوع: تساؤلات...وجواب واحد

  1. #1
    Pb Elite
    تاريخ التسجيل
    Feb 2008
    الدولة
    تحت قدمى أمى و أبى
    المشاركات
    2,912

    Smile تساؤلات...وجواب واحد




    إن الحمد لله نحمده
    ونستعين به ونستغفره
    ونعوذ بالله من شرور أنفسنا ومن سيئات أعمالنا
    من يهده الله فلا مضل له
    ويضلل فلا هادى له
    وأشهد أن لا إله إلا الله وحده لا شريك له
    وأن محمد عبده ورسوله
    وبعد:




    قال تعالى

    ( فلم تجدوا ماء فتيمموا صعيدا طيبا )

    أنطلاقا من ذلك

    فإن الله قد فرض علينا أن نتطهر للصلاة

    فنتوضأ بالماء الطهور (الطاهر فى نفسه مطهر لغيره )

    ولكن

    إذا عدم الماء أو لم نقدر على استعماله

    لا يوجد مفر فلابد من التطهر

    لذا نتطهر بالتراب

    إلى ان ييسر لنا الله الماء فنتوضأ به


    هكذا سيكون هذا الموضوع بفضل الله


    وهو

    لمن يتعذر عليه سؤال أهل العلم الثقات

    لن أقول فى فتاوى

    ولكن فى الأحكام

    خاصة

    ما يفرض على كل منا تعلمه


    بأن نأتى هنا بالاجوبة باذن الله

    سائلين الله التوفيق والسداد


    وان شاء الله

    سيتم تحرى النقل فى كل الاجابات بعون الله

    وذكر المصدر قدر المستطاع

    والله الموفق

    ومنتظرين أى تسائل ان شاء الله



    سبحانك اللهم وبحمدك أشهد أن لا إله إلا أنت أستغفرك وأتوب إليك




  2. #2
    Pharma Student
    تاريخ التسجيل
    May 2009
    المشاركات
    450

    افتراضي

    موضوع جميل جدا

    ان شاء الله فى ميزان حسناتكم

    سؤالى :

    قرأت فى مطوية عن عيد الأضحى ان من البدع والمكروهات وقت صلاة العيد

    ان الشيخ قبل الصلاة يكبر هو ومن فى المسجد جماعة

    هل الكلام دا صح مع ان كل المساجد بتعمل كده

    وجزاكم الله كل خير

  3. #3
    Pb Elite
    تاريخ التسجيل
    Feb 2008
    الدولة
    تحت قدمى أمى و أبى
    المشاركات
    2,912

    افتراضي

    جزاكم الله مثله

    اقتباس المشاركة الأصلية كتبت بواسطة الجنة مرادى مشاهدة المشاركة

    سؤالى :

    قرأت فى مطوية عن عيد الأضحى ان من البدع والمكروهات وقت صلاة العيد

    ان الشيخ قبل الصلاة يكبر هو ومن فى المسجد جماعة

    هل الكلام دا صح مع ان كل المساجد بتعمل كده


    الوارد عن ابن عباس انه كان يكبر فى الاسواق ويرتفع صوته ويكبر كل من فى السوق بتكبيره

    وورد عن عمر انه كان يكبر فى خيمة له ويكبر الناس بتكبيره فى منى

    وبالفعل هناك أتفاق واختلاف بين أهل العلم وهو :


    الاتفاق

    على جواز رفع الصوت بالتكبير للادلة السابقة


    الاختلاف


    هل يكون التكبير جماعى أو لا ؟؟

    1- الجواز واستدلوا بالادلة الى فوق دى لكن الادلة لا تجزم ابدا انهم كانوا بيكبروا مع بعض لكنها بتثبت فعلا انهم كانوا بيرفعوا صوتهم .


    2- التبديع وهو رأى معتبر لنفس السبب


    الراجح والله أعلم

    ( قول الشيخ ابن عثيمين والشيخ مصطفى العدوى )

    الاولى عدم التكبير الجماعى يعنى بنفس الصوت لكن كل واحد يكبر بصوت عالى مع نفسه وخلاص

    ودى تسجيل صوتى للشيخ ابن عثيمين بكدا

    هنا



    ملحوظة مهمة جدااااا

    مش معنى كدا اننا نكون فى المسجد ونعمل فتنة للناس ونعمل مشاكل

    لكن نحاول نعلم كل الى نقدر نعلمو منه فقه المسئلة مع العلم ان هناك من يقول بالجواز ويحتج بان ذلك ما عليه عمل المسلمين ويكفيه دليل ذلك لان النبى قال ( ما اجتمعت امتى على شر قط )

    زى صلاة التراويح كدا

    وزى مثلا دعاء

    ( اللهم لا تحرمنا اجره ولا تفتنا بعده واغفر لنا وله ) فى اخر تكبيرة فى صلاة الجنازة لا يثبت بأى حال من الاحوال فى ضعيف جدا ومع ذلك عليه عمل المسلمييييييين

    والله أعلم



  4. #4
    Pharma Student
    تاريخ التسجيل
    Feb 2008
    المشاركات
    488

    افتراضي

    جزاك الله كل خير ,الفكرة رائعة فعلا , أنا كنت عايزة استفسر عن الصدقة الجارية لازم يكون الفرد عاملها بنفسه قبل وفاته ولا ممكن حد من أهله يعملها لأنى قرأت آراء كتيرة فى الموضوع ده وماوصلتش لحل ,أرجو التوضيح وجزاك الله كل خير.

  5. #5
    Pharma Student
    تاريخ التسجيل
    May 2009
    المشاركات
    450

    افتراضي

    جزاكم الله خيرا على الرد المفصل

  6. #6
    Pb Elite
    تاريخ التسجيل
    Feb 2008
    الدولة
    تحت قدمى أمى و أبى
    المشاركات
    2,912

    افتراضي

    جزاكم الله مثله جميعا


    اقتباس المشاركة الأصلية كتبت بواسطة @Noh مشاهدة المشاركة
    الفكرة رائعة فعلا , أنا كنت عايزة استفسر عن الصدقة الجارية لازم يكون الفرد عاملها بنفسه قبل وفاته ولا ممكن حد من أهله يعملها
    نقلا عن الشيخ مصطفى العدوى حفظه الله عندما سئل هذا السؤال:


    قال تعالى

    ( وأن ليس للانسان إلا ما سعى )


    قال أهل العلم ان هذه الايه عامة ولا يخرج منها إلا ما اختص بدليل صحيح



    ومما خرج عن هذا النص العام :

    1-قوله (إذا مات ابن ءادم انقطع عمله الا من ثلاث صدقة جارية او علم ينتفع به او ولد صالح يدعوا له )


    2-وقوله عندما سأله السائل عن حجه عن ابيه فاجاب بالايجاب


    3- لما وقف على قبر الميت وقال (استغفروا لأخيكم واسألوا له التثبيت فأنه الان يسأل )

    4- كذلك دفع الدين عن الميت


    فالحاصل ان ما يفيد الميت فى قبره بعد موته من غيره هو الدعاء وسداد الدين الحج عنه


    أما باقى الاعمال فالنص العام ( وأن ليس للانسان إلا ما سعى ) هو الأصل..


    ولكن

    هل اذا أقدم أهل الميت على عمل بر للميت بأن ينهو عن ذلك ؟؟



    الظاهر والله أعلم أن لا ينهو عن ذلك

    وأمر الاجر إنما هو الى الله

    ولكن لا نجد دليل يفيد بأن الأجر يصل اليه !!!

    وأيضا لا نجد دليل صريح يقول بأن الاجر لا يصل اليه !!!


    فيتم العمل ولله الامر من قبل ومن بعد ...


    والله أعلم


    ( افتكر ان كان فى حد جه للشيخ مصطفى وسأله انه يبنى مسجد كبير وفعلا الشيخ مصطفى راح بنفسه وقعد يدورلهم على بلد ميكنش فيها مسجد كبير على السنة لغايط لما دلهم فعلا على بلد معينة واشتروا فعلا فيها ارض كبيرة .....)



  7. #7

    تاريخ التسجيل
    Dec 2009
    الدولة
    يارب مع رسول الله
    المشاركات
    2,600

    افتراضي

    السلام عليكم

    رجاء لو حضرتك تجاوب ع الاسئله دى

    المشكله عندى فى حاجه

    احيانا بنكون مخلصين بعد الظهر بفتره يعنى خلاص الظهر بنكون صليناه

    وبخاف انى واصل البيت بعد الغروب فالمفروض بقى انى اعمل ايه ؟؟

    ولا كان مفروض على انى اصلى العصر مع الظهر جمع تقديم ؟؟

    وفى الحاله دى اصلى العصر مع الظهر فى وقت الظهر ولا استنى شويه على ما وقت العصر يبدا يدخل واصليهم الاتنين مع بعض ؟؟

    وفى حالة لو وصلت البيت قبل الغروب وانا خلاص صليت العصر مع الظهر مش صلاتى صحيحه ان شاء الله لانها بنية السفر ؟؟

    وكمان نفس المشكله مع المغرب

    دايما بنصلى المغرب مع العشا جمع تاخير
    معلش هنتعب حضرتك شويه ...بس عشان نبقى مطمنين اكتر

    وجزاكم الله خيرا

  8. #8
    Pb Elite
    تاريخ التسجيل
    Feb 2008
    الدولة
    تحت قدمى أمى و أبى
    المشاركات
    2,912

    افتراضي


    احيانا بنكون مخلصين بعد الظهر بفتره يعنى خلاص الظهر بنكون صليناه

    وبخاف انى واصل البيت بعد الغروب فالمفروض بقى انى اعمل ايه ؟؟

    ولا كان مفروض على انى اصلى العصر مع الظهر جمع تقديم ؟؟

    وفى الحاله دى اصلى العصر مع الظهر فى وقت الظهر ولا استنى شويه على ما وقت العصر يبدا يدخل واصليهم الاتنين مع بعض ؟؟
    يجوز الاتنين

    جمع تقديم أو جمع تأخير

    ولكن لو عاوزين بقى نعمل زى فعل النبى بزبط نعمل الاتى :


    فى صلاتى الظهر والعصر

    1- لو انا هسافر قبل الدهر يبقى الافضل ااخر الدهر لغايط وقت العصر واصلى الاتنين مع بعض فى وقت العصر كل واحدة ركعتين بس.

    2- لو هسافر بعد ما اذان الدهر يأذن يبقى اصلى الاتنين فى الاول فى وقت صلاة الدهر كل واحدة ركعتين .


    فى المغرب والعشاء

    1- لو هسافر قبل المغرب يبقى ااخر المغرب لحد وقت العشاء واصليهم مع بعض المغرب تلاتة والعشاء اتنين .

    2- لو هسافر بعد المغرب يبقى اصليهم فى الاول المغرب تلاتة والعشا ء اتنين .


    ( كلمة هسافر فوق معناها ركوب المواصلة يعنى يعنى حضرتك فى الكلية وهتركبى المواصلة كما فصلت فوق ")


    والحلات الى ذكرتها فوق دى هى أكثر فعل النبى



    ودى فتوى للشيخ عبد العزيز بن باز مقاربة تأريبا لسؤال حضرتك


    من هنا



    وفى حالة لو وصلت البيت قبل الغروب وانا خلاص صليت العصر مع الظهر مش صلاتى صحيحه ان شاء الله لانها بنية السفر ؟؟
    الصلاة تمام كدا انم شاء الله

    لان العبرة بالحالة التى عليها الشخص وقت صلاته

    ( دى كلمة شيخ الاسلام ابن تيمية رحمه الله ")



    دى شوية قواعد كدا على السريع



    1- لو مسافر ومصلتش وانت فى السفر وبعدين رجعت بتكم ..... يبقى تتم الصلاة لان العبرة بالحالة الى انت عليها وقت الصلاة .



    2- لو انت مقيم الصلاة اذنت ومصلتش وبعدين سفرت وعاوز تصلى بقى... يبقى تقصر لان العبرة بالحالة الى انت عليها وقت الصلاة .


    3- لو بتصلى خلف امام متم وانت مسافر .... لازم تتم (انما جعل الامام لاتم به ) .


    4- لو انت مقيم والامام مسافر وقصر .....لازم تتم لانك مش مسافر ,,


    والله أعلم

  9. #9
    Pharma Student
    تاريخ التسجيل
    Feb 2008
    المشاركات
    488

    افتراضي

    جزاك الله خير الجزاء يا د/ أحمد على الرد.

  10. #10

    تاريخ التسجيل
    Dec 2009
    الدولة
    يارب مع رسول الله
    المشاركات
    2,600

    افتراضي

    - لو انا هسافر قبل الدهر يبقى الافضل ااخر الدهر لغايط وقت العصر واصلى الاتنين مع بعض فى وقت العصر كل واحدة ركعتين بس.

    2- لو هسافر بعد ما اذان الدهر يأذن يبقى اصلى الاتنين فى الاول فى وقت صلاة الدهر كل واحدة ركعتين .


    حضرتك تقصد ان يجوز انى اصلى الضهر مع العصر جمع تاخير"فى وقت العصر " او العصر مع الضهر جمع تقديم"فى وقت الضهر " ؟؟

    يعنى لو انا مشيت م الكليه قبل ما الضهر يدن ووصلت البيت بعد العصر ...المفروض انى اصلى الضهر مع العصر جمع تاخير ؟؟

    انما لو وصلت قبل العصر اصلى الضهر عادى مش كده؟ واستنى لما العصر يدن واصليه عادى طبعا

    وبرده لو مشيت بعد ما الضهر اذن وخايفه العصر يروح منى يبقى اصليه مع الضهر جمع تقديم قبل ما امشى مش كده ولا انا فاهمه خطا ؟

صفحة 1 من 22 12311 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •