فوازير رمضان

[DR.BIBO]

ايه الشطارة دى يا eeeman ؟؟؟
هبة وأسماء ودكتور سامح ؛؛
شكلكو وحش أوى
..................
موضوع جميل
فى انتظار باقى الفوازير

بقى كده ياسارة طيب اما نشوف هتعملى ايه فى الفوازير الجايه هتتردلك ان شاء الله

[Monmon Okda]

الله الله بحب الفوازير خاااااااااااااااالص

بس بلاش ارقام هاتو حاجة خفيفة لطيفة كده

لا ماتقلقيش يوجد كل الاذواق

-----

الله حلو قوى الجو دا

تسلم ايديكى يادكتوره
وشطوره يا إيمى
أنا قاعدت أحاول فيها كتير
ومعرفتش وبرضوا بعد الاجابه
لسه تايهه فيها
يالهوى دا الحكايه ضايعه معايا
ف الحسابات أخر حاجه

الحمد لله ان الموضوع عجبك بس بلاش اليأس ده.... مفهوووووووووم!

-----

على فكره احنا متفقناش على كده بتاتا
بس حاضر
اشوف حضرتك بتحلى فزوره وتطلع غلط

والبادى اظلم

لالالا صلى على النبى كده يا دكتور سامح و الطيب احسن و ع العموم ماتقلقش كله هيتظبط ان شاء الله و الدنيا يوم ليك و يوم عليك

-----

بسم الله الرحمن الرحيم

نبتدى نقول الفزورة التانية و نشوف تانى الدماغ الصاحية

لغز فى الفيزياء

أعطى مدرس الفيزياء الطالب (سليم) ميزانا ذو كفتين ثم اعطاه 9 كرات رصاصية وزن كل منها 100 جرام ما عدا كرة واحدة وزنها 95 جرام فقط مع العلم ان الكرات كلها بنفس الحجم.
و طلب منه ان يكتشف الكرة ذات الوزن الناقص من خلال استخدامه الميزان مرتين فقط و دون استعمال اى وزن. كيف حل سليم المسألة؟؟؟؟

يللا ورونا النباهه يا شطااااااااااااار

[الملاك الضاحك]

الحمد لله ان الموضوع عجبك بس بلاش اليأس ده.... مفهوووووووووم!

لأ يأس ايه ال بتتكلمى عليه دا
دى الكلمه دى مش ف قاموسى أصلا
من غير ضرب هأسمع الكلام والله

لغز فى الفيزياء
أعطى مدرس الفيزياء الطالب (سليم) ميزانا ذو كفتين ثم اعطاه 9 كرات رصاصية وزن كل منها 100 جرام ما عدا كرة واحدة وزنها 95 جرام فقط مع العلم ان الكرات كلها بنفس الحجم.
و طلب منه ان يكتشف الكرة ذات الوزن الناقص من خلال استخدامه الميزان مرتين فقط و دون استعمال اى وزن. كيف حل سليم المسألة؟؟؟؟

نقسم الكرات ثلاث مجموعات كل مجموعه يكون فيها 3 كرات نحط مجموعتين كل واحدة في كفة والثالثة نسيبها بره الميزان

لو نقصت كفه ف الوزن يبقى فيها الكره الأقل ف الوزن ولو كانوا متساويين يبقى الكره الأققل ف المجموعه التالته

نأخذ المجموعه ال عرفنا أن فيها النقص ونقسمها على 3 كرات نحط 2 ف كل كفه من الميزان والثالثة بره

وال هتكون ناقصه فيهم يبقى هيه ولو كانوا متساويين يبقى الكره ال بره الميزان

أظن تمام كده بقى
مظبوط

[Monmon Okda]

نقسم الكرات ثلاث مجموعات كل مجموعه يكون فيها 3 كرات نحط مجموعتين كل واحدة في كفة والثالثة نسيبها بره الميزان

لو نقصت كفه ف الوزن يبقى فيها الكره الأقل ف الوزن ولو كانوا متساويين يبقى الكره الأققل ف المجموعه التالته

نأخذ المجموعه ال عرفنا أن فيها النقص ونقسمها على 3 كرات نحط 2 ف كل كفه من الميزان والثالثة بره

وال هتكون ناقصه فيهم يبقى هيه ولو كانوا متساويين يبقى الكره ال بره الميزان

أظن تمام كده بقى
مظبوط

يا سلاااااااااااااام لازم ازعق و اضرب علشان تجاوبى صح
تمام تمام تمام اجابة سريعة مظبوطة
كان نفسى الناس تلحق تغلط شوية
يللا يا جميل دورك عشان تختارى الهدية

[الملاك الضاحك]

يا سلاااااااااااااام لازم ازعق و اضرب علشان تجاوبى صح
ناس متجيش غير بالعين الحمرا صحيح
بس متأخديش على كده أومال
تمام تمام تمام اجابة سريعة مظبوطة
والله دا أنا قعدت أحاول فيها كتير جدا
أصلى حليت حاجه قريبه م الفكره دى من حوالى أسبوع
كان نفسى الناس تلحق تغلط شوية
والله أنا كمان كان نفسى كده
بس قلت برضوا أما ألحق أحلها قبل
ما حد يحلها
أصل على طول الحظ مش بيوافقنى
يللا يا جميل دورك عشان تختارى الهدية

اختار !!؟؟
طب ما تخليها مفأجأه
أنا قاعده مستنيه أهو

[Amira]

والله جات فى بالى اول الاجابه وحد كلمنى وانا بفكر فيها اتلبخت ومكملتش

[Monmon Okda]

اختار !!؟؟

طب ما تخليها مفأجأه
أنا قاعده مستنيه أهو

معلش اتأخرت عليكى زمان الشاى اللى بتشربيه خلص عما دورت ع الهدية و نزلت اشتريتها
اتفضلى يا ستى

-----

والله جات فى بالى اول الاجابه وحد كلمنى وانا بفكر فيها اتلبخت ومكملتش

منا عارفه طول عمرك حظك قليل فى الدنيا

[eeeman]

ايه الكلام الجامد ده كده فهمت الحمدلله متقلقيش مش هتضربى يا ايمى

طيب الحمد لله يا بيبو انا افتكرت انى عقدت الدنيا اكتر

ايه الشطارة دى يا eeeman ؟؟؟

الله يخليكى يا سارة دى محاولات بسيطة كدة تفكرنى بايام الشطارة الحقيقية قبل كليتنا الجميلة دى

تمام كده يا ايمان انا بحب احل الفوازير بطريقة المعادلة برده بس دى بالذات محليتهاش كده انا فضلت وراها خطوة خطوة بالشقلوب
و الحمد لله ان الهدية عجبتك

-----
وانا كمان يا منمن بحب الطريقة دى دايما مش بحب اعد افترض ارقام واجربها كدة من دماغى

الله حلو قوى الجو دا
تسلم ايديكى يادكتوره
وشطوره يا إيمى
أنا قاعدت أحاول فيها كتير
ومعرفتش وبرضوا بعد الاجابه
لسه تايهه فيها
يالهوى دا الحكايه ضايعه معايا
ف الحسابات أخر حاجه

الله يخليكى يا ملوكة بس ليه حاولى اقريها تانى وهتوصل ان شاء الله ......مبروك حل الفزورة التانية انتى بتقولى ضايعة فى الحسابات انا بقى اول ماشفت الفيزياء اتخضيت لانى بكره الفيزيا بس لقيتك جاوبتى بقى فمحاولتش اتعب نفسى فيها ....فى انتظار المزيد يا منمن

[Monmon Okda]

بسم الله الرحمن الرحيم

الفزورة الثالثة

لغز الطيران السريع

جرت مسابقة فى الطيران بين بومتين على ان يتم البدء فى السباق الساعة 10 صباحا. كانت مسافة السباق 100 كم و كانت سرعة البومة الاولى 50 كم فى الساعة و سرعة البومة التانية 60 كم فى الساعة و البومة الاولى سارت باتجاه الريح اما الثانية فكانت عكس الريح. ايهما تصل اولا؟؟

يللا يا حلوين مين الشطور اللى هيجاوب على الفزورة دى

[sponge Bop]

حلو اوى موضوع الفوازير ده يا دكتوره امنيه بس دماغى لحست بعد الامتحانات فربنا يستر واعرف اجاوب حاجه وبالنسبه للفزوره دى فانا بقول ان البومه اساسا مش بتشوف غير بالليل يعنى ولا واحده منهم هتوصل المسافه بتاع السباق وممكن اكون غلط !