مشاهدة نتائج الإستطلاع: رأيك فى الشفوى

المصوتون
415. أنت لم تصوت في هذا الإستطلاع
  • انا اعتبر الشفهى الحالى اختبار تحصيلى فقط ليس فيه مهارات ذهنية

    167 40.24%
  • ارى ان يكون الشفهى معيار هام لقياس المهارات الذهنية و النقلية للطالب

    106 25.54%
  • بديهى ان يكون فى الشفهى اسئلة غير نمطية و تميل للتطبيق لقياس مدى فهم الطالب للمادة

    139 33.49%
  • الواسطة غير موجودة البته فى إمتحان الشفهى

    16 3.86%
  • يجب ان يوزع القسم على الممتحن الخارجى قائمة محتوى المقرر قبل امتحان الشفهى

    254 61.20%
  • انا عندى احساس يالغبن عندما ارى زميل او زميلة تأخذ درجة افضل منى لمجرد التوصية

    290 69.88%
  • ارى ان زيادة اعداد الطلاب تؤثر بالسلب فى معرفة المستوى الحقيقى للطالب

    207 49.88%
  • افضل ان امتحن وحدى و ليس فى مجموعة حتى لا أحرج و حتى يتحدد مستواى الحقيقى

    144 34.70%
  • افضل ان امتحن فى مجموعة لا تزيد عن ثلاثة طلاب حتى يظهر الفرق للممتحن فتكون الدرجة معبرة

    129 31.08%
  • ارى ان يعطى الطالب سؤال مكتوب كمفتاح قبل البدء فى إمتحانه

    198 47.71%
  • ارى انى املك المعلومة و لكن السؤال الغير مباشر او الغير نمطى يوترنى فلا استطيع الإجابة

    182 43.86%
  • ابتسامة الممتحن لى و عدم تجهمه فى وجهى يشجعنى على الإجابة يإنطلاق و بثقة

    309 74.46%
  • ارى ان لا يسأل ممتحن الشفهى فى امتحان النظرى حتى لا يصير الجزاء ضعفين فى النظرى

    133 32.05%
  • ارى استبدال الشفهى بمشاريع بحثية يناقش الطالب فيها و يقيم على جودة البحث و مهارات العرض

    158 38.07%
  • يتحقق العدل فى امتحان الشفهى بإختفاء الواسطة

    255 61.45%
  • أرى ان يلغى الشفهى بوضعه الحالى او تقل درجته الى النصف لأنه غير معبر عن المستوى الحقيقى للطلاب

    190 45.78%
  • ارى ان يكون الشفهى فى اليوم التالى للنظرى لان الإجهاد و عدم الأكل يؤثر بالسلب على القدرة الذهنية

    17 4.10%
  • ارى ان يكون الشفهى بعد انتهاء الإمتحانات النظرية

    166 40.00%
  • ارى ان يشمل تقييم الشفهى مظهر الطالب و مهارات الشرح و الثقافة العامة

    107 25.78%
  • هل لك رأى إضافى (تفضل بالمشاركة فى الموضوع)

    25 6.02%
إستطلاع متعدد الإختيارات.
صفحة 2 من 8 الأولىالأولى 1234 ... الأخيرةالأخيرة
النتائج 11 إلى 20 من 78

الموضوع: نظرة طلابية للشفهى

  1. #11
    Pharma Student
    تاريخ التسجيل
    Sep 2008
    المشاركات
    176

    افتراضي

    أنا نفسي يبقى الممتحنين كلهم Internal
    والله ودا اللى انا نفسى فيه انا كان

    لانى مش مقتنعه تماما ان دكتور اكسترنال يجى يمتحنى وما يبقاش قاعد معاه ولو حتى دكتور انترنال واحد


    يعنى انا غالبا بدخل لدكاتره اكسترنال .........طبعا مش كلهم بيبسالوا فى حاجات من بره المنهج بس فى منهم كده ولو حاولنا ان احنا نقولهم ما اخدناش يديئوا ويقولوا ازاى ما خدتوهاش!!!
    حصلت فى مرة ان كان فى دكتور عضويه اكسترنال كان بيسال كل الناس اللى دخلوله من منهج الترم التانى واحنا اصلا فى الترم الاول
    والطلبه ماكنوش عارفين يجاوبوا اداهم درجات وحشه

    وكنت من كام يوم بكلم عن الشفوى مع اخويا لقيته استغرب جدا انا احنا بندخل لدكتور اكسترنال مش بيبقى معاه حد من جوا الليه

    بيقولى عندهم فى اسنان بيدخللوا ل 2 دكاترة مع بعض ولو كان فى دكتور اكسترنال لازم يبقى معاه حد من جوة الكليه
    امال هيمتحنا ازاى!!

    كمان الدكاترة الاكسترنال مع احترامى لكل الدكاترة جدا والله....بس اغلبهم بيبقوا جايين حاطين لنفسهم رنج معين من الدرجات مش هيزيدوا عنه وما بيحاولوش يعرفوا مستوى الطالب اللى قدامهم

    على عكس الدكاتره اللى من جوا الكليه بصراحه لما بدخل لدكتور او دكتورة من جوا الكليه بحس بفرق شااااااااسع ..........بيبقى الامتحان عبارة عن دردشه على عكس الدكاترة الاكسترنال



    كمان انا شايفه ان امتحان الشفوى بيبقى زى وسيله لتعويض الدرجات غالبا بنطلع من النظرى مش كويس اوى
    نقول مش مشكله ان شاء الله الشفوى يعوض

    يعنى بصراحه الشفوى دا بمثابة هديه من الكليه

    بس ما بيبقاش فى عدل خالص ...........يعنى زى ما زمايلى قالوا كده ان فى دكاترة تسال سؤالين لكل الطلبه وفى دكاترة مثلا يسالوا بال10 اسئله ويهروا الطالب الللى واقف ادامهم اسئله وحصلت معايا مرتين

    بس فى الاول والاخر الشفوى بيبقى زى طوق النجاه بالرغم من اى حاجه

    بس حتة انو معيار او حكم ............لا طبعا الا فعلا عند قله من الدكاترة

    التعديل الأخير تم بواسطة Sara Elbakry ; 26-06-2010 الساعة 06:03 PM

  2. #12
    Pb Elite
    تاريخ التسجيل
    Nov 2008
    الدولة
    In my own world
    المشاركات
    1,044

    افتراضي

    قل لن يصيبنا الا ما كتب الله لنا

    و الله الشفوي ده بيبقي أرزاق و انا أعمل اللي عليا و الدرجات دي

    بتاع ربنا

    و كله بياخد رزقه في الاخر يعني انا مثلا النهارده عند دكتور

    درجاته وحشة دكتور عقاقير مرة دخلتله اتعصرت و

    اداني 25 و كانت

    اعلي درجة عنده و بكرة دكتور تاني يديني 30 بس عشان قلت

    فينول فثالين و ميثيل اورانج لا كنت استاهل 25 في الاول و لا 30

    المرة التانية في الاخر كله بياخد نصيبه

  3. #13
    Super Moderator
    تاريخ التسجيل
    Sep 2007
    الدولة
    Mansoura
    المشاركات
    7,739

    افتراضي

    الشفوى معظمه ظلـــم

    الترم اللى فات دخلت لدكتور فى الميكرو ادانا 30 من غير مانتكلم

    النهارده دخلت لدكتور بيدى من 28 ل 30

    وقبل كده دكتور يدى 18 !! جاوبت مجاوبتش هى من 18 لــ 20

    مينفعش يبقى فى حاجه اسمها الدكتور بيدى من كذا لكذا المفروض يبقى اسمها الطالب ده يستحق درجه والتانى مجاوبش يبقى ميستاهلش ياخد درجه

    تانى حاجه الدكاتره الاكسترنال ساعات بيسألوا فى حاجات مش علينا و الصراحه فى كتير منهم بيبقى عايز يبين انه دكتور شاطر ف بيقعد يعقد الطلبه بأسئله غريبه ولما نقوله مش علينا يبقى احنا وحشين وخايبين ف بيقعد يشرح اجزاء معينه وكأننا داخلين احنا اللى نسأل !!

    تالت حاجه الواسطه نبقى واقفين ونلاقى اللى داخل من لجنه تانيه طب ده دخل ازاى يا جماعه يقولوا لا ملكوش دعوه بيه اصل له واسطه !!!!!!!!

    لدرجه ان واحده صحبتى امتحنت "عقاقير" شفوى والدكتوره قعدت الطلبه وكل واحد تسأله انت واسطتك مين

    كمان من غير واسطه ناس بتلاقى دكتورها وحش تقوم رايحه لاى دكتور تانى "عمرى ماعملتها ومش هعملها"

    ليه بيبقى بعض الدكاتره عاوزين ينزلوا الدرجات ؟؟!

    كله نصيب وخلاص

  4. #14
    Pharma Student
    تاريخ التسجيل
    May 2009
    المشاركات
    450

    افتراضي

    موضوع مهم جدا وسبحان الله كنت ناوية أعمل زيه بعد الإمتحانات

    بجد ربنا يكرم حضرتك يا دكتور دايما مواضيع حضرتك مميزة

    لى عودة بعد الإمتحانات ان شاء الله

  5. #15
    Pharma Student
    تاريخ التسجيل
    Mar 2009
    الدولة
    inside my mind
    المشاركات
    526

    افتراضي

    فعلا يا دكتور الموضوع ده مهم جدا جدا جدا

    بس عن خبرة سنتين في الشفوي

    فالشفوي مش أسلوب كويس للتقييم
    ده رأيي الخاص
    وفي الأول والآخر هو نصيب
    لأن ممكن أجاوب مية مية والدكتور تكون اقصى درجة ليه 25
    وممكن في مادة تانية أجاوب مش قوي
    وأكون حظي عند دكتور الminimum بتاعه 28

    يعني المسألة في الأول والآخر نصيب

    كمان بالنسبة لدكاترة الexternal لما نقولهم مثلا مخدناش الجزئية دي
    مش بيصدقونا
    مع احترامي لهم جميعا

    وكمان ممكن الدكتورinternal بس مش هو اللي بيدي في المحاضرة
    فممكن يطلع سؤال كده الدكتور مثلا لم يذكره في المحاضرات
    وبأضطر إني أقول وجهة نظري في السؤال
    بس هو ينفع وجهة نظر في العلم ؟
    حتى لو كانت صح

    عارفة إنه صعب جدا إننا نمتحن بس عند الدكاترة اللي بتديلنا في المدرج
    بس كان عندي اقتراح شفته في كليات تانية

    صحابي في بعض الكليات بيمتحنوا الشفوي قبل النظري يعني ممكن يكونوا في الفترة بين النظري والعملي
    فلو الدفعة اتقسمت على الدكاترة الinternal في الفترة دي
    مش هنحتاج دكاترة من بره
    كمان الموضوع ده هيخلينا نتجنب فتح جزء لأول مرة قبل الإمتحان النظري
    وكمان هنتفادى المهازل اللي بتحصل أمام لجان الشفوي
    بصراحة مش تصرفات لصيادلة مستقبل
    زحام وتدافع والجو حر والناس كلها عاوزة تروح
    صحيح في مواد بتوفر عدد كويس من الدكاترة
    بس في الميكرو مثلا
    في زمايل لينا قعدوا في الكلية للساعة 7 ونص مساءا
    علشان يمتحنوا
    والجو كان حر جداجدا

    آسفة جدا يا دكتور للإطالة
    بس والله نفسي كليتي تكون أحسن نظام
    يُقتدى به في كل مكان
    وشكرا لحضرتك على عرض الموضوع
    التعديل الأخير تم بواسطة romaysaa ; 27-06-2010 الساعة 09:49 AM

  6. #16
    Pharma Student
    تاريخ التسجيل
    Oct 2009
    المشاركات
    82

    افتراضي

    موضوع شائك فعلا يادكتور
    انا اول سنة لية ف الشفوى وكل شئ فعلا قسمة ونصيب

    بس فعلا اللى بيغيظ انك تلاقى نفسك رايح عند دكتور بيدى 12 و15 وحاجات غريبة
    واللى حواليك بيصبروك ويقولو الدرجات بتترفع .......هو دة فعلا صح؟؟؟
    ونفس المادة تلاقى زميلك رايح عند دكتور لو مقلتش لية حاجة تاخد 30
    او تبقى مش عارف يفضل يسالك لحد ماتنطق علشان يحلل 30
    وتروح عند دكتور تانى تلاقيك لخبطت فى الاجابة ومع ذلك مش بيقول ويسيبك تعجن لا ويحط المية ع العجين
    طب دكتور زى دة مصلحتة اية اننا نجاوب غلط هيخسر اية لو نبهنا واحنا نصلح الاجابة
    اما بقى موضوع الوسطة دة حاجة تانية لما تلاقى موبيل الدكتور مبيبطلش رن وتوصية
    والعمال رايحين جاين بورق فية الرقم والاسم
    لا والطلبة اللى بتدخل بكارت لشخص ما
    وغيرة كتييييييييييير لما بنفرقع واحنا واقفين
    ولو انت بمتحن مع حد معاة واسطة تلاقى الدكتور ايوة ياحبيبى بس افتكر واتفهة الاسئلة
    وابقى قاعدة ع الكرسى اللى جامبة بتهرى اسئلة من غير حتى فرصة للتفكير

    والاخر مااصابك ماكان ليخطئك وما اخطئك ماكان ليصيبك
    نفسى اقول كلاااااااااااااااام كتير اوى
    الحمد لله طلعت شوية من اللى جوايا

  7. #17
    Pb CEO
    تاريخ التسجيل
    Mar 2007
    الدولة
    Mansoura
    المشاركات
    2,440

    افتراضي

    اقتباس المشاركة الأصلية كتبت بواسطة عائشة مشاهدة المشاركة
    وتروح عند دكتور تانى تلاقيك لخبطت فى الاجابة ومع ذلك مش بيقول ويسيبك تعجن لا ويحط المية ع العجين
    طب دكتور زى دة مصلحتة اية اننا نجاوب غلط هيخسر اية لو نبهنا واحنا نصلح الاجابة

    أكتر حاجه كانت بتضايقني , حصلتلي في إمتحان شفوي في مادة الصيدلانيات وحكيت قصه تانيه والدكتور كان بيبصلي دون ادنى Re-action ..
    على الاقل يرفع حاجبه , يتعجب قليلا يسألني سؤال في الوسط .. .. أي حاجه توضح إني ماشي غلط مثلا ..

    لكن للأسف .. نظام غير عادل على الإطلاق .


    و تبقى مش عارف يفضل يسالك لحد ماتنطق علشان يحلل 30
    وساعات بيحصل العكس , أتسأل اجاوب .. وأتسأل أجاوب ... وافضل أتسأل ويمشي اللي حواليا عشان غلطم ... لحد ما أقوله معرفشي .. يقولي إتفضل ..

    من وجهة نظري لازم يكون في نظام واضح للشفوي وسياسته ، مينفعشي دكتور يقولي إسأل نفسك سؤال وجاوبه وقوم روح ! أو إسأل اللي جنبك .. والتالت اللي جنبهم يقول رأيه في إجابة الوسطاني اذا كانت صح او غلط !



    mt-

  8. #18
    Pharma Student
    تاريخ التسجيل
    Mar 2009
    الدولة
    يا رب مع النبى
    المشاركات
    1,178

    افتراضي

    السلام عليكم أستاذى العزيز

    الآراء كلها ممتازة طبعا الا انى عندى اعتراض على حتة تحديد يوم للشفوى

    للأسف احنا مش بنفهم المادة ولكن بنحفظها يعنى انا عن نفسى بلصم فى الشوية المعلومات لحد ما ادخل الشفوى ........

    بس انا هقولكم كلمة
    الشفوى ده رضا أمك وأبوك عليك.........

    أنا ولله الحمد ربنا يكملها بالستر ويعديها بقية الامتحانات عل خير

    دايما ربنا بييسرلى جااااااااااااااامد جدا فى الشفوى ده


    الحمد لله وبدون أى وسطات وجدت أم لم توجد فأنا أساسا لا أرجح الوسطات فى اى شئ.....

    الحمد لله دايما الدكاترة بيرتاحولى نفسيا
    وبيقعدوا يتكلموا معايا ويهزروا كمان بفضل الله....

    عارفين ليه؟

    أمى دايما تدعيلى دعوة انا بموت فيها

    بتقولى وانا راحه الامتحان( ربنا يحبب فيكى كل اللى يشوفك وييسرلك الصعب)

    فدايما بفضل ربنا أولا وأخيرا ربنا بييسرلى الناس الى تحبنى....

    انا مثلا دخلت فى عملى الميكرو اتسألت كام سؤال جاوبت شوية وغلط فى واحد

    اصحابى الباقيين جاوبوا كل الأسئلة وأخدت درجة الحمد لله درجة أعلى كانت 29

    وف العضوية الدكتور قالى اللى عوزاه جاوبيه انا مرتاحلك نفسيا وادانى بفضل الله 30 ادام عينى.........

    فده صدقونى رضا الأم والأب يا جماعه
    ملوش علاقه نهاااااااااائى بمذاكرتك

    فاعمل اللى عليك ارضي ربنا وارضيهم وبعدين ذاكر واعمل اللى عليك

    وصدقنى لو الناس ظلمتك ربنا مش هيظلمك أبدا

    دايما ربنا كريم وبيدينا أكتر من حقنا........

    والناس بتاع الوسطات دى والله ولا بتأثر بيهم خالص عادى يعنى أكيد هييجوا فى مرحلة مش هيقدروا يعتمدوا على نفسهم....

    خالص تحياتى لسيادتكم
    د/عطاالله

    التعديل الأخير تم بواسطة *محبة رسول الله* ; 28-06-2010 الساعة 12:00 AM

  9. #19
    Pharma Student
    تاريخ التسجيل
    Jul 2008
    الدولة
    مدينة الخيال
    المشاركات
    116

    افتراضي

    الاراء كلها تقريبا اجمعت على شيء واحد ..... نظام الشفوى ظالم و غلط و محتاج للتعديل ياما الشفوى يتلغى خالص
    بصراحة انا لا ارى للشفوى و انا على بعد ايام من التخرج اى قيمة و لو اتلغى و اتطت درجاته فى بحث ... مشروع سيمنار اى حاجه تفيد الطالب و تخليه يشتغل بجد هيكون احسن بكتير فى كلية الهندسة مفيش شفوى و لو فيه فى بعض المواد بيكون حاجه على الهامش و محدش بيهتم بيه اصلا و لا الدكاترة نفسهم و دكتور واحد هو اللى بيسال كل الطلبة و دمتم
    لكن فيه هنالك حاجه اسمها مشروع التخرج بجد اتمنى انه يبقى فيه فى الكلية حاجه زى دى و مش هنسي ابدا المشروع بتاع سنة تالته اللى اشرف عليه دكتور عطا الله و اللى بجد كان من اجمل الحاجات اللى الواحد عملها فى الكلية هى و السيمنار بتاع الصيدلانيات و المديسنال السنة دى
    بالنسبة للدكتورة محبة رسول الله
    مع احترامى لكلام حضرتك ربنا يخليلك باباكى و مامتك و يديم رضاهم عليكى لكن الكلام اللى حضرتك بتقوليه ده لا يصلح لحل مشاكل الشفوى اطلاقا
    ما النجاح لا بالمذاكرة و لا بالذكاء كله توفيق من ربنا مش معقول بقى الدكاترة مثلا يحطوا امتحانات من بره المنهج و يقولولنا ما هو كله بتوفيق ربنا او دكتور يبتدى الدرجات من 18 فى الشفوى و يقول اصل انتم اهاليكم غضبانين عليكم ؟!
    احنا بناقش المشكلة و عاوزين نوصل لحلول عملية رضا ربنا و رضا الاب و الام دى حاجه تفعنا لاخرتنا و الغرض منها هو الاخرة مش النجاح فى امتحان شفوى ب 30 درجة !!!!
    ياريت نكون واقعين و عملين اكتر من كده فى تفكيرنا و نحاول نحط حلول لمشاكلنا بجدية

  10. #20
    Pharma Student
    تاريخ التسجيل
    Mar 2009
    الدولة
    يا رب مع النبى
    المشاركات
    1,178

    افتراضي

    معاكى يا حبيبة قلبى والله
    عمرى ما قولت ولا هقول أسيب المذاكرة وأرضى أمى وأبويا وهنجح

    لا مقصدتش كده خالص
    وعمر مشاكل الشفوى ما هتتحل
    عاوزينها تتحل ازاى يعنى

    عمرك ما هتقدرى تخلى الناس كلها عندها ضمير

    فيه دكتورمحترم وبيراعى ربنا فى الطالب اللى بيمتحنه

    وفيه حد غير كده
    فيه دكاترة بيقعدوا يحكوا فى مواضيع ملهاش علاقه بالمنهج

    وعمرنا ما هقندر نخلى كل الدكاترة انترنال لان العدد كبير

    انا اقصد بما ان الموضوع متأزم كده يبقى ومش لاقيين حل من نوعه يبقى نسيب الموضوع على ربنا

    نتقى الله ومنشلش هم حاجة لا شفوى ولا نظرى

    ولو حضرتك بصيتى فوق هتلاقينى بقول

    ارضى ربنا ده واحد
    ارضى امك وابوك نمرة اتنين

    ونمرة تلاته ذااااااااااااااااااااااكر

    مقولتش اقعد صلى طول اليوم وتعبد سيب المذاكرة وهتنجح

    لأن المذاكرة دى عبادة ما دامت خالصه لوجه الله-سبحانه وتعالى-

    وصلت الفكرة ولا لأ؟؟؟؟؟؟؟

    انا بس نفسى اعرف ليه دايما بتفهم غلط

    بجد انا خلاص شكلى هعتزل المنتدى بجد مش كلام.......

صفحة 2 من 8 الأولىالأولى 1234 ... الأخيرةالأخيرة

المواضيع المتشابهه

  1. كفاية نظرة و ترضى بسكوتى
    بواسطة RASHAD_RESALA في المنتدى المنتدى الأدبي
    مشاركات: 7
    آخر مشاركة: 24-09-2010, 09:46 PM
  2. عندما نظرت في قلوبهم
    بواسطة Amira Said في المنتدى المنتـدى العـام
    مشاركات: 6
    آخر مشاركة: 07-06-2010, 06:55 PM
  3. لماذا لم أشترك في أسرة طلابية ؟ نقد بناء
    بواسطة pharmacistina في المنتدى منتدى المناقشات
    مشاركات: 49
    آخر مشاركة: 20-11-2009, 11:00 PM
  4. شبكة ( مشاهد ) ( نظرة نقية .. لك لا عليك )
    بواسطة A H M E D في المنتدى المنتدى الاسلامى
    مشاركات: 4
    آخر مشاركة: 21-03-2009, 10:25 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •