ندوه (ماذا بعد التخرج؟؟!!)2008

[s.m.e]

سؤال؟

عمرك سألت نفسك هتعمل ايه بعد ما تخلص كليه؟؟!!!

مع صيدلى المستقبل تقدر تجاوب على السؤال ده ببساطه..
فانت مدعو لحضور ندوه

ماذا بعد التخرج؟؟!!

هيكون موجود معانا
د. فاطمه السودانى (رئيس اداره الصيدله سابقا)
وهتتكلم عن الاجراءات الحكوميه للصيدلى بعد التخرج
والتكليف الصيدلى.

وكمان هيكون موجود معانا
د. ريمون عهدى (RTC Board Member)
وهيتكلم عن مجالات العمل الصيدلى فى مصر والخارج بالتفصييل.

الندوه يوم الاربعاء 19/3/2008
الساعه الواحده ظهرا بمدرج الفرقه الرابعه

الدعوه عامه
والحضور مجانا لكل الطلاب من كل الفرق

انظر تفاصيل الندوه فى المشاركه القادمه...

[Mr.Abd El Hamed]

تفاصيل الندوة

الندوة هتكون فى مدرج رابعة بعد محاضرة الصناعية بتاعت يوم الأربعاء لجروب (أ) على طول الساعة 1 بالظبط إن شاء الله.

هتبقى على فقرتين:

• الأولى لـ د. فاطمة السودانى وهتبقى نصف الفقرة دى شرح إجراءات حديثى التخرج والنصف الثانى فقرة اسئلة مفتوحة وحوار مع الطلاب ( و تقدروا تسألوا عن أى حاجه تخص القوانين الحكومية زى فتح الصيدليات وخلافه فالدكتورة فاطمة خبره 37 سنة فى الشغل الحكومي بإدارة الصيدلة ما شاء الله )

• والفقرة الثانية هتكون لـ د. ريمون عهدى وهو محاضر بالـ RTC وشرح المحاضرة دى كذا مرة فى كورس الـ RTC بعنوان Career path بس طبعا كانت بفلوس لكن مع صيدلى المستقبل مجاااناااا كل لشكر لـ RTC team... وفى الندوة دى هيعرفنا مجالات العمل الصيدلى وهيتكلم عن ظروف الشغل فى كل حته ممكن يشتغل فيها الصيدلى وكمان تفاصيل أخرى زى هيقبض كام بالظبط و هيترقى إزاى وكمان مجلات عمل جديدة زى مراكز الابحاث المصرية ومعلومات أخرى عن الدول اللى بتقبل صيادلة مصريين.

وطبعا هيكون حاضر معانا

د. ماجدة الشربيني

(وكيله الكليه لشئون البيئه وخدمه المجتمع ورائده الاسره)

وكمان هيشرفنا بالحضور

د. سعيد شمعه


(رئيس مجلس إدارة جمعية صيدلى المستقبل)

إحرص على حضور الندوة

فالحضور مجانا


والندوة مفيدة لكل الطلاب مش بس لطلاب بكالريوس

ننتظرك يوم الأربعاء19/3/2008م فى تمام الواحدة

[mano mony]

والسكاشن نعمل فيها ايه؟

[Alaa_Resala]

بالتوفيق ان شاء الله

فعلا الندوة شكلها مفيد

هنحاول نحضر كلنا ان شاء الله

[Mr.Abd El Hamed]

بالنسبة للسكاشن ممكن تروحى للدكتور المسئول وتقوليله انك هتغيرى السكشن عشان تحضرى الندوة وهو متهيألى مش هيرفض..
ولو رفض يبقى تقدرى تلحقى الفقرة التانية او الاولى بس وامرنا لله

بس بجد الندوة مهمه فعلا ومش هتتعوض

ويشرفنا حضورك .. وحضور حضرتك د.آلاء

[s.m.e]

dr/ mano mony

بالنسبه للسكاشن فتغيرها بسيط
مجرد بس انك تاخد اذن من الدكتور المسئول عن معامل الماده ةتحضر السكشن ف ميعاد تانى وتشيل الغياب
واكيد وجودك معانا يشرفنا

----------

dr/ Alaa_Resala
فى انتظاركم ووجودكم يشرفنا اكيد

[lamiaa]

ربنا يوفقكم جميعا يارب
وتكون ندوة موفقة وكلنا نستفيد منها
وياريت يا جماعة تسجلوها علشان لو مش عرفنا نحضر نبقى استفدنا برده

[s.m.e]

dr/ lamiaa

مستنينك ووجودك معانا هيشرفنا

[DoAa_RESALA]

في انتظار الندوة وان شاء الله كل الطلبة يستفيدوا منها
بالتوفيق يا شباب

[NonY]

طب هو فين مدرج الفرقة الرابعة دا ؟
و انا هجيب اصحابى و نيجى ان شاء الله