يوميات BoNbOoNa في الصيدلية !

[dr soooma]

BONBONNA
GO ON
FAntastic

[Dr nour]

جميل بجد بنبونه واحنا متابعين معاكى وبتمنالك التوفيق وتحقيق كل ماتتمنى

[lovely princess]

متابعة معاكي يا بونبونة

بسجل اعجابي بالموضوع

[BoNbOoNa]

شكرا يا سومة و يا نور و يا برنسس
وفقكم الله يا اخواتي لما يحبه و يرضاه
--------------
writing....

[BoNbOoNa]

Day 12

السلام عليكم و رحمة الله و بركاته
أولا ...أعتذر عن تأخري ... النت كان بايظ و لسه متصلح دلوقتي

الـ Topical Party لم تنتهي بعد !!

هنخلصها انهاردة باذن الله

باذن الله هنخلصها.... كله يشمر و يسمي بالله

~ ~

--------------------

------

--

اليومين اللي فاتوا كانت الاستخدامات اللي اتكلمنا عنها كلها علي أمراض و التهابات الجلد ...

المرة دي هنركز علي استخدامات تانية للtopicals

علي سبيل المثال نبدأ بــ Dentinox

ايه ده؟؟؟
.
.
.

لأ مش مع معجون أسنان !!

.
.
.

ده يسمي : teething gel
ندهن بيه لثة الاطفال - عقبال عندكم - اللي بيكونوا في مرحلة التسنين (ظهور الاسنان اللبنية)
لانه الاسنان و هي بتشق طريقها لبرة احيانا بتزعج الطفل ...عشان كده بنجيبله عضاضة
لو زادت شوية بنحط فوطة في التلاجة شوية و نخليه يعضعض فيها
اذا زادت شوية كمان بنجيبله ال dentinox gel و ندهن بيه اللثة عشان يهدي الوجع اللي الطفل حاسس بيه
------------------

تاني دواء اسمه مستوحي من المرض اللي بيعالجه
Callocure

يستخدم لعلاج الكالُّو .. و امراض تانية زي حاجة اسمها " عين السمكة "
يعرف هذا النوع من الأدوية بـ Keratolytic
kerato = keratin
lytic = lysis
لانه بيحلل الكيراتين الزائد في طبقات الجلد
مكتوب عليه :
Close the bottle immediately after use
هينفجر يعني ولا ايه !!؟
-------------
---
الدواء الثالث هو Thilo-Tears Gel

بيستخدم في حالات جفاف العين ..كبديل للدموع
هو مش مسيل للدموع ..يعني اللي بيحطه مش بيعيط ولا حاجة !....ممكن نقول بيحافظ علي رطوبة العين
من الاخر كده ..هو
sterile buffered isotonic artificial tears
------------
----
Optifucin
قطرة لزجة معقمة للعين...Viscous sterile eye drops

-------------
-----
Apigent ointment

مضاد حيوي للعين و للأذن
----------
بالنسبة لموضوع المضاد الحيوي (الtopical)
في حاجة مهمة نكون عارفينها
المضاد الحيوي بتاع الجلد للجلد فقط مينفعش للعين
بتاع العين ينفع للاتنين ..العين و الجلد
يعني...
المضاد الحيوي بتاع العين لازم يكون مكتوب عليه للعين(Ophthalmic)
و ممكن يستخدم للجلد عادي
لكن العكس غلط
~~ مثال ~~
TERRAMYCIN >>antibiotic

1-skin ointment
2-eye ointment

المعلومة دي مهمة لان اتسألت فيها كتير...حتي في التليفون ممكن واحد يتصل بيك و يقولك انا عندي TERRAMYCIN للجلد ممكن ابني يستخدمه للعين ؟؟ ........... طبعا لأ
-----------
TERRACORTIL

مرهم يستخدم للعين و للاذن ايضا
----------

يا رب ما تكونوا زهقتوا ...

هنتكلم دلوقتي علي topicals من نوع تاني خالص... نوع بيتعمل في الصيدلية
اللهم صلِ وسلم علي سيدنا محمد .... بسم الله
---------------
~~kaolin Poultice~~
!! لبخة الكاولين !!


و لما نفتح العلبة ....


تستخدم لعلاج الدمامل و الخراريج ... عن طريق خاصية الاسموزية
بتدهن علي الجلد حسب ارشادات الطبيب الي ان ينفتح الدمل أو الخراج و يخرج الصديد
ملحوظة مهمة : لازم تتحفظ بعيد عن الرطوبة و الماء و كمان لما تستخدم لازم الجلد يكون ناشف
(مهم تقول للمريض كده خصوصا لو هيستخدمها لاول مرة ..مينفعش يتوضي و يحطها و ايده و ذراعه مبللين)
-----------------
الراسب الابيض


من جوه بقي ...



و من قريب كمان




يستخدم كدهان للشرج لقتل بيض الديدان الدبوسية Pinworms...غالبا عند الاطفال
-------------


open up !


انا معرفش هو بيستخدم في ايه بصراحة...
بس اهم حاجة لازم تبقي عارف انه حذاااااااااري تخليه يقرب من الذهب...عشان كده انا كتبته بالذهبي و عملت تحذير كمان اهو

محدش ينساها بقي...اي حد يشتري من عندك
ال
تقول له يبعد عنه الذهب... عشان ميجيش يضربك تاني يوم ... او تيجي زوجته تضربك بمعني أصح
-----------
الجلسرين ..glycerin

سائل لزج و شفاف ...ليه مليون استخدام اهمها لتنعيم البشرة
فيه استخدام تاني ...اللي اشتغل بالفينول في سكاشن الصيدلانيات بس هو اللي هيعرفه
حروق الفينول بنغطيها بالجلسرين .... لان المية بيزيد الحالة سوءا
ده اتعلمته من د\ محمد و د\ مروة ...ربنا يمسيهم بالخير
هو المفروض لونه شفاااااف جدا...مش عارفة بقي كان مصفر ليه هنا... يمكن عشان قديم ... او يمكن ده لون الازازة ...الله اعلم
-----------------
----
في بقي جلسرين اسود!

اسمه جلسرين اكتيول (جلسرين شفاف + اكتيول اسود)
يعرف بالمرهم الاسود
بيستخدم زي لبخة الكاولين ...يعني بيساعد علي ان الدمامل تفتح و تفضي اللي جواها...
--------------
------


حد يقدر يفرق بين التلاتة دول؟؟؟؟
.
.
صعب مش كده !..
مفتاح الحل هو......................... اننا نفتحهم (يا سلام علي الذكاء ) !!
-=-=-=-=-=-=-=-=-=-=-
نبدأ نفتح واحدة واحدة من اليمين ...
بسم الله
---------
----
--
صبغة يود

واضح ان اللون من جوه بني ... كمان ليها رائحة مميزة ...
----------
جنتيانا.....gentiana

**********************

تستخدم الجنتيانا في حالات الجدري(chicken pox)
------------
الــ كستللانة

تستخدم لعلاج بعض الفطريات ...
-------------
نرجع للتلاتة مرة تانية

لو ركزت في المنطقة تحت الغطاء مباشرة هتلاقي الالوان واضحة
هي مش باينة اوي في الصورة بس عالحقيقة بتبان...جربوا تشوفوهم و تقارنوا بينهم في الصيدلية
.
.
.

كده خلللللللللللصنا الtopicals الحمممممممممممد لله


انهاردة يوم اجازتي... اذن ترقبوا بعض المواقف بعد قليل

لا تنسوني من صالح دعائكم

سبحانك اللهم و بحمدك...أشهد ان لا اله الا انت ...أستغفرك و أتوب اليك

~تم بحمد الله~

[yojeena]

برااااااااافوووووووو عليكي يا قمر
ربنا يزيدك من علمه و يوفقك
انا بجد بدخل المنتدي اقرا موضوعك واخرج
اصلي مشغوله اليومين دول بدورة كلينيكال.......هدتني
مستنيه الجديد ان شاء الله

[A H M E D]

هايل يا بنبونة كملي كلنا متابعيييييييين

[sunshine]

كملى يا بنبونه واحنا متابعينك

وربنا يجازيكى كل خير

[pharmacistina]

المعلومة دي مهمة لان اتسألت فيها كتير...حتي في التليفون ممكن واحد يتصل بيك و يقولك انا عندي TERRAMYCIN للجلد ممكن ابني يستخدمه للعين ؟؟ ........... طبعا لأ

عارفة ليه بقى ؟؟

لأن مراهم Terramycin العين لازم تكون أكثر تعقيما طبعا , يعني معمولة أصلا sterile .. لازم لأن العين حساسة جدااا ,
لكن مرهم الجلد Terramycin معمول في ظروف Clean , لكن مش شرط sterile ..
لأن أصلا جلد الانسان عليه أعداد كبيرة من البكتريا , عادي ..

و الحاجة التانية و الأهم ,

ان مراهم العين بتكون مصنوعة من base نوعها yellow soft paraffin .. عشان مش يؤذي العين ..

لكن مراهم الجلد بنعملها من الـ White soft paraffin .. و دة ما هو الا yellow soft paraffin احنا عاملينله تبييض bleeching بالكلورين Cl2 ..

الانسان يوم ما يحط مرهم على جلده مايحبش انه يكون بقعة صفراء , عشان كدة بنعمل الـ Bleeching دة ..

لكن العين ما ينفعش نحط فيها حاجة احنا مبيضينها بالكلورين , تحرق العين و تسبب التهاب و مشاكل ..

لكن لو حطينا مرهم العين ع الجلد ؟؟؟؟

عادي , و لكن اللون الأصفر غير مستحب ..


يوميات Bonboona أكتر من رائعة ... واصلي ..

[BoNbOoNa]

تمام يا فارماسيستينا ... شكرا علي المعلومات القيمة .... جزاكي الله خيرا يا أختي الحبيبة

برااااااااافوووووووو عليكي يا قمر
ربنا يزيدك من علمه و يوفقك
انا بجد بدخل المنتدي اقرا موضوعك واخرج
اصلي مشغوله اليومين دول بدورة كلينيكال.......هدتني
مستنيه الجديد ان شاء الله

جزاكي الله كل خير... منوراني يا يوجينا
بالتوفيق في الدورة ان شاء الله ...

هايل يا بنبونة كملي كلنا متابعيييييييين

جزاك الله خيرا يا د\ احمد ... و شكرا علي المتابعة و الرد الجميل

كملى يا بنبونه واحنا متابعينك

وربنا يجازيكى كل خير

وإياكم يا سمورة ... شكرا جزيلا