النتائج 1 إلى 6 من 6

الموضوع: امواد اولى صيدله ا:

  1. #1
    Pharma Student
    تاريخ التسجيل
    Oct 2011
    الدولة
    مصر
    المشاركات
    541

    Thumbs up امواد اولى صيدله ا:




    الكيمياء التحليليه :
    ============
    بتركز على الــ titration .. ودى طريقه لتحديد تركيز sample باستخدام تفاعله مع حاجه تانيه .. هتاخدوا اليترم الاول نوعين منه .. الـ aquous و الـ non-aquous .
    والتيرم التانى بيكون برضه titration بس بأنواع معينه .. وبرضه بيكون جزئين
    أما العملى بيكون هو هو النظرى .. وده بيسهل حاجات كتير .. خصوصا فى شيت العملى .. والشغل ذات نفسه بيكون سهل وبسيط ومش محتاج اى مذاكره خالص .. فقط تبقى بتعرف تشتغل ازاى ..
    ~~~~~~~~~~~~~~~~~~~~
    الكيمياء العضويه :
    ============
    دى فيها كتير من الثانويه العامه .. بس بتوسع كبير جدا .. يعنى التيرم الاول هناخده الـ Alkanes والـ Alkenes والـ Alkynes والـ Alcohols و الـ Alkyle halides والـ Ethers والـ Thiols .. والتيرم التانى بتاخده الـ Aldehydes & Ketones والـ Carbohydrates والـ Carboxylic acids والـ drevatives of carboxylic acids والـ Amines والـ Amino acids ..
    وكل حاجه من دول بتاخده فيها التسميه وطرق التحضير والتفاعلات ولو فيه تطبيقات طبيه ..
    والعملى بيكون عباره عن سامبلز .. وبتعملوا عليها تفاعلات .. وفى الامتحان بينزل لك سامبل على هيئة unknown والمطلوب منك انك تكتب اسكيمة التفاعلات بتاعته وتعرفه هو ايه .. وده الفرق بين اولى واعدادى .. انت فى اعدادى كنت بتكتب الاسكيمه وخلاص .. لكن فى أولى انت مطلوب منك تعرف ايه ده ؟؟
    ~~~~~~~~~~~~~~~~~~~~
    العقاقير :
    ===========
    اسمها فى اولى النباتات الطبيه .. فى التيرم الاول بتاخدوا شوية انترودكشن على الليف .. وبعدين بتاخده leaf ومعاهم dusting powder ..
    وجزء الـ leaf بتاخده كل الـ leaves اللى بيكون لها قيمة طبيه .. وبتاخده لكل واحده الـ origin بتاعها .. والـ active consituents اللى فيها .. وكمان الـ uses بتاعتها .. ولو ليها رسومات T.S .. وكمان الـ Powder بتاعها .. والـ chemical test .. وشوية notes كده عليهم .. والـ dusting powder بيكون عباره عن البودر اللى بيكون له استخدام طبى .. وبرضه بتاخده فيه نفس حاجه الـ leaf زى مثلا الـ talc powder بودرة التلك ..
    والتيرم التانى فيه bark و flower و wood و وبرضه زى الـ leaf بتاخده كل حاجه عنه ..
    العملى بيكون عباره عن شوية عد معين من الـ Leaves فى التيرم التانى مش كل اللى فى النظرى طبعا .. والتيرم التانى برضه عدد معين من الـ folower و الـ bark والـ wood .. وفى الامتحان بينزل لك عينه unknown والمطلوب منك تعرف هي ايه وتكتب الاسكيمة بتاعتها .. وبيكون فيه شيت وشوية spots كده ..
    أهم حاجه تعرفها عن العقاقير فى اولى انها محتاجه حفظ رهيب .. وتبدا فيها من بدرى ما تسيبهاش ايام الامتحانات .. لانها محتاجه مراجعه كتير عشان تثبت فى الدماغ ..
    ~~~~~~~~~~~~~~~~~~~~
    الصيدلانيات :
    ===========
    من المواد الجميله جدا اللى هتحبوها .. .. وهى بتتكلم عن الادويه .. كيفية صناعتها وكيفية تعبئتها وتخزينها ..
    يعنى اى دوا فى الدينا بيكون من 3 حاجات drug + vehicle + additives ( دوا و ومذيب زى الماء و بعض الإضافات ) الـ drug اللى هوا الدوا بيتاخده فى العقاقير .. الـ additives و الـ vehicle بتاخدهم فى الصيدلانيات ..
    التيرم الاول هتاخدوا الـ solution والـ suspension والـ emulsion والـ powder والـ colloid والـ capsule والـ tablet وشوية calculation كده ..
    التيرم التانى بتاخدوا الـ oral solution اللى هو اى دوا بيتبلع والـ external preparation اللى هى زى المراهم والكريمات والمس يعنى اى دوا بيستخدم استخدام خارجى ومش بيتبلع .. وجزء تانى فيه بقيت الـ calculation بتاعة التيرم الاول وجزء الـ suppository اللى هو اللبوس .. وجزء الـ Incomptability ..
    العملى هتاخدوا فيه الروشتات ازاى بتتكتب .. ومكوناتها .. وهتتاخدوا شوية تحضيرات تعلموها .. وفى الامتحان بينزل لكم تحضيره واحده تعلموها ..
    هى ماده محتاجه حفظ برضه .. لكن مع الفهم الحفظ هيبقى سهل ..
    ~~~~~~~~~~~~~~~~~~~~
    المواد الطبيه :
    ===========
    هى عباره عن مواد من كلية طب .. وهى physiology و anatomy و histology و psychology
    التيرم الاول بتاخده physiology بس .. جزء منه بيكون من صيدله وجزء منه بيكون فى طب .. وبتاخدوا فيها اجهزة الجسم من الناحيه الوظيفيه .. الجهاز الهضمى والتنفسى والدم والاخراجى .. وهكذا ..
    التيرم التانى بتاخده anatomy و histology ودول بيبقول سهلين .. فى الـ histology الدكتور بيحدد 10 اسئله short notes بيجيب منهم 5 فى الامتحان .. والـ anatomy الدكتور برضه بيحدد أجزاء مهمه فى المنهج ..
    الـ psychology يكون منفصل كماده لواحدها وليها امتحان لواحدها .. وبيكون منهج صغير كده
    ~~~~~~~~~~~~~~~~~~~~
    و علم نفس
    ============
    من 50 بيديها دوك من طب و هى ماده نجاح و رسوب زى حقوق الانسان

    يونيون تيم ,, و يبقى السبق لنا

  2. #2
    Moderator
    تاريخ التسجيل
    Aug 2011
    الدولة
    Mansoura
    المشاركات
    1,631

    افتراضي



    بالتوفيق لينا يا رب وتبقى سنة حلوة

    الكلام دا موجود على المنتدى هنا من 2008 ^_^

    http://www.pharma-board.com/board/sh...ad.php?t=16710


    كمان المنتدى دا لسا هيتأرشف إن شاء الله ونفتح المنتدى الجديد



  3. #3
    Volunteer
    تاريخ التسجيل
    Nov 2011
    الدولة
    ¨°o.O ((أم الدنيا)) O.o°¨
    المشاركات
    583

    افتراضي

    بالتوفيق ان شاء الله وتكون سنة جميلة لينا كلنا بدون مشاكل سياسية **واستقرار اكتر ومذاكرة اكتر

  4. #4
    Pharma Student
    تاريخ التسجيل
    Feb 2012
    المشاركات
    32

    افتراضي

    ان شاءاللة تكون سنة خيرعليناجميعا ونشدحيلنا اكثر من السنة دي وعلي فكرة سنة اولي احلي من اعدادي كتييييييييييييييير علي حسب ماسمعت يعني وبالتوفيق لناجميعا""

  5. #5
    Pharma Student
    تاريخ التسجيل
    Apr 2012
    المشاركات
    21

    افتراضي

    لو سمحتوا يا دكاترة ممكن حد يعرفنى ازاى اغير من الفرقة الاعدادية للفرقة الاولى على المنتدى

  6. #6
    Moderator
    تاريخ التسجيل
    Aug 2011
    الدولة
    Mansoura
    المشاركات
    1,631

    افتراضي



    هي بتبقى مقفولة طول السنة لحد بعد النتيجة.. أول ما يتفتح تغيير الفرقة هنقولكم هنا على طول



ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •