~~* الذكريات السعيده فى حياتنا *~~

[Dr.Mohamed]

أولا أحب احيكى على فكرة التوبيك الأكثر من رائعه بجد خلتنى أرجع بالذاكره سنين ورا كتير دا مبدأياً..
ثانياً بالنسبه للذكريات السعيده فى حياتى .... خدى نفس طويل الأول ( هههههههه)..
*وأنا فى 3 إبتدائى كنت الأول على المدرسه والتانى كانت بنت اسمها نهى عمرى ما انسى أبداً هى فى كلية هندسه دلوقتى.
*والله لما رحت أجيب بابا من المطار وكانت المفاجأه انى لقيت فى المطار تخيلى إيه ..( طياره) كان حلم حياتى إنى أشوفها الكلام دا كنت فى 5 إبتدائى تقريباً..
*كمان وأنا فى 5 إبتدائى كنت أمين إتحاد الطلاب على مستوى إدارة شرق واتكرمت يومها فى الطابور من المدير كنت سعيد جدا بالتكريم دا لأنا كان أول مره فى حياتى..
ما علينا أكمل ولا تعبتى..
كنت كل يوم فى مدرسه من أول الملك الكامل والزهراء ( طبعاً الناس دلوقتى بتفكر فى كافتيريا الحاجه متسرحوش) وحتى مدرسة ابن لقمان ...
*وأنا فى 5 إبتدائى كنت جايب الفل مارك فى العربى 50 مش عارف إذاى وأخدت 5 جنيه من المستر يومها..
كبرنا بقى ولا هفضل صغير طول عمرى..
*مرحلة إعدادى دى مرت كدا مرور الكرام عادى يعنى بس الى انا فاكره كنت الاول فى 1 إعدادى و التانى فى 2 إعدادى دا فى الترتيب على المدرسه.
فى 3 إعدادى بقى شهاده كنت التانى كانت الأولى بنت اسمها غاده فى طب أسنان دلوقتى
حد يسألنى ايه السبب أقولك الرسم كنت جايب 5 وهى كانت جايبه 8 دا الفرق الوحيد بينا على العموم خير
ملحوظه ( مأخدتش درس رسم أبداً فى حياتى ) معلش أصل فى ناس كانت بتاخد درس رسم هم عارفين نفسهم..
أه ياربى خالو جابلى ساعه يوم ما نجحت هو أستاذ دكتور الفسيولوجى النبات بكلية العلوم من باب العلم بالشئ..
وأنا فى ثانوى والنتيجه بتظهر خلاص ماما مكنتش معايا كانت فى اسكندريه لكن أحلى زغروطه فى التليفون وبعدها عيطت) عمرى ما انسى قالتلى مبروك يا بطل.........
*كمان مستر أشرف مدرس الفيزياء عطانى 50 جنيه لأنى كنت فى الفيزياء جايب الفل مارك ..
بالنسبه للحاجات إلى متتنسيش أبداً
لجظات التكريم فى حياتى من وكيل الوزاره وسنويا فى نادى المهندسين (النقابه) قصدى بما إن بابا مهندس
كمان من أسعد الأيام عندى مشاركتى فى حاجات كتير لخدمة المجتمع كان أخرها يوم المريض بإستاد المنصوره كنت أورجانيزر ... كمان يوم إفطار الصم والبكم ..
**أها كنت هنسى مره كسبت فى الشيبسى 50 جنيه ورجت الشركه بدلن الكوبون وأخدت خمسين جنيه جديده(ههههه)
من المقالب بقى إلى عملتها فى صحابى كانت قريب فى سيكشن التحليليه واحد جنبى كل لما يملى الفلاسك بالسامبل يروح يجيب الريأجنت يرجع يلاقى الفلاسك فاضى 3 مرات الواد اتهبل بجد وفى الاخر مقدرتش أمسك نفسى ضحكت غصب عنى فعرف ... فضل يضحك
بالنسبه بقى للمقلب الى اتعمل فيا
فى أجازة نصف العام الى فاتت دى بنت ضافتنى على الميل وقالتلى انها فى اعدادى صيدله وعايزه تتعرف بيا وكده وأساعدها فى المذاكره ومش عارف ايه المهم انا وافقت وعشت الدور بقى ورنات ورسائل وكلام من دا وقالتلى هقابلك أول يوم فى الترم التانى إلى احنا فيه دلوقتى ورحت الصبح رنيتلى وبقلها انتى فين قالتلى وراك ببص تخيلو لقيت مين ( محمود صاحبى ) فضلت أضحك طول اليوم كنت مفكر نفسى مفتح ومقطع السمكه وديلها ..
**بس أها كنت هنسى عرفت ناس كتير أوى كلهم أحسن من بعض كمان دخولى أسرة رساله وإلى غير مجرى حياتى 180 درجه..
كفايه كده الكيبورد بتعيط دلوقتى يلا سلام تقبلى مرورى

[dr_smsm]

الزكريات السعيدة بالنسبة ليا ايام ثانوي كانت احلي الايام اللي عشتها مع صحباتي كنا شلة كبيرة جداااااااااا و الوقتي كل واحدة في كليتها
و يوم نتيجة الثانوية العامة كان احلي يوم في حياتي حسيت ان كل الناس بتحبني و فرحانة ليا و انا عيطت من كتر الفرحة و ماما زغرتت لما عيطت
ولما دخلت الكلية و اتعرفت علي اصحابي بجد انا بحب الجروب بتاعي جداااااااااااااااا وبحب قعدتنا مع بعض

[* Esraa_resala *]

انا مش عندي ذكريات سعيده خالص
لانه علي طول كانت بتقلب بنكد
مفتكرش اني ضحكت من قلب مره واحده في حياتي
حتي الضحك بخاف منه دلوقتي
واكيد كل اللي حوليا خدوا بالهم من الكلام ده

نورتينى يا ايه بس ماتقليش كده اكيد اى حد مهما واجه فى حياته مر بلحاظات حتى سعيده فى حياته

ده حتى الناس دلوقتى بتضحك فى حزنها

وبعين بذمتك لما بتشوفى ضحكه طفل او تصرف من اى طفل مش بيخليكى فطسانه على نفسك من

الضحك حاجات ياما لو فكرتى فيها هتلاقيكى طلعتى الضحكه من قلبك بس المشكله فينا لما بنقع

فى مشكله بنشوف كل الدنيا ظلمه

طب انا هقلك موقف حصل من بنت خالى وهى صفننه اسمها شاهنده فايز محمود المهم كنا بنسئلها اسمك ايه ياشوشو

تقول شاهنده محمود نقلها امال فين بابا ؟ تقول فى الشغل ههههههههه ( حد فهم حاجه ههههههه)

ولا زياد ابن بنت عمتى عنده سنتين ده بقه مامته تيجى تضربه يعد يقلها بلاحه بلاحه هتعورى زوزه

ههههههههههههه

يارب يالوء اكون خليتك ابتسمتى بس او حتى قلتى ايه البت العبيطه ده ههههههه ( اكيد برده بعدها

هتضحكى ) ولو ماضحكتيش قوليلى اعملك بقه بلياتشو هههههه

[* Esraa_resala *]

شكراااااااا جدااااااا لمرورك يادكتور محمد انت بصراحه خلصت على الذكريات السعيده الى فى الدنيا

ههههههه وزع علينا شويه

اما عن درس الرسم بقه فاده كان هوايه مش اكتر بس انا من غيره كنت جايبه 7 بس كنت عايزه الترم التانى

اجيب الفول مارك بقه والحمد الله جبت 6 ههههههههه

[* Esraa_resala *]

الزكريات السعيدة بالنسبة ليا ايام ثانوي كانت احلي الايام اللي عشتها مع صحباتي كنا شلة كبيرة جداااااااااا و الوقتي كل واحدة في كليتها
و يوم نتيجة الثانوية العامة كان احلي يوم في حياتي حسيت ان كل الناس بتحبني و فرحانة ليا و انا عيطت من كتر الفرحة و ماما زغرتت لما عيطت
ولما دخلت الكلية و اتعرفت علي اصحابي بجد انا بحب الجروب بتاعي جداااااااااااااااا وبحب قعدتنا مع بعض

نورتينى ياسمسمه

الحمد الله تقريبا كل ذكرياتنا السعيده مشتركه فى نتيجه الثانويه بصراحه فعلا عمرها ماتتنسي كفايه بس

حسينا قد ايه كرم ربنا علينا

وحابه اشكر بجد كل الدكاتره الى دخلو وكلمونا عن ذكرياتهم السعيده وبجد انا بفتخر اوى بالموضوع ده

لان ماتتصوروش اثر فيا انا قد ايه ويااااااريت بجد يكون اثر علينا كلنا و فكرنا باحلى ايام عشناها

ومستنيه كمان وكمان واى حد كده افتكر ذكرى ماقلهاش او ضاعت فى النص يقلهالنا