~~* الذكريات السعيده فى حياتنا *~~

[* Esraa_resala *]

السلام عليكم ورحمه الله وبركاته

ازيكو يجماعه يارب ان شاء الله كلنا نكون بخير والمزاكره وكل حاجه تكون ماشيه تمام

بغض النظر انى بقالى زمن ماشركتش بمواضيع ومقصره مع المنتدى كتير

فكره الموضوع جاتلى لما حسيت ان اغلبنا حالته النفسيه مش تمام واغلب مشاركات عبر عن حالتك ؟

مضايق/ه زهقان/ه وهكذا بنتفنن فى الحزن بصراحه او ممكن تقولو بنتنافس فى ده

وممكن اكون اول واحده فى ده مش بقول انى واحده متفائله اوى وشايفه الدنيا بنضاره بيضا لا سمح الله
المهم ياريت هنا كل واحد فينا يفتكر الذكريات السعيده فى حياته لانى سمعت فى التنميه البشريه ان

لما تكون مضايق ولو افتكرت ذكرى سعيده على قلبك حالتك هتتغير بشكل كبير

فياريت كله يفضفض بقه ونعمل ماسك كده على الذكريات المؤلمه او حتى الاحداث المؤلمه الى موجوده

فى حياتنا دلوقتى

هستناكو كله يفتش جواه كده ويعمل مسح شامل للذكريات السعيده الى مرت عليه ...مقلب حصلك من

اصحابك....مقلب انت عملته فى اصحابك ... احلى موقف حصلك فى حياتك .... احلى تكريم اتكرمته ...

احلى زياره او فسحه رحتها فى حياتك .... احلى هديه وصلتك ومين مين؟.... احلى ......... الخ

يلا عيشوووووو مش عايزه اقيد حد باسئله معينه كله يفكر فى كل حاجه بتفرحه وتخليه

ياريت بجد الكل يشارك لان الكلام ده هيفرق مع كل واحد شخصيا واحتمال كبير تدخل الفرحه فى قلب حد

تانى بمجرد انه يسمع كل الكلام الى حوليه فرح وذكريات سعيده هى ده الدنيا احنا الى بنختار نحليها او

نوحشها

اسفه على الاطاله ويارب الفكره تكون وصلت وهستنى كل ردودكو الجميله

* كن جميلا ترى الوجود جميلا *

[Mohamed Al Gohary]

اكيد طبعا كل واحد فينا عندجه زكريات جميله واوقات حلوه عدت عليه .. كل ما بيفتركها ويتذكرها بيتمنى انها ترجع تاني ليحياها من جديد ويعوض اى شيء تركه فيها بجله بقيمتها ..

اوقات النجاح .. اوقات الفرح .. اوقات لقاء المحبين بعد فترة غياب .. اوقات الانتصار .. اوقات السفر الممتع ..

شكرا على الموضوع

[marooo]

حلوه الفكرة يا د|اسراء وان شاء هاشاركك بذكرياتى بس لاحقا

[* Esraa_resala *]

شكرا يادكتور لمرورك بس ياريت ماتبخلش علينا بالذكريات السعيده ده

شكل الموضوع مش عجبكو كده هبدأ انا ممكن اشجعكو

الذكريات السعيده فى حياتى اولها نتيجه الثانويه وقتها بجد حسيت اوى بكرم ربنا عليا ومع كل نتيجه من

نتايج الكليه بحس نفس الاحساس بحس اوى بتوفيق ربنا وكرمه عليا خاصه لما تحس انك ماتعبتش اوى

بنفس النتيجه ده بس الحمد الله احن علينا من نفوسنا

وغير الدراسه ذكريات كتير واحلى فتره قضتها فى حياتى لما تيته كانت عايشه ربنا يرحمها يارب

احلى ذكريات فى حياتى معاها

حصالى مقالب كتير من اصحابى الى افتكرتها من واحده صحبيتى اشتغلت تبعتلى ماسجات على الموبيل

ومش قادر انساكى ومش بعرف انام وسرحت بيا بقه ههههههههه لا وتطور الامر انها بتتصل وانا ارد اهزق

فيها واقفل فى وشها واشتغلتنى كده كتير لحد ماقلتلى بعد مايعينى الواحد عاش يومين هههههههههههه

يلا لحد دلوقتى نفسي اردهالها فهستنى كل مقالبكو لعل وعسي اخد بطارى

اانا عملت مقلب فى حد لسه بس هعمل افتكر بس انى كنت بعمل مقالب صغننه كده مع ماما كنت بعد كل

امتحان فى درس مثلا وتقلى خدتى كام افضل اقلها وحش ياماما وكنت مزاكره بس جبت درجه وحشه جدا

بس وبعد ماسمع كلمتين تهزيق اقلها على الدرجه الحقيقيه عشان تعرف انى عملت معجزه ولا حاجه

ههههههه اصله نادرا لما كان بيحصل هههههه

احلى تكريم لسه للاسف كان هيحصل بس اظاهر استخسره فينا الكليه كانت ناويه تكرم الاوائل ورحت انا

وزمايلى وفرشتلهم الدنيا طحينه والله على القاعه الى كنا قاعدين فيها حاجه كده من الى بنشوفها فى

التى فى اونلى المهم قعدنا مستنين حاجه اتارى الموضوع كله محتاجين الاوائل يعملو منظر كده فى ندوه

تشريف لدكتور كبير بيقولو خد جايزه نوبل نسيت حتى اسمه ( يلا ربنا يسهلوووو )

يلا خير اهه ده ممكن نسميه تكريم على ماتفرج

احلى هديه وصلتلى او بتوصلى بجد اى دعوه بتوصلى من اى حد احلى هديه بحبها من اى حد خاصه من

اهلى واصحابى

احلى رحله رحتها فى حياتى كانت مستشفى 57357 ويارب اكررها كتير

واحلى زياره كانت الزيارات الى ربنا كرمنى وعرفتها لما عرفت الاسره والزيارات الى اتعملت لمستشفى

الاورام ودار المسنين والقافله الى ربنا برده كرمنى واختارنى انى اطلعها مع جمعيه رساله

بجد احلى واجمل لحظات حياتى بجد كانت فى الزيارات ده ويارب يرزقنى الثبات والاستمرار والاخلاص

بس ان شاء الله اى حاجه تانيه افتكرها هقلها وياريت كله يتشجع كده ويقلنا احلى ذكريات حياته ؟

او المواقف الذيذه الى بتحصل لكتير فينا فى الكليه واكيد الى اكبر مننا عندهم زكريات ياما فى الكليه

ومواقف تضحك

[* Esraa_resala *]

حلوه الفكرة يا د|اسراء وان شاء هاشاركك بذكرياتى بس لاحقا

تنورنى يادوك مستنين ذكرياتك السعيده اغلبها باذن الله

[Sincerity]

جميل يا اسراء والله الموضوع ...تسلمى يا حبى
المشكله بقى اللى شفته اليومين اللى فاتو نسونى كل الذكريات السعيده اللى كانت موجوده ...
هاخد فتره نقاهه الاول وانسى اللى كنت فيه وبعدين هاجى أقول كل الذكريات السعيده اللى مريت بيها فى حياتى بس أكيد هتبقى قبل السنه الغريبه اللى احنا فيها دى ..
ربنا يخفف عننا كلنا اللى احنا فيه

[* Esraa_resala *]

امين يارب امال انا بقول ليه نفتكر الذكريات الحلوه فى حياتنا عشان ده

عشان ننسي اى حاجه مرينا بيها صعبه وبعدين يافولاتى لا مجال للهروب هتقولى يعنى هتقولى

يلا هستناكى

[* Esraa_resala *]

ايه يادكاتره خلصت الذكريات السعيده ولا فيه ناس هنا بتخاف من الحسد ولا ايه...........

[Chimera]

لعلمك علمياً الذكريات السعيدة مش بتساعد صاحبها .. او بترفع من روحه
لأن الذكريات السعيدة هتخليك تفكري في حالك دلوقتي .. و هتحسي بالغضب اكتر م الأول

مش عارف إنتي سمعتي مين ف التنمية البشرية بيقول كده ؟؟!!!

يعني مثال .. واحد بيفتكر أيام التفوق و النجاح زمان و الذكريات الجميلة .. هيحس بنشوة لحظية وقت التفكير ..
إنما بعد ما يرجع لعالمه الحقيقي .. إللي هو أكيد فيه إخفاقات عاوز ينساها .. بيحس بيأس شديد و إحباط مقارنة حاله السابق من نجاح و تقدم لحاله الحالي من إخفاقات ..!!!

و هكذا على بقية الحالات ..

التفكير الصحيح لتحسين الروح .. هو انك تفكر ف شيء تتمنى تكون عليه ف المستقبل .. او حاجه تتمنى تعملها .. او حاجه بتحبها قوي

بعدها ممكن تحس بإرتياح ..

انا شخصياً منصحش حد يفتكر ذكريات سعيدة عشان ينسى حاله سيئة هو فيها

.,,

[* Esraa_resala *]

شكرا يادكتور للرد بس انا فعلا سمعت ده من دكتور شريف عرفه فى برنامج تلفزيونى

ان كل واحد هو الى بيتحكم فى ادراك المشاعر عنده يعنى انا لو مضيقه من حجات كتير حواليا

وافتكرت مثلا مقلب من واحده صحبيتى اظن ده يعتبر ذكرى سعيده فى حياتنا اكيد وقتها هلاقي نفسي

ضحكت ومش معنى كلامى ان احنا هنمسح الضيق او الزعل من تفكيرنا بس مجرد انك تحسن حالتك

عشان تعرف تفكر كويس فى حلول للمشاكل الى مضيقانى

غير كده لو ذكرى كويسه مثلا انى كنت شخص متفوق جدا وبتكرم كتير بس دلوقتى ده قل فيا مجرد

انى افتكر ده هيدينى ثقه فى نفسي اكتر انى اقدر اكرر النجاح وارجع ليه تانى

بس وفى الاخر الموضوع بيختلف حسب ترجمه كل واحد للذكرى ده بس الصح الى لازم نعمله ان احنا

نترجمها بشكل اجابى لينا وحاجه تحفزنا نوصل للاحسن ده من حيث التنميه البشريه

من حيث الموضوع فنا حبيت كلنا ندردش مع بعض فى الحجات الى فرحتنا فى حياتنا ونشارك بعض فرحتنا

ونعلق على كلام بعض والمقالب الى حصلت من اصحابنا وهكذا واظن ده مش حاجه ضرر اوى لينا كده

وعامه شكرااااا تانى لمرور حضرتك