بقى كدة ماااااااااااااااااااااااااااشى انتى وقلمك الحائر دهوو
بس ياقلبى والله كفاية نورك لى كل دة معلشى طبعا لتاخرى فى الرد عليكى بعد كل دة بس انتى عارفة بقى
وبعدين طبعا انا لازم ابقى مبسوطة جداااااااااااابما انى قولت حاجة بسطتك وضحكتك كدةهبقى
احكيلك على موقف كمان حصلى بس استنى على شوية وربنا يسهل
وهو فعلا بالنسبة لى كان موقف وحش اوى وخصوصا ان فى ناس كتير اتعرفت على بسبب الموفقف دة
بس الحمد لله زمانهم نسيونى والا كان زمان البلد سجلوهالى فى الاخبار
نورتينى حبيبتى كتير
انا دخلت مخصوص ارد عليكى عشان خاطر كلمت صدعتكم دى
بجد ازعل منك خالص كدة ياعصفورة
دة انا عمله التوبيك مخصوص عشان اتصدع ياستى ولا يهمك كلنا مع بعض
وانا مبسوطة جداااااا بمشركتك حبيبتى وربنا يعلم نورتينى كتير
وهنتظر مواقفك كمان وكمان
ويلا انا عاوزة اتصدع بقى ياستى
الموقف ده حصلى حاجة شبهه بس انا قابلت صحبتى اللى ما قابلتهاش من سنين وعماله تقول لصاحبتها اللى معاها اد ايه احنا اصحاب اوى واد ايه احنا كان لينا ذكريات كتير مع بعض
المشكله بقى انى عارفة الشكل كويس بس ياريتنى مش عارفة الاسم بس ده انا بكلمها على انها واحده تانيه واذيك يابنتى ووحشانى وبقالك كام يوم فى بالى ومش عارف ايه واللى زود الخبطه ان البنتين ليهم اخت فى صيدله بقولها اخبار اختك ايه فى صيدله كملت كلام عادى
لقيتها بتقول احنا كنا مع بعض فى اعدادى قلت لا البنت اللى انا فاكراها هيه مكنتش معايا فى اعدادى شويه
وشويه لقيتها بتتكلم عن كليه الطب والبهدله اللى هما فيها قلت ايه ده البنت التانيه فى علوم فجاه كده اكتشفت انى بتكلم مع واحده على انها واحده تانيه واخيرا افتكرتها وفعلا كنا اصحاب جدا بس انى افتكر اسمها ابدا
هاتى نمرة موبايلك اسجل باسم مين معرفش فقلتها تحب اسجلك باسم ايه قالتلى اسمها وشكلها فهمت بس طنشت بس كان حته موقف مبتساهوش ابدا[/QUOTE]
بصراحة اه موووووووووويتنسى ابدا يابيبو
وخصوصا ام تبقى صحبتك وداخلة بعشم عليكى بقى وهى فرحانة
بقلب جامد انها شافت
وفى الاخر تحس انك مش عارفاها او مش فاكراها
انا الحمد لله اسمى اساسا لوحدى بيتنسى عشان كدة مش بعلق لحد على حاجة لانى ببقى متوقعة انه ناسى اسمى
يلا الحمد لله ربنا يوقعنا فى مواقف احلى من دى دايما حبيبتى
نورتينى كتير يابيبو وشرفتينى بطلتك الغالية دى علينا منتظراكى ياحبى
فى مواقف اخرى وانا معك على الخط فاصل ونواصل باذن الله
النهارده واقفه فى الصيدليه .. دخل ولد كده اول ما دخل قولت فى دماغى شكله مسطول وعاوز ترامادول ولا حاجه ... أول ما دخل قعد يطبل على ازاز الصيدليه بأيده كده !!!
لقيته طلب شاش تقريبا او قطن المهم قولت الحمدلله , قعد يتكلم شويه مع اللى بتدرب عندها فى وسط الكلام لقيته بيقولها والله انا بحاول ابطل الترامادول ده بس الدكتور قالى بعد 30 سنه هيرجع جسمك يكونه تانى , فبتقوله والخناقه اللى كانت امبارح اللى قطعوا فيها ودان الراجل قالها والله منا انا كنت فى البيت
جه تليفون فاتلبخت هى فى التليفون وانا واقفه بيقولى عاوز كيس جل رحت جبت الكيس " بجنيه " وجيت قالى لا عاوز ابو بكره معرفش انا ايه ابو بكره ده فشاورلى عليه رايحه اتاكده من السعر بيقولى هو بجنيه قولتله ثوانى قالى هو بجنيه وهو مكشر كده _ قولت فى دماغى بجنيه ولا ب 50 جنيه ياخده وهبقى ادفع انا الباقى _ اديتهوله وبعد ما مشى طلع بجنيه الحمدلله
اكتشفت بعد ما مشى ان الشارع ده معظم الشباب اللى فيه مدمنين
كنت فى واحده تانيه بس المشوار طويل ومكنتش بستفيد حاجه خالص
دى فى شارع جنبنا وبعرف اشتغل فيها كويس , اللى بتدرب عندها بتقولى ميقدروش يعملوا فى الصيدليه حاجه لان الصيدليه معروفه عندهم ... هم مشاكلهم كلها مع بعض او مع اللى يضايقهم
ربنا بيستـرها الحمدلله وكمان انا اول ما بلاقى المغرب أذن بمشى قبل ما الدنيا تضلم
ربنا يسترها بقى لحد بدايه الدراسه ان شاء الله
حوضوع مميز......يسلموو
حصل معايا موقف لما بفتكره مببطلش ضحك
فى تالتة كان عندنا السنة ال فاتت العملى بتاع الاساى والفارما كان عملى مش شيتات
وطبعا انا وصحابى كنا بنخاف نمسك الفار
جينا قبل الامتحان وخوفنا وقلنا نشترى من العامل 3 ضفادع وفار وجهزهم فعلا وروحنا ع المدينة
كنا 4 الاولى مسكت عادى والتانية وواحدة قالت لالالالالالالالالالالالالالالالا يمكن انا مش همسك وال يحصل يحصل
جه دورى بقى عشان امسك مش عارفة خااالص مش قادرة اقربله
فصحبتى الاخيرة ال رفضت انها تمسك اسمها منى قعدت ال تطمنى وتقولى قربى ايدك كده ده مش بيعض...مش هيعمل فيكى حاجة وقعدت تمثلى اعمل ايه وامسكه ازاى من بعيد لبعيد فجأة من غير متحس لقت ايديها ع الفار ومسكاه وايديها فوق وكلنا مندهشين عملت كده ازاى
وحالتها بقى مقدرش اوصفها
وقعدت تصرررررررخ ومبتقولش غير
مممممنى مسسسسسسسكت الفاااااااااااار
منى مسكت الفار
منى مسكت الفار
وتصرخ ع اخرها
واحنا مش ماسكين نفسنا من الضحك ولمت علينا الدور كله
وبعدين رمته لما ادركت الموقف
المهم جات فى الامتحان وحمدت ربنا ان جالها ضفدعة مش فار
توبيك لذيذ جدا يا قمر، عندى موقف صغنون خالث هقولكوا عليه
أنا وبنت عمتى(أنتيختى وصديقة الطفولة المشرده)واحنا فى أولى اعدادى تقريبا كنا قاعدين نسمع الكبار وهما بيتكلموا بالليل وبيحكوا عن الحاجات اللى بتخوف ومن ضمن الكلام حكيوا عن المسيح الدجال مكناش نعرف وقتها مين هو احنا كنا خايفين منه وخلاص عشان بعين واحده واحنا أصلا ناييتى جدا لو حد عطس فى وشنا هنعيط المهم يومها قالولنا ننزل نمسح مدخل البيت قلت لبنت عمتى هاتى مساحه وأنا مساحه ويلا ننزل من غير شباشب ولا حاجه احنا مش هننزل الشارع فعلا نزلنا نمسح وطبعا قعدنا نفتكر الكلام اللى كانوا بيقولوه ونتناقش فيه فجأة النور قطع روحنا طايرين على الشارع حافيين وكل واحدة فى ايديها مساحة وكان شكلنا عرة قدام الناس وفضلنا فى الشارع لحد ما النور جه وبعدين طلعنا بعد ما قلبنا كان هيقف من الخوف
دا موقف حصلى الأسبوع اللى فات وأنا كنت مروحه من الكليه
فى راجل كان راكب معانا الميكروباص مره واحده كده قام ارتعش ومش قادر يأخد نفسه وقام فجأه قالب رأسه وراه واحد قاعد جنبه قام قايل انه مات
كان فى عربيه إسعاف معديه جنبنا بالصدفه قام السواق وقفها وقالهم يشوفوه ويأخدوه معاهم واحد من المسعفين أتشاهد عليه
حسيت ساعتها بمدى ضعف الإنسان وأنه مش ملك لنفسه أبدا أبدا وحسيت بصراحه ساعتها "غير انى بكيت طبعا" بضعفى أنا كمان فى قدرتنا على مساعده الناس طبعا دا عمره وأجله طبعا محدش يقدر يقول حاجه
بس هو بقى قلب عليا مواجع كتير وافتكرت ناس ماتوا بأمراض من الأمراض الخبيثه وأخرون يعانوا من أمراض أخرى
واحده صاحبتى كانت معايا كانت بتقولى ببرود كده أنتى مش عارفه اسعافات أوليه برضوا مسعفتهوش ليه بصراحه غاظتنى أكتر
بالكلمتين دول
من يومها والمنظر مش بيفارق خيالى
وحاسه برهبه جامده للموقف
توبيك هايل يا لفلي
ضحكت من قلبي بعد ما كنت قربت انساه
ربنا يرحمه
انا كمان حصلي موقف مشابه لده من شهر.
كنت راكبه سرفيس جنب الشباك والكرسي اللي جنبي فاضي
وفيه راجل قاعد عالكرسي اللي قصادي وجنبه شنطه عيش كبيره.
واذ فجاه واننا ببص من الشباك لقيت حاجه بتتهبد جنبي
ببص لقيت الراجل رمي الشنطه عالكرسي اللي جنبي (تقريبا كان بيحاول يلفت نظري) ولقيت الراجل اطرافه متصلبه وراسه معووجه وبيميل من عالكرسي.وانا مذهوله وخايفه ومش عارفه اقول ايه والا اعمل ايه.وفضل الراجل حالته تزيد ووقع من عالكرسي ومحدش حاسس بيه غيري.(اصلا مكانش فيه غير 2ركاب غيرنا والتباع).وفمه كان بينزل سوائل ...انا قلت هيموت.ساعتها الراجل اللي فالكرسي اللي ورايا بصله وهو مستغرب وبعدين بصلي وحس بالموقف من منظري.
نده عالتباع والسواق وقف كانوا هينزلوه مستشفى الجامعه بس الراجل مكانش قادر يتحرك خالص .المهم شويه والراجل اتحسن وسندوه وقعدوه. وواحد سأله بتحصلك كتير الحاله دى؟قالله اه.
زعلت من نفسي اني كنت عاجزه بالشكل ده ومش قادره اعمل حاجه.