مواااااااااااااااااااااااااااااااااااااقف

[* lovely heart *]

بسم الله الرحمن الرحيم

ازيكم يا احلى اعضاء

يا رب تكونوا حلوين وكويسين وبالكم مرتاح .....

اميــــــــــــــن

ندخل فى الموضوع على طول

مواقـــــــــــــــــــــــــــــف


جاتلى فكره موضوع كدا يا ريت اعرف رأيكم فيها

كل واحد فينا وهو جاى الجامعه او رايح اى مكان اكيد بيركب مواصله وبيشوف ناس
وبيمر بمواقف معينه

هنا بقى فى الموضوع ده عاوزين نسجل المواقف دى

بمعنى ان كل ما يحصل موقف معين ادخل اسجله هنـــــــــــــــــــــــا

سواء كان الموقف ده موقف ايجابى او موقف سلبى وعلينا ان نقضى عليه او موقف كوميدى او سياسى او حاجه استفدتها او عرفتها من حد او ...... الخ
او موقف فى البيت فى الشارع موقف حصل مع اصحابك ونفسك تتكلم فيه
مزعلك مضحكك عاوزنا نشاركك فيه ونرد عليك

مستنيه رأيكم فى الموضوع لو الفكره عجبتكم نكمله ولو مش أد كدا عادى جدا نحذفه

[الملاك الضاحك]

موضوع لذيذ وجميل خالث يا حبيبتى
أبدأ أنا بموقف حصل لى امبارح
طبعا اكيد كله عارف الجو كان عامل ازاى امبارح
تقريبا كده المنصوره كانت شبه غرقانه
أنا بقى لما خلصت السكشن أخدت صحباتى
عشان نروح ومشينا والدنيا كانت بتنزل سيول
فوق دماغنا حطينا البلطوهات فوق دماغنا
بس البلطو معملش حاجه قصاد كميه الميه
الرهيبه اللى كانت بتنزل, والارض كمان الميه فيها
كانت للركب "ان صح التعبير" وطبعا اتبلينا أخر
حاجه وكان منظرنا تحفه
المهم بقى عشان مطولش عليكوا ركبنا المواصلات وروحنا ولما وصلنا بلدنا اندهشنا لأن
الأرض كانت ناشفه جدا جدا والشمس ساطعه
برضوا جدا جدا المهم بقى دخلت الشارع بتاعنا
واحده جارتنا قابلتنى وتقولى " ايه الهبل اللى
أنتى فيه ده أنتى مبلوله خالص كده ليه"
أرد عليها أقول لها ايه دى " ايه الناس دى"
ساعتها حسيت بذهول يعنى بعد المرمطه اللى
شوفتها أسمع الكلمتين دول حاجه تغيظ مش كده
وأدخل البيت بقى يقولولى يللا غيرى عشان تتغدى ولا كأنهم شيفين فيا حاجه غريبه انا بصراحه كنت منتظره أن الناس تقدر المعاناه اللى كنت فيها

معلش يا قلبى أنا عارفه انى طولت أوى أوى
وانه موقف مش قد كده بس الموقف ده
ضايقنى جدا جدا
وتوبيك جميل جدا جدا

[* lovely heart *]

لتانى مرة ياقلبى نورتينى
وانا سعيدة جداااااااااااابطلتك الجميلة دى على


وانا كمان والله اتبهدلت جدااااااااا
ومشيت فى حته مكان المية فية مغطية العجلات بتاع العربيات
والمشكلة انى مخدتش بالى اسااااااااسااااااااااااان المكان غويض
شديت العيال ودخلنا نسبح بقى جوة ومشينا
ويارتنا ماكنا مشينا
انامرة واحدة لقيت رجلى بتنزل وسحبة على الاخر كدة
والمية وصلت لفوق ركبتى واصحابى اتكعبلوا ووقع كتبهم ويوم فى حياتى ما انساه
والمشكلة ان فى ناس ماشية رايقة وقاعدين يصوروا المنظر
وفى الاخر على ان نلاقى عربية تلمنا لالالالالالالالالالالالالالا
اخدناها مشى لحد الموقف كان نفسى تشوفوا منظرى


يلا الحمد لله اهو يوم عدى


ايه دة مفيش حد شاف اى موقف امبارح
دة امبارح دة مواقفه مش بتخلص يا............................................اين انتم ؟؟؟؟؟؟؟؟؟

[lamiaa]

موضوعك جميل يا حبيبتى

أنا هحكى موقف حصلى يوم التلات الى فات
كنت انا واصحابى خارجين نتفسح اليوم ده وف نص اليوم
رحنا عند استاد الجامعة عشان نتصور هناك وكده
المهم انا كنت سبتهم بعدها وكنت هروح ع المدينة وكنت لواحدى
جيت ادخل من البوابة الى هتودينى ع المدينة لاقيتها مقفولة لانها بتقفل بدرى
اتضايقت اوى وقلت يلا الحمدلله جايز خير
ففكرت وقلت بدل ما ارجع تانى عند بوابة الاستاد هحاول اخرج من حتة تانية
ولفيت من ناحية تانية وبعد ما مشيت مشوار كبير والمكان هادى وكنت خايفة خالص
الاقى البوابة دى مقفولة برده كنت بجد هعيط من كتر التعب
بس رجعت قلت الحمدلله ع كل حال
وف الاخر مشيت مشوار تانى كبير وخرجت من بوابة الاستاد ومشيت بره لحد بوابة الجلاء
ومشيت بعدها لحد المدينة الى جوه
كان يوم طويل ومتعب ااوى

يلا الحمدلله استفدت منه انى افكر بعقلى واحاول اعمل الصح ومغامرش لان ممكن المكان الهادى ده الى مشيت فيه كان يحصلى حاجة وحشة فيه

الحمدلله ....

يااااااااااااااه انا اتكلمت كتير اوى ايه ده !!!

[* lovely heart *]

ههههههههههههههههههه
لا ياقلبى انتى مش اتكلمتى كتير ولا حاجة
انا مبسوطة اوى اوى انك انتى رديتى على وشاركتينى
ربنا مايحرمنى منك ابداااااااااااااااااا
وعاجبنى اوى انك دايما عندك ثقة بالله فى كل شئ
عشان كدة ربنا بينورلك طريقك دايما فى كل حاجة
وياستى هو فعلا موقف وحش اوى وانا لو مكانك بصراحة مكنتش هعرف اعمل ايه
اهم حاجة انك وصلتى ياقلبى
حمد الله على السلامة نورتى التوبيك بتاعى انا بس
مش توبيك اى حد تانى

[lamiaa]

ههههههههههههههههههه
لا ياقلبى انتى مش اتكلمتى كتير ولا حاجة
انا مبسوطة اوى اوى انك انتى رديتى على وشاركتينى
ربنا مايحرمنى منك ابداااااااااااااااااا
وعاجبنى اوى انك دايما عندك ثقة بالله فى كل شئ
عشان كدة ربنا بينورلك طريقك دايما فى كل حاجة
وياستى هو فعلا موقف وحش اوى وانا لو مكانك بصراحة مكنتش هعرف اعمل ايه
اهم حاجة انك وصلتى ياقلبى
حمد الله على السلامة نورتى التوبيك بتاعى انا بس
مش توبيك اى حد تانى

وش مكسوف اوى..
ربنا يخليكى بجد ع زوقك وردك العسول ده
الحمدلله ع كل حال

الله يسلمك ياااااااااارب ... وده نورك يا حبيبى

[asfourelgana]

فكرة جميييييييييييييييله اوى يا لولو يا حبيبتي

وطريقه كويسه عشان نستفيد وناخد خبرة من مواقف بعض

بس انا محصليش حاجة ممكن تتحكي دلوقتي او يعني مفيش ف دماغي حاجة

بس اول ما هتيجي حاجة ف دماغي هحكيها على طول

لو يعني مش يضايقك يا حبي

تقبلي مروري

[* lovely heart *]

فكرة جميييييييييييييييله اوى يا لولو يا حبيبتي

وطريقه كويسه عشان نستفيد وناخد خبرة من مواقف بعض

بس انا محصليش حاجة ممكن تتحكي دلوقتي او يعني مفيش ف دماغي حاجة

بس اول ما هتيجي حاجة ف دماغي هحكيها على طول

لو يعني مش يضايقك يا حبي

تقبلي مروري

ربنا يخليكى لى يا احلى عصفورة عندى فى شجرتى
وياقلبى انتى لو تعرفى انا مبسوطة بجد اد ايه انك نورتينى وشاركتينى
وبعدين ياحبى انتى تنورينى فى اى وقت انتى عاوزاه
وبعدين انا بصراحة عملته عشان اصحابنا كلنا اللى يحب يتكلم فى اى حاجة
نبقى مشاركين بعض كلنا ونحس ان المنتدى يمكن هو اقرب حاجة تجمعنا وتلمنا كلنا
انا منتظراكى ياحبى ان شاء الله فى اى موقف سواء حلو او وحش
ربنا مش يحرمنى منك ابدا ومن دخولك على

[shoooooo]

فكره جميله يالولو
انا برضه اتظبطت يوم الخميس ده يوم تاريخي
اللي قهرني اني كنت لابسه بلارينا جديده
يللا مش مهم
وقعدت اصور الميا والبحور اللي كانت في المنصورة
واتصورت جنب الميا كمان ولا كاني في اسكندريه
وقعدنا ساعه ونص مش عارفين نوصل للموقف
بس اتمشينا والحمد لله وصلنا ومكنش في مواصلات
انا لقيت عربيه جت اتهبلت ومخدتش بالي من كمية الميا وقمت مندفعه بكل قوتي وكنت هقع علي وشيوكان منظري ظريف جدا وعبيط جدا جدا
بس المهم اننا ركبنا ووصلنا
الحمد لله عدت علي خير

[* lovely heart *]

نورتينى ياشوشو ياحبيبى
جزاك الله عنا كل الخير
ومعلشى ياقلبى انا كمان والله اتظبطت زيك
اكيد انتى كنتى مشيتى من نفس طريقى
يلا الحمد لله على كل شئ
ومعلشى ياقلبى اكيد البلارينا دى وشها هيبقى وش السعد
ياريت بس ماتبقى تجبيها فى ايام امتحانتا ابوس ايدك ماشى
ربنا يخليكى نورتينى كمان كتير