ابدأ بنفسك ......(أتمنى أن يكون متجدد)

[AbU ElKhAiR-Let`s Go]

ابدأ بنفسك
حاول تغيرها


لاتقل الناس فأنت أحدهم


نعم
لو نظر كل واحد منا لنفسه أولا
لو أصلح ما بداخله أولا لتغير الحال


كل واحد بذاته بشخصه هو هو
ليس شخصا آخر
يبدأ بنفسه
يحدد أخطاؤه
ويعترف بها


يخاطب نفسه ويقول لها
انت المخطئه
انت سبب ضياع الدين وتخلف الأمه
انت مقصره


كل واحد يتهم نفسه


كل واحد قبل أن يخاطب الأخرين
يخاطب نفسه
حتى لانجد من يقول
الكذب حرام وهو أكبر كذاب

كذا حرام وهو أول من يفعله

علينا أن نتقن العمل
وهو لا يذهب الى عمله أصلا

القاء القمامه فى الشارع تخلف
وبعد ذلك يجعل من نفسه أكبر المتخلفين

السرقه حرام
وهو أكبر حرامى

البلدى محتاجه ضمير
وهو أول واحد باع ضميره



تعالوا احنا نعترف بأخطائنا
نحاول نصلحها مع بعض
تعالوا نشوف مشاكلنا
تعالوا نتكلم ونطبق على قد ما نقدر

لأنى حاسس ان المنتدى
هو الصوره الخياليه
اللى نفسى المجتمع كله يبقى عليها
وأحسن طبعا
تعالوا نبدأ من هنا
تعالو نحاول يمكن نقدر نغير نفسنا
وصدقونى
لو كل واحد بدأ بنفسه
هنلاقى كل حاجه بتتغير
بس نتغير احنا

هو بصراحه فى قصيده
كتبتها لكن عشان ما طولش عليكم
هأجلها
لغاية ما الكل يدخل معانا




**************************

تعالوا لنبدأ بأنفسنا

دعوه من

M. Abu elkhair

ألا تقبلوها ؟؟؟

[A.Elrayes]

انا قبلت الدعوة دي يا دكتور وانا فعلا بدأت اتغير واواجه نفسي بعيوبي
موضوع جميل أوي ومهم
فعلا احنا عاوزين نقف مع نفسنا
لازم نصلح شوية من نفسنا ومنتهمش اللي حوالينا بالتقصير
مش ممكن تحس بالتقصير ده لو انت مش مقصر في حق نفسك عشان كده نفسي احط ايدي في ايدك ونواجه بعضنا
انا فيا كتيير وحش وانت كمان لازم نغير
معلش طولت عليكم
تقبلوا مروري
ahmed elrayes

[dr emy.hassan]

انا كمان معاكم فى الدعوة دى وياريت مجتمعنا يبقى الافضل بس لازم كل واحد فينا يبدأ بنفسه
وعلى فكرة انا شايفه ان المنتدى بتاعنا منتدى اكثر من رائع شامل لكل شئ واكثر ما يتمتع به هو ان كل اعضاءه محترمين ويعينوننا على طاعة الله
وان شاء الله الموضوع يبقى متجدد

[AbU ElKhAiR-Let`s Go]

انا قبلت الدعوة دي يا دكتور وانا فعلا بدأت اتغير واواجه نفسي بعيوبي
موضوع جميل أوي ومهم
فعلا احنا عاوزين نقف مع نفسنا
لازم نصلح شوية من نفسنا ومنتهمش اللي حوالينا بالتقصير
مش ممكن تحس بالتقصير ده لو انت مش مقصر في حق نفسك عشان كده نفسي احط ايدي في ايدك ونواجه بعضنا
انا فيا كتيير وحش وانت كمان لازم نغير

أنا موافق حضرتك زمتفق معاك تمام
تعالى نحط ايدينا فى ايد بعض مع كل أعضاء المنتدى
نشجع بعض
ناخد بعض للأحسن

معلش طولت عليكم
تقبلوا مروري
ahmed elrayes

حضرتك نورتنى يادكتور أحمد
وسعيد جدا جدا جدا بمرور حضرتك
وقبول حضرتك
وأتمنى أن حضرتك تكون متواجد فى الموضوع ده باستمرار

انا كمان معاكم فى الدعوة دى

نورتينا يا دكتوره

وياريت مجتمعنا يبقى الافضل بس لازم كل واحد فينا يبدأ بنفسه
وعلى فكرة انا شايفه ان المنتدى بتاعنا منتدى اكثر من رائع شامل لكل شئ واكثر ما يتمتع به هو ان كل اعضاءه محترمين ويعينوننا على طاعة الله
وان شاء الله الموضوع يبقى متجدد

ان شاء الله
بوجود حضراتكم

منتظر تواجد بقية الأعضاء باذن الله


ودى قصيده كتبتها

يارب تعجبكم

عنوانها طبعا هو عنوان الموضوع

اللى هو

ابأ بنفسك

ابدأ بنفسك قل أنا انسان
ابدأ بنفسك قل أنا سهيان
لكن هل عيب على انسان نسيان
ابدأ بنفسك قل أنا غلطان
لكن هل عار على انسان عصيان
ابدأ بنفسك أصلحها قل أبغى رضا المنان
ابدأ بنفسك وحاول اصلاح ما قد كان
تغير واختر طريق ذى العرش المنان
لا تجرى وراء دنيا حتما ستزول فى آخر الأزمان
حبيبى فى الله لا تبغى رضا عبد حتما سيصيبك الخذلان
بل اسع لرضا من ملك الأكوان
قل رب اعف عنى واغفر ما قد مضى فى زمن العصيان
قل رب لا أبغى سواك يامن خلق الانسان
قل رب عبد تاب اليك فتب على زمن الخسران
قل رب أرجو أن أسعد بحياة الايمان
قل رب عدت اليك تركت الهذيان
اترك الكسل وانهض كى تلحق بالركبان
تعلم واقرأ وابحث واملأ العقل الغفلان
غير بدل حاول أن تنجو من ذل الشيطان
لا تنصح بالخير وأنت تعصى رب الأكوان
خاطب نفسك وأمرها قل يا نفس ربى رحمن
خاطب نفسك وازجرها قل يا نفس ربى غضبان
غضبان على أن طلبت العون من الانسان
نسيت رب الأكوان جهلت عون الرحمن
قل لها يا نفس لا يخدعنك ذلك الشيطان
يا نفس أنت ملك الرحمن
اعلمى أنك لست عنه بفوزان
بل خذلان وضياع ومن بعدهما خسران
آااااااااااااااااااااااااه يا نفسن من زمن العصيان
أنا من عصيت رب سرا خوفا من انسان
لا أدرى ماذا يملك تلكم الانسان ؟؟؟؟؟
لا أدرى ماذا يملك تلكم الانسان ؟؟؟؟؟
لا أدرى ماذا يملك تلكم الانسان ؟؟؟؟؟

يارب تعجبكم ومنتظر مشاركتكم

[Dreamer Flower]

السلام عليكم

أولا ؛قبلت الدعوة
ثانيا؛أرجو أن تقبلوا مرورى
موضوع جميل ...وقصيدة رائعة معبرة عن هدف الموضوع

فعلا يجب على كلا منا أن يبدأ بنفسه ويطع الله ويخضع لأوامره وتعاليمه سبحانه وتعالى ثم؟؟؟؟يفكر بنصح غيره. وذلك ببساطة لأن
فاقد الشىء لا يعطيه

[AbU ElKhAiR-Let`s Go]

السلام عليكم

وعليكم السلام ورحمة الله وبركاته

أولا ؛قبلت الدعوة

طبعا ده يشرفنى

ثانيا؛أرجو أن تقبلوا مرورى

حضرتك تنورينا

موضوع جميل ...وقصيدة رائعة معبرة عن هدف الموضوع

قبول حضرتك هو الأجمل والأروع

فعلا يجب على كلا منا أن يبدأ بنفسه ويطع الله ويخضع لأوامره وتعاليمه سبحانه وتعالى ثم؟؟؟؟يفكر بنصح غيره. وذلك ببساطة لأن
فاقد الشىء لا يعطيه

جزاك ربى الجنه


وطبعا أتمنى أن ناس أكتر تقبل الدعوه دى


وباذن الله من بكره هنبدأ المشوار

ونقف مع بعض على أول الطريق

ونقف مع نفسنا

كل واحد فينا يحدد أخطاؤه

وكلنا مع بعض نساعد بعض

اننا نصلحا بجد

نغير بجد

مش نتكلم

بعدين كله يطير ف الهوا


بس طبعا أول حاجه لازم نصلحها هى الضمير

لازم كلنا

اللى نقوله هنا

نحاول على قد مانقدر

نبعد عن الوحش منه

ونعمل الحلو

جزاكم ربى الجنه

[dr_orchida]

جميل جداااااااا معاكم ان شاء الله
بس هو احنا هنعمل ايه مش فاهمة
اصل موضوع الضمير ده نشط عندي جداااااا مش عارفة ليه
ههههههههههههههههه بس الحمد لله النفس اللوامة دي شيء جميل
انها دايما بترجع عن الغلط وتحاول تصلح من نفسها
ربنا يعينا جميعا علي تقواه

جزاك الله كل خير يا دكتور
تقبل مروري

[A.Denewar]

بسم الله
اقبل الدعوة طبعا بدون تفكير
انا حاولت من زمااااااااااااااااااااااان في الموضوع ده
من اربع سنين تقريبا من يوم ما عرفت عشقي وحياتي واختي وصديقتي نوران في اولي ثانوي
برغم اول ما شوفتها زعقت فيها من غير اي سبب وقلت لها عديني كده
قالتلي اتفضلي استغربت ان انا زعقت وهي مش زعقت خالص
وبعدين اتصحبنا
وتوتعدنا ان تكون صدقتنا لله وده طبعا مش قولناه لبعض لكن كل واحدة حسته من التانية

[AbU ElKhAiR-Let`s Go]

جميل جداااااااا معاكم ان شاء الله

مرور حضرتك أجمل
وحضرتك شرفتينا

بس هو احنا هنعمل ايه مش فاهمة

ببساطه شديده :-
1-كل واحد فينا يحاول يعترف بأخطاؤه (بصدق)
2-وأكيد طبعا ممكن نكون عارفين الحلول أو مش عارفينها (نحاول نعرفها مع بعض)والأهم نساعد بعض على تطبيقها
3-نحاول مع بعض نحل أى مشكله ممكن تقابلنا ف طريق اصلاح أحوالنا
4-بعدين بعد كده الموضوع هياخد مسار تانى بس قبل ما ناخده لازم الأول نغير نفسنا

اصل موضوع الضمير ده نشط عندي جداااااا مش عارفة ليه
ههههههههههههههههه بس الحمد لله النفس اللوامة دي شيء جميل
انها دايما بترجع عن الغلط وتحاول تصلح من نفسها
ربنا يعينا جميعا علي تقواه

اللهم آمين

جزاك الله كل خير يا دكتور

وجزاكى بالمثل

تقبل مروري

حضرتك نورتينى

***********

بسم الله
اقبل الدعوة طبعا بدون تفكير

جزاك ربى كل خير

انا حاولت من زمااااااااااااااااااااااان في الموضوع ده
من اربع سنين تقريبا من يوم ما عرفت عشقي وحياتي واختي وصديقتي نوران في اولي ثانوي
برغم اول ما شوفتها زعقت فيها من غير اي سبب وقلت لها عديني كده
قالتلي اتفضلي استغربت ان انا زعقت وهي مش زعقت خالص
وبعدين اتصحبنا

فكرتينى بقصه جميله
بس دى ما كانتش زعقه دى كانت شكله
وتأهب للضرب وكانت هتبقى حتة شكله

وتوتعدنا ان تكون صدقتنا لله وده طبعا مش قولناه لبعض لكن كل واحدة حسته من التانية

ربنا يجمعكوا دائما على الخير

ومنتظر المزيـــــــــــــــــــــد
من الأعضاء

[ZAHRA333]

انا معاكم في الدعوة دي والموضوع عاجبني جدا وفي حاجات فيا نفسي اغيرها وفعلا بدأت وربنا يوفقني
شكرا جزيلا