شايف أولى صيدلة شكلها أزاى

[muna7assan]

أقولك حاجه حضور المحاضرات مفيش أهم منه

كلمه واحده صاحبتى قالتها (اللى مش بيحضر المحاضره دا بيعتمد على نفسه اعتماد كلى وبيشوف الويل)

لو عايز تريح من محاضرات دى حاجه بقى ترجع لك شوف انت تقدر تعتمد على نفسك اعتماد كلى فى ايه؟؟

جرب أول اسبوعين حضور محاضرات متواصل وشوف

بس ما تزعلش بقى لو ما رتبتش

والله يا جماعه أولى دى سهله قوى ولجميله والتبرم التانى تقريبا مش هتحسوا بأى حاجه الكم أصغر ما يكون والدرجات بتكون أعلى كتيييير فى التيرم التانى.

~~~~~~~~~~
العفو وربنا يكرمكم ان شاء الله

[harypotter]

عادى مفيش مشكله خالص دى حاجه بتبقى عند كتير مننا فعلا
عشان كده انا بقول لو بنعمله فى اطار جماعى ده هيكون مجرد تشجيع والجدول طبعا استحاله هنلتزم بيه قوى من اول يوم بس على الاقل نكون خدنا فكره الموضوع ماشى ازاى لا اكثر والمذاكره دى هتكون من خلال مثلا لما اروح اقرا اللى كتبته ورا الدكتور مجرد قراءه بفهم عشان اكون متابع مع الدكتور لان المشكله ان احنا بنستنى لما المحاضرات تتراكم وبعدين اكيد فيه حاجات كتير بتقف علينا فده بيوتر الواحد شويه وهو بيذاكر
اما لو انا متابع الموضوع من الاول اكيد الحال هيختلف كتير قوى

كمان الاطار الجماعى ده هيفيدنا
لو مثلا فى حد بيكتب ورا الدكتور بطريقه كويسه افضل منى هقدر استفيد وبجد المحاضرات ثم المحاضرات ثم المحاضرات
ومفكرش فى عدم الحضور الا بقى لو خلاص فاض بيا ومفيش حل غير كده

شكرا يادكتورة بأذن الله هحاول على قد ماأقدر أطبق كلام حضرتك
مرة تانية ألف شكر لحضرتك
يارب تجيبى امتياز فى اولى يااااااااااااااااارب

[muna7assan]

التحليليه
أسهل وأقصر ماده فى أولى صيدله

الماده عباره عن 12 محاضره وبتكون ساعه واحده فى الاسبوع
لو د.منال كانت معاكم مش هتحسوا بأى تعب ان شاء الله .,

الhand out بتاعها تحفه ما اشتريتش ورقه واحده للجزء بتاعها وكنت دايما بأذاكر منه وزى ما قالت الورق دا بيغنى فى نظرى وشفوى وكل حاجه حتى مش بتزود عليه حاجه فى المحاضره وامتحانها بيكون منه بالظبط..

جزء د.محمد ولاش عباره عن محاضرتين من ال12 صغير كده ومش هيضايقكم ان شاء الله...

العضويه والصيدلانيات الى حد ما العملى بتاعها مش مرتبط قوى بالنظرى.,
التحليليه بقى العكس ., العملى هوا هوا النظرى فبالتالى مذاكره العملى أول باول بتسهل النظرى جداااا وبتحس ان أكتر من نص المنهج محفور فى دماغك لانك اشتغلته بايدك ..

التحليليه من المواد النادره اللى تلاقوا ان الدفعه كلها جايبه فيها امتياز

[harypotter]

جرب أول اسبوعين حضور محاضرات متواصل وشوف

بس ما تزعلش بقى لو ما رتبتش

هههههه
بصى يا دكتورة أنا مش عايز أرتب بس هسمع كلام حضرتك وهجر ب أحضر المحاضرات كلها اول أسبوعين
بس المشكلة انى انا مسبتش ولا محاضرة فى أعدادى الا لما حضرتها وكانت المحصلة أن فى مواد مستفدتش خالص من الحضور ليها
وأكتشفت أن حضورها كان تضييع وقت

[عبير الجنه]

مرة تانية ألف شكر لحضرتك

على ايه بس يادكتور الشكر لله وحده

يارب تجيبى امتياز فى اولى يااااااااااااااااارب

امين يارب دعوات حضارتكم معانا

[muna7assan]

وبجد المحاضرات ثم المحاضرات ثم المحاضرات
ومفكرش فى عدم الحضور الا بقى لو خلاص فاض بيا ومفيش حل غير كده

والله يا جماعه دى خلاصه سنه أولى زى ما عاشقه الصيدله قالت المحاضـــــــــــــــــــــرات

هههههه
بصى يا دكتورة أنا مش عايز أرتب بس هسمع كلام حضرتك وهجر ب أحضر المحاضرات كلها اول أسبوعين
بس المشكلة انى انا مسبتش ولا محاضرة فى أعدادى الا لما حضرتها وكانت المحصلة أن فى مواد مستفدتش خالص من الحضور ليها
وأكتشفت أن حضورها كان تضييع وقت

نصيحه ما تعتبروش اعدادى مقياس لأى حاجه لان اصلا مالهاش لزمه
الاستفاده الوحيده اللى خدتها منها انى اتعودت اذاكر بالانجليزى بسهوله وبسرعه مش أكتر انما كفائده عميه للاسف زيرو ., علشان كده هتتلغى من السنه الجايه ان شاء الله

[dr.emy91]

الف شكر يا دكتورة على المعلومات القيمة و يارب نستفيد منها في اولى ان شاء الله و نعدي من اعدادي بخير و ربنا يوفقنا جميعا

[Dr Sarah]

مستني اعدي الاول من اعدادي و بعدين افكر في اولي

والله معاك حق يا دكتور الواحد يضمن انه يعدي من اعدادي الاول

[A.Elrayes]

جميــــــــــــــــــــــــــــــــــــــــــله.,

هيا بس اللى ظلمها معانا اننا كنا عارفين انها سهله وجميله فريحنا شويه,

وجت الامتحانات كل يومين بالقاضيه.

بس برضو الحمد لله ما فرقتش كتير

ناس كتــــــــــــــير من دفعتنا جابت امتياز فى السنه دى مع ان فى اعدادى كان عشره بس اللى جايبين امتياز.,

نصيحه للى مش عايز يتعب فى الاخر

ذاكر كل حاجه أول بأول

بجد احنا مش ضامنين ظروف السنه دى شكلها ايه!!

والناس اللى لسه مخلصين تانيه كلهم بيقولوا ذاكروا من الأول

يعنى كل المواد تتذاكر من الاول ,

بالذات العضويه والعقاقير والصيدلانيات وجزء فسيولوجى بتاع صيدله,

التحليليه الكورس بتاعها صغير ولذيذ جدا ممكن يتجمع فى يوم واحد

وجزء الفسيولوجى بتاع طب الدكتور بيحدد اسئله فى الاخر والامتحان مش بيخرج عنه بأذن الله.,

الترم التانى نفس النظام بالظبط,

وان شاء الله تكون سنه سعيده بعد نتيجه اعدادى اللى هتكون سعيده برضو ان شاء الله

ما شاء الله دكتوره مني قالت كل المفيد بس ابقوا احضروا المحاضرات المهمة خاصة التحليلية والعضويه وأجزاء الصيدلنيات اللي تفهموها بس زي جزئ الدكتور عبد المنعم مثلا ومتحضرش المحاضرات اللي مبتستفدش منها
إستمتعوا بأولي دي أسهل سنه هتمر عليكم في الكلية انا سنتي كان في 127 إمتياز وده رقم قياسي في كليتنا

[muna7assan]

العقاقيــــــــــــــــر

جميله جدا وأحلى بمراحل من اعدادى
نفس فكره العضويه ., انت فى اعدادى بتاخد عناوين عريضه كده والى حد ما مش مرتبطين ببعض.,

فى أولى هتاخد أجزاء من النبات وتدرس خصائصها والمواد الفعاله اللى فيها واستخدامتها,

فى التيرم الأول هتاخدوا ال leaf والتيرم التانى bark & wood & flower .

جميله ومسليه بس زيها زى غيرها من المواد طويله ومحتاجه انك تقرأها أول بأول وتذاكرها فى صوره جداول متجمعه جمب بعض علشان تثبت أكتر.,
ياريت نخلى بالنا من الرسم وندرب ايدنا عليه علشان أغلب الامتحان بيكون رسم وعليه درجات كتيـــر


العملى فى التيرمين عباره عن نص منهج النظرى يعنى ذاكر عملى أول بأول هتيجى فى الأخر تجد أنك مذاكر حوالى نص منهج النظرى.,

العقاقير = جدول فيه كل حاجه علشان تثبـــــــــــــــــت