النتائج 1 إلى 4 من 4

الموضوع: علم الديناتولوجى الفتح العربى القادم

  1. #1
    Pharma Student
    تاريخ التسجيل
    Aug 2010
    المشاركات
    6

    افتراضي علم الديناتولوجى الفتح العربى القادم

    علم الديناتولوجى الفتح العربى القادم


    -علم ايه درماتولوجى؟
    -لا يا فندم علم الديناتولوجى
    -ويطلع ايه علم الديناتولوجى ده
    -علم الديناتولوجى هو علم المعلومة بيهتم بالمعلومة وقواعدها وظواهرها وارتباطاتهاوانواعها وتأثير المعلومة على الانسان وتاثير الانسان على المعلومة يعنى زى ما الذرة هى الوحدة البنائية لاى ماده كذالك برده المعلومة هى الوحدة البنائية لاى علم وزى ما علم الكيمياء بيهتم بالذرة فكذلك برده علم الديناتولوجى بيهتم بالمعلومة اللى هى اساس التواصل مابين البشر
    -ماشى انا بقى هستفيد ايه من علم الديناتولوجى ده؟!
    -هتستفيد كتيييييير جدااااا اولا العلم ده له تطبيقات كتير جدا اولها انك تقدر تلخص المنهج بتاعك كله ف10 ورقات بس وتقدر تراجع 1000 معلومه ف10 ثوانى
    -استنى حضرتك بقى ثوانى كده عليا منهج ايه ده اللى الخصه ف 10 ورقات مستحيل طبعا
    -لا مش مستحيل ولا حاجة ده ممكن جدا لان علم الديناتولوجى ده علم تجريبى مش مجرد نظريات يعنى انت لو اتعلمته وطبقت قواعده وقوانينه تقدر تلخص اى منهج ف10 ورقات
    -وازاى بقى اتعلم العلم ده؟
    -هتقدر تتعلم العلم ده من خلال الدورات ولما تاخد دبلومة التلخيص وهى عبارة عن 3مستويات وورش العمل تقدر تلخص اى منهج ف 10ورقات او اقل كمان
    -طيب وفى تطبيقات تانية للعلم ده؟
    -طبعا فى ...انت عمرك سمعت او شفت اعمى بيكلم اصم ؟
    -اكيد لا طبعا..مستحيل اصلا ان الاتنين يتكلموا مع بعض
    -لا مش مستحيل لان فعلا تم التواصل ما بين الاعمى والاصم والاتنين اتكلموا مع بعض عن طريق لغة البرانكا اللى هى احد تطبيقات علم الديناتولوجى
    -لا ده واضح ان الموضوع كبير اوى
    -اكيد طبعا الموضوع كبير لان فى تطبيقات تانية كمان خطيرة جدا منها مثلا بحث المواهب اللى بيقسم المواهب 84 نوع ..من البحث ده تقدر تعرف ايه الموهبة اللى ربنا اختصك بيها وتقدر انك تنمى الموهبه دى وتطورها وتطلع بيها منتج تستفيد بيه وتفيد بيه الناس
    كمان من اهم التطبيقات ازاى تعرض المعلومات بشكل يجعل الناس وكان على رؤسهم الطير يعنى كل الناس تبقى منتبهة لكلامك وحابة تسمعك من غير ما تحس بملل يعنى انت لو نفسك تبقى محاضر مثلا سواء استاذ فى الجامعة او مدرب تنمية بشرية العلم ده هيفيدك جدا..كمان الناس اللى بتشتغل فى مجال التربية العلم ده هيفيدهم لان بالعلم ده ممكن تتعلم ازاى ترسخ القيم والمفاهيم الصحيحة ف عقول الاطفال وازاى تتخلص من العادات السلبية.. كمان العلم ده لو دخل ف التعليم هيعمل نهضة هايلة
    -رائع جدااااعشان كده قلتى فى بداية المقال ان العلم ده هو الفتح العربى القادم؟
    -اه بس مش عشان كده بس
    -امال ايه تانى؟
    -حضرتك اكيد عارف ان العرب القدامى كانوا هما مؤسسى العلوم زى مثلا الخوارزمى مؤسس علم الجبر والحسن ابن الهيثم مؤسس علم البصريات وغيرهم من العلماء العرب القدامى ..وبعد ما كنا مؤسسى العلوم وكنا بنصدر العلوم للغرب بقينا دلوقتى ناخد منهم العلوم بتاعتهم وما عادش عندنا علوم من انتاجنا احنا لكن المرة دى بقى عندنا علم الديناتولوجى ،علم عربى خالص وكمان المؤسس بتاعه شاب مسلم مصرى عربى اقسم إنه لازم يساهم ف نهضة الامة
    -ومين بقى المؤسس العبقرى ده؟
    -المؤسس هو الدكتور امين محمود صبرى طالب بكلية الصيدلة جامعة المنصورة و اصغر مؤلف فى مصر،صاحب كتاب دليل الطالب العبقرى وكتاب 30قانون للمذاكرة الفعالة وكتاب الديناتولوجى ،صاحب نظرية المذاكرة بحاسة الشم ونظرية كيف يساعدنا القمر فى سهولة الحفظ،كان بيقدم برنامج نجوم العلم ف قناة الرحمة ،وظهر فى قنوات كتير زى القناة الاولى والتانية وقناة التحرير مع بلال فضل، وكمان له حلقة اسبوعية ف برنامج عز الشباب على قناة روتانا مصرية ،وعمل اكتر من 80 ندوة على مستوى محافظات مصر وجامعاتها وبيحضر ندواته الاف الشباب
    -راااااااااااائع بجد ..طيب لو عايز اعرف اكتر عن العلم ده ودوراته اعمل ايه
    -ممكن حضرتك تدخل علي صفحة امين محمود صبرى على الفيس بوك
    ********
    ودي صفحة الديناتولوجي

    *******
    وكمان دا جروب الديناتولوجى بالمنصورة

    *******
    -تماااااااااام شكرا جزيلا انك عرفتينى بعلم الديناتولوجى وان شاء الله هتعلمه واحاول اعرف الناس بيه

    -العفو يا فندم
    التعديل الأخير تم بواسطة Amira ; 06-03-2012 الساعة 02:16 AM سبب آخر: ممنوع وضع لينكات الفيس بوك :)

  2. #2

    افتراضي

    شكرا علي الموضوع

  3. #3
    Volunteer
    تاريخ التسجيل
    Nov 2011
    الدولة
    ¨°o.O ((أم الدنيا)) O.o°¨
    المشاركات
    583

    افتراضي

    أنا أول مرة اسمع عن الموضوع ده بس جامد شكرا ع الموضوع

  4. #4
    Pharma Student
    تاريخ التسجيل
    Aug 2010
    المشاركات
    6

    افتراضي

    العفو يا دكاترة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •