كما المحبوس ف جوف الارض بتنفس تراب أحزان
كما الغرقان ف موج هايج انا بعافر زمن غضبان
كما المسجون ف أمن الدولة بتعذب فوق طاقة الانسان
كما المتعرى وسط الخلق بدارى غم عليا أهو بان
كما المظلوم ف دنيا الشوك وأحلامه دفاع خسران
انا عايش وبالاكراه وموتى لسة مأنش اوان
كماالعبد اللى بالسخرة أهو مكمل ولو حتى الجسد همدان
..........................................
يسألنى الدهر ما ذنبى لتسبنى
فأجيبه بمفاجأتك لطالما حطمتنى
وعلى المضي معك أجبرتنى
...........................................
ياأيها الفرح المفارق قلبنا
متى اللقاء؟
ياأيها الحزن المشوه عمرنا
طال البقاء
يادمعة بمقلتي تجمدت
أأصابكى ايضا جفاء؟
ياضحكة مسمومة بالوجع كرهتها
أما سئمت الكبرياء؟
ياأيها البشر المطعم بالحجر
أ لحالتى أجد اعتناء؟؟
.................................................. ...
لما يفاجئك شخص عزيز
انه شايفك بالمعكوس
بيقوم قلبك كده يتهز
كلامك جواك محبوس
.................................................. .......................
أتحسب الورد يوما.. ينسينى جراح الشوك؟؟
وأن معسول الكلام.. يعيدنى ثانيه اليك؟؟
لا ياخادعى عمرا ...الطفله ماتت بيدك
القلب الان يتراقص .. قد جف الدمع عليك
فرجاء وفر ازهارك ... فالمكر يكحل عينيك
.,,......................................
لما تكون انسان مهزوز
بتخاف جدا من الاقوال
كلمه بسيطه اوى بالمرة
كفيلة تعمل فيك اهوال
.............................
لو كانت السعادة بحرا ... لأقام الناس المصايف ف الشتاء
لكنها تبقى نجما بعيدا ... نبحث عنه بعنااء ف السماء
.................................................. .............................
ازمات ...
خبطات..
كله متخبى ف سكات
ومعدشى باقى غير
... انفجار أو انتحار !!
.................................................. ...........
ليه انا وانتى بقينا اغراب
والكلام بينا يادوب عتاب
حتى الحروف ماتت مابينا
وكأن العشره كانت سراب
هى العهود ماتت خـلاص
ولا الجفا علينا داس؟؟
اقولك:
مكنشى م الاساس اخلاص
...........................................
ايوا
انااللى شعرى يادوب يتقرى
وتزهق موت منه بسرعه
والقائى سخيف وجاينى ورا
وحروفى فعلا بدها ولعه
وكلامى عمره ما كان موزون
طبخة ناقصه ملح و دلعه
بس كفايه صدقى ف احساسى
اصل الشعر مش عندى سلعه
كلامى ايوا مبسوطه منه
واللى مش عاجبه يشرب من الترعه