مش ناوى احب تانى

[rose smile]

الناس امبارح فى دفعتى كانت بتذاكر عضويه وطبعا انا لازم احافظ على اعصابى تحت اى ظرف
وطبعا قعدت افن
بس للاسف لاول مره فى حياتى كتبت عامى رغم انى مبحبش اكتب عامى اصلا
مش بقلل من قيمته ولكن كنت عاوزه احتفظ بمجال واحد لكن الشعر العامى على راسى
اسمعوا بقى تجربتى العاميه الاولى والمحاطه بغلاف من رزونانس عضويه وقولوا رايكم بصراحه

خايف احب تانى
خايف اعشق انانى
منستشى اللى جرالى
فى الحب الاولانى
.......
ابعد ياحبيبى بعيد
ابعد ياحب جديد
مش حمل انا تنهيد
لزمتها ايه تخلينى سعيد
وفجأه تانى ترجعنى وحيد
ابعد ياحب بعيد
.......
قصص الحب كلها
بدات بشوق وامل
بس الحب ازاى انتهى
انتهى جرح والم
ونكمل مشوار بعدها
مشوار رحله ندم
.....
بس انا قلبى خلاص اتعلم
ان الحب كلام فى اغانى
وهوفر على نفسى من الاول
انا مش ناوى احب تانى

[محمد فهمي]

تسلم ايدك يافنانة...حقيقي جميلة..وتنفع أغنية حزايني رومانسي محصلتش..ومن أجمل ماكتبتي، واضح إن الضغط بيطلع حاجات أجمل..
ذكرتيني بـ:
كان مالي ماكنت في حالي...مِتهني بقلبي الخالي.........!!
واضح كمان إن الروزونانس عمل تثبيت وتقوية لحالتك وقتها
فلتحيا العضوية

N.B:
الهمزات!!

[sofia]

جميله يا أموله .....
بالتوفيق دايما

[قطر الندى]

جميلة جداااااا أسلوبها فعلا رااااااائع
عجبتنى كتييير وقرأتها كذا مرة ،
بركاتك يا عضوية
بالتوفيق الدائم وفى انتظار المزيد

[* lovely heart *]

اموله الحلوة بقت طعمة وبقى لها شعر جديد
ياقلبى كل حاجة حلوة من ايدك
سواء عامى وغير عامى
بس جميلة جداااااااا وجاية ف وقتها فعلا
تسلمى ومن تقدم لتقدم والى الامام داااائما ياقلبى
وانا هقولك امل اهوت بس انا بالنسبالى بفضل لفلى اكتر تسلملى يارب

[rose smile]

تسلم ايدك يافنانة...حقيقي جميلة..وتنفع أغنية حزايني رومانسي محصلتش..ومن أجمل
فنانه ّّّّّّ!!!! حته واحده لاء كده اتغر وكمان اغنيه لاء كده مفروض معدتش اعرف المنتدى تانى
ماكتبتي، واضح إن الضغط بيطلع حاجات أجمل..
ذكرتيني بـ:
كان مالي ماكنت في حالي...مِتهني بقلبي الخالي.........!!
دى بتاعت حضرتك؟؟
واضح كمان إن الروزونانس عمل تثبيت وتقوية لحالتك وقتها
حالتى ؟؟؟؟؟ ربنا لايكتبها على مسلمين
برود فوق الوصف والاخر جت على دماغى
فلتحيا العضوية
هههههههه
تحيا فين بقى اخدها معايا تالته مثلا؟
N.B:
الهمزات!!
اسفه مبركزشى

سعيده يادوك بتعليق ونورت الموضوع فى انتظار مرورك ديما وفى انتظار تقيم دوك حجازى
ثنائى اضواء المنتدى (د حجازى / د فهمى )

جميله يا أموله .....
بالتوفيق دايما

صااااااااااااااااااااااااافى منوره ياجميل على اساس انى مكنتش معاكى يعنى وانك سمعاها قبل كده
بس يلا اهو دعايا ليا

جميلة جداااااا أسلوبها فعلا رااااااائع
عجبتنى كتييير وقرأتها كذا مرة ،
ربنا يخليكى يادوك تعرفى انى نفسى اعرفك اوى فى الحقيقه
واضح ان التفاعل مع العامى اقوى بس تاكدوا اول واخر مره عامى
بركاتك يا عضوية
لاء كفايه بركات لحد كده بح
بالتوفيق الدائم وفى انتظار المزيد

منوراااااااااااااااااااااااااانى وبحبك تبقى موجوده ديما
وللمره المليون فرحانه جدا انى جيت المنتدى واتعرفت عليكم بجد ناس فى قمه الرقى

[محمد فهمي]

لا يادوك شِدي حيلك كده...مش عايزين حاجة تيجي علي حاجة تانية...كده نزعل بقه..ربنا يكرمك

" كان مالي ماكنت في حالي...مِتهني بقلبي الخالي.........!! "
لا دي مش بتاعتي...شوفيها انتي بقه بتاعة مين لو عايزه تعرفي

شِدي حيلك كده شوية يا (فنانة).. وربنا يوفقنا جميعاً.

[قطر الندى]

ربنا يخليكى يا قمر وأنا كمان بتمنى أتعرف عليكى أووووى
دا نورك حبيبتى ووجودك شئ بيسعدنى جداااااااااااااااا
وبالتوفيق يارب فى امتحاناتك ، اجدعنى وربنا معاكى

[DR.BIBO]

امولة ايه الابداع ده يابنتى وبعدين ماهو العامى معاكى جميل وعسول خالص
بجد تنفع غنوه زى العسل
والعنوان عجبنى اوى
فى انتظار المزيد يا اموله عامى وفصحى
نوعى التنويع هيخليكى تضيفى لكل شكل فيهم وهيخلينا نستمتع اكتر

[rose smile]

اموله الحلوة بقت طعمة وبقى لها شعر جديد
ياقلبى كل حاجة حلوة من ايدك
سواء عامى وغير عامى
بس جميلة جداااااااا وجاية ف وقتها فعلا
تسلمى ومن تقدم لتقدم والى الامام داااائما ياقلبى
وانا هقولك امل اهوت بس انا بالنسبالى بفضل لفلى اكتر تسلملى يارب

i
هههههههههههه
ربنا يخليكى ده بس من زوءك ياليندا
وليه بقى جايه فى وقتها اعترفى
وخلاص هقول يالفلى وانتى قولى روز عادى ده طبيعى اسم بنتى

لا يادوك شِدي حيلك كده...مش عايزين حاجة تيجي علي حاجة تانية...كده نزعل بقه..ربنا يكرمك

" كان مالي ماكنت في حالي...مِتهني بقلبي الخالي.........!! "
لا دي مش بتاعتي...شوفيها انتي بقه بتاعة مين لو عايزه تعرفي

شِدي حيلك كده شوية يا (فنانة).. وربنا يوفقنا جميعاً.

فنانه شكرا مره تانيه بس برده تلميذتكم
اشوفها بتاعت مين ليه هى مشهوره اوى كده
شكرا جزيلا لمرورك يادوك

ربنا يخليكى يا قمر وأنا كمان بتمنى أتعرف عليكى أووووى
دا نورك حبيبتى ووجودك شئ بيسعدنى جداااااااااااااااا
وبالتوفيق يارب فى امتحاناتك ، اجدعنى وربنا معاكى

شكرا وربنا يسهل ونخلص على خير
الله كريم

امولة ايه الابداع ده يابنتى وبعدين ماهو العامى معاكى جميل وعسول خالص
بجد تنفع غنوه زى العسل
والعنوان عجبنى اوى
فى انتظار المزيد يا اموله عامى وفصحى
نوعى التنويع هيخليكى تضيفى لكل شكل فيهم وهيخلينا نستمتع اكتر

انتى اللى عسوله والحمدلله انها عجبتك
لكن اكتب عامى نووووو نوووووووووو
بس هبقى اكتب على سبيل التسالى كده
ومنورانى ياحبى