-
Pharma Student
لا تسألونى عن النحيل او الذبول
لا تسألونى عن عيون مجهدة
لا تسألونى عن حديثى السخيف
لا تسألونى عن امال مهملة
فأنا ضياع فى ضياع مجدل
فرجاءا
عن حالى لا تصنعوا بلبلة
.........
فى وسط الزحام كانت تتوه عنى أحزانى
لكن الزحام ما عاد قادرا على خمد بركانى
بل يغرينى ان اصرخ كى انفس عما اعيانى
فأنا مخلوق منحوس وسوء الحظ أدمانى
..........
تقل الحمل
وانقسم ضهر الفرس
وجت ياعينى كبوته
وف الهم ماشى يتغرس
وكمنه كان عربى واصيل
والصبر دا طبعه الجميل
لساه بكابر على الحياه
مستنى يوم طوق النجاه
مستنى فرحه يرن الجرس
.....................
ليه الحلم رافض يسمعلى؟
وانا تعبت كتير وياه
كل ما اجى احضنه يمنعنى
ويخلينى اصرخ اااه
اتارى الحلم دا كدبه كبيرة
بنخلق بيها سبب لحياه
ايوا انا عارف انى انا يائس
بس حالى عالم به الله
.....................
قولولك سيبى نفسك
واسبحى ف بحر الغرام
احيى قلبك
وامسحى كل الالام
لا ياحبيبتى
او يوم تسمعيهم
حتى لو كتر الملام
حبى ف خيالك ياحبيبتى
حبى بس الحب لذاته
واستنى لما يجيلك قلب
يزرع فيكى كل حياته
يرسم بيكى طريق احلامه
تبنى معاه مجده وايامه
لكن يوم ما يجيبك ضايع
ويسرح بيكى للاوهام
ويعمل فيها عاشق ولهان
ابقى قوليله
يلا يابابا
اجرى بعيد
.............
)انا مين(
احترتوا فيا وبتسألونى انا ابقى مين؟؟
حبيتونى؟؟
حبيتوا ضحكه مرسومه ف عيونى؟؟
حبيتوا اسمى؟؟
وبتقولولى هوا نفسه رسمى؟؟
طب فكرتم مره تشوفوا
جوه الضحكه بخبى ايه؟؟
ولا كل واحد حب بس
انى اضحك
انى انكت
انى بس أألش عليه؟؟
لكن يوم ما افكر انى احزن
او انكد
تسألونى جرالك ايه؟؟
قلمك دا اسود كده ليه؟؟
ياجماعه حسوا بيا
افهموا نظرة عنيا
بتحكى حزن عايش من سنين
حتى صوت الضحك فيا
والكلام والميلاغيه
بيخفى فيه صرخ الانين
عرفتوا بقى انا ابقى مين
وللتخاريف بقية .....
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى