غير من نفسك

[DR.BIBO]

التغير شىء جميل وكل واحد فينا بيبقى عنده بعض العيوب اللى
يتمنى يغيرها فى نفسه ولكن هل ممكن يكون احد الناس اللى تعرفهم يكون السبب فى تغير حياتك او على الاقل يغير طريقة تفكيرك؟
وياترى الشخص ده لازم تكون بتحبه اوى ولاممكن تقابله قدرا ؟
وهل لازم يوجد الشخص ده ولا بما ان انت عارف عيوبك او على الاقل
بعضها ليه مبتحاولش تصلح من نفسك عشان تكون افضل ولا انت محتاج معجزة عشان تتغير؟
وانا هنا بتكلم عن كل انواع العيوب الكبيرة والصغيرة المؤثرة فى حياتك وعلاقاتك بالاخرين والغير مؤثره.
وفى النهاية ياريت ياجماعة اى حد كان ليه تجربة مع التغير يحكيلنا عنها يمكن تساعد ناس تانية انهم يتغيرو للاحسن.
واسفة للاطالة ويارب يكون الموضوع عجبكم ولو فى حد مش عاجبه حاجة فى الموضوع يقول وانا مستعدة لتقبل النقد.

وشكرا

[The Best Pharmacist]

بسم الله الرحمن الرحيم

ولكن هل ممكن يكون احد الناس اللى تعرفهم يكون السبب فى تغير حياتك او على الاقل يغير طريقة تفكيرك؟

ممكن

وياترى الشخص ده لازم تكون بتحبه اوى ولاممكن تقابله قدرا ؟

لأ مش شرط ..المهم ان الانسان ده يقودني للتفكير السليم

وهل لازم يوجد الشخص ده ولا بما ان انت عارف عيوبك او على الاقل

بعضها ليه مبتحاولش تصلح من نفسك عشان تكون افضل ولا انت محتاج معجزة عشان تتغير؟
قولي يا رب

واسفة للاطالة ويارب يكون الموضوع عجبكم ولو فى حد مش عاجبه حاجة فى الموضوع يقول وانا مستعدة لتقبل النقد.

شكرا بيبو ..والف مبروك على (آسفة )و(مستعدة ..انتي فاهمة قصدي طبعا

[SmSm]

زي مانتي قولتي ,,
التغيير شئ جميل جدا ..طالما للأحسن.
ساعات الواحد بيبقى حاسس ببعض عيوبه وقادر يحددها ..في الحالة دي في ناس بتقدر تغير من نفسها و في ناس بتحتاج اللي يوجهها للتغيير.. الحد ده أعتقد انك ممكن بتقابله قدرا أو انه حد قريب منك..في الحالتين.. بتحبه و تتواصل معاه.. ومن خلال الشعور ده بيساعدك على تغيير العيوب دي..
لكن في ناس مش بتبقى عارفة عيوبها..ومش قادرة تكتشفها..يمكن مفيش فرصة لكده..وساعتها بتحتاج حد يكون (قريب منها) عشان يقدر يلفت نظرها للحاجات دي ويبدأو يتناقشو مع بعض في كل ما موقف( يظهر فيه عيب ) يمر عليهم سواء بينهم وبين بعض أو بين أي حد فيهم و طرف آخر..ويفكرو ازاي كل واحد يساعد التاني في التغيير..........
ممكن االتغيير ده يحصل منغير ما يكون بمساعدة حد بتحبه .. لكنك بتضظر للتغيير من خلال موقف مر عليك ..وأخطأت فيه..وتأثرت بالنتيجة اللي ممكن تكون سلبية عليك..أو ان حد نبهك لضرورة اعادة التفكير..فبتغير العيوب اللي تم اكتشافها..

[monmona]

بجد موضوع جميل يابيبو تسلمي عليه

انا عن نفسي كانت فيا عيوب في فترة من الفترات نتيجة اختلاطي بمجموعة اصدقاء جديدة فرضتهم الظروف عليا في ثانوي
بس الحمد لله اتخلصت من العيوب دي لما راجعت نفسي وحددت علاقتي معهم
والحمدلله الواحد دايما بيحاول انه يتطلع للتغير للاحسن عشان يرضي ربنا
وفي رايي مش لازم تقابلي حد يغيرك
كلما تقربي من ربنا اكتر وتتطلبي من الهداية بنية صادقة هتلاقي نفسك بتتغيري للاحسن

[SHYMAA]

شكرا يا بيبو على الموضوع
الحمد لله تبنا ورجعنا الى الله
اتغيرنا والحمد لله وفعلا الفضل يرجع لشخص غالى عليا قوى
باحمد ربنا ان الشخص ده وقع فى طريقى
بجد عايزه اشكره قوى قوى قوى
ومهما عملت مش هاقدر ارد الجميل الجميل ده

[monosh]

كل اللى أقدرأقوله ان الإنسان بيعيش حياته عشان يتعلم ويعلم فى غيره ...


زى ما خدنا زمااااااااااااان...

البيئة هى الإطار الخارجى الذى يحيط بالإنسان يؤثر فيها ويتأثر بها...

حسب الظروف والمواقف اللى بتعترض حياتنا ...كل انسان بيكون شخصيته..

لو بتقابل مواقف صعبة فى حياتك ..ولحظات حزن وأسى كتير وصدمات فى ناس كنت فاكرهك أعز الناس.

أكيد هتكون مختلف عما تعيش بين ناس تحبك وتقدر قيمتك هتعيش فى سعادة وراحة نفسية وارتياح ضمير

أنك تكون متسامح على طوول مش ساذج غير انك تكون ديما قلوق وخايف من اللى حواليك...

يارب يكون قصدى وصل ....

تحياتى لكى يا دكتورة....

مرسيه ع التوبيك...

[DR.BIBO]

بسم الله الرحمن الرحيم

شكرا بيبو ..والف مبروك على (آسفة )و(مستعدة ..انتي فاهمة قصدي طبعا

شكراياجميل على الرد والله يبارك فيكى
-----

زي مانتي قولتي ,,
التغيير شئ جميل جدا ..طالما للأحسن.
ساعات الواحد بيبقى حاسس ببعض عيوبه وقادر يحددها ..في الحالة دي في ناس بتقدر تغير من نفسها و في ناس بتحتاج اللي يوجهها للتغيير.. الحد ده أعتقد انك ممكن بتقابله قدرا أو انه حد قريب منك..في الحالتين.. بتحبه و تتواصل معاه.. ومن خلال الشعور ده بيساعدك على تغيير العيوب دي..
لكن في ناس مش بتبقى عارفة عيوبها..ومش قادرة تكتشفها..يمكن مفيش فرصة لكده..وساعتها بتحتاج حد يكون (قريب منها) عشان يقدر يلفت نظرها للحاجات دي ويبدأو يتناقشو مع بعض في كل ما موقف( يظهر فيه عيب ) يمر عليهم سواء بينهم وبين بعض أو بين أي حد فيهم و طرف آخر..ويفكرو ازاي كل واحد يساعد التاني في التغيير..........
ممكن االتغيير ده يحصل منغير ما يكون بمساعدة حد بتحبه .. لكنك بتضظر للتغيير من خلال موقف مر عليك ..وأخطأت فيه..وتأثرت بالنتيجة اللي ممكن تكون سلبية عليك..أو ان حد نبهك لضرورة اعادة التفكير..فبتغير العيوب اللي تم اكتشافها..

كلامك مضبوط وانا بوافقك عله وشكرا على الرد
-----

بجد موضوع جميل يابيبو تسلمي عليه

انا عن نفسي كانت فيا عيوب في فترة من الفترات نتيجة اختلاطي بمجموعة اصدقاء جديدة فرضتهم الظروف عليا في ثانوي
بس الحمد لله اتخلصت من العيوب دي لما راجعت نفسي وحددت علاقتي معهم
والحمدلله الواحد دايما بيحاول انه يتطلع للتغير للاحسن عشان يرضي ربنا
وفي رايي مش لازم تقابلي حد يغيرك
كلما تقربي من ربنا اكتر وتتطلبي من الهداية بنية صادقة هتلاقي نفسك بتتغيري للاحسن

فعلا الاصدقاء بيفرقو فى حياه الانسان وممكن يخلوه يتغير سواء للاحسن او للاسوا عشان كده قالو زمان الصديق قبل الطريق وشكرا على ردك الجميل

[summer breeze]

موضوع جميل يابيبو هقلك حاجه بتهيالي مفيش حد مش عارف عيوبه لان كل انسان ادرى بنفسه بس اللي بيحصل ان البني ادم بيتعايش مع عيوبه دي وبيلاقي اللي بيسكتوله عليها لانهم ببساطه هما كمان اتعودوا عليها وللاسف قرروا هما كمان يتعاملوا معاها بسلبيه ويتقبلوها والنتيجه بتبقى انسان بيبقى عنده خلل ما في حياته الاجتماعيه وللاسف الخلل دا ممكن يكلفه كل اللي حواليه لو عجز انه يتخلص منه هعطيكي مثال بسيط يعني مثلا ولد متعوددايما على الخناق والزعيق والصوت العالي ييجي يزعق على اخوه ولاحاجه ويقعد يشتم ويطول لسانه تيجي الام تقول لاخوه مانتا عارف انه عصبي بتشد معاه ليه ؟؟؟؟؟؟ سلوك سلبي طبعا من الام هيبقى نتيجته ان الولد دا هيفضل طول عمره يتعصب ويعلي صوته لانه فاكر ان عصبيته دي شيء مسلم بيه لازم الكل يتقبله زي ماعيلته تقبلته بنت مثلا غيوره اي بنت صاحبتها تجيب حاجه جديده ماما هتيلي زيها وطبعا من باب ان الام تدلعها هتجيبلها طبعا وتشتريلها كل اللي هيا عايزاه علشان تبقى احسن من الكل طبعا هي فاكره انها كده بتدلعها وهي في الحقيقه بتطلع بنت غير قنوعه ذات شخصيه متطلبه جدا وعمر ماحد هيقدر يعيش معاها لان مفيش حاجه هتملا عينيها طول ماهي باصه للي في ايد غيرها وهكذا ........ اما عن التغيير فالتغيير لازم ييجي مبدئيا من داخل الشخص نفسه هو اللي لازم يقتنع ان دا طبع وحش لازم يتخلص منه وبتهيالي هو مش هيحس بكدا الا اذا حس ان الطبع دا بياذي حد هو بيحبه او لو كان بيعمل حاجه تغضب ربنا وفجاه تاب وحس ان كدا حرام ومينفعش اكيد التغيير صعب ومحتاج وقت بس مع وجود العزيمه والرغبه بعد الاعتماد على ربنا سبحانه وتعالى مفيش مستحيل
مشكوووووووووره كتييييييير يابيبو ع الموضوع الجميل تقبلي مروري وسوري على الاطاله