صفحة 2 من 2 الأولىالأولى 12
النتائج 11 إلى 16 من 16

الموضوع: لمن يهمه الأمر-إصلاح التعليم الصيدلي

  1. #11
    Pharma Student
    تاريخ التسجيل
    Sep 2008
    المشاركات
    3,366

    افتراضي

    بشرى سارة:لقد قام طلاب الفرقة الثالثة بكلية الصيدلة جامعة المنصورة بتأليف
    الجزء الأول من موسوعة "التقيم الكيميائى والبيولوجى والاكلينيكى للمنتجات الطبيعية" باللغة الانجليزية وبالألوان-يقع فى 1025 صفحة شاملة المراجع ومدعما بالأقراص المدمجمة وتم انجازه فى 10 أيام وسوف يتم ايداع نسخة فى مكتبة كلية الصيدلة ليستفيد منها الباحثون والطلاب والعاملون فى صناعة الدواء والأطباء وهيئات التمريض

    انتظروا قريبا الجزء الثانى مع شكرى لأولادى معاونى أعضاء هيئة التدريس مروة ويحي وأحمد وايمان ,ايمان
    بجد

    طب اللى عايز يشوف الجزء الاول يعمل ايه

  2. #12
    Pharma Student
    تاريخ التسجيل
    Nov 2007
    الدولة
    Mansoura
    المشاركات
    799

    افتراضي

    تحت أمركم ف أي حاجة يا دكتور أنا ف الكلية دبلومة بيو

  3. #13

    افتراضي

    اقتباس المشاركة الأصلية كتبت بواسطة muna7assan مشاهدة المشاركة
    بجد

    طب اللى عايز يشوف الجزء الاول يعمل ايه
    أعتقد انه هيبقى فى مكتبة الكلية


    اقتباس المشاركة الأصلية كتبت بواسطة dr..asma مشاهدة المشاركة
    تحت أمركم ف أي حاجة يا دكتور أنا ف الكلية دبلومة بيو
    أهلا يادكتورة
    شكرا جزيلا على هذا الرد التعاونى
    لكن الفكرة تنبثق من تعدد وجهات النظر
    والمحاور المختلفة التى من الممكن ان تستخدم لتناول الموضوع الواحد
    لذلك أتمنى من حضرتك أن تكتبى فى النقاط التى تم تحديدها
    فى المشاركة الرئيسية
    وجزاكم الله خيرا ..

  4. #14
    Pharma Student
    تاريخ التسجيل
    May 2008
    الدولة
    مصر
    المشاركات
    58

    افتراضي

    الفكرة جميلة جدا بصراحة واكيد اللى جاى لمصر احسن ان شاء الله وبما انى تركت حقل التعليم من كام سنة فاهم حاجة في كل حاجة ان يكون فيه ربط بين الحياة العملية والعلمية ده اهم حاجة واداب التعامل مع المريض وحقوق وواجبات الصيدلي تجاه المهنة بتاعته وتجاه المريض وتجاه المكان وكل الحاجات دى وربنا يوفق للي فيه الخير ان شاء الله

  5. #15
    Pb Elite
    تاريخ التسجيل
    Jul 2008
    الدولة
    in my wishes
    المشاركات
    1,840

    افتراضي

    والله يادكتور عبد الرحمن انا بقالي كتير جدا مدخلتش ع المنتدى بس فعلا اصرارك على انك تعمل حاجه دا جدير بالاعجاب والتقدير انا مش عايزه اكون من الناس برضه اللي تحبطك او تقلل من عزيمتك بس في نفس الوقت انا تعبت من شغل الورق اللي بيفضل في المكاتب دا عشان كدا انا هقول الكلمتين اللي في ضميري وخلاص شوف يادكتر مساله تطوير الوضع الصيدلي دا شيء عبثي جدا ومش ممكن يتحقق وهيفضل حبر على ورق طول ما الموضوع مقتصر على الصيادله بس بص يادكتور عشان الوضع الصيدلي والمهنه والتعليم يتصلحوا لازم الصيادله يقعدوا مع الدكاتره على مستوى الكوادر العلميه والجامعيه وكمان على مستوى النقابات المهنيه ويتم اتخاذ اجراءات رادعه وقوانين منظمه لان في حاجات كتير جدا غلط وكله بيغض الطرف عنها ووزاره الصحه تتصلح من جوا لان وضع الدوا في مصر دا بقى مثير جدا للسخريه احنا وصلنا لادويه لا جواها نشره ولا مكونات ولا اي شيء يدل على هويه الدوا دا ايه ودا فعلا وضع مرير والله وحاجه تزعل بجد المساله مش مساله مناهج المساله اكبر من كدا بكتير ماالكتب مليانه كلام انا كصيدلي بحاول انمي معلوماتي بعد مااتخرجت عشان ماانساش وافضل دايما ابديتت بس ايه اللي بيحصل براكم معلومه على معلومه نفسي اوظف المعلومه اللي عندي دي نفسي اخرجها وافيد بيها الناس بس للاسف دا مبيحصلش لان فعلا الصيدلي عندنا مجرد ديسبنسر مش اكتر محنا خدنا ابسوربشن واليمينيشن وداينامك وكينتكس ونقيس الباراميتارز دي عند المريض ونعمل ادجستمنت للدوز بناء عليها فين الكلام دا بيحصل فين دا الدور التخيلي للصيدلي في بلدنا الكلام دا لازم يتفعل مش تبقى 57357 ومستشفيتين كمان على مستوى البلد دي كلها اللي فيهم صيادله بيشتغلوا كدا والباقي ميعرفوش عن الكلام حاجه اكتر من معلوماتهم عنه في الكتب تاني حاجه لازم يكون في لينك بين مايحدث على ارض الواقع واللي بناخده وبنتعلمه منعدشي ناخد المنثا والهيبسكس طول عمرنا ونعمل سابوزيتوري وتيتراشن وبعدين الطالب يروح الصيدليه مش عارف مثلا قلم الانسولين دا شكله ايه وبيستخدم ازاي الا اذا كان حد من افراد عيلته عنده القلم ساعتها بيبقى عارف من خبرته في البيت مش لانه اتعلمه في الكليه ولا يتقله هات كانيولا ولا اسطره او سكالب حاجات طبعا ولا نعرف عنها حاجه بتتحط فين ولا بتعمل ايه هو الكلام دا لازم يكون موجود في السكاشن والطلبه تمسكه وتجربه بنفسها لان مفيش صاحب صيدليه هيخليك تفتح قلم انسولين ابو 90 جنيه وتقعد تجرب فيه دي شويه نماذج بس فيما يختص بالعمليه التعليميه تاني حاجه لازم يكون في توعيه بالمهن المتاحه قدام الصيدلي بعد التخرج في كل مكان لازم الكليه تنظم رحلات علميه زي المدارس في اميركا كدا الطلبه كلهم رايحين متحف العلوم المدرسه مطلعه رحله عشان الطالب يبقى اوير بمعنى كلمه متحف ويشوف بنفسه ويعيش الاحساس الكليه برضه تطلع رحلات على مدار ال5 سنين الدراسيه للمستشفيات عشان الطالب يشوف الصيدلي الحكومي دا بيعمل ايه يروحوا الادارات الصيدليه ويشوفوا الصيدلي الرقابي برضه دوره ايه الصيادله بتوع المصانع بتوع الرقابه على الجوده الدوائيه صيادله المستشفيات المتخصصه زي الكلى والاورام والكبد دا كله بيساعد الطالب انه يبدا يحدد توجهاته من بدري ويعرف هو عايز يروح فين بدل ماهو بيتخرج ماهواش عارف يعمل ايه عشان كدا تلاقي اغلب الخريجين يامندوبين يا واخدين تكليف وخلاص وبقيه الوظائف دي ابواب غير مطروقه ومش وارده لان اغلبنا ميعرفش عنها حاجه والكلام دا تطبيقه مش صعب على فكره المساله تنظيميه بحته وعلى مدى 5 سنين سهل جدا الكليه تخلي الطالب يزور الاماكن دي كلها مع الاخد بالنظر ان الزيارات دي اجباري مش اختياري زي ماقلت برضه الموضوع كبير ومحتاج صحوه من الكل وعلى راسهم وزاره الصحه والنقابات سواء نقابه الصيادله او الدكاتره لانهم هما الاساس صيدليات مش عايزين بتاتا نشوف غير صيدلي واقف في صيدليه عايزين صيدليات نظيفه من جوا مش صيدليه الناس تدخلها تعيي منها عاوزين دكاتره بيراعوا ضميرهم ومش عايزين ديلز مع المندوبين عشان رحله ولا وجبه عشا النماذج دي لازم نخلص منها باختصار عاوزين صحوه ضمير في شتى المواقع المخالف فورا يتعاقب عشان يبقى عبره لغيره احنا محتاجين حسم وشده مش لين وطبطبه لان هو دا اللي ودا الدنيا في داهيه
    معلش يادكتور كما هي العاده اتكلمت كتير جدا بس معلش اعذرني ويارب نعيش لما نشوف اليوم اللي تتصلح فيه الاوضاع ونحس فعلا بالفرق بالتوفيق في المشروع ربنا معاكم

  6. #16

    افتراضي

    اقتباس المشاركة الأصلية كتبت بواسطة 3slaya مشاهدة المشاركة
    الفكرة جميلة جدا بصراحة واكيد اللى جاى لمصر احسن ان شاء الله وبما انى تركت حقل التعليم من كام سنة فاهم حاجة في كل حاجة ان يكون فيه ربط بين الحياة العملية والعلمية ده اهم حاجة واداب التعامل مع المريض وحقوق وواجبات الصيدلي تجاه المهنة بتاعته وتجاه المريض وتجاه المكان وكل الحاجات دى وربنا يوفق للي فيه الخير ان شاء الله
    شكرا جزيلا على إعجابك بفكرة الموضوع وننتظر مشاركات فعالة
    بإن الله تعالى

    اقتباس المشاركة الأصلية كتبت بواسطة summer breeze مشاهدة المشاركة
    والله يادكتور عبد الرحمن انا بقالي كتير جدا مدخلتش ع المنتدى بس فعلا اصرارك على انك تعمل حاجه دا جدير بالاعجاب والتقدير انا مش عايزه اكون من الناس برضه اللي تحبطك او تقلل من عزيمتك بس في نفس الوقت انا تعبت من شغل الورق اللي بيفضل في المكاتب دا عشان كدا انا هقول الكلمتين اللي في ضميري وخلاص شوف يادكتر مساله تطوير الوضع الصيدلي دا شيء عبثي جدا ومش ممكن يتحقق وهيفضل حبر على ورق طول ما الموضوع مقتصر على الصيادله بس بص يادكتور عشان الوضع الصيدلي والمهنه والتعليم يتصلحوا لازم الصيادله يقعدوا مع الدكاتره على مستوى الكوادر العلميه والجامعيه وكمان على مستوى النقابات المهنيه ويتم اتخاذ اجراءات رادعه وقوانين منظمه لان في حاجات كتير جدا غلط وكله بيغض الطرف عنها ووزاره الصحه تتصلح من جوا لان وضع الدوا في مصر دا بقى مثير جدا للسخريه احنا وصلنا لادويه لا جواها نشره ولا مكونات ولا اي شيء يدل على هويه الدوا دا ايه ودا فعلا وضع مرير والله وحاجه تزعل بجد المساله مش مساله مناهج المساله اكبر من كدا بكتير ماالكتب مليانه كلام انا كصيدلي بحاول انمي معلوماتي بعد مااتخرجت عشان ماانساش وافضل دايما ابديتت بس ايه اللي بيحصل براكم معلومه على معلومه نفسي اوظف المعلومه اللي عندي دي نفسي اخرجها وافيد بيها الناس بس للاسف دا مبيحصلش لان فعلا الصيدلي عندنا مجرد ديسبنسر مش اكتر محنا خدنا ابسوربشن واليمينيشن وداينامك وكينتكس ونقيس الباراميتارز دي عند المريض ونعمل ادجستمنت للدوز بناء عليها فين الكلام دا بيحصل فين دا الدور التخيلي للصيدلي في بلدنا الكلام دا لازم يتفعل مش تبقى 57357 ومستشفيتين كمان على مستوى البلد دي كلها اللي فيهم صيادله بيشتغلوا كدا والباقي ميعرفوش عن الكلام حاجه اكتر من معلوماتهم عنه في الكتب تاني حاجه لازم يكون في لينك بين مايحدث على ارض الواقع واللي بناخده وبنتعلمه منعدشي ناخد المنثا والهيبسكس طول عمرنا ونعمل سابوزيتوري وتيتراشن وبعدين الطالب يروح الصيدليه مش عارف مثلا قلم الانسولين دا شكله ايه وبيستخدم ازاي الا اذا كان حد من افراد عيلته عنده القلم ساعتها بيبقى عارف من خبرته في البيت مش لانه اتعلمه في الكليه ولا يتقله هات كانيولا ولا اسطره او سكالب حاجات طبعا ولا نعرف عنها حاجه بتتحط فين ولا بتعمل ايه هو الكلام دا لازم يكون موجود في السكاشن والطلبه تمسكه وتجربه بنفسها لان مفيش صاحب صيدليه هيخليك تفتح قلم انسولين ابو 90 جنيه وتقعد تجرب فيه دي شويه نماذج بس فيما يختص بالعمليه التعليميه تاني حاجه لازم يكون في توعيه بالمهن المتاحه قدام الصيدلي بعد التخرج في كل مكان لازم الكليه تنظم رحلات علميه زي المدارس في اميركا كدا الطلبه كلهم رايحين متحف العلوم المدرسه مطلعه رحله عشان الطالب يبقى اوير بمعنى كلمه متحف ويشوف بنفسه ويعيش الاحساس الكليه برضه تطلع رحلات على مدار ال5 سنين الدراسيه للمستشفيات عشان الطالب يشوف الصيدلي الحكومي دا بيعمل ايه يروحوا الادارات الصيدليه ويشوفوا الصيدلي الرقابي برضه دوره ايه الصيادله بتوع المصانع بتوع الرقابه على الجوده الدوائيه صيادله المستشفيات المتخصصه زي الكلى والاورام والكبد دا كله بيساعد الطالب انه يبدا يحدد توجهاته من بدري ويعرف هو عايز يروح فين بدل ماهو بيتخرج ماهواش عارف يعمل ايه عشان كدا تلاقي اغلب الخريجين يامندوبين يا واخدين تكليف وخلاص وبقيه الوظائف دي ابواب غير مطروقه ومش وارده لان اغلبنا ميعرفش عنها حاجه والكلام دا تطبيقه مش صعب على فكره المساله تنظيميه بحته وعلى مدى 5 سنين سهل جدا الكليه تخلي الطالب يزور الاماكن دي كلها مع الاخد بالنظر ان الزيارات دي اجباري مش اختياري زي ماقلت برضه الموضوع كبير ومحتاج صحوه من الكل وعلى راسهم وزاره الصحه والنقابات سواء نقابه الصيادله او الدكاتره لانهم هما الاساس صيدليات مش عايزين بتاتا نشوف غير صيدلي واقف في صيدليه عايزين صيدليات نظيفه من جوا مش صيدليه الناس تدخلها تعيي منها عاوزين دكاتره بيراعوا ضميرهم ومش عايزين ديلز مع المندوبين عشان رحله ولا وجبه عشا النماذج دي لازم نخلص منها باختصار عاوزين صحوه ضمير في شتى المواقع المخالف فورا يتعاقب عشان يبقى عبره لغيره احنا محتاجين حسم وشده مش لين وطبطبه لان هو دا اللي ودا الدنيا في داهيه
    معلش يادكتور كما هي العاده اتكلمت كتير جدا بس معلش اعذرني ويارب نعيش لما نشوف اليوم اللي تتصلح فيه الاوضاع ونحس فعلا بالفرق بالتوفيق في المشروع ربنا معاكم

    جزاكم الله خيرا يادكتورة
    اللى حضرتك طرحتيه واقع حقيقى
    ولكنه لايمكن أن يثنينا عن استمرار محاولات الإصلاح
    فى خلال ال6 شهور الأخيرة
    تبيانيت حالتى بين الإحباط والتفاؤل
    ولكنى تأكدت فى النهاية
    أن كل إنسان قادر على التغيير
    وان يوجه دفة حياته حيثما يشاء
    طالما كان لديه الإيمان والمعتقد
    والعزيمة لتحقيق أفكاره
    المهمة لدينا هنا مهمة كبيرة
    وهى تغيير ثقافة مجتمع
    ولايمكن ان نصل الى هدف كبير
    بسهولة أو بساطة
    فقد أهيقت دماء
    لتغيير نظام
    هذه الدماء لن ننساها
    وسأضحى بالغالى والنفيس
    كى أحقق مهمتى
    بالقدر الذى أستطيع
    لذلك التضحية ببعض الوقت والجهد
    واحتمال ضربات الأحباط لن تقارن بالنفس التى أزهقت
    أنه جزء بسيط مما يمكن رده لهؤلاء الذين ساهموا
    ساهموا فى إعادة دفة بلادهم الى الأتجاه الصحيح
    ولكن لازالت العواصف العاتية تهدد وتتوعد
    وواجبنا الأن ان نستلم هذه الدفة ونحرص
    على سلامة السفينة وصحة توجهها
    المهم أننى أعتقد ان تحقيق المهام الكبيرة
    -مثل مهمتنا هذه-
    يسهل بتحويلها الى
    عدة مهام صغيرة موقوتة بخطة زمنية
    قابلة للتنفيذ
    تعلمت أيضا ان التوثيق لأى محاولة
    لتنفيذ عمل
    -حتى لو لم يكتمل هذا التنفيذ-
    أمرا هام حتى يعلم من سيكمله
    ماهى المعيقات التى منعت التنفيذ
    ويتلافى تكرارها أو الوقوع فيها مجددا
    لذلك لا بأس أبدا بأن نكتب ونحتفظ بما كتبنا
    فقد يكون بمثابة كنز فى المستقبل
    أو لأصحاب الأفكار الواحدة المشتركة
    الخطوة الحالية تتطلب
    أكبرقدر من توثيق المشكلات
    وتحليلها
    لذلك أرجو مجددا من برغب فى الإشتراك
    بتوضيح النقاط التى ذكرتها فى المشاركة الأساسية
    كى يتسم التوثيق بالوضوح والمنطقية المتدرجة
    التى يسهل معها التحليل واستنتاج مخرجات
    أريد فى النهاية أن أوضح
    أن المشكلة الأساسية فى الحالة التى نعيشها
    أننا نظن أننا بمفردنا
    وأنه لا يوجد محاولات للإصلاح بشكل كافى
    ولكن سنة الله فى الأرض التدرج
    وصدقونى
    هناك أخرين يعملون بجد واجتهاد
    ودون أن نعلم بوجودهم
    ليرفعوا من رفعة هذا الوطن
    ولعل اكتشافى لهذا الأمر
    هو دافعى الجديد فى الاستمرار
    والعمل على هذه المهمة
    عسى أن يأتى اليوم الذى نلتقى
    فيه جميعا عند حلمنا المشترك
    وأترك لكم هذه الصورة


    لا يمكنك أبدا أن تعرف كم أنت قريب من تحقيق حلمك
    لذلك فاليأس ليس خيارا لنا
    You never Fail until you give up
    التعديل الأخير تم بواسطة عبدالله عبدالرحمن ; 21-02-2012 الساعة 06:59 AM

صفحة 2 من 2 الأولىالأولى 12

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •