صفحة 1 من 2 12 الأخيرةالأخيرة
النتائج 1 إلى 10 من 18

الموضوع: "كرسى إعتراف لنور المنتدى "د/هبة مرسى "

  1. #1
    Pharma Student
    تاريخ التسجيل
    Oct 2011
    الدولة
    مصر
    المشاركات
    541

    Thumbs up "كرسى إعتراف لنور المنتدى "د/هبة مرسى "

    بسم الله الرحمن الرحيم :
    ومعاااااااااااااااانا اليوم "نور المنتدى " د/هبة مرسى ع كرسى الاعتراف
    منورة جدآآآآ يابيبو :
    بصى بقا :انتى سألتى كل الناس :محتاجين بقا نسأل ومش تزعلى
    لما نطول بقا ونرخم
    يلااااااااا بقا جاوبى ع اسئلتى البسيطه دى :لغايه ما افكرلك فى حاجات تانيه ؟



    اسمك ،وسنك ،ومش مهم عنوانك :P
    مين الى سماكى "هبه ؟ وليه ؟
    بتلعبى رياضه ؟ايه هيا ؟
    لو قولتلك اوصفى هبه من الداخل هتقولى ايه ؟
    هل فكرتى تقتلى ؟
    قولى رساله :لبابا وماما ،لاخواتك ،للريس ،لمصر ،للمنتدى ؟
    ايه اكتر حاجه تفرحك ؟؟
    مين اكتر حد بتحكيله لما بتضايقى ؟
    فى حد هنا ف المنتدى عايزة تقوليله حاجه بس مش عارفه ؟
    هبه بيبو مواصفات فارس احلامها ايه ؟وهل فى حد شايفاه كدا ؟
    اولادك هتسميهم ايه ؟
    لو قدرت تجيبى نجمه من السما هتديها لمين ؟
    مين اصحاب الفضل عليكى ؟
    كفايا كدا مؤقتا:P
    إنطلقى بقاااااااااااااااااااااا
    rl]

    التعديل الأخير تم بواسطة امانى* ; 31-08-2012 الساعة 01:46 AM

  2. #2
    Pharma Student
    تاريخ التسجيل
    Feb 2008
    الدولة
    فى حب الله
    المشاركات
    1,641

    افتراضي

    منورة الكرسى يا بيبو يا قمر وأهلاااااااااابيكى معانا ،
    الكرسى شكله مريح على الآخرتسلم إيديك يا مون
    وفى انتظار إجاباتك ،وإن شاء الله هدخل تانى ،أفكر بس فى أسئلة ^_^
    ولو محتاجة أى مساعدة قولى بس


  3. #3
    Pb Elite
    تاريخ التسجيل
    Nov 2007
    المشاركات
    2,342

    Smile

    اقتباس المشاركة الأصلية كتبت بواسطة امانى* مشاهدة المشاركة
    بسم الله الرحمن الرحيم :
    ومعاااااااااااااااانا اليوم "نور المنتدى " د/هبة مرسى ع كرسى الاعتراف
    أولا متشكرة جدا يامون وكلامك ده كتير عليا أوى بجد
    منورة جدآآآآ يابيبو :
    بصى بقا :انتى سألتى كل الناس :محتاجين بقا نسأل ومش تزعلى
    لما نطول بقا ونرخم
    يلااااااااا بقا جاوبى ع اسئلتى البسيطه دى :لغايه ما افكرلك فى حاجات تانيه ؟
    براحتك يابنوته أسألى براحتك خالث وأى حد حابب يسألنى بجد ديه حاجة تسعدنى وتشرفنى أسألوا براحتكو ميهمكوش


    اسمك ،وسنك ،ومش مهم عنوانك :P
    اسمى هبه

    سنى 22 سنه و5 شهور و17 يوم بالتمام
    مين الى سماكى "هبه ؟ وليه ؟
    ماما
    وليه انتى ليه سألتينى السؤال ده يامون بصى يابنوته قبل ما اتولد يوم 13 /3/ 1989 اتولد أخوى الكبير طارق وبعد 6 شهور اتوفى فطبعا وفاة أول طفل ديه بتبقى صعبة أوى وعشان انا اتولدت بعده بسنه وفى نفس اليوم تقريبا او بعده بيوم ماما اعتبرتنى هدبه من ربنا ليها بيعوضهم بيها عن طارق لدرجة ان كان نفسها تسمينى هديه بس اختاروا هبه عشان كده

    بتلعبى رياضه ؟ايه هيا ؟
    لا للاسف مبلعبش رياضة روحت الجيم فترة بس مستمرتش لان معنديش وقت
    لو قولتلك اوصفى هبه من الداخل هتقولى ايه ؟
    امممم ممكن نقول واحدة عايزة تعيش حياتها وتسمتع بيها أوى من غير ماتغلط ولا تجرح أى حد مبتشغلش بالها أوى ببكرة لأنها واثقة ان ربنا كاتبلها الخير ومع كده بتجتهد انها تعمل لنفسها مستقبل كويس متفائلة أوى وبتحاول تبص على النص المليان من الكوبايه عشان تعرف تستمتع بالحياه كفايه عليكى كده بقى
    هل فكرتى تقتلى ؟
    ههههه لأ ليه ممكن لما اخواتى بينرفزونى قوى بقولهم كده بس بيتهيألى ان فى مليوووووون طريقه فى الدنيا ممكن نوصل بيها للى احنا عايزينه غير القتل
    قولى رساله :لبابا وماما ،لاخواتك ،للريس ،لمصر ،للمنتدى ؟
    لبابا : بحبك أوى وبفرح أوى لما أحس انك فرحان بيا ولما بشوف نظرة الفرحة ديه فى عنيك بالدنيا كلها عندى والله
    لماما: صاحبتى اللى بتفهمنى وببقى مبسوطة أوى بفرحتك بيا وصحيح قلقك عليا كتير شويه بس بيدينى إحساس جميل أوى بالأمان

    اخواتى: بحبكو أوى والله العظيم عارفة اننا ساعات كتير بنتخانق بس اللى انا متأكده منه انى أسعد لحظات حياتى لما بكون معاكو بنهزر أو بنفكر أو بنتناقش لما بتنجحو فى حياتكو ببقى مبسوطة قوى لانى بحس ان نجاحكو من نجاحى
    عبدالله :بجد وجودك فى حياتى مهم أوى ودايما بتخلينى أفكر بشكل مختلف بحس دايما ان انت أخوى الكبير مش العكس
    محمود: أجمل وأحن أخ فى الدنيا ساعات كتير بتغلبنى بس بحبك أوى خد بالك على نفسك وانجح انت هيبقى ليك مستقبل جميل بإذن الله

    للريس:مصر أمانه صعب على أى حد انه يشيلها لوحده وبصراحه أنا انتخبتك غصب عنى ونفسى أوى انى أقول انى فخورة ان مصر كان فيها رئيس زيك وحلمى أشوف مصر دوله من دول العالم الأول فى العلم والتكنولوجيا نفسى ميبقاش فى ناس تحت خط الفقر نفسى ميبقاش فى إهانه لأى مصرى لاجوه بلده ولا ولابراها نفسى نعيش من غير روتين حكومى وبيروقراطيه ووسايط نفسى نظام التعليم يتغير نفسى أشوف الجناين والخضرة ماليه مصر يااااااااااه نفسى فى حاجات كتير أوى بس ببساطة راعى ضميرك فى مصر وربنا يعينك
    للمنتدى: كل أعضاؤه أهلى واخواتى المكان اللى بجد بحس انى فيه عايشه على طبيعتى ومطمنه انى فى بيتى بجد
    ايه اكتر حاجه تفرحك ؟؟
    لما أحس ان فى حد مضايق وأنا قدرت أخرجه من حزنه
    لما أحس انى نجحت فى تحقيق حاجة كنت عايزاها
    لما أحس انى غاليه ومهمه فى حياة الناس اللى بحبهم
    مين اكتر حد بتحكيله لما بتضايقى ؟
    لما بفرح أو بتضايق بيبقى حد من البنات ديه كل وقت وظروفه اللى بتكلمنى ساعتها او اللى بحس انى محتاجة أسمع رأيها كلهم بثق فيهم جدا وبيفرق معايا رأيهم بالرغم من اختلاف شخصياتهم وطريقة تفكيرهم (منى,أميرة,نونه,أمنيه, هبه )
    فى حد هنا ف المنتدى عايزة تقوليله حاجه بس مش عارفه ؟
    لا مبيتهيأليش أى حاجة عايزة أقولها لأى حد هنا على المنتدى بقولها لأنى زى ماقولتلك بعتبر كل أعضاؤه أهلى واخواتى
    هبه بيبو مواصفات فارس احلامها ايه ؟وهل فى حد شايفاه كدا ؟
    امممم ممكن أقول كلام كتير أوى بس أنا هقول نفس الاجابه اللى قولتها قبل كده كذا مرة ويمكن يكون معظم اللى يعرفونى سمعوها منى أنا عندى مفهوم للحب الانسان اللى هيخلينى أحس اننا ممكن نحققه مع بعض هيبقى ده فارس أحلامى بصى يابنوته الحب بالنسبالى هو (الراحة والأمان،الاطمئنان فى رضا الرحمن ، الاهتمام،الثقة والاحترام ، الفهم بدون كلام ) الموضوع بسيط والله أول ما الاقيه هقولك يامون
    اولادك هتسميهم ايه ؟
    بصى هو فى أسامى كتير أوى بحبها وأكيد يعنى الانسان اللى هتجوزه هيختار معايا ان شاء الله فى البنات(سارة -سمر -ملك -نور-شهد)
    فى الاولاد(عبدالرحمن _ على -يوسف- مروان -مازن)

    لو قدرت تجيبى نجمه من السما هتديها لمين ؟
    اممم فى ناس كتير أوى يامون بحبهم أوى وغالين عليا أوى وممكن أديهم عمرى كله وأنا راضيه بس اللى حاسه دلوقتى انى عايزة أديله النجمة ديه وهتفيده وتفرق معاه هو انتى يامون ربنا يسعدك دايما يارب خدى بالك على نفسك انتى لسه ما اتخبطيش فى الدنيا
    مين اصحاب الفضل عليكى ؟
    ياااااااااه كتير أوى يابنتى والله ناس كتير أوى ساعدونى فى حياتى وغيرولى طريقة تفكيرى ومش دايما بيبقو ناس ساعدتنى ممكن ناس جرحتنى وجرحها خلانى فهمت الدنيا بشكل مختلف ومش لازم اللى يجرحك يبقى قاصد ممكن اللى يجرحك يبقى فاهم انه كده بيساعدك او بيساعد نفسه حدوته طويله كده ماعلينا
    هقولك بس على أسامى الناس اللى غيرت حياتى تغيير جذرى ماما وبابا وعمتى وأستاذ محمد مجاهد مدرس العربى فى ثانوى وأستاذ فوزى مدرس العربى فى اولى ثانوى وناس كتير أوى من أصحابى وأى حد قابلته فى حياتى وعلمنى حاجة حتى لو بمجرد كلمة قالها وخلتنى أفكر بشكل مختلف بعتبره صاحب فضل عليا

    كفايا كدا مؤقتا:P
    إنطلقى بقاااااااااااااااااااااا
    rl]

    على فكرة شكل الكرسى حلو أوى

    كل ديه أسئلة بسيطة يامون ده أنا بقالى ساعه بجاوب بس بجد أسئلة فى الجون تسلمى ياقمرايه مستنيه باقى الاسئله وربنا يستر



    ---------- Post added at 11:27 AM ---------- Previous post was at 11:14 AM ----------

    اقتباس المشاركة الأصلية كتبت بواسطة قطر الندى مشاهدة المشاركة
    منورة الكرسى يا بيبو يا قمر وأهلاااااااااابيكى معانا ،
    الكرسى شكله مريح على الآخرتسلم إيديك يا مون
    وفى انتظار إجاباتك ،وإن شاء الله هدخل تانى ،أفكر بس فى أسئلة ^_^
    ولو محتاجة أى مساعدة قولى بس

    الكرسى منور بيكو وبوجودكم ياسمسم
    فكرى براحتك وعلى أقل من مهلك خالث ^_*
    شكلى كده هحتاج مساعده قريب جدا

  4. #4
    Pharma Student
    تاريخ التسجيل
    Feb 2008
    الدولة
    فى حب الله
    المشاركات
    1,641

    افتراضي

    أهلاا بيكى مرة تانية يابيبو
    دى بقى أسئلة بسيطة كده ^_^
    حسيتى فى وقت من الأوقات إنك مش راضية عن نفسك؟أو ندمانة على قرار أخدتيه؟
    بتتمنى تحققى إيه فى المستقبل بإذن الله ؟
    أكتر لون بتحبيه؟
    بتحبى تقرأى لمين؟وأخر كتاب قرأتيه؟
    مين مثلك الأعلى ؟
    كفاية كده للوقتى وبتمنى مكنش طولت عليكى
    بالتوفيق

  5. #5
    Pb Elite
    تاريخ التسجيل
    Nov 2007
    المشاركات
    2,342

    Smile

    اقتباس المشاركة الأصلية كتبت بواسطة قطر الندى مشاهدة المشاركة
    أهلاا بيكى مرة تانية يابيبو
    أهلا بيكى ياسمسم منورانى ياقمرايه
    دى بقى أسئلة بسيطة كده ^_^
    حسيتى فى وقت من الأوقات إنك مش راضية عن نفسك؟أو ندمانة على قرار أخدتيه؟
    دلوقتى حاسه انى خايفه أكون غلطت فى قرار أخدته ونتيجته انى اتظلمت ومخدتش حقى بس فى نفس الوقت مش قادرة أندم على طيبتى مع ناس متستاهلهاش
    بتتمنى تحققى إيه فى المستقبل بإذن الله ؟
    بتمنى انى اكون انسانه بجد وانى أنجح فى فى انى اثبت نفسى فى اى مجال أدخل فيه
    أكتر لون بتحبيه؟
    الروز والازرق
    بتحبى تقرأى لمين؟وأخر كتاب قرأتيه؟
    دكتور مصطفى محمود ودكتور أحمد خالد توفيق دكتور معتز بالله عبد الفتاح وبقرأدلوقتى فى رواية عزازيل ليوسف زيدان
    مين مثلك الأعلى ؟
    امممممم مفيش حد معين بحب أخد من كل حد الحاجة الحلوة اللى فيه وأجمعها وأطلع شخصيتى توليفة كده ^_^
    كفاية كده للوقتى وبتمنى مكنش طولت عليكى
    بالتوفيق
    مطولتيش خالث ياسمسم وأسئلتك عثوله خالث أسألى براحتك ولا يهمك أنا محتاجة للكرسى ده دلوقتى أوى بجد

  6. #6
    Pharma Student
    تاريخ التسجيل
    Oct 2011
    الدولة
    مصر
    المشاركات
    541

    افتراضي

    منوووووووووورانا يابيبو ياجميل انتى :
    جاوبى بقا يافندم :

    -ماهو رأيك بالحب ؟
    - صــف نفســـك بكلمتيـــن فقـــط..!
    -مــاهــو الشــئ الذي ندمــت علــي عمـلــــه؟!؟
    -كـلمـــة تمنيـــــت ان تسـتطيـــع سحـبهــــا؟!؟
    -آخـــر شخـــص تتـــذكــــره قبـــل أن تنـــــام؟!؟

    -جــريمــة تتمنـــي لـــو تستطيـــع ارتكابهــــا؟!؟
    -حمـامة زاجـــل حاملـــة رســالة لـك,,,من من تتمنـى ان تكــون؟!؟

    -شخـــص لطــالما حـــلمـــت بــــه؟!؟
    ـ تنصحينى بإيــــــــــه ؟؟

  7. #7
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي


    أهلا وسهلا أخيرا دكتوره بيبو هتدوق السم

    قصدى هتقعد على الكرسى

    يلا بقى مش هينفع الواحد يمر كده وخلاص على العموم نسأل سؤالين كده وخلاص


    • حضرتك أهلاوية ولا من الاوفياء
    • أهم حاجة حضرتك نفسك تحققيها فى خلال شهر ؟
    • بعد التخرج أقرب هدف حضرتك ناويه تحققيه؟
    • ايه أهم هدف لحضرتك على المدى البعيد ؟؟؟ يعنى مثلا نقول دكتورة هبه حلمها ايه بعد 5 سنين و بعد 20 سنة ؟؟؟
    • كان واحدة من أصحابك رفع سماعة التليفون وبارك لحضرتك فى العيد ؟؟ والعكس حضرتك باركتى لكام واحدة من أصحابك فى العيد ؟ بنهدى النفوس بس
    • أهم هواية عند دكتورة هبه ؟
    • أكتر حاجة حضرتك بتشاهديها فى التليفزيون؟
    • يوم حضرتك بعد التخرج بقى ماشى ازاى ؟
    • أكتر حاجة حضرتك بتخافى منها....
    • أكتر حاجة حضرتك بتطمنى وهى موجودة
    • أكلة لو اتطبخت فى البيت يبقى النهاردة صيام بالنسبة لحضرتك
    • أكتر أكلة حضرتك بتحبيها
    • enumeerate 20 حاجة بتضايق حضرتك فى البلد دى اشمعنى 20 مش عارف وليه كتبت enumerate برده عشان مش عارف أجيب معناها بالعربى

    معلش بقى مش عارف أصيغ الاسئلة ولا حتى أجيب أسئلة ليها مغزى ربنا مايكتب عليكم اللى الواحد بيشوفه واضمحلال المخ اللى الواحد بيتصاب بيه من الشخصيات اللى عايش معاها
    هو انا قلبت بدور متسولين كده ليه كفاية كده أصل لو طولت مش بعيد الكلام يطير منى





  8. #8
    Pb Elite
    تاريخ التسجيل
    Nov 2007
    المشاركات
    2,342

    Smile

    اقتباس المشاركة الأصلية كتبت بواسطة امانى* مشاهدة المشاركة
    منوووووووووورانا يابيبو ياجميل انتى :
    جاوبى بقا يافندم :

    -ماهو رأيك بالحب ؟
    شعور جميل أوى وراقى أوى بيربط بين الناس وبيخلى حياتهم أحلى وبيهون عليهم حاجات كتير أوى بس أهم حاجة أنه يكون شعور صادق من القلب وحقيقى أوى يرفعنا ويسمو بأرواحنا وعقولنا وميخليناش نستهلك مشاعرنا ولانجرح نفوسنا أو نغضب ربنا الحب جماله فى رقيه وإرتقاؤه بالناس اللى بتشعر بيه فى أخلاقهم فى أفكارهم فى أحلامهم وفى كل حاجة بس كده
    - صــف نفســـك بكلمتيـــن فقـــط..!
    متفائلة رغم كل شىء
    -مــاهــو الشــئ الذي ندمــت علــي عمـلــــه؟!؟
    مبيتهيأليش انى بندم على حاجة فى حياتى مهما سببتلى من ألم بقلب الصفحة وأشوف الخطوة اللى بعدها بس أكيد براجع نفسى وأشوف غلطت فى ايه وأصلحه
    -كـلمـــة تمنيـــــت ان تسـتطيـــع سحـبهــــا؟!؟
    مش فاكرة دلوقتى يامون
    -آخـــر شخـــص تتـــذكــــره قبـــل أن تنـــــام؟!؟
    مش حد معين على حسب مواقف اليوم والناس اللى بقابلهم ممكن حد يقول كلمة أو موقف افتكرهم قبل ما أنام بس فى الاخر بحاول أقنع نفسى ان الحياة حلوة ووردى وأقعد أحلل فى الامور عشان أطلعها بالشكل ده عشان أقدر أعيش فى الدنيا
    -جــريمــة تتمنـــي لـــو تستطيـــع ارتكابهــــا؟!؟
    ا
    نتى ليه محسسانى انى عايزة اقتل او ارتكب جرايم شكلك واخده عنى فكرة غريبه خالث
    لا بجد أنا شايفه ان انى مش محتاجة أخد حقى بالعنف مادمت أقدر أخده بالذوق

    -حمـامة زاجـــل حاملـــة رســالة لـك,,,من من تتمنـى ان تكــون؟!؟
    امممممم ممكن مش أجاوب على السؤال ده
    -شخـــص لطــالما حـــلمـــت بــــه؟!؟
    حلمت بناس كتير أوى وربنا رزقنى على أرض الواقع بناس قمة فى الروعه قلوبهم بريئه وطاهرة زى الاطفال الناس دول هما أصحابى ربنا كرمنى بيهم انه رزقنى بناس زيهم بجد نعمه كبيره أوى
    وحلمت بمين كمان حلمت انى اتعرف على ناس مش موجودين معانا بس أثرهم موجود فى حياتنا زى سيدنا محمد والصحابه ودكتور مصطفى محمود واتمنيت اتعرف على دكتور أحمد زويل وعمر خالد وضيفى عليهم بقى فارس الاحلام اللى مش عارفه هيبقى عامل ازاى
    ـ تنصحينى بإيــــــــــه ؟؟
    بصى يامون هريحك يابنوته انتى بجد انسانه جميلة أوى فيها طاقه وحماس وأفكار تكفى الدنيا كلها
    امسكى فى حلمك وكبريه جواكى وانتى بإذن الله هتحققيه خدى بالك ان الدنيا مش سهله وانك ممكن تختارى حاجة النهارده وتكتشفى انها مكنتش صح او انك تتعاملى مع ناس ميفهموكيش او ميقدروكيش اوعى تزعلى او كلامهم يكسرك بس لازم تتأكدى الاول ان كلامهم غلط فعلا ومفهوش حاجة ممكن تفيدك خدى بالك الجرأة مطلوبه بس ساعات زيادتها تخلى الناس تفهمك غلط حافظى على روحك ومشاعرك طاهرة وخدى بالك من أصحابك وحافظى عليهم ودايما فاجئيهم ومتدخليش الشغل فى الصحوبيه عشان متخسريش واحد فيهم
    بس كده بحبك أوى على فكرة
    مستنيه باقى أسألتك الشقيه والذكيه زيك
    دكتور محمد منور الكرسى يادكتور بأسئلتك المختلفة كالعاده أنا خارجة الوقتى أما أرجع هجاوب على أسئلة حضرتك
    التعديل الأخير تم بواسطة DR.BIBO ; 02-09-2012 الساعة 09:48 AM

  9. #9
    Pharma Student
    تاريخ التسجيل
    Oct 2011
    الدولة
    مصر
    المشاركات
    541

    افتراضي

    اجابتك جميييييييييييييله اوى اوى يابيبو ..
    بس ممكن اعرف بقا مش جاوبتى ع السؤال ليه
    قوليلى يابيبو :خطتك الايام الجايه ايه بما انك اتخرجتى :القريبه والبعيده :بالتفصيل

  10. #10
    Pharma Student
    تاريخ التسجيل
    Jan 2009
    الدولة
    mansoura
    المشاركات
    827

    افتراضي

    بيبو منورة الكرسى يا جميل ومستمتعة باجاباتك ......ممكن بقى كام سؤال صغيرين كدة .....

    وانتى صغيرة لما حد كان يسالك نفسك تطلعى ايه كنتى بنقولى دكتورة كعادة البنات ولا مقولتيهاش ...وصيدلة كانت رغبتك ولا دخلتيها تنسيق ؟؟؟؟ وفى اى مرحلة من مراحل الدراسة قررتى انك عايزة تبقى كذا ..؟

    ايه أكتر لعبة كنتى بتحبيها وانتى صغيرة ؟؟ واكتر فيلم كرتون حبتيه ؟؟ وايه الافكار اللى كانت بتشغل دماغك وانتى فى فترة ابتدائى يعنى مش شرط من اول اولى لا يعنى نقول رابعة خامسة كدة لو تفتكرى ؟؟

    اكتر مرحلة او مدرسة حبتيها ابتدائى ..اعدادى ..ثانوى ؟؟

    بداتى تكونى اصحاب من امتى ؟؟ ومين من صاحباتك كان معاكى فى المدرسة ولسة صاحبتك حتى الان ؟؟

    احساسك كان عامل ازاى لما عرفتى انك هتدخلى صيدلة وراى مامتك وباباكى ؟؟ واوصفيلى اول يوم ليكى فى الكلية كاان عامل ازاى؟؟ واحساسك فى اول سكشن عملى تدخليه لما لبستى البالطو ؟؟ وكان سكشن ايه ؟؟؟

    اكتر مادة حبتيها واكتر مادة كرهتيها فى الكلية؟؟وايه اكتر سنة حبتيها وايه ارخم سنة فى الكلية ؟؟

    اكيد اتدربتى فى صيدليات فى الصيف ...يا ترى حابة شغل الصيدلية و ناوية تشتغلى فى صيدلية ولا لا؟؟

    هواية بتحبيها بس مش موهوبة فيها وكان نفسك يكون عندك الموهبة دى ..ماهى ؟؟

    شفنا ليكى مقالات جميلة فى المنتدى الادبى ...ياترى بتعرضى المقالات دى على حد من أفراد اسرتك وتشوفى رايهم ..مين وايه رايهم ..ولا ميعرفوش انك بتكتبى ؟؟ ومين اول حد بتوريه حاجة انتى كاتباها ؟؟

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •