النتائج 1 إلى 6 من 6

الموضوع: carina ---- only for girls

  1. #1

    Red face carina ---- only for girls








    أختي العزيزة


    ممكن قبل أن تقرأي كلماتي، تعرفي اننا كلنا بنغلط، وكل ابن آدم خطاء، ومش عيب إننا نغلط، قال الله تعالى " وَذَكِّرْ فَإِنَّ الذِّكْرَى تَنْفَعُ الْمُؤْمِنِينَ " فممكن بعد إذنك تسيبيلي عقلك وقلبك لدقائق معدوده وأستأذنك إنك تقرأي هذه الرسالة وتقفلي موبايلك وتقطعي الإتصال عن كل من حولك، ولازم تعرفي أولا إن ربنا بيحبك بدليل إنك تقرأي رساله بتفكرك بيه .



    ندخل في الموضوع

    أولاً أعرفك بنفسك إنتي المرأة الي ربنا خلقها ليسكن إليها الرجل وتكوني ليه الحضن الدافئ وسط دومات الحياة أنتي سر البقاء أنتي الي الإسلام رفع قيمتك وخلاكي جوهره غاليه علشان يفوز بها الشباب مننا لازم يدفع الثمن انت مربية الأجيال بصلاحك صلاح الأمة وبفسادك ضياع الأمة أنتي خير متاع الدنيا، كنت صالحة أنتي شعاع الحب والحنان والجمال، يعني إنتي جانب من أهم الجوانب الضرورية لإصلاح ....... أو إفساد الحياة.


    مشكلة بتقعي فيها أختي المسلمة

    ألا وهي فتنة الزينة، فعلاً النفس البشرية لأي بنت تحب تكون جميلة، وكل الناس تثني على جمالها فأنا معاكي ان الزينة والاستايل شهوة، ولكن تخيلي إن شباب كثير مشكلتهم مع ربنا لبسك!


    فعلاً شباب كتير نفسهم يرجعوا لربنا بس مش عارفين يغضوا بصرهم عن جمالك ومفاتنك.. الي بصراحة.. وأنا آسف في الكلمة..(بقت
    For free ) لأي حد مجاناً واللي ربنا كرمك بيها وجمالك خلاكي أحلى من بنات كتير.. وكل ده المفروض إنه لراجل واحد .. وهو زوجك .. مش تكوني لكل الناس .


    البادي الكارينا البدي المذهل اللي حل مشاكل البنت اللي مفروض إنها محجبة وخلاها تلبس كل لبس البنات الغير مسلمة واللي هو الطريق المعاكس لشرعنا اللي بيقول إن الملابس ( لا تصف الجسد يعني غير ضيقة ولا يشف الجسديعني غير شفاف ) طب إزاي والبدي الكارينا بيصف وبيشف ؟!

    *- أنا عارف إن تقريباً مفيش بيت مسلم بيخلى من الكارينا ده إلا من رحم ربي، فياريت تفكري كويس، وتقولي : ياترى ده يرضي ربنا ورسوله، وياترى ده ينفع مع الحجاب، ولا ده تحايل على ربنا ؟!

    *- الكارينا ده لازم تعرفي إنه تزوير في أوراق رسمية، حاجة المفروض تتلبس علشان تغطي وهو فاقد لوظيفته الأساسية أنا بكتب والله الكلام خوفاً عليكي من عذاب ربنا، لأن الموضوع ده مش سهل!!

    *- يقول رسول الله : ( كل أمتي يدخلون الجنة إلا من أبى. قالوا : يا رسول الله ، ومن يأبى ؟ قال : منأطاعني دخل الجنة ، ومن عصاني فقد أبى ) البخاري ( ومعنى أبى يعني : رفض ) .

    *- وقال أيضاً : ( صنفان من أهل النار لم أرهما . قوم معهم سياط كأذناب البقر يضربون بها الناس .ونساء كاسيات عاريات مميلات مائلات . رؤوسهن كأسنمة البخت المائلة . لا يدخلن الجنة ولا يجدن ريحها . وإن ريحها لتوجد من مسيرة كذا وكذا ) رواه مسلم

    ومعنى كاسيات عاريات أي كاسيات الصورة، عاريات في الحقيقة لأنهن يلبسن ملابس لا تستر جسداً ولا تخفي عورة، فالغرض من الملابس الستر فإن لم تستر صاحبها عارياً وهذا ينطبق على كل الملابس الضيقة والمفتوحة. ومعنى رؤوسهن كأسنمة البخت المائلة: ( أي يصففن شعورهن حتى تصبح مثلا سنام الجمال ) .

    *- وقال تعالى ((يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُورًا رَحِيمًا)) .

    وهذا أمر صريح من الله تعالى بالحجاب جاء في صورة أمر إلى النبي لأهميته، فلو لم يكن الحجاب الشرعي أو الزي الإسلامي ذا أهمية كبيرة – كما يظن البعض – فهل يأمر الله به بهذا الشكل؟! وإذا كان الظاهر غير مهم فهل يأمرنا ربنا بأشياء غير ضرورية ؟!



    البنطلون الكارينا

    وكمان طلع البنطلون الكارينا علشان يكمل المسيره، و الجزمة البلرينا علشان تكشف الرجل وبدلنا الحجاب الإسلامي بالحجاب الإسبانش، وكأننا بناخد تعاليم ديننا من الموضة والتطور، وده غير التشبه بالرجال من لبس البنطلونات.

    عن أبي هريرة رضي الله عنه قال : ( لعن رسول الله : الرجل يلبس لبسة المرأة ؛ والمرأة تلبس لبسةالرجل ) صححه الألباني. اللعن هو: الطرد من رحمة الله .
    وقال رسول الله : (ثلاث لا يدخلون الجنة ولا ينظر الله إليهم يوم القيامة : العاق والديه ،والمرأةالمترجلةالمتشبهةبالرجال ، والديوث) .


    البيرفيون

    الروائح والعطور وإللي إحنا عارفين حكمها بالنسبة للمرأة إنها حلال لزوجها وفي بيتها بس لكن بره بيتها.....!!

    قال رسول الله : ( أيما امرأة استعطرت ثم خرجت، فمرت على قوم ليجدوا ريحها، فهي زانية .... الحديث )


    يااااااااااااااااااه ، والله حاجات كتير فاكرينها سهله بس هي مصايب، وأنا عارف والله إنك .. أختي المسلمة نفسك تلبسي زي ما ربنا أمرك، بس كل البنات في نظرك لابسه كده، فأحب أفكرك بقول ربنا " وَإِنْ تُطِعْ أَكْثَرَ مَنْ فِي الأَرْضِ يُضِلُّوكَ عَنْ سَبِيلِ اللَّهِ " يعني أكثر الناس اللي حواليكي في الدنيا، لو سمعتي كلامهم هيضلوكي عن طريق ربنا، فاسمعي كلام ربنا ورسوله ومتخليش الشيطان يزين في نفسك ويقولك إنك بالبس ده هتكوني جميله وهيوصلك لإبن الحلال، فهقولك ماعند الله لاينال إلا بطاعته، ومن ترك شيئاً لله عوضه الله خيراً منه، احسبيها صح واعرفي إن اللي كرمك بالجمال قادر إنه يسلبه منك، أو يوصلك للعنوسة، وهو على كل شئ قدير .

    أوعي الشيطان يجيلك يقولك: لو عاوزة تبقي مشهورة بين الناس البسي كده، وامشي كده، واضحكي كده.

    كنت في مره في درس في جامع .. وكان آخر الدرس الشيخ بيستقبل الأسئلة، فكانمن وسط الورق الي وصل للشيخ ، واحد كاتب للشيخ يا شيخ إدعيلي إني أعرف أغض بصري وحسبي الله ونعم الوكيل في كل متبرجة وقالها ثلاث مرات والله سمعت كلماته وكأنه يبكي قدام عيني كتير لأنه عايز يوصل لربنا، بس في صخرة في طريقه، والصخره دي لبسك فبالله عليك عليكي راجعي حساباتك، وتخيلي وانتي نازله من بيتك ولبسة اللبس ده لو انتهت حياتك بيه، ياترى تحبي تقابلي ربنا بيه؟؟ وبالله عليكي متكونيش سكينة على رقاب الشباب المسلم، ومتبقيش سلاح الشيطان ضدنا.




    هنيئاً لكي لو اتخذت قرار التوبة لو اتخذتي قرار التوبة إن ربنا يبدل سيئاتك حسنات، واعلمي إن ملابسك هي عنوان أخلاقك وبها يأتي إليك الزوج الصالح، فلا تجعلي نفسك ارخص من المكانة التي أرادها الله لكي .

    وده درس رائع جدا ً للشيخ : هاني حلمي - حفظه الله -
    بعنوان ((

    شكلي من غير حجاب وحشني ))



    وللمزيد من الدروس النسائية
    أضغطي هنا





    اللهم ارزق بنات المسلمين طهارة مريم عليها السلام، اللهم زينهم بالعفة والحجاب، وارزقهن بأزواج صالحين واجعلهن صالحات، تائبات غير متبرجات .




    --------------


    المصدر :
    فريق نشر الهداية














  2. #2

    افتراضي

    السلام عليكم ورحمة الله وبركاته
    بجد موضوع اكثر من رائع
    اللهم اهد بنات المسلمين وارزقنا واياهم العفاف
    وجزاك الله كل خير.

  3. #3
    Pharma Student
    تاريخ التسجيل
    Sep 2011
    المشاركات
    37

    افتراضي

    جزاك الله خيرا ونفع بكم
    وهدى الله بنات المسلمين للحجاب الشرعي حجاب امهات المؤمنين

  4. #4

    افتراضي

    جزاكـــم الله خيـــــرا ونفــع بكم
    موضوع جميـــــل جدا جدا
    ربنا يجعله ف ميزان حســــــــناتك ان شـــــــاء الله

    اللهم ارزق بنات المسلمين طهارة مريم عليها السلام، اللهم زينهم بالعفة والحجاب، وارزقهن بأزواج صالحين واجعلهن صالحات، تائبات غير متبرجات
    اللهم آمـــــين يارب


  5. #5

    افتراضي

    وجزاكم الله خيراً مثله

    آمين آمين آمين

  6. #6
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي

    موضوع ممتاز ربنا يكرمك و يجزيك خير و عندك حق في كل كلمة و الله

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •