النتائج 1 إلى 3 من 3

الموضوع: يا سمرا

  1. #1

    افتراضي يا سمرا

    يا سمرا مالك كدا
    شايفة فى توبك دم
    وعيونك الحزنانين

    مليانه ليه بالهم
    !!

    عجّزتى ليه بدرى
    ما تقولى يا حبيبتى

    مين اغتصب حقك
    ومين قتل بنتى؟
    الآهه ليه مسجونه
    والصرخه مش واصله
    والبسمه ليه ماتت
    ودموعنا متواصله
    يا مصر يا حبيبتى
    أنا واحد من العشّاق
    بتمنى أبوس خدّك
    لحضنك أنا مشتاق
    كل أما أقرّب منك
    يفصل ما بينا فراق
    وفراقنا بيطوّل
    وسط سكك ضلمه
    مليانه شوك بيدبّح
    ورود كتير حالمه
    ورودنا لو دبلت
    العطر راح يظهر
    رغم الجماعه الظالمه
    رغم ظلم العسكر
    الشعب دا مطحون
    طول عمره ما بين ترسين
    يصبر وصبره طويل
    ويجمّع الطريقين
    يبقوا طريق واحد
    ضد الفساد والظلم
    الدم لما يسيل
    تظهر بوادر حلم
    قادره تشق الليل
    تحوّله لنهار
    يا كل غبى فى قياده
    غضبنا عدّى بحار
    ملعون كل القاده
    ملعونه يا أحكام
    ملعونه حبة رمل
    تضربلكم بسلام
    ملعون كل الخونه
    فى الجيش وفى الشرطه
    ملعون كل جماعه
    من مرشد ومن سلطه
    ملعون كل اللى قال
    نزولنا الشوارع غلطه
    يا كل الكنايس قومى
    دقّى أجراسك
    اسلامنا دين وسلام
    وشبابه حرّاسك
    لحظة ما يعلى الجرس
    تلاقى جنبه أدان
    اخوات بيتعانقوا
    فى كل حين ومكان
    يا كل دول الغرب
    الأرض دى لولادنا
    لشئونا حُرمة دين
    تحرم عليكوا بلادنا
    مصر العفيّه الأم
    لساها برده بكر
    تضعف تقوم أقوى
    تروى الورود بالعطر
    صاحبة القلم الحائر

  2. #2
    Pb Elite
    تاريخ التسجيل
    Oct 2010
    الدولة
    Paradise
    المشاركات
    775

    افتراضي

    جميلة جدا

  3. #3
    Pharma Student
    تاريخ التسجيل
    Jan 2011
    المشاركات
    434

    افتراضي

    جميله جدا ياعبير .. بس من رأيى تخلى كل معلون .. ملعونه

    جربى تقريها كده؟؟


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •