النتائج 1 إلى 3 من 3

الموضوع: إلى نجوم كلينكال :)

  1. #1

    افتراضي إلى نجوم كلينكال :)

    السلام عليكم ورحمة الله وبركاته

    ازيكم ياشباب
    أمس كان المؤتمر العلمى الأول
    لطلاب كلية الصيدلة جامعة المنصورة
    وبصراحة كان حاجة رائعة جدا
    وشفت فيها طلاب فعلا أقل مايقال
    انهم كنوز حقيقية ونجوم لامعة
    وان شاء الله سيكون لهم مستقب واعد
    طوال سنوات دراستى وانا بسأل
    ياترى بتوع كلينكال فين
    مفيش على المنتدى الا فرقة واحدة بس بتدخل
    وبعض الطلاب من الفرق الأخرى ولكن على استحياء
    لغاية مااتعرفت على مجموعة منهم أمس
    وصراحة فوجئت وفرحت بالقدرات العلمية
    والتفكير العالى بتاعهم
    طلاب من الفرقة الخامسة
    أبهروا كل الموجودين بعرض متميز
    وموضوعات شيقة وبوسترات رائعة
    أحب أشكرهم واحد واحد
    على جهودهم وإصرارهم
    على الرغم من ضغوط المحاضرات والسكاشن
    لكنهم مشوا فى الاتجاه الصح
    الحاجة الثانية
    ان مش واحد بس اللى كان عارف الموضوع
    وبيتكلم كويس
    لأ
    كل الفريق كان متواصل وبيكملوا بعض

    وفعلا استحقوا انهم يأخذوا المركز الأول والثانى
    فى المؤتمر
    أتمنى أن إدرارة الكلية تدرس كويس إزاى تستفيد
    من قدرات الطلاب دول وتساعدهم أنهم يكملوا
    طريقهم واختيارهم
    بكل الحب والتقدير
    أقولكم
    فخور بكم جدا جدا
    وأتمنى لكم التوفيق فى حياتكم

    أسماء الفرق
    الفريق الفائز بالمركز الأول
    عن الموضوع الرائع التجريبى
    (و اللى يعتبر بحث بمعنى الكلمة يعنى أصحاية بدأوه من الزيرو وان شاء الله هيكملوا للتجارب الإكلينكية)
    colchicine neuroprotection in rotenone induced parkinson's disease model
    محمود أسامة الإمام
    أحمد مصطفى الموفى
    محمد رزق عطا الله
    هدير أسماء ابو هانى
    القريق الفائز بالمركز الثانى
    عن الموضوع التطبيقى الجميل
    ( ساهم فى حل مشكلة فى مستشفى 57357)
    using brain natriuretic peptide in monitoring and prevention of congestive heart failure
    جمال أحمد الفار
    أحمد رضا صقر
    سارة محمد هشام

    ولا أنسى طلاب أولى كلينكال وخصوصا من قام
    بطرح البحث عن الزهايمر أسلوب إلقاء أكثر من رائع
    أتمنى أن يستمر فى تحسين قدراته والتعلم من الدفعات الأكبر
    كى يقوم ببحث مميز فى الأعوام المقبلة ان شاء الله

    ان شاء الله نعرف أكثر عن كنوز كلينكال الدفينة )
    فى أحداث علمية أخرى

    =============
    ملاحظات على الجنب :- طلاب برنامج البكالوريوس قاموا بعمل رائع أيضا لا أنسى أن أذكر محمد قميحة صاحب بحث
    تحويل قش الأرز الى قطن ( بحث تطبيقى رائع)
    ومروة البرج وفريقها الفائز بالمركز الثالث الذى ناقش موضوع جديد وذكى وقدمت العرض بطريقة شيقة
    واخرون قدموا منتجات عشبية جديدة
    مثل دينا الشناوى و هبة محمد مرسى وريهام محمد
    أتمنى أن يكملوا مسيرتهم ويصقلوا مهارتهم العلمية نحو المزيد من الإنجازات
    =======
    أشكر إدارة الكلية على المساهمة فى نجاح المؤتمر
    سواء بالمشاركة أ وبتخصيص جوائز للمشاركين
    والأهم هو انهم بهذا المؤتمر وضعوا حجر الأساس
    لسياسة تعليمية جديدة
    وهى ان الطالب هو المحور الأساسى فى العملية التعليمية
    وسمحوا للعديد من الطلاب بإبراز ملكاتهم وقدراتهم
    ===========
    ان شاء الله فى النسخة الثانية
    يكون هناك حضور أكثر ومشاركات أكثر من الطلاب
    ويكون مؤتمر لطلاب الصيدلة كلهم
    وليس طلاب الكلية فقط
    كى يكون ملتقى للمبدعين فى جميع أنحاء الوطن
    =======
    شكر خاص للجنة المنظمين وخاصة الدكتور محمد صالح
    ومن الطلاب على تحملهم مسئولية تنظيم حدث رائع مثل هذا
    وخروجه بمثل هذه الصورة على الرغم من ضعف الإمكانيات المتاحة
    ============

    حاجة معجبتنيش :- غياب الأسر عن التنظيم وغياب العمل الجماعى وحب الظهور يثيت أن على الأسر
    إعادة حسابها كى تتخلص من الشخصنة وتعمل للصالح العام.



  2. #2
    Pb Elite
    تاريخ التسجيل
    Dec 2008
    الدولة
    MANSOURA
    المشاركات
    2,308

    افتراضي

    بجد كانت تجربة جميلة سعيدة بالمشاركة في هذا المؤتمر الرائع
    فعلا طلاب اكلينيكال ابدعوا كل ابحاثهم كانت جميلة ماشاء الله

  3. #3
    Pharma Student
    تاريخ التسجيل
    Dec 2009
    المشاركات
    805

    افتراضي

    السلام عليكم و رحمة الله و بركاته
    أنا عارفة إن الموضوع مر عليه كتيير ......فاحنا للأسف دخولنا على المنتدى بسبب الفيس
    احنا الدفعة بتاعتنا ماوصلش لينا موضوع البحث العلمي دا و ما عرفناش غير يوم العرض و دي حاجة ضايقتنا
    بس الحمد الله وصلنا خبر فوز مجموعات كلينيكل و مبروك بردو لمجموعة البرنامج العادي
    يمكن الحاجة اللي استفدت بيها في كلنيكل هيا العمل الجماعي و دا من كتر البرزينتيشن اللي بتطلب مننا و رغم إنها بتضايقنا في الوقت
    ربنا يكرمنا جميعاو يوفقنا للخير

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •