جربت مره
تقتل بالغربه غربتك؟
تبعد بعيد
عن كل حاجه ف يوم شدتك؟
تقسى على قلبك
وتقتل نبضه هزتك؟
تعيش مضغوط
وتعوِّد نفسك على وحدتك؟
كل دا بس
عشان تلاقى هويتك
..
طب جربت
.. تعيش مكسور؟
وجوا متاهة عتمة بتحلم
تلقى بس شعاع للنور؟
عمَّال تتخبَّط ف الضلمه
وتصرخ لكن صرخك مبتور؟
طب جربت
.. تجرَّح نفسك؟
وتقولها كلام يوجعها؟
وحقيقه بترفض تسمعها؟
ف تقوم تهرب اوام لسريرك
تدفن راسك جوا مخده
وتفضل كده للنوم تترجى؟
ما هى اصل الحقيقه بتوجع
وكل واحد حقيقته شكل
أمل إبراهيم ^__^