النتائج 1 إلى 3 من 3

الموضوع: ............حالة اضطراب ........

  1. #1
    Pharma Student
    تاريخ التسجيل
    Jan 2011
    المشاركات
    434

    افتراضي ............حالة اضطراب ........

    جربت مره
    تقتل بالغربه غربتك؟
    تبعد بعيد
    عن كل حاجه ف يوم شدتك؟
    تقسى على قلبك
    وتقتل نبضه هزتك؟
    تعيش مضغوط
    وتعوِّد نفسك على وحدتك؟
    كل دا بس
    عشان تلاقى هويتك
    ..
    طب جربت
    .. تعيش مكسور؟
    وجوا متاهة عتمة بتحلم
    تلقى بس شعاع للنور؟
    عمَّال تتخبَّط ف الضلمه
    وتصرخ لكن صرخك مبتور؟
    طب جربت
    .. تجرَّح نفسك؟
    وتقولها كلام يوجعها؟
    وحقيقه بترفض تسمعها؟
    ف تقوم تهرب اوام لسريرك
    تدفن راسك جوا مخده
    وتفضل كده للنوم تترجى؟
    ما هى اصل الحقيقه بتوجع
    وكل واحد حقيقته شكل


    أمل إبراهيم ^__^
    التعديل الأخير تم بواسطة rose smile ; 22-06-2013 الساعة 10:02 PM

  2. #2
    Pharma Student
    تاريخ التسجيل
    Jan 2011
    المشاركات
    434

    افتراضي


    أحلام كتير بنحلمها
    ونتبرأ منها كأنها عار
    ونبنى بينا وبينها سجون
    وقيود وسلاسل كلها نار
    نحاول ننسى او نتناسىَ
    ونقول يلا تصاريف اقدار
    ونفس الدوامة عيشنها

    ونفضل موجة ف طور اعصار
    أو بالأحرى كما البركان
    جوة بيغلى وفوق همدان
    ولحد امتى هنفضل نكدب؟
    ونقتل فينا شعور انسان؟
    عايشين بس بمفاهيم غيرنا
    حسابات عقل .. والقلب جعان


  3. #3
    Pb Elite
    تاريخ التسجيل
    Nov 2008
    الدولة
    In my own mind
    المشاركات
    1,508

    Thumbs up

    اقتباس المشاركة الأصلية كتبت بواسطة rose smile مشاهدة المشاركة
    جربت مره
    تقتل بالغربه غربتك؟
    تبعد بعيد
    عن كل حاجه ف يوم شدتك؟
    تقسى على قلبك
    وتقتل نبضه هزتك؟
    تعيش مضغوط
    وتعوِّد نفسك على وحدتك؟
    كل دا بس
    عشان تلاقى هويتك
    ..
    طب جربت
    .. تعيش مكسور؟
    وجوا متاهة عتمة بتحلم
    تلقى بس شعاع للنور؟
    عمَّال تتخبَّط ف الضلمه
    وتصرخ لكن صرخك مبتور؟
    طب جربت
    .. تجرَّح نفسك؟
    وتقولها كلام يوجعها؟
    وحقيقه بترفض تسمعها؟
    ف تقوم تهرب اوام لسريرك
    تدفن راسك جوا مخده
    وتفضل كده للنوم تترجى؟
    ما هى اصل الحقيقه بتوجع
    وكل واحد حقيقته شكل


    أمل إبراهيم ^__^

    شكرررررررا لانى لما دخلت الموضوع كنتى اتمنى انه يوصف احساسى والحمد لله مخيبتيش ظنى وجبتيه بالظبط
    الرد اه جربت اوجعها واواجهها بالحقيقه وارجع تانى اقع فى حاله اضطراب اول ما المرضاللى بيها يرجع تانى من جديد
    اعرف اكيد انه مرض مزمن وموجوووووووووود
    بس امتى الحقيقه تنفع لما تشفى نهائيا مش لما تسكن مؤقت ويرجع المرض من جدييييييييد

    شكرا ليكى يا امل تسلم ايديكى اكيد كل واحد فينا بيمر بالحاله دى وهيقدر يستفيد منها لو قد يواجه نفسه فعلا ويخرج بنفسه وروحه اقوى وافضل

    تسلم ايديكى وفى انتظار كل جديييييييييييد

    شيكو


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •