صفحة 1 من 2 12 الأخيرةالأخيرة
النتائج 1 إلى 10 من 11

الموضوع: تجربة معهد Mit الأفضل عالميًا .. يا ريت نشارك كلنا

  1. #1
    Moderator
    تاريخ التسجيل
    Aug 2011
    الدولة
    Mansoura
    المشاركات
    1,631

    افتراضي تجربة معهد Mit الأفضل عالميًا .. يا ريت نشارك كلنا


    السـلام عليـكم ورحمـة الله وبـركاتـه

    يا رب يكون فيه حد بيتخطى صفعات التشاؤم وركلات الفوضوية اللي احنا عايشين فيها ويفكر في قدام

    دلوقتي كليتنا حالها لا يسر عدو ولا صديق .. أو للصدق يعني لو عدو شاف اللي احنا فيه دا هيفرح جدااااا.

    تجربة واقعية لجامعة هي الأفضل عالميًا .. صحيح جامعة خاصة وصحيح مصاريف الطلبة كبيرة لكن تجربة مثالية وكتير من أستاذتها حاصلين على جايزة نوبل، وفيه حاجات كتير شفتها غير مكلفة بالمرة في طريقة التدريس.

    معهد MIT مصنف على أنه أفضل أول جامعة بين أعلى مائتي جامعة في العالم وعلى أنه أيضًا الأول بالنسبة كجامعة تكنولوجية، أما على مستوى الولايات المتحدة الأمريكية فقد صنفه مجلس البحث القومي في 1995م على أنه الأول من ناحية السمعة وعلى أنه الرابع بالنسبة لكثافة الجوائز الممنوحة إليه.
    مدرسة سلون للإدارة (التابعة للمعهد) صنفت على أنها الرابعة على مستوى الولايات المتحدة الأمريكية على حسب تصنيف US News في عام 2006م ؛ برامج الخريجين التي يقدمها المعهد في الكيمياء وعلوم الحاسبات والاقتصاد والهندسة والرياضيات والفيزياء احتلت المرتبة الأولى من قبل US News. وطبقًا لل US News والتقرير العالمي حول “أفضل الجامعات” فإن ال MIT يعتبر من أفضل عشر جامعات في العالم. لا يمنح المعهد أي درجات فخرية إلا في مناسبات نادرة، مثلما حينما منح وينستون تشرشل في عام 1949م
    أنا عرفت المعهد دا عن طريق MIT OpenCourseWare ودا موقع بيعرض محاضرات الجامعة في كل الأقسام -طبعًا المحاضرة بتكون بالانجليزي والأجمل ان الكلام اللي بيتقال بيكون مكتوب تحت ودا بيسهل جدا الفهم وفيه تمارين وشوية ملحقات كدا-.

    اللي لاحظته ان المحاضرات فيها حاجات بسيطة جدا احنا مفتقيدينها في كلياتنا للأسف مع ان سهل جدًا تتطبق وهتغير كتيييييييييير أوي في فهمنا واستيعابنا.


    طلبي منكم لو سمحتم .. إذا تعرفوا جامعة بعينها وشفتوا فيها نموذج سهل تطبيقه ومش مكلف تطرحوا أفكاركم هنا..

    لو متعرفوش جامعة مميزة ممكن تشوفوا أي كورس لمعهد MIT من الموقع اللي حطيته دا -وبالمرة ممكن تختاروا حاجة تفيدكم في الدراسة لإن الكورسات مفيدة جدًا وأنا عن نفسي بشوف الموضوعات اللي مش بفهمها من أيام ثانوي لدلوقتي-


    شوفوا أي محاضرة ولو عشوائية وقولوا أحسن حاجة عجبتكم ولفتت انتباهكم ايه.


    يا رب حد يعبرني .. ويا رب محدش يقول اني سرحانة في الخيال .. ويا رب أشوف أفكار حلوة وجديدة منكم .. عشان احنا اللي هنغير مينفعش نستنى العقول الكبيرة القديمة -اللي مسيرها هتمشي -خصوصًا الإدارة- دا لو مش مشيت أصلًا- مينفعش نسيبهم يمشونا زي ما يحبوا ونبقى بنضيع 5 سنين من عمرنا ونخرج من الكلية وحالها وحالنا أسوء واحنا محاولناش نصلح فيها أي حاجة..

    ومننساش إن السلبية حلها عمره ما هيكون المزيد من السلبية


    طبعًا مش بتكلم دلوقتي عن سلوك الطلبة ولا عن الانضباط ولا عن المشاكل اللي بالهبل في كليتنا.. المفروض مننساش اننا بنروح الكلية كارهينها وان دا بيخلي طلبة كتير بيعملوا أي حاجة تانية غير الانتباه للمذاكرة ومفيش حاجة محسساهم ان فيه تعليم أصلًا يستاهل يتعلموه.


    دي محاضرة كنت بسمعها امبارح ولفت نظري فيها حاجات كتيييييييير

    على سبيل المثال ودي أبسط حاجة ومن الحاجات اللي بعتبرها مهمة ان الدكتورة بتشتغل بقلم طباشير مش زي عندنا بنتبهدل بالبروجكتر اللي مش بنستفيد منه أي حاجة في كتير من الأحيان ومش بيساعد على الفهم بالمرة وكمان كتير دكاترة مش بيدوهولنا أصلًا.

    محاضرة شفتها امبارح عن الثرموكيمستري ^_^


    في انتظاركم

  2. #2

    افتراضي


    فكرة حلوة .... وبالتوفيق ان شاء الله
    ودايما للامام .
    اللهم انى اسالك علما نافعا
    ورزقا طيبا وعملا متقبلا.

  3. #3
    Pharma Student
    تاريخ التسجيل
    Jan 2008
    المشاركات
    315

    افتراضي

    انا اتفرجت على محاضره بتتكلم عن genetics وده الرابط بتاعها:

    http://ocw.mit.edu/courses/biology/7...-6-genetics-1/

    وانا شايف من خلال الفيديو ان الموضوع عادي يعني زي عندنا والكلام هوه نفسه وكمان محبش ان احنا نعقد نقول ان الغرب متقدمين اكتر مننا طول الوقت بس انا عندي بعض الملاحظات :
    انا كنت سالت واحد بيدرس بره وقالي ان الكلام هوه هوه لكن في مصر في دش كتير وعالفاضي اما بره بيركزوا عالمهم بس.
    اسلوب الشرح ده بيختلف من دكتور للتاني وبيعتمد على طريقة تفكير الدكتور ومدى اطلاعه على المجال اللي بيدرسه.
    طبعا الامكانيات الماديه والتكنولوجيا بتفرق جامد لكن الموضوع ده مش في ايد حد غير الحكومات .
    يعني احنا من الاخر كده نقصنا حاجتين الأمكانيات الماديه و فكر جديد

  4. #4
    Moderator
    تاريخ التسجيل
    Aug 2011
    الدولة
    Mansoura
    المشاركات
    1,631

    افتراضي


    شكرًا على الردود موظفة طموحة وميدو


    الكلام عادي لإن الكورسات اللي بنشوفها بتكون بسيطة يعني مثلًا اللي حضرتك حطيتها دي من كورس introduction to Biology وأنا بردو أغلب اللي بشوفه بيكون مقدمات


    ولا أنا بحب أقول الغرب متقدم أنا متأكدة اننا أحسن في حاجات كتير ودا اللي خلاني أطرح الموضوع.. احنا مش ناقصنا عنهم حاجة بس يكون فيه دافع وزي ما حضرتك قلت فكر جديد مننا احنا ونحاول نطور مش نستنى التطوير ييجي لوحده أو ييجي من الكبار اللي مش بيفكروا فيه

    موضوع الإمكانيات المادية مش متفقة مع حضرتك عليه لإن فيه حاجات كتير مش محتاجة ماديات بالمرة

    وأصلا احنا بنصرف فلوس على الهبل هنا.. ولو استغلينا الفلوس دي صح هيبقى معانا مبالغ رهيبة.. أبسط حاجة بص على السنترز اللي في الجامعة والعوائد اللي بتيجي من كل واحد منهم على الجامعة -ومنعرفش عنها أي حاجة !- وبص على الورق اللي بيتباع في كل مكان وغيره وغيره

    عشان كدا بقول نسيب التفكير في المشاكل والعيوب شوية لإنها كتير ونحاول نشوف أفكار جديدة تفيدنا ونطرحها

  5. #5
    Pharma Student
    تاريخ التسجيل
    Jan 2008
    المشاركات
    315

    افتراضي

    اقتباس المشاركة الأصلية كتبت بواسطة Mouri Ran مشاهدة المشاركة

    شكرًا على الردود موظفة طموحة وميدو


    الكلام عادي لإن الكورسات اللي بنشوفها بتكون بسيطة يعني مثلًا اللي حضرتك حطيتها دي من كورس introduction to Biology وأنا بردو أغلب اللي بشوفه بيكون مقدمات


    ولا أنا بحب أقول الغرب متقدم أنا متأكدة اننا أحسن في حاجات كتير ودا اللي خلاني أطرح الموضوع.. احنا مش ناقصنا عنهم حاجة بس يكون فيه دافع وزي ما حضرتك قلت فكر جديد مننا احنا ونحاول نطور مش نستنى التطوير ييجي لوحده أو ييجي من الكبار اللي مش بيفكروا فيه

    موضوع الإمكانيات المادية مش متفقة مع حضرتك عليه لإن فيه حاجات كتير مش محتاجة ماديات بالمرة

    وأصلا احنا بنصرف فلوس على الهبل هنا.. ولو استغلينا الفلوس دي صح هيبقى معانا مبالغ رهيبة.. أبسط حاجة بص على السنترز اللي في الجامعة والعوائد اللي بتيجي من كل واحد منهم على الجامعة -ومنعرفش عنها أي حاجة !- وبص على الورق اللي بيتباع في كل مكان وغيره وغيره

    عشان كدا بقول نسيب التفكير في المشاكل والعيوب شوية لإنها كتير ونحاول نشوف أفكار جديدة تفيدنا ونطرحها
    انا لما اتكلمت على الامكانيات الماديه كان قصدي زي حضرتك يعني الامكانيات موجوده لكن توظيفها هوه اللي غلط
    وربنا يصلح الحال

  6. #6
    Pharma Student
    تاريخ التسجيل
    Aug 2008
    الدولة
    يارب مع الرسول
    المشاركات
    1,239

    افتراضي

    بجد فكرة غاية فى الروعه يا دكتورة ..أنا بالفعل شفت محاضرات مستواها رائع ع الانترنت بس لا يحضرنى شئ حاليا بس أكيد فى أول مناسبه هنزل هنا المحاضرات...و اوعى تفقدى الأمل لأن هو ده اللى هيدفعنا للأفضل دائما و أبدا

    و أنا بحييكى على تفاؤلك و معاكى فى كل كلمة قلتيها...و كنت لسه بسمع عن ترتيب الكليات مش فاكرة تبع ايه بالظبط بس جامعة الاسكندرية دخلت الترتيب ده...ساعتها صراحه حسيت اننا المفروض ننهض بجامعتنا شوية لأن الحمد لله لو ع العقول فهى متوفرة بس استغلالها لسه لم يتم و ده اللى موقفنا الى الآن...بس بنظرة تفاؤل زى اللى أنا شايفاها من حضرتك هنوصل ان شاء الله

    http://www.openculture.com/freeonlinecourses

    ده لينك لمحاضرات فى جامعة يال اللى تعتبر أحسن جامعه فى أمريكا وبعدها هارفارد..طبعا مستوى راااااااائع و ان شاء الله هحاول أجيب محاضرات أكتر
    التعديل الأخير تم بواسطة dina j ; 28-10-2011 الساعة 09:58 PM سبب آخر: اضافة اللينك

  7. #7
    Moderator
    تاريخ التسجيل
    Aug 2011
    الدولة
    Mansoura
    المشاركات
    1,631

    افتراضي


    انا لما اتكلمت على الامكانيات الماديه كان قصدي زي حضرتك يعني الامكانيات موجوده لكن توظيفها هوه اللي غلط
    وربنا يصلح الحال
    آمين يا رب

    ---

    إن شاء الله يا دكتورة.. أنا متمسكة بالتفاؤل والحلم والله قد ما أقدر خصوصًا بعد الثورة واللي شفته معتقدش هييجي يوم أتشاءم فيه

    في انتظارك إن شاء الله بأفكارك والمحاضرات اللي عجبتك.. وفعلًا احنا جامعاتنا مش ناقصها حاجة والعقل المصري عبقري ويعمل المستحيل

    شكرًا جداااا لمرورك واهتمامك وإطرائك ومستنياكِ إن شاء الله

  8. #8
    Pharma Student
    تاريخ التسجيل
    Jan 2009
    الدولة
    Under the blue sky
    المشاركات
    1,748

    افتراضي

    بحيي فيكي طموحك و عزيمتك يا ران ربنا يبارك فيكي
    متخليش البلاوي اللي هتشوفيها في الكلية تقف ادامك و اتمسكي بالروح الحلوة دي

    انا مريت بسرعه ع السيت بصراحة اخر حاجه عاوزه اقرا فيها هي الساينس اللي اخدتها في الكلية
    لو في قسم للرسم كنت هتابعه

  9. #9
    Moderator
    تاريخ التسجيل
    Aug 2011
    الدولة
    Mansoura
    المشاركات
    1,631

    افتراضي


    هههه البلاوي ماشي ماشي خليني أكون مستعدة من دلوقتي ^_^

    خسااارة مفيش قسم رسم مع ان فيه قسم للفنون.. بس ليه آخر حاجة اللي أخدتيه في الكلية ؟

    شكرًا لردك الجميل د يوجينا

  10. #10
    Volunteer
    تاريخ التسجيل
    Nov 2011
    الدولة
    ¨°o.O ((أم الدنيا)) O.o°¨
    المشاركات
    583

    افتراضي ما شاء الله

    بجد جــــــــــامد مش الثرمو كيمستري بتاع الـ.............................

    no more

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •