صفحة 1 من 3 123 الأخيرةالأخيرة
النتائج 1 إلى 10 من 29

الموضوع: اللاصقة السحرية تنهي عصر الأدوية و العقاقير , و الجهلاء يشتروا !!!

  1. #1
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي اللاصقة السحرية تنهي عصر الأدوية و العقاقير , و الجهلاء يشتروا !!!

    السلام عليكم و رحمة الله و بركاته

    ازيكم ؟؟

    من حوالي أسبوع شفت اعلان على قناة على ما أتذكر قناة كايرو دراما بتسليني و أنا بعمل الأكل

    بتهيألي هي دي القناة اللي شفت عليها الاعلان العجيب عن حاجة اسمها اللاصقة السحرية

    اللي أثار فضولي في الموضوع جملة بتقول ( وداعا للأدوية و العقاقير مع اللاصقة السحرية ) سمعت الجملة دي خرجت من المطبخ بسرعة الى مكان التليفزيون عشان أشوف ايه الاختراع دة

    اللاصقة السحرية عبارة عن لزقة كدة تلزقها على بطن القدم و الواحد ينام و يصحى يلاقيها سوداء أصلها بتخلص الجسم من السموم و المواد الضارة و العدوى

    http://uae.souq.com/%D8%A7%D9%84%D9%...399411-AR/#pic

    تهريج و ضحك على عقول الناس

    و المهم يقول في الاعلان انها تستخدم في علاج الاكتئاب و الحساسية و ارتفاع ضغط الدم و الجلطات اتصل الآن و الحق العرض

    كلام مستفز و مضحك في نفس الوقت

    اخص ع الشركة النصابة اللي عاملة الاعلان دة ان كانت شركة أصلا

    حسيت ساعتها قد ايه ان النصب في مصر أصبح علنا و يتعمل له اعلانات كمان

    و تشوف المنظر جايبلك اللاصقة و هي سوداء و كاتب أسهم واحد عليه chemicals و التاني parasites و الثالث Toxins

    و على أساس ان الواحد و هو نايم البتاعة دي شغالة زي المغناطيس تشد السموم و الطفيليات و البكتريا

    لا و الأهم ان الحجات دي سوداء

    التفسير الوحيد للموضوع دة ان الراجل نايم و قدمه مش نظيفة

    أو ان جواه سواد و حقد طلع في اللاصقة


    أنا بحثت على النت عن الموضوع دة ,

    بيقولوا ايه :

    مواد اللاصقة كلها طبيعية 100% ومن المواد الفعالة الموجودة :
    1- خل الخشب 2- خل الخيزران 3- فيتامين سي 4- تورمالين وغيرها.


    لو حد عنده معلومة أو رأي يقولنا كدة

    أنا عن نفسي شايفة ان دة نصب طبعا


  2. #2
    Administrator
    تاريخ التسجيل
    Oct 2009
    الدولة
    ЉЊДЏБГФДЋЂИ
    المشاركات
    5,920

    افتراضي

    نصب طبعا
    هو لو هنتكلم منطقي بقي يبقي المفروض ان الجسم هيمتص المواد اللي ف مكونات الاصقه دي وياخدها للدم انما مش العكس
    وحتي لو اللاصقه دي تقدر تمتص حاجه من جوه الدم وتطلعها بره ازاي بتفرق بين الكيميكالز الضاره والحاجات اللي الجسم محتاجها زي دواء ضغط مثلا !

  3. #3
    Pharma Student
    تاريخ التسجيل
    Sep 2011
    الدولة
    IN the life
    المشاركات
    467

    افتراضي

    لتفسير الوحيد للموضوع دة ان الراجل نايم و قدمه مش نظيفة

    أو ان جواه سواد و حقد طلع في اللاصقة
    فعلا انا اول مره أخد بالي من الاعلان ده النهارده وقعدت اسمعه مزهوله
    كأني قاعده في سيرك



  4. #4
    Pb Elite
    تاريخ التسجيل
    Oct 2007
    الدولة
    In eyes of my lover
    المشاركات
    1,074

    افتراضي

    انا شفت الاعلان ده مره وقولت اكيد مصممين اللزقه دي فيها مكون بيسود لما تلمس الجلد

  5. #5
    Pharma Student
    تاريخ التسجيل
    Sep 2008
    المشاركات
    3,366

    افتراضي

    كنت فى الصيدليه والاعلان دا شغال ., انا كنت سمعته قبل كده وبابا قعد يضحك ويقولى هيقعدوكوا فى البيت انتوا وبتوع طب خلاص بقوا بيطلعوا ارتفاع ضغط الدم من الرجلين

    المهم , وانا فى الصيدليه والاعلان شغال كان موجود معايا واحد غالبا تعليم متوسط وكان بيتكلم فى الموبايل ولما

    الاعلان بدأ لقيته ساب الموبايل وبيقولى شوفى دا كده يا دكتوره وراح مكمل كلام , ولما خلص كنت انا هيأت

    نفسى اننا هنضحك على النكته بتاعه الرجلين دى .. فوجئت بيه بيقولى هوا الكلام دا صحيح !

    ساعتها عرفت بس ازاى نوعيات الاعلانات دى ما اندثرتش من اول ما طلعت ., لأن للأسف فيه ناس بتصدقها

    وزى ما بتقولى كده كلمتين على الجنب مش مفهومين وهوا عيان بقاله سنين بالضغط والكبد ونفسه يتعالج نهائيا

    _ مع ان المفروض طبيبه يكون فهمه ان دا مرض هيتعايش معاه _ فبيتعلق بأى حاجه زى دى ..

    الفكره بقى ان العيب مش على الناس اللى بتشترى , العيب على اللى سايبين الناس اللى بتنصب دى كده

  6. #6
    Pharma Student
    تاريخ التسجيل
    Jan 2009
    الدولة
    mansoura
    المشاركات
    827

    افتراضي

    انا شفت الاعلان ده ....لا وكمان بيقولوا انه بيعمل بنفس طريقة الحجامة عشان كدة بيمتص السموم من الجسم .....ربنا يهدى

  7. #7
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي


    فلة دا خلوا كلية الانسان بقى رجله

    ياجماعة القنوات دى مضرة بصحة العقل

    يعنى لما تشوف اعلان ابوكرتونة بتاع الكمبيوتر

    او الاعلانات بتاعت التخسيس

    وكام اعلانات الكريمات اللى 100 جنيه

    تتأكد ان ده كله نصب وحرام انك تسمعه

  8. #8
    Pb Elite
    تاريخ التسجيل
    Mar 2008
    المشاركات
    780

    افتراضي

    سمك لبن تمر هندى هو حد فاهم حاجه ........................................

    عذرا د/زويل انه عصر الجهل

  9. #9
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي

    سمك لبن تمر هندى هو حد فاهم حاجه ........................................

    عذرا د/زويل انه عصر الجهل





    ياعم مش للدرجة دى هو بس القنوات المتخلفة دى وغياب الرقابة عنها هو اللى عامل كده

    يعنى حتى بعيد عن الاعلانات تلاقى البرامج اللى بيسموها طبية وتلاقى واحد مسمى نفسه دكتور عمال يفتى وخلاص كأنه دليفرى صيدلية

    واحد يقوله عندى كذا يقوله اعمل كذا فى كل التخصصات وكل المجالات

    بصراحة المفروض يبقى فيه حل للهبل ده

  10. #10
    Moderator
    تاريخ التسجيل
    Nov 2008
    الدولة
    Heart 0f My Lover
    المشاركات
    4,321

    Thumbs up

    هيه دى غير اللزقه بتاعت التخسيس


    اكيد الاعلانات دى عموما انها نصب
    لان لو كانت على اساس علمى
    كان طلعلها تصريح من وزاره الصحه ونزلت الصيدليات

    وكمان حاجه مستفزه جدا
    تلاقيهم عاملين دواء لمرض زى فيرس سى مثلا
    المريض يفضل يتعالج سنين
    ودول يطلعوا دوا بــ 100 جنيه يخلص على الفيرس

    انا بقى كل يوم بتسأل على اللزقه دى هيه وشاى دكتور مينج

    وواحد جرب خلطه للدوالى
    قطعه قماش منقوعه فى خل التفاح ثم مغموسه فى زيت الزيتون وتوضع على الدوالى


    اقتباس المشاركة الأصلية كتبت بواسطة Dr/HULK مشاهدة المشاركة
    ياعم مش للدرجة دى هو بس القنوات المتخلفة دى وغياب الرقابة عنها هو اللى عامل كده
    بلاش تعميم لان فى قنوات دينيه كتير جدا لو مكنش اغلبها فيها اعلانات
    زى كريم sh باين للالتهابات بتاع قناه الرحمه ده

    معاك حق فى غياب الرقابه
    لان مينفعش اعمل فقره اعلانيه دون الرقابه على ما يعلن عنه

صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •