معلش يا جماعة استفسار صغير برضو
الناس اللي في النص الأول زي حالاتي
هيطلبونا امتى ؟ وهنسمع موقفنا امتى تقريبا؟
معلش يا جماعة استفسار صغير برضو
الناس اللي في النص الأول زي حالاتي
هيطلبونا امتى ؟ وهنسمع موقفنا امتى تقريبا؟
أنا الموظفة قالتلى المفروض مدته أسبوع .. بس عشان خاطرك تيجى تستلمها السبت .. يعنى بعد 4 أيام إن شاء الله .. لما تجيبه .. خده معاك و اطلع بيه ع التجنيد .. غالباً بيبقى فى مركز الشرطة .. و خد معاك أصول الورق اللى عملت بيه القيد العائلى .. و صورة منه برده .. و لما تيجى تستلم القيد العائلى .. المفروض بتدفع 10 جنيه و نص ..
البوليكا دى للى ليهم إعفاء نهائى من الجيش .. وحيد .. أو الوالد متوفى و هو وحيد ..
روح التجنيد فى قسم الشرطة بتاعكوا يا أنور .. و اسأل هناك ..
أروح النهاردة السجل المدني في جديلة ... يقولي معتش قيد عائلي
أخدت فترة على ما فقت من الصدمة و بقوله ازاي
قالي لو عاوز تعمله روح الكمبيوتر عن مصر للطيران ... قلت اه كده كلام معقول
أروح الكمبيوتر ده بقى ألاقي نص الشعب المصري مستخبي هناك
عرفت انا لما الشوارع بتبقى فاضية الناس بتكون فين
لقتي شباك كده مكتوب عليه "شهادات القيد العائلي المميكنة "
عجبتني اوي كلمة المميكنة دي ... و الله حكومة زي العسل ...
لأ و كمان الشباك كان فاضي ... قلت جالك الفرج ... بقول للعسكري اللي قاعد عاوز أعمل قيد عائلي
قالي روح الشباك اللي في الآخر هناك ده "مع اني متأكد ان اللي انا كنت فيه ده مكتوب عليه قيد عائلي والله"
المهم رحت للشباك التاني لقيت برضه عسكري قاعد هناك - مش عارف ايه حكاية العساكر في السجل المدني و ايه اللي وداهم هناك - بقوله عاوز اعمل قيد عائلي قالي هات كذا و كذا و كذا
قمت سايبه و ماشي ... أصلي مكنش معايا حاجة خالص و كنت رايح أسأل النظام بس
و أصريت اني أكمل اليوم في دهاليز الروتين و البيروقراطية ... قمت رايح المرور
حست اني داخل بلد تانية غير البلد اللي كنت فيها
و عرفت النص التاني من الشعب مستخبي فين
ناس راحة و ناس جاية و محلات تصوير مستندات ... شوية و لقيت عصارة قصب ... اه والله جوه المرور
و خلصت اللي عاوزه من هناك و مشيت ... و روحت بيتنا بعد يوم ركبت فيه 7 مواصلات
و تحيا مصر
طيب يا سيزر أنا والدي متوفي بس عندي أخ يبقي كدا ايه الكلام يا سيزر
أصل شكلك كدا فاهم
فمعلش استحملنيي في أسئلتيي
وأنا والدي متوفي واخويا شغال بره مصر ومبيرجعش الا كل سنة مرة
مفيش ثغرة كدا ولا كدا اقدر اخد منها اعفاء
علي حسب سن الاخ ده ياجماعة يعنى لو هو صغير لسه يبقى انت العائل الاكبر هتاخد تأجيل فى تأجيل ولو الاخ هو الاكبر بس عدى ال 30 هتأخد اعفاء عشان هتجيب ورق يثبت انك العائل الوحيد لوالدتك وبالنسبة للاخ اللى بره البلد لو متجوز يبقى انت اخدت برده اعفاء عشان انت العائل الوحيد غير كده ممكن تجيب ورق باجازاته وصور من جواز سفره وتاخد تأجيل لحد ما يتجوز او يكمل 30 سنة والله اعلم
طب بالنسبة للي والده متوفي لازم حقي بطاقة الام يكون مكتوب فيها ارملة
؟؟؟؟؟؟؟؟؟؟؟؟؟