Bye Bye Medicinal :)

[Ramy Saad]

السلام عليكم ورحمة الله وبركاته


خلاويص المديسنال أول المفارقين

الموضوع ده عشان رأيك في الامتحان
بصراحة الامتحان كان في متناول الطالب


بس ليا تعليق على طباعة الامتحان
توزيع الأسئلة داخل الورق مكانش ظريف خالص
خصوصا سؤال د. عزة
كان ممكن يكون الجدول قبل السؤال مباشرة
بدل ما الواحد يقعد يقلب الورق يمين وشمال في كل جزئية

كمان جزء الدكتورة عزة بتهيألي مكانش ظريف
مجرد رأي كدة
لكن امتحان الدكتور محمود والدكتورة نجلاء كان كويس ( بتهيألي برضه )


عموما الحمد لله ،، مادة وعدت


أسأل الله التوفيق والسداد ..

[pharmacist shery]

الصراحه جزء د/ محمود وحش جداااااااااااااااااااا لكن جزء د/ عزه ود/ نجلاء حلو جدا جدا جدا وكان مباشر جدا بس الحمد لله عدت بخير

[احمد شبند]

انا شايف ان الامتحان كان جميل جدا

صحيح انا محلتش كويس فى جزء الدكتور محمود بس ده اعتقد لانى تاريبا كدا ذاكرته غلط


المهم

بالنسبة لتظيم الورقة انا معاك فى الجزئية دى يا رامى
بل ممكن واحد يشيل المادة بسبب حركة زى دى


لان من كتر القلب ده ممكن اى حد يتلغبط فى ترتيب الاسئلة خاصة ان كان من الناس الى بتتوتر ( زى واحد صاحبنا كدا)


وبالتالى هتبقى كل اختيارته غلط لو غلط فى رقم واحد بس وبالتالى بالسلامة يشيل المادة

[Mohamed Al Gohary]

كان ممكن يكون الجدول قبل السؤال مباشرة
بدل ما الواحد يقعد يقلب الورق يمين وشمال في كل جزئية

نفس القصه كانت عندنا في امتحان الفايتو في جزء الدكتور فريد برضه .. الاسئله فى صفحه والاستركشرات في صفحه ..

اعتذر عن هذه المداخله

[د\بوسى ربيع]

يسلام كنتم اقطعوا الورقه وحطوها قدامكم كانت هتبقى اسهل الف مره بس بجد انت بتتناقشوا فى ايه انا شايفه الامتحان نسبيا معقول اه اكيد فى غلطات كتير واجزاء وقعت بس فى المجمل شغال خلونا نخلص بقى

[dr/noony]

الصراحه جزء د/ محمود وحش جداااااااااااااااااااا لكن جزء د/ عزه ود/ نجلاء حلو جدا جدا جدا وكان مباشر جدا بس الحمد لله عدت بخير

صح جدااااااااا معاكى على فكرة انا بقيت مش بتفائل بالجزء اللى بحضر محاضراته
د/محمود كل محاضراته حضرتها بالعكس مع د/ عزة ود/ نجلاء مكنتش بحضر والحمد لله
جدت سليمة فيهم وحصلت معايا كتير جداااااااااااااااااااااااااااا


بالنسبة لترتيب الورقة فعلا كان حاجة تخنق جدا
وخصوصا لو بتمتحن فى المدرج والبنش لازق الورقة
فى عنيك بس انا قطعت ورقت الاستركشرات
لوحداها كده لانى بصراحة كنت على اخرى من جزء د/ محمود

[pharmacistina]

تنظيم الورقة ..


ايه يا جماعة !!!

أنا على طول فكيت دبوس الورقة و بقت قدامي 3 صفحات منفصلة حطيت الاستركشرات قدام الأسئلة ..

هي المديسنال كدة عايزة حد يدخل على الورقة بقلب جامد بفك الدبوس و يقعد يمخمخ ..

جزء د- محمود عجبتني فكرته , أنا بحب جداااا الأسئلة اللي من النوعية دي ..

و ان كانت فيها صعوبة بس تشغيل المخ حلو و أنا بحب أسئلة د- محمود جدااا , يمكن لأن د- محمود مكانته كبيرة جدااا عندنا فحتى لو امتحانه فيه حاجة صعبة هحب الأسئلة برده ..

جزء د- عزة لم يعجبني لأنه لا يركز على أشياء مهمة ..

يعني معلش أنا لو بحط امتحان مش هاجي أسيب الـ Betamethasone و الـ prednisolone و الأدوية المهمة زي مثلا metformin و أسأل في حاجات تعتبر مهيش شائعة في السوق !!!

يعني دواء زي الـ Betamethasone لما ميجيش في الامتحان , يبقى احنا بندرس المديسنال ليه اصلا ..

امتحان د- عزة مركز على أدوية مش مهمة في المجال , لم يعجبني بصراحة ..


د- نجلاء امتحان في الصميم و فيه فكرة و سلس و عشرة على عشرة ..

[khokha224]

انا مش عارفه انتوا مالكوا ولا انا اللى عجيبه ولا ايه
جزء د/محمود كان حلو جدااااااااااا
احلى جزء فى الامتحان اصلا
الباقى بقى ربنا يستر

بس الامتحان ككل احسن من توقعاتنا بكتيييييييييير
الحمد لله

[رويزو]

ممكن نلخص وجهات النظر كلها فى الامتحان
ان كل واحد الجزء اللى مذاكره كويس حل فيه كويس وبقيت الاجزاء طبعا من غير فقاقه بالنسباله وحشه
والسلام عليكم

[genious]

السلام عليكم
انا كنت النهاردة بالصدفة في الكلية وشفت امتحان الطبية

الامتحان سهل جدا واللي ميجبش الدرجة النهاية يبقي غلاطان بجد

يعني الدكاترة ريحكوم من رسم المركبات ومش عاجب !!!!!!!!!!!!!!!!!!!!!!!!!!

ولو عاوزين تشوفوا امتحانات بصوا علي امتحانات 2007 وما قبلها

وجزء الدكتور محمود سهل ولذيز لانه دكتور ذي العسل في كل شيئ لانه هو كان بيدلنا 2007 في سنة 3 وسنة 4 لدرجة ان انا مش قادر انسي الميدسنال لاسلوب شرحه الرائع الله يبارك في سيادته ويعطيه عمرا مديدا مباركا حتي يستمر في العطاء
اااااااااااااااااااااااااااااااااااامييييييييييين