حراميــــــــــــــــة فى الكليـــــــــــــــة !!! ...... طيب ايه الحـــــــــــل؟؟؟

[ms_Belladona]

الموضوع باختصار شيء مؤلم ومؤسف بيحصل فى كليتنا
واحنا ساكتين ومش قادرين نعمل حاجة ..
لما الواحده تبقى قاعده فى المحاضرة ولا قاعده فى السكشن!!!!!
وتكتشف ان شنطتها اتنشلت
وتلاقيها مرميه فى الحمام بعد ما اتقلبت طبعا واتسرق كل اللى فيها ..
المشكله انها ماحصلتش مع واحد ولا اتنين ،
المشكله انها بتحصل مع ناس كتير بنفس الطريقة وفى أوقات غريبه
زى المحاضرات والسكاشن .,والامتحانات!!!.
يعنى أنا مش عارفه أشك فى مين ؟؟؟
ولا قادرة أفكر ولا أخمن مين ممكن يعمل كده ؟؟؟
واحد أو واحده زميله تيجى السكشن وتسرق الشنطه
وتأخد اللى فيها وبعدين ترميها فى أى حته ؟
ولا حد فى المعمل ما نعرفوش ؟
ولا حد جاى مخصوص عشان يسرق حاجتنا ويمشى ؟؟؟ !!!
أنا مابقتش عارفه أفكر بجد ..
ضماير الناس راحت فيييييييييييين ؟؟؟!!!
لو هما زمايلنا فعلا ، ازاى نأتمنهم على أرواح الناس بعد كده ..؟؟؟
و احنا هنفضل ساكتين على حقوقنا دى ؟ ولا هنعمل ايه ؟
وايه دور الامن فى المشاكل دى ؟؟؟
أنا احتارت وتعبت خلاااااااااااص ..

[Sincerity]

عندك حق والله يا bella... يوم سكشن الميكرو أتصدمت من اللى حصل للمياء ... بجد مكنتش عارفه أفكر وقلت ياربى مين ممكن يعمل كده وخصوصا اننا كلنا عارفين بعض ... مش قادره استوعب الموقف لا وكمان الشنط اللى بنلاقيها ف الحمامات فاضيه ... لا والمصيبه حوادث السرقه اللى بتحصل ف المسجد ... بجد حاجه بشعه اللى رايح المسجد ده رايح يسرق مش يعبد ربنا ... مش خايف من ربنا ... يا الهى البشر بقوا حاجه غريبه ...
والمصيبه ان حوادث السرقه ف كليه زى كليه الصيدله ومنتشره بالمنظر ده أمال بقى ف الكليات التانيه بيحصل ايه ؟؟؟
ده الواحد بقى يخاف اليومين الجايين ليتخطف ...
ربنا يستر بجد الواحد مش عارف الايام مخبيه لينا ايه ؟؟؟

[dr queen]

معلش يا بنتى ، كان الله فى عونكم ..

احتسبى كل ده عند ربنا خير ان شاء الله ،

وربنا المنتقم ..

الحكاية بجد زادت عن حدها أووووووووى أوووووووووووووى بشكل لا يحتمل ،
والمشكله ان مافيش جديد بيحصل ويبقى الوضع على ما هو عليه ..

ضماير الناس راحت فيييييييييييين ؟؟؟!!!

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

و احنا هنفضل ساكتين على حقوقنا دى ؟ ولا هنعمل ايه ؟
وايه دور الامن فى المشاكل دى ؟؟؟

ناس كتير من اللى اتسرقوا اشتكوا وبلغوا الامن ومع ذلك مافيش حاجة اتعملت ،
احنا هنفضل كده لحد امتى ؟؟؟
لازم يبقى فيه حل من قبل الامن والحكايه ما تبقاش سايبه كده
نتسرق واحنا فى كليتنا
فى محاضرتنا ، سكاشنا ، امتحاناتنا ...

بجد حرااااااااااااااااااام ،
وحسبنا الله ونعم الوكيل ..

[..::ciZar_Resala::..]

الأمن مش بيدخل معاكوا المدرج ...

و الأمن مش بيدخل معاكوا المعامل ..

------

الحل : كل واحدة تحافظ على حاجتها ..

اللى سرق بينكوا يا " دكاترة " ..

العامل عمره ما يسرق طالب .. أنا حصل قدامى موقف .. و الله العامل كان جايب الشنطة و جاى جرى .. و بينهج .. و خايف .. كأن حد هيقتله .. و جايبها و طالع للدكتور سرى .. و خايف حتى يفتحها عشان يشوفوا بطاقة صاحبتها .. أو كارنيهها ...

و الحمد لله البنت جت استلمتها سليمة و كاملة .. و اتأكدت بنفسها .. و ربنا يباركله .. " عم ثروت " .. أنا بصراحة احترمت الراجل ده جداً ..

------

لما تلاقى الشنطة ف الحمام " فى حمام البنات " .. اللى سرق بنت ..

الحل الوحيد .. هو ال Lockers اللى هتتعمل ف الكلية إن شاء الله .

و إن شاء الله هنناقش الموضوع مع الدكتور حسن ..

بس هيحتاج وقت .. عشان التكلفة هتبقى عالية شوية ..

و ربنا يسهل إن شاء الله ،،

-----

كمان السرقة ف المسجد ؟؟؟

يعنى " بنت " .. " دكتورة " .. منكوا !!!!

لا حول ولا قوة إلا بالله

[Sincerity]

نعمل ايه يعنى؟؟؟ ... الناس بتتلفت تلاقى الشنط اتشالت من جنبها أو اتفتحت واتاخد الموبيل او المحفظه منها ... كتير أوى بيبقوا شايلين شنطهم ف ايديهم وبيتسرقوا ...
مش فاهمه بجد نعمل ايه ؟؟؟
تقريبا بعد كده محدش هيشتال شنط ....

[wh_kaboo]

موضوع جامد جدا وهادف

بس للاسف الحل مش فى الامن ولا ادارة الكلية

لازم نحافظ شويه وخصوصا البنات علشان هم اكتر المعرضين لكده وعمر ما واحد غريب او واحدة غريبة ممكن تسرقك ةمش معنى كده ان اصحابك وحشين ولكن خلوا بالكوا شويه .

على فكرة الموضوع ده مش عندنا بس كمان منتشر فى الجامعة كلها وكمان فى مستشفيات الجامعة حصل لاختى فعلا كده .

يعنى دى حالة عامة

[ms_Belladona]

مش قادره استوعب الموقف

ودة الي حاصلي لحد دلوقتي
فعلا اكتر حاجة تضايق ان معقول خلاص نوصل لدرجة الشك في زمايلنا
بجد شيء مؤسف

والمصيبه ان حوادث السرقه ف كليه زى كليه الصيدله ومنتشره بالمنظر ده أمال بقى ف الكليات التانيه بيحصل ايه ؟؟؟

!!!!!!!!!!!!!!!!!!!!!!!!!!

ده الواحد بقى يخاف اليومين الجايين ليتخطف ...
ربنا يستر بجد الواحد مش عارف الايام مخبيه لينا ايه ؟؟؟

فعلا بجد ربنا يستـــــــــــر
مش عارفين بعد كده ممكن يحصل ايه

[dr queen]

هو احتمال كبير جدا انها واحده من السكشن فعلا ،

ودى فى حد ذاتها مصيبه كبرى ،
ماعتش فيه أمان خلاص ؟
والناس دى هتكون مسؤوله عن أرواح المرضى ازاى ؟؟؟

الضماير اتعدمت للدرجة دى ! ليه الاساليب الدنيئه دى فى التعامل بين الزمايل ،
ومش أى زمايل .. دكاااااااااااااااااترة ..

لنا الله وهو المنتقم ..

[..::ciZar_Resala::..]

إحنا قلنا فى Lockers هتتعمل إن شاء الله ف الكلية ..

و كل واحدة تبقى مسئولة عن حاجتها ...

و لحد ما الدواليب دى تتعمل .. أظن ناس عندها 19 سنة فما فوق .. مش صغيرين لما الشنطة تتسرق و هى ف إيدهم !!!

كل واحدة تحافظ على حاجتها ... و الواضح إن السرقة منتشرة أكتر ف الفرقة التانية !!

[wh_kaboo]

عقدة النقص ؟؟؟؟؟؟

اللى بتكون عند كثير من البشر يعنى البنت مثلا تكون حاسة ان صاحبتها احسن منها فى اللبس و الموبايل والحاجات التافهة التانية ففيه فعلا بنات بتسرق علشان تكمل العقدة دى عندها

بس ايه الحل ؟؟؟؟