السلام عليكم ورحمة الله وبركاته....
إزيكم يا دكاترة كلكم....
يارب تكونوا بخير يارب....
أنا قلت نتشارك مشاريعنا اللى ناويين عليها فى الأجازة دى, نتيجة للوقت الفاضى اللى لقيت نفسى مش عارف أستخدمه, وأعتقد إن ممكن يكون فى ناس كمان غيرى مش عارف تستثمر الأجازة إزاى,,,
على العموم أنا سمعت فى الراديو برنامج عن الموضوع ده, بس للأسف مش فاكر منه حاجات كتير...
المهم من المواضيع اللى ناقشها البرنامج ده:
بر الوالدين, صلة الرحم, حفظ القرآن, الإطلاع والقراءة, ومشاريع تانية بس أنا مش فاكرها بصراحة... وممكن كمان السفر لبعض المناطق فى مصر فى الأقصر وأسوان وغيرهما,
برأيى نتكلم عن المشاريع التلاتة اللى فوق وكل واحد يقول رأيه فيهم وإزاى ممكن ننفذهم بأفضل شكل,
أنا هتكلم عن بر الوالدين شوية وأقول شوية كلام من اللى كان فى البرنامج,
هو أولآ فترة الدراسة بتبقى مليانة بالمشاغل, سواء دروس أو مذاكرة أو الكلية أو غيره,
وده بيكون سبب إن بعض الناس بيبعدوا عن الوالد أو الوالدة وبيشوفوهم حسب الظروف,
ممكن المشكلة دى تتحل ونعوض فترة الدراسة إننا نقعد معاهم ونتكلم معاهم ومش شرط فى أوقات محددة" زى وقت الغداء أو العشاء بس يعنى".... ونحاول نكسب فى الفترة دى على أد ما نقدر من سمع كلامهم والتقرب ليهم, ورضى ربنا برضاهم إن شاء الله... قولولنا رأيكم إيه فى الموضوع ده؟!
عن صلة الرحم, ممكن على الأقل نرفع سماعة التليفون ونطمن على قرايبنا "وعلى فكرة ده برضه بر للوالدين" ونطمن على قرايبنا وأولادهم ونحاول نوفر ساعة يوميآ نزور فيها أى حد ممكن نزوره....
كمان البر بالجار, وطبعآ الرسول وصانا بالجار ولحد سابع جار, برضه ممكن نتصل بجيرانا أو نزورهم لمدة دقائق نطمن عليهم على الأقل يعنى...
وأهم حاجة بعد بر الوالدين, حفظ القرآن, ممكن كلنا نبدأ من جديد إن شاء الله فى حفظ القرآن أو اللى حافظ قبل كده يتابع, واللى ختم القرآن يراجع وكده يعنى, وأهم حاجة فى حفظ القرآن إن الحفظ بيكون على يد شيخ أو حد أكبر مننا وفاهم جدآ وعارف جدآ علوم القرآن وقرائته وتلاوته,,,
وأضعف الإيمان إن ممكن يكون بالإعتماد على المصحف المعلم, وأنا هاعتمد على المصحف الملعم لأنى مش عارف أنظم وقتى للأسف مع الجامع...
وكمان بالنسبة للاولاد, ممكن يحضروا دروس علم أو تذكرة وأنا مش أعرف المواعيد عامةً لأنى بروح مع أصحابى وهما بيقولولى الميعاد كل مرة,,, وعلى العموم اللى عايز ييجى معايا من الأولاد يكلمنى, وأنا كمان إن شاء الله هاحاول أجمع المواعيد الثابتة للشيوخ والدروس وأنزلها فى الموضوع.....
ها يا جماعة قولولنا إنتم إيه رأيكم فى المشاريع دى , وعرفونا إيه مشاريعكم؟؟؟؟
تحياتى;