ايهما افضل اثناء الدراسة ؟؟

[احمد شبند]

السلام عليكم ورحمة الله وبركاته


كنت عاوز أخد رأيكم فى حاجة تخص مستقبل كلا منا


بس عاوزين نتناول الموضوع بواقعية ووفقا للحياة الى احنا عوزنها بعيدا عن المثاليات عن طريق التنظير وكدا


وسؤالى هو


ايهما افضل خلال فترة الدراسة الى هى خمس سنوات؟؟

1- الاجتهاد فى المذاكرة وتحصيل ما نتعلمه وانك تجيب تأديرات عالية.


2- تحقيق المطلوب بالنجاح مع الاهتمام بالحياة العملية لك (الشغل يعنى )

بحيث انك عندما تتخرج تكون خلاص مشيت فى طريقك ومش محتاج تبدأ لسة .


3- ولا تقضيها وخلاص وتعدى السنين ولما تخلص ربنا يسهل.



ممكن حضراتكم تجاوبوا دلوقت من غير ما تكملو قراية




وفقا للخيرات الى فوق دى

بجد ان زمايلنا بينقسمو لتلت اقسام او ممكن اربعة


الاول

بيجتهد جدا فى المذاكرة وبالكاد تقول مورهوش حاجة غير المذاكرة وبيحصل تقديرات جيدة فى النهاية .


الثانى


مقضيها وخلاص فى سكشن يقرا ما يقرأش مش مشكلة يشتغل ما يشتغلش مش مشكلة يذاكر ما يذاكرش مش مشكلة

اهم حاجة ينجح فى الاخر وخلاص وبعد كدا الى يحصل يحصل.

(وده غالبا بيتعب جدا بعد ما بيخلص)


الثالث

مش فى دماغة الدراسة ومركز على حياته العملية فقط يعنى الشغل بحيث انه فعلا بيكون بدأ طريقه فى الحياة


وبمجرد انه بتنتهى الدراسة بيبقى خلاص مفيش ضغط عليه ولا فيه مسؤليات زيادة


الى جد عنده فقط انه انزاااااااح من عليه هم الكلية (يعنى بيكون فى موضع افضل ).


فيا ترى حضراتكم تفضلوا ايه من الخيارت التلاتة؟؟



علما

ان مسئلة التعين فى الكلية لا تقارن بالنسبة للكليات العملية الاخرى من حيث الفرص والمتاح والمطلوب

(زى طب او هندسة او اسنان او حتى بيطرى)

[dano_90]

السلام عليكم ورحمة الله ....

أولا بشكر حضرتك على عرض الموضوع ده ...

انا هتكلم عن نفسى مثلا ..

اول مادخلت الكلية كنت راسمه لنفسى آمال وطموحات كبيره اوى ..مكدبش عليكم ,كنت بقول هجيب تقديرات عاليه واتخرج واشتغل ف staff التدريس ف الكليه واعمل ابحاث وكلام من ده ..

جيت ف الترم الاول ف اعدادى جبت جيد مرتفع (طبعا حسيت انى ضعت ..بعد ماكنت مستوايا عالى جدا ف ثانوى معرفش اجيب جيد جدا حتى )...

وتقريبا استمريت على نفس المستوى ..مش لانى لسه حاسة باءحباط ..لاء

لانى بجد بشوف ناس معانا بيزاكروا عميانى ولا هما فاهمين حاجة ...لدرجة انهم بيحفظوا الكلام كتابة ومش بيعرفوا ينطقوا الكلمات صح....

كده كده الاغلبيه بتزاكر تروح تحل الامتحان ....وبعديها ولا فاكرين حاجة من اللى اخدناه ...(الا من رحم ربى )

هما لو يحاسبونا على الفهم والتطبيق كان هيبقى حالنا احسن بكتير من محاسبتنا على الحفظ ....

انا قرأت رد حضرتك مره يادكتور ان مش مهم عندك التقدير ,, وبصراحة من توبيكاتك حسيت انك حد فاهم وبيفكر بطريقه عمليه ,,

فبالتالى التقدير مش كل حاجة ,, لكن اللى ف ايده يزاكر وبردو يكون متفوق عمليا وليس علميا فقط يبقى كويس وافضل بكتير من انه يهتم بشىء واحد ...

انا الحمد لله عن نفسى لما بزاكر كويس طبيعى بجيب درجات كويسه ... لكن بصراحة شايفه انه التقدير مش فارق معايا ,, بيفرق بس مع الناس اللى عاوزين يشتغلوا ف التدريس او تبع الحكومه ...وانا مش لاقيه نفسى ف حاجة من دول ,,,

آخرها معايا بعد التخرج شوية تدريب على كورسات واشتغل ويبقى كله تمام ... الصيدلى ماهو الا خبره ..مش شهادات متعلقه على الحيط بتاع الصالون.....

معلش طولت ... لكن التوبيك جامد بجد وعجبنى ,,,

[Chimera]

انا خليط بين النوع التاني و التالت ..

يعني انا شغال فعلاً .. و لكن بعيد عن مجال الصيدلة تماماً
+
ان انا مقضيها و خلاص .. و عاوز انجح بأي طريقة .. بشوية ورق تجميعات ف اخر السنة .. و يبقى ربنا يسهلها بعد التخرج ان شاء الله

.,,

[عبدالله عبدالرحمن]

اولا شكرا يادكتور على الموضوع
بس اناعايز اوضح نقطة قبل ما رد
ان فى الوضع الطبيعى يجب ان يكون تقديرك هو دليل على قدرتك على
مجاراة الوضع فى الحياة العملية واستخدام علومك فى ممارسة مهنتك بشكل سليم
هو ده الصح
لكن طبعا اذا اصبح التقدير
مجرد كلمة على ورقة ولا يشير على الأطلاق الى قدرة حمله
على تطبيق ما تعلمه
فان خيار التعلم الذاتى هو الخيار الأصوب -فى رأيى-
يعنى فعلا ممكن يبدأ الواحد انه يتخلى عن فكرة التقدير
ويبدأ يسلح نفسه بالخبرة العملية-المفترض اكتسابها من خلال الدراسة-
سواء كان ذلك عن طريق الدراسة الذاتية او العمل فى مجاله
وياحبذا لو كان الشخص قادر على جمع التقدير والخبرة العملية
وان كان هذا سيتطلب جهدا خارقا وانسان صلب
فى ظل الوضع الحالى
وطبعا كل انسان له اتجهات محددة
واحد شايف انه هيبقى باحث او معيد فى كليته
يبقى العلوم النظرية اللى فى الكلية هى اللى هتفيده

وبيقول احفظ دلوقتى وافهم بعدين
واحد تانى شايف مستقبله فى الصيدلية الأهلية
يبقى الخبرة العملية مهمة جدا له
وهكذا ..

[DR DOOLA]

التقدير فى كليتنا مش مقياس للتعب بتاع السنه كلها
و كمان انك تبقى كويس فى الكليه لدرجة جيد و تبقى متميز فى الحياه العمليه و كمان انك متحرمش نفسك من حاجه و تبقى بتعمل كل حاجه
ده فى نظرى افضل

[Dr/HULK]

انا بحضر المحاضرات وبشتغل فى السكاشن كلها تقريبا

بس مش بعرف اذاكر اوى

بس الحمدلله بجيب تقدير جيد

ونفسى اخلص الكلية النهاردة قبل بكرة

ومحضرتش حاجة لحياتى العملية او حتى العلمية

ربنا يسهل وعلى رأى اللى قال

اللى ميجيش النهاردة ييجى بكرة

ومع الاعتذار للمقولة

لاتؤجل عمل اليوم لبعد بكرة

[احمد شبند]

السلام عليكم ورحمة الله ....

أولا بشكر حضرتك على عرض الموضوع ده ...

انا هتكلم عن نفسى مثلا ..

اول مادخلت الكلية كنت راسمه لنفسى آمال وطموحات كبيره اوى ..مكدبش عليكم ,كنت بقول هجيب تقديرات عاليه واتخرج واشتغل ف staff التدريس ف الكليه واعمل ابحاث وكلام من ده ..

جيت ف الترم الاول ف اعدادى جبت جيد مرتفع (طبعا حسيت انى ضعت ..بعد ماكنت مستوايا عالى جدا ف ثانوى معرفش اجيب جيد جدا حتى )...

وتقريبا استمريت على نفس المستوى ..مش لانى لسه حاسة باءحباط ..لاء

لانى بجد بشوف ناس معانا بيزاكروا عميانى ولا هما فاهمين حاجة ...لدرجة انهم بيحفظوا الكلام كتابة ومش بيعرفوا ينطقوا الكلمات صح....

كده كده الاغلبيه بتزاكر تروح تحل الامتحان ....وبعديها ولا فاكرين حاجة من اللى اخدناه ...(الا من رحم ربى )

هما لو يحاسبونا على الفهم والتطبيق كان هيبقى حالنا احسن بكتير من محاسبتنا على الحفظ ....

انا قرأت رد حضرتك مره يادكتور ان مش مهم عندك التقدير ,, وبصراحة من توبيكاتك حسيت انك حد فاهم وبيفكر بطريقه عمليه ,,

فبالتالى التقدير مش كل حاجة ,, لكن اللى ف ايده يزاكر وبردو يكون متفوق عمليا وليس علميا فقط يبقى كويس وافضل بكتير من انه يهتم بشىء واحد ...

انا الحمد لله عن نفسى لما بزاكر كويس طبيعى بجيب درجات كويسه ... لكن بصراحة شايفه انه التقدير مش فارق معايا ,, بيفرق بس مع الناس اللى عاوزين يشتغلوا ف التدريس او تبع الحكومه ...وانا مش لاقيه نفسى ف حاجة من دول ,,,

آخرها معايا بعد التخرج شوية تدريب على كورسات واشتغل ويبقى كله تمام ... الصيدلى ماهو الا خبره ..مش شهادات متعلقه على الحيط بتاع الصالون.....

معلش طولت ... لكن التوبيك جامد بجد وعجبنى ,,,

للاسف طرق المذاكرة الغريبة الى انا بشفها بنفسى فعلا سببها الاساسى ان اصلا العملية التعليمية اصلا كلها ضربا


مثلا حتى فى السكشن الااقى المعيد بيشرح ومية مية وبعدين الاقيه فالاخير يقول (ما تخفوش يا جماعة كل الى مطلوب منكم فى الامتحان كذذا وكذا)

طبعا كلنالما بنسمع كدا بنقول (ربنا يخليك يا دكتور) وطبعا كل الى قاله خلاص ولا كأنه له لازمة لان الهدف اصبح تحقيق الدرجة فى الامتحان وليس تحقيق العلم.


وده فى حد ذاته عذرا على اللفظ قمة التخلف الى وصله التعليم فى مصر ان اصبح التعليم للشهادة والمنصب ولم يعد التعلم للعمل بالعلم

وان كل شخص لابد ان يضيف للعلم كما العلم اضاف له

(جامدة الجملة الاخيرة دى صح ما احنا مش فالحين غير فى الكلام بس)

المهم

وطبعا الى مساعد على كدا الحالة الاقتصادية والثقافية الى احنا فيها.


بالنسبة للتقدير


انا قلت قبل كدا كتيييييييييييييييييييييييييير



لو أنت مش هتتعين فى الكلية يبقى التقدير ملهوش اى لازمة

يعنى ننفض ونكسل ونام فى الخط


لا مدام انت خلاص مفيش تعين لك أنطلق بقى انت تعلم بجد

يعنى مش هقدر اوصل الكلام قوى بس ممكن من خلال باقى المناقشات وجهة نظرى توصل ..

انا خليط بين النوع التاني و التالت ..

يعني انا شغال فعلاً .. و لكن بعيد عن مجال الصيدلة تماماً
+
ان انا مقضيها و خلاص .. و عاوز انجح بأي طريقة .. بشوية ورق تجميعات ف اخر السنة .. و يبقى ربنا يسهلها بعد التخرج ان شاء الله

.,,

بص انا والله العظيم بحترم جدا جدا جدا الى بيشتغل اثناء الدراسة بدون ما الشغل يأثر على الدراسة


بالنسبة لشغلك فى غير مجال الدراسة

انا استنبط من كلام حضرتك انك مثلا تكون شغال فى مكان عمل والدك يعنى بتساعده فى الشغل زكدا وانك اكيد المفروض هتشيل الشغل من بعده...


ولو استنباطى ده صحيح يبقى انا معاك تماما فى السطر الاخير بس طبعا لو حاولت تزيد من ثقافتك وبرضوا تستمتع بتتعلم بعض الاشياء هيكون افضل..


اما بقى لو استنباطى ده خطأ يبقى زى منا قلت هتتعب بعد لما الدارسة تخلص لكن مش معنى كدا انك هتفشل لا

فى ناس كتير ربنا كرمها وكانت زى ما انت بتقول مقضياها وخلاص لكن تعبوا جدا جدا فى بدايتهم...

اولا شكرا يادكتور على الموضوع
بس اناعايز اوضح نقطة قبل ما رد
ان فى الوضع الطبيعى يجب ان يكون تقديرك هو دليل على قدرتك على
مجاراة الوضع فى الحياة العملية واستخدام علومك فى ممارسة مهنتك بشكل سليم
هو ده الصح
لكن طبعا اذا اصبح التقدير
مجرد كلمة على ورقة ولا يشير على الأطلاق الى قدرة حمله
على تطبيق ما تعلمه
فان خيار التعلم الذاتى هو الخيار الأصوب -فى رأيى-
يعنى فعلا ممكن يبدأ الواحد انه يتخلى عن فكرة التقدير
ويبدأ يسلح نفسه بالخبرة العملية-المفترض اكتسابها من خلال الدراسة-
سواء كان ذلك عن طريق الدراسة الذاتية او العمل فى مجاله
وياحبذا لو كان الشخص قادر على جمع التقدير والخبرة العملية
وان كان هذا سيتطلب جهدا خارقا وانسان صلب
فى ظل الوضع الحالى
وطبعا كل انسان له اتجهات محددة
واحد شايف انه هيبقى باحث او معيد فى كليته
يبقى العلوم النظرية اللى فى الكلية هى اللى هتفيده

وبيقول احفظ دلوقتى وافهم بعدين
واحد تانى شايف مستقبله فى الصيدلية الأهلية
يبقى الخبرة العملية مهمة جدا له
وهكذا ..

بالنسبة لمقولة التقدير دليل على البتنجان وكدا ومش عارف ايه (انا بهزر والله معاك ) وبحب اهزر معاك انت بالذات مش عارف ليه


ده فى حالة اذا تم الاتى :

1- الامتحانات كانت مقياس لما تم تحصيله من العلم لا بما تم حفظه ثم رمية فى الزبالة بعد الامتحان .

(وكلمة تتحصيله اى علم لا ينسى ويعمل به)

2- اذا كان هناك مجال للابداع والابتكار ولاستخدام اعلقل ولظهور الفوارق الشخصية .

(وطبعا الامر اصبح امر صم وحفظ وخلاص)

بس انا منكرش ان بردو علو التقدير يدل برضوا على المجهودوعلى ان الشخص صاحبة كويس


بدليل لو حد جاب مثلا امتياز فى مادة زى الفارما اكيد ده دليل على انه وصل لدرجة جيداة جدا من العلم فيها

(يا رب وجهة نظرى تكون وصلت فى كدا)


التعلم الذاتى

مممممممممم

الناس بتنظر لصاحبها على انه شخص عبقرى ومفيش زيه

ولكن للاسف ده المفروض يكون صفة فى كل واحد منا

انا قلت ان اكبر منظمة للاحصاء فى امريكا كانت عملت احصائية لمعدل القراءة فوجدوا ان المواطن العربى بيقرأ نصف صفحة فى السنة

واكبر واحد كان المواطن الانجليزى الى بيقرأ 40 كتاب فى السنة

(ده المتوسط طبعا )

والناس فاهمة ان التعلم الذاتى يعنى اجيب مذكرات واعد احفظ حجات ويوقولو عليه شايف الواد الاهبل ده بيحفظ حجات خارج المقرر

لا طبعا

تعلم ذاتى اى

القراءة القراءة القراءة

يعنى بتقرأ المعلومة فى اكتر من مكان وفجأ تلاقى نفسك أتكون عندك كم من المعلومات بجد لو كنت مسكت مذكرة كتجمعة فيها وقعدت تحفظ لا يمكن كانت تتحفظ

بل صدقونى وكله يفتكر ان شاء الله

بعد ما تخلص كليتنا العزيزة دى وتدخل الحياه العملية بتاعك لو اشتغلت فى مجال من مجالتها بعد خمس سنين كدا لن تتذكر الى ما تم اكتسابها الا من خلال التعلم الذاتى وفقط وبكرة تقولوا

التقدير فى كليتنا مش مقياس للتعب بتاع السنه كلها
و كمان انك تبقى كويس فى الكليه لدرجة جيد و تبقى متميز فى الحياه العمليه و كمان انك متحرمش نفسك من حاجه و تبقى بتعمل كل حاجه
ده فى نظرى افضل

خلينا واقعين

انا معاك ان ده ممكن

لكن ناس كتير حولت بكدا وانا حاولت بس لقيت ان ده هيقضى على حجات كتير فيا

لانك لو نظرت هو مش ورايا غير المذاكرة والشغل

لا

فى حجات تانية فى حياتنا وليه حق برضوا

يعنى واجبى تجاه ابويا مثلا

انا يوميا بقضى ما لا يقل عنمن ساعتين لتلت ساعت فى انى اقضى بعض المصالح لابويا

هل معنى اكدال انى اغفل دى

وفى واجبات دينية لية

يعنى لو حد بيحفظ قراءناو بيراجع او بتتعلم فى دينك ولا ليك اى دور دعوى او او او

وكمان من حقى انى امارس رياضة (ماتشين فى الاسبوع ولا حاجة)

ومن حقى يكون ليا اصدقاء اقعد معاهم

ومن حقى ومن حقى

ولكن الوصول لدرجة من المثالية ليس بالمستحيييييييل

انا بحضر المحاضرات وبشتغل فى السكاشن كلها تقريبا

بس مش بعرف اذاكر اوى

بس الحمدلله بجيب تقدير جيد

ونفسى اخلص الكلية النهاردة قبل بكرة

ومحضرتش حاجة لحياتى العملية او حتى العلمية

ربنا يسهل وعلى رأى اللى قال

اللى ميجيش النهاردة ييجى بكرة

ومع الاعتذار للمقولة

لاتؤجل عمل اليوم لبعد بكرة

انت دماغك عليا قوى

بس اكيد فى هاجس داخلك بقولك انك المفروض توصل ل.........

وجايز لما تغوط شوية فى الكلية هتبدأ تتحرك ان شاء الله

لكن لو كملت على كدا

يبقى ربنا يسترها مايا ومعاك

[Dr nour]

بصراحه شديده جدا اكيد كنت باتمنى ان يكون عندى خبره أو علم أقدر افيد بيه ودا ميمنعش انى اكون مجتهده فى دراستى واحقق تقديرات كويسه يعنى اكيد الجمع بين الاتنين شئ جميل كلنا أو عن نفسى بما انى بتكلم عنها باتمناه أكيد الاجتهاد فى الدراسه وتحقيق تقدير كويس دا شئ جميل بس للأسف فى نظرى ليس له أى قيمه لو انا معنديش القدره انى استفيد مما أدرس وافيد أو على الاقل اقدر انى اكون جيده فى عملى وخصوصا فى كليه ليها علاقه بالتعامل مع أشخاص هم فى حاجه للرعايه كمان احنا واقع علينا مسئوليه وأمانه المفروض نكون قدها
للأسف دا شئ كنت باتمنى انه يكون حالى لكن للأسف انا مجرد اللى بعمله بذاكر وادخل الامتحان واخرج منه مش فاكره شئ يعنى حاليا التقدير عندى هو الهدف اللى عاوزه احققه يمكن لأن صيدله مكنش طموحى أو يمكن لأن بدايه حياتى الجامعيه حصلى اشياء جعلت التقدير هو الأهم أو يمكن لأنى مش حاسه نفسى فى مهنه الصيدله بس كل اللى اعرفه ان عمرى ماهكمل حياتى فى هذه المهنه الا اذا اتسلحت بالعلم اللى يؤهلنى انى اكون قد المسئوليه ودا اللى بحاول اعمله انى اصلح مايمكن اصلاحه وباتمنى انى اقدر اشعر بنفسى كصيدلانيه على قد المسئوليه لكن لو مقدرتش هابحث لنفسى عن مجال آخر اقدر انى افيد من خلاله
وشكرا يادكتور على الموضوع وآسفه على الاطاله

[قناع الذهب]

انا اول ما دخلت الكليه بصراحة كان نفسى بقة اللى هوا اتعين وابقى معيدة وكدة وكنت فاكرة ان الحكايه دى هتيجى بسهوله وذاكرت اى كلام فى اعدادى وجبت 74.5 واستقريت عليها فى اعدادى واولى وتانيه حاجة تفقع طبعا ..
بس عرفت ان موضوع التعيين دا بعيد ومش هيتحقق فركزت فى اخر تانيه وسنة تالتة ان يكون تقديرى عالى علشان تكليفى ميجيش برة المنصورة والحمد لله دا حصل
يعنى بردة كان همى التكليف اللى مش عارفة هييجى فين ؟؟؟
بس حاليا نفسى ربنا يستر واجيب تقدير كويس علشان حكايه التعين دى بعد كدة وبصراحة محستش انى اتعلمت حاجة الا فى سنة تالتة
انما مهمتمتش بموضوع تدريب اوى مثلا ... او انى اعرف حاجات كتير لانى شايفة انها للولاد اهم منها للبنات لان الولاد هما اللى هيشتغلوا اكتر ويحتكوا بقة بالحياة العمليه وكدة انما البنات مصيرها معروف
وبالنسبه لللا انا شايفاة الافضل بصراحة يعنى هوا الاهتمام بالدراسه والتركيز على التقدير ومفيش مانع بردة من شويه تدريب ودا للبنات
شكرااااا د\احمد على الموضوع

[DR.BIBO]

موضوع جميل ومهم يادكتور انا عن نفسى بحضر المحاضرات وبحاول افهم وبذاكر على قد مبقدر ده فى الدراسة لان التقدير مهم برده عشان الحياه العملية فيما بعد لان بعضالوظائف زى الطب الشرعى مثلا بتحتاج تقدير
اما فى الاجازة بتدرب فى صيدلية وباخد كورسات تساعدنى فى الحياه العملية بعد كده وبكده ابقى وفقت بين التقدير والحياه العملية ولا ايه رايكو