اهمية الكتب الدراسية(مذكرات الاقسام)ليها لازمة ولا...؟؟

[M_S_SH]

مكملتش يعني
بصراحة انا كنت كاتب رد كبير عريض في الموضوع دةو مخبط جامد..بس ساعتها النت فصل ....احسن

كلامك الي في المشاركة الي فاتت صح وعجبني اوي يا دك هلك
مش لاقي كلام اقوله بعد كدة.....استمر استمر

[Larine_Resala]

بأما نة أنا عمري ماذاكرت من كتب الكلية ولولا انها بتنزل مع كتب العملي مكنتش جبتها من أساسه

لأن من وأنا ف اعدادي ظبطت نفسي على ورق الكورسات

وبالنسبة لتالتة الورق بجد جميل جدا وزي المحاضرات بالضبط ومفيش فرق بينه وبين الكتاب باستثناء ان فيه كتب بنتزل متأخر وعلى ماتتزل تكون انت خلاص مشيت بورق الكورسات

[Dr/HULK]

بص ياعم اهو دكتور جوهرى رصدك اهه


شفت ماشاء الله عليه جابلى مشاركة انا نفسى مش فاكرها

وبرضه عملت اللى فى دماغك فى الأخر
المهم فى رايي
الكتاب الجامعى ملخصه
دكتور
مهتم
يحترم
طلابه
لو اجتمعت الصفتين دول فى اى دكتور
انتهت
الكتاب اكيد هيكون مييه ميه
لأن اصدار كتب بمستوى لا يليق باسم الدكتور لبا اسم الكلية ولا حتى الطالب
لايدل سوى على عدم الأهتمام
وان الناس الموجه لهم الكتب دى
ملهمش اى قيمة
واحيانا
وللأسف دى موجودة
ان الدكتور بيعتمد ان فى ورق
وان الكتاب مش هيتذكر منه أصلا

بالنسبة لمذكرة الميكرو فالقسم وعد ان الكتاب السنة دى هيكون مختلف
وأحســــــــن كتيــــــــر
ومنتظرين الوعد يتحقق


اما موضوع التنسيق والفونت والكلام ده
اتعمله موضوع كامل فى قسم الدكتور عطا الله
على ماعتقد
والكلام كتيير
المهم الفعل

أفضل كلام سمعته عن تطوير الكتاب
هو كلام الدكتورة rose-pharm
بصراحة فكرة مبتكرة
وده دور من أدوار الأسر الطلابية المفقوة
هل من تطبيق

وشكرا ياعم محمد على الموضوع

السلام عليكم
كل سنه وانتم بخير ويارب تكون سنه سعيده عليكم كلكم وبالتوفيق والنجاح

بالنسبه لتوافر المذكرات بالفعل هى توفرت فى قسم التحليليه من بدرى الحمد لله وانا بتكلم عن قسم التحليليه لانى قسمى وممكن تكون وصلت بالفعل فى اقسام اخرى وان شاء الله الفرقه التانيه هتستلم مذكراتها من عندى الدور الخامس مبنى الكيمياء معل تحضير ك تحليلية وكذلك الفرقه الاولى ايضا اما الفرقه الاعداديه موجوده بالدور الرابع مبنى الكيمياء ايضا وبالتوفيق ان شاء الله .

ربنا يسهل ويكون اللى فى المحاضرة من الكتاب

عندك حق يا دكتور HULK فى كل كلمة بتقولها بصراحة

وخصوصا بالنسبة لكتاب الميكرو كان سئ جدا جدا جدا ويمكن اسوأ كتاب بصراحة جبته من الكلية سواء بالنسبة لكتيب العملى او النظرى

وبصراحة كان كتاب لا يعتمد عليه فى انى ارجع لمعلومة درستها واحب اتذكرها فيما بعد
على عكس مثلا كتاب زى الصيدلانيات الحمد لله الواحد لو حب يرجع لمعلومة عن اى جزء متعلق بالدراسة قبل كده بيلاقيها فى الكتاب بكل سهولة

وانا كلى امل ان ادارة الكلية تنظر لنا وتهتم بنا بخصوص موضوع الكتب ويكون فى شكل جيد للكتاب يليق بالصيدلى علميا مش مجرد شوية اشكال ورسومات ويليق بكليتنا

وادعو الله ان ماسآة كتاب الميكرو بتاعنا متتكررش تانى ولا نراها فى اى كتاب لاى قسم يأتى بعد ذلك باذن الله

انت كده بتمدحه لما تسميه كتيب

دا قصص ميكى الواحد بيستفيد منها علميا اكتر من الملزمة دى

مش مشكله ال 70 % دول .. اهم حاجه 30 % الباقيين طالما بيستفيدو

انته بتحلم يا حلمـى

ماناعارف

تقريبا انته كده كده هتظبط نفسك على الكورسات و ورق الكورسات

مش مجبر تشتريها ع فكره ..
دا انته ملزم بيها عشان مذكره العملى بس

وهيتحذف ليه بس
دا انته بصصد موضوع هادف
وشائـــكـ

...................

يا فندم .. دوك عطالله

أول من نادى بالموضوع ده من سنتين
لما كان ماسك CIQAP
بس مفيش حد اهتم من الطلبه الا القليل .

http://www.pharma-board.com/board/showthread.php?t=3497

كانت نفس الحكايه عندنا فى اعدادى برده السنه اللى فاتت
بقيت احس ان احنا فى ابتدائى و اعدادى بنشترى المذكرات بتاعة المدرس و نركن كتاب المدرسه على جنب
و على فكره يا جماعه فى اعدادى كان فى اخطاء فى المزكرات الرسميه نفسها
مثلا العضويه كانت فيهااخطاء و الدكتور عادل مسعود قالنا نصلحها فى المحاضره الفبل الاخيره
و كمان الجزء بتاع المورفولوجى كانتفيه اخطاء و دكتور سيد المهدى قالنا عليه ان فيه اخطاء
و نصحنا بالداتا شو بتاعته

طب كويسان الدكتور كان بيصلحلكوااخطائه

احنا عندنا الدكتور مكنش عارف يخرج معلومة من كتاب الميكرو عشان الخط الصغير مكنش شايف منه حاجة

That is wonderful and I
hope we will find the books detailed , useful and
clear enough to understand
.

....
I wish the book issue can be solved soon enough as all doctors tell us not to get these papers FROM UNTRUSTED sources and to rely on the official books so please give us the chance to do so


about the books:
I liked most of all the pharmaceutics book
I will wait till I see the micro book this year but I hope for the best
I WILL BE
WAITING

ابقى قوليلنا شكله عامل ازاى اول ماينزل

عشان نعرف اذا كان القسم نفذ كلامه ولا

السلام عليكم

موضوع مهم يادكتور بحييك عليه بصراحه والكلام اللي حضرتك قلته دا بالظبط كان في دفعتنا نفس الشكاوي من نفس الكتب كتاب الميكرو اللي ملوش دعوه من اساسه بالكورس واللي فعلا عاوز تلسكوب مش ميكروسكوب علشان يتقرا وكتاب التحليليه وكتاب العقاقير اللي مش متفهرس وتحس انك طول المحاضره في سباق بين الصفح وكلام الدكتور ومنتش عارف تلاقي حاجه من اللي بتتقال يعني واضح ان الوضع لم يختلف بتاتا عن سنتنا


ماهو هو دا اللى انا برضه متوقعه للسنة الجاية مفيش حاجة بتتغير خالص

مع ان العالم كله بيتغير

ولسه امبارح نازل تكذيب لنظرية دارون اللى كانوا بيدرسوها فى الاحياء فى الثانوى


من رايي احسن كتاب شفته في الجامعه كتاب الصيدلانيات بتاع دكتور حمدي عبد العليم الكتاب دا مش كان بس بيعلمك الكورس لا دا كان كمان متنظم بطريقه تساعدك انك تذاكر منه يعني الدكتور ربنا بجد يباركله كان مجمع الحاجات اللي مشتركه مع بعضها وكان بيعملنا تركات كدا تفتكر بيها شكل الجدول دا او تربط بيها عناصر الدرس كله مع بعضه بجد كان كتاب اكتر من رائع وفوق كل دا مكنش اجباري انك تشتريه كان الدكتور حمدي سايب نسخه منه مع السكرتاريه واللي حابب يصور الكتاب يصوره واللي مش حابب براحته دا بجد شهاده كان لازم الواحد يقولها

للاسف هو مدرسش لينا

اما عن كتبنا في سنه تالته فالكتب كويسه جدا وتقدر تعتمد عليها تماما في المذاكره يعني كتاب زي الفارما كان قمه بصراحه الكلام متفق مع اللي ع الداتا شو وافي حاجات نادره جدا اللي كنا بنضيفها كل ماعليك انك تدخل بجد تستمتع بالمحاضره

ربنا يخليكى اهو كده الواحد بدأ يطمن شوية
كتاب الطبيه كذلك وافي جدا ويعتمد عليه كتاب الاساي برضه كويس بس الكلام ممكن يكون مكلكع حبه اول السنه علشان الماده جديده بس مع الحضور هتبقى مفهومه باذن الله البيو الكتاب كويس بس مش هحكم عليه قوي لاني مكنتش برجعل ه كنت بحضر وبكتب المحاضره نصا من ورا الدكاتره علشان كدا مكنتش برجعله قوي
الفيتو كتبها جميله اما الصيدلانيات فمش عارفه بصراحه اقول ايه يعني هيا جزئين وجزء منهم مينزلوش كتاب اصلا والجزء التاني الكتاب موجود اه بس دكتور اسماعيل يعطيلك المحاضره كانها دردشه كدا وبالتالي مكنتش بفتح الكتاب كنت بسمع واللي ربنا يقدرني اكتبه يبقى خير وبركه مع ملاحظه ان دكتور اسماعيل بيقول المحاضره كلها بالانجلش وكنتنيووسلي (حلوة الكلمة دى)
واديني حذرت اهو بصوره عامه الكتب في تالته احسن بكتير جدا من السنين اللي فاتت ارجو اكون وفقت في توضيح الصوره
and ihope u enjoy the 3rd year

لا أنسى أبداااااا شكل كتاب الميكرو ,

مهما وصفنا , الجرايد منظمة أكتر منه ..

حرام توصفوه باى حاجة بتتقرأ دا مكنش حد بيعرف يجيب منه كلمة

و فعلا أنا أكسف ان حد يشوف مذكرة الميكرو و يعرف ان دة كتابنا في صيدلة ..

دا كل اغللى شافه قالى ان الدراسة عندهم اصعب من عندنا

بس لما فتحتهلهم وشافوه قعدوا يضحكوا

لكن في كتاب دكتور عطا الله alkaloids في سنة ثالثة ... كتاب رائع , تقرأ منه ولا تمل , تقرأ للثقافة كلام مفهوم و منطقي و شيق .. الواحد يقرأ منه ياخد فكرة و بعدها يذاكر و يحفظ ..

و في الآخر دكتور عطا الله ربنا يجريه عنا كل خير , جاب لنا الامتحان من الكتاب ..

كتاب الـ Biochemistry ترم أول و تاني في سنة ثالثة كمان .. أنا محتفظة بيه و مش هضيعه ان شاء الله .. كتاب رائع الواحد يقرأ منه زي الفل .. و الورق منقول منه أصلا ..


على فكرة من خطوات تحسين التعليم و تحسين مستوى الطلاب , الارتقاء بالكتب الدراسية ,

امتى هنمسك كتاب نقرأه ؟؟

و احنا كل اللي نعرفه نروح نجيب الورق اللي فيه تبييض المحاضرة ( ولا أستثني نفسي ) و نذاكره علشان نروح نجله في الامتحان ..



يا ريت الكتب تكون مفهومة و خطها كبير وواضح ( معظم الطلبة نظرها ضعيف من كتر القعاد قدان الكمبيوتر و التيليفزيون )

و الأهم ان الامتحان ييجي من وسط مادة الكتاب مع التفنن في طريقة الأسئلة لاختبار تفكير الطالب ..

مكملتش يعني
بصراحة انا كنت كاتب رد كبير عريض في الموضوع دةو مخبط جامد..بس ساعتها النت فصل ....احسن

كلامك الي في المشاركة الي فاتت صح وعجبني اوي يا دك هلك
مش لاقي كلام اقوله بعد كدة.....استمر استمر

معلش اصل ضهرى اليومين اللى فاتوا كان بيوجعنى اوى ومكنتش قادر اقعد ادام الكمبيوتر

بس الحمدلله

ومستنى ردك عاوز اشوفه ومتخفش هتلاقينى سايبك على طول وقت الخطر

بأما نة أنا عمري ماذاكرت من كتب الكلية ولولا انها بتنزل مع كتب العملي مكنتش جبتها من أساسه

لأن من وأنا ف اعدادي ظبطت نفسي على ورق الكورسات

وبالنسبة لتالتة الورق بجد جميل جدا وزي المحاضرات بالضبط ومفيش فرق بينه وبين الكتاب باستثناء ان فيه كتب بنتزل متأخر وعلى ماتتزل تكون انت خلاص مشيت بورق الكورسات

حلوة اوى سنة تالتة دى الناس كلها بتشكر فى الكتب والورق والدكاترة والكورسات

ربنا يعديها على خير

[@Noh]

[SIZE="5"]رأيك صحيح دكتور hulk بس بصراحة قسم الصيدلانيات مالى مركزه فى الكتب ماشاء الله كتبه حلوة ونصيحة لك سيب [/SIZE]كتاب الميكرو فى حاله أصل تلاقى عم فايق جاى ياخدك من قدام الجهاز.

[Dr/HULK]

طلب بس

ياريت حد من الفرقة التانية يقولنا رأيه فى كتاب الميكرو

انا سمعت انكم استلمتوه

لان الدكتور السنة اللى فات قال انه هيتحسن السنة دى

[M_S_SH]

طلب بس

ياريت حد من الفرقة التانية يقولنا رأيه فى كتاب الميكرو

انا سمعت انكم استلمتوه

لان الدكتور السنة اللى فات قال انه هيتحسن السنة دى

هوا بالمقارنة بالكلام الي انت بتقوله عن كتاب السنة الي فاتت ..يبقي هوا اتحسن كتير
كتاب النظري 152 صفحة و الكتابة والكلام واضح عادي يعني زي بقية الكتب ولسة مفيهوش فهرس ...وشكله حلو من برا.. بس من جوا ما اعرفش حلو ولا لا....اصلي ما بزكرش من كتب

[Dr/HULK]

هوا بالمقارنة بالكلام الي انت بتقوله عن كتاب السنة الي فاتت ..يبقي هوا اتحسن كتير
كتاب النظري 152 صفحة و الكتابة والكلام واضح عادي يعني زي بقية الكتب ولسة مفيهوش فهرس ...وشكله حلو من برا.. بس من جوا ما اعرفش حلو ولا لا....اصلي ما بزكرش من كتب

لأ انت مفهمتش قصدى

احسن الكتاب اللى بتكلم عنه هو كان بتاع التيرم التانى

لان اصلا كتاب التيرم الاول مكنش ممكن يتذاكر منه

فكنا متضايقين منه

فجالنا كتاب (ملزمة) التيرم التانى

او كراسة

بجد كانت حاجة كده اسطورية مش بتحصل فى كلية كل 100 كلية